عايش عذاب في عذاب

عايش عذاب في عذاب



الين الحين وأنا عايش عذاب في عذاب أحس كل شي في الدنيا صار يعذبني

البسمه والفرحه عندي مثل الأغراب حتى الحب مايبيني وصار يبعد عني



ماتت أحاسيسي وشعر راسي شاب وأنين صوتي انحرق و صار يحرقني

انطفت شموعي وجليد شوقي ذاب أذوب كل لحظه ومافي من يذوبني



عايش حياتي وأنا والعذاب أصحاب أسهر ليلي و ظلامه عايش في حظني

وهم في وهم وعذاب في عذاب ليه كذا الدنيا ماودها تجي وتسايرني



ليه أنا مالي غير الجرح والهم أحباب حتى الجرح تعب و مايقدر يتحملني

عايش حياتي وأنا و الجروح أنساب والجرح مالقى مكان عشان يجرحني



أنا كيف أصبر ومقفله كل الأبواب حتى الصبر مل مني وماقدر يصبرني

أسهر الليل و حتى القمر عنه غاب ليه حتى القمر ماوده يجي يونسني



الحظ ما يعرفني ولا أذكر انه صاب من يوم انولدت و الشقا يعرفني

الفرح يكرهني ولا أعرف الأسباب أبكي والدمعه تفرح يوم تتركني



الين الحين وأنا عايش عذاب في عذاب للأسف للحين مالقيت اللي يفهمني

الين الحين وأنا عايش عذاب في عذاب حتى كل شي في الدنيا صار يعذبني



كلمات الشاعر علي
:a: مغرم الرومانسية:a:
 
الشاعر علي .... ربي يخليك أن شاء الله ... وأكن لك الشكر ... على الأبيات المؤثرة .
وأهدي لك الأبيات التالية بقلمي !!!!

الشاعر الي ماله موقع من الأعراب ... الله يعينه على الكسرة وضمة وتنويني.
قصيدة مكتوبة على لون الأهداب.... لها نغمة حزينة وفي اللحن تتعبني.
أحاسيس مغنونة مثل حرب الأحزاب ...يصعب على القلب حملة كونة انساني .
أبدعت في شعرك وحققت الأعجاب... أسم على مسمى وشاعر عناني .



أوراق مبعثرة .
 
عودة
أعلى