123

نصائح للبنات

المرأة والسعادة في الحياة الاسرية للبنات فقط
  • ارسال إلى Twitter
  • ارسال إلى facebook
  • ارسال إلى google plus
    1. dangerous girl
      31-10-2007, 05:46 PM

      نصائح للبنات

      نصائح للبنات


      السلام عليكم ورحمه الله وبركاته


      في حمله قدمتها وحده من الاخوات من الإمارات جزاها الله ألف خير

      وكانت تسعى لنشرها ..

      فحبيت انشرها لكم عشان نحتسب الأجر من الله تعالى وعلشان تعم حملتها جميع
      المنتديات وتوصل للناس

      نقلت موضوعها مثل ماهو ولو تلاحظون ان اللهجه اماراتيه..ماقول الا الله
      يكتبه في ميزان أعمالها


      ======


      بسم الله الرحمن الرحيم

      والصلاة والسلام على سيد المرسلين
      سيدنا محمد وعلى اله وصحبه اجمعين


      اليوم بنبدأ حملة تنظيف المسن

      بالنسبة للبنات = انها تحذف إي ايميل ولد ما يقربلها


      ليش؟؟

      بتقول وحده : شنو تقول هاذي؟؟
      اهو بس حسبة اخوي هذا شي عادي..؟؟

      مينونه هالبنت؟؟

      انا مو صايعه ؟ ومب خايسه؟؟

      انا ما غلطت ولا سويت شي؟؟


      اختي


      الواحد ما يتريا انه يسوي شي غلط علشان يندم ويتغير..
      ليش ما نبدا احنا ونمنع الغلط
      انتي مو صايعه وانتي مو خايسه

      بس

      انتي

      غافلة

      وعلى

      نياتج

      قبل ما تحذفين أي ايميل ولد او شاب أو
      حتى بيقولج انا ريال

      تذكري..

      بدايتها تسلية وخاتمتها بكاء وحسرة


      اتسلى

      أقضي وقت فراغ بس

      وبعدين يا خواتي؟


      شنو النهاية؟



      أولا:

      اتق الله اتق الله..
      حافظي على شرفج وعفتج هذا راس مالج في الدنيا ،،مو كل من هب ودب يلعب فيج ..
      يقولج بس Msn لا اشوفج ولا اسمع صوتج عادي

      يا ما سمعنا قصص ويا ما قرينا

      احذري
      من
      أنه
      تصيرين
      قصة
      تنقال
      لناس
      في
      يوم
      من
      الايام
      والعياذ بالله



      ثانيا:

      احذري الشات .. وإياك والحديث مع الجنس الاخر .. بدايتها تسلية وخاتمتها بكاء
      وحسرة .... واعلمي أن الشاب النظيف لا يطرق الأبواب المشبوهة .. ولا يأتي من
      خلف الكواليس .. وإنما يزور في وضح النهار


      ثالثا:

      - انتبهي .. انتبهي .. لا يخدعنك الشيطان بما يقذفه في قلبك من حب لهذا الشاب
      أو غيره ... ووفري حبك لزوجك غدا ولأبنائك وبناتك وهم يلعبون حولك ويداعبونك
      ... أبناء حلال ... لا غير ذلك


      وإنني أتعجب من الفتيات المؤمنات الطيبات ... كيف تغتر بشاب وتسلمه قلبها ..
      وربما بعثت إليه صورة لها ... وهي لم تتعرف عليه إلا من خلف شاشات الحاسوب
      التي تجعل الحمار غزالا ... والذئب حملا وديعا
      والقصص والدموع والاهات والحسرات والندم ... والضياع بسبب النت تحذرهن ... فيا
      أخواتي المسلمات - والله - إنكن أعز علينا من الدنيا وما فيها ... انتبهن
      واحذرن وكفاكن غفلة
      .. كفاكن غفلة
      الحين


      ما بقول لج هاتي مخمة ولا تحسري ونظفي

      حركي عقلج..

      وفكري زين

      انتي ليش موجوده
      فهالدنيا
      ليش؟

      عبادة الله و الخوف منه

      صح

      اذكري الله صبح وليل
      في كل وقت


      قال الله تعالى:

      (( ومن أعرض عن ذكري فإن له معيشة ضنكا ونحشره
      يوم القيامة أعمى قال رب لم حشرتني أعمى وقد
      كنت بصيرا قال كذلك أتتك اياتنا فنسيتها وكذلك
      اليوم تنسى ))


      وبعد
      تكونين انسانه واعيه
      لا تدخلين الشات
      اثبتت الدراسات أن 90% من رواد الشات مرضى نفسين..
      العاقله ما تسوي جذي بعمرها
      وتدخل الشات
      سواء كان الشات العادي ولا الي ينحط في المنتديات



      انزين

      الحين حركي الماوس وبطلي اللسته

      وشوفي وين الايميل الي لازم تحذفينه

      حركي الماوس ...

      وعلى طول بلوك ودليت..


      لا تطرشين رساله وتقولين له ..انا بحذفك..وانا ابا اتوب وابا اترك هالشي

      لالالالالالالالا

      الشيطان شاطر


      والريال ما بيخليج..بيحاول وياج علشان تردين له ...لا تقولين احبه و احبهالحب
      ما ايي الا بالعشره

      الحين حذفتي....صح؟

      روحي سوي لج ايميل يديد..

      مهما كان ايميلج هذا مهم .
      .سوي لج ايميل يديد...ما بيخليج؟ بيطرش

      وبيقول الحلوة وينها؟؟قاطعه

      احاتيج

      وينج

      طمنيني ولا بموت

      ~ عاد لا تصدقين عمرج وتردينه ~

      الحين ...سوي ايميل
      يديد..

      بتكتشفين بعد كم من يوم انه هالشي الي بينج وبينه مب حب ولا اخوه..؟؟


      مجرد شي انتي مفتقدتنه

      حنان


      ما لقيتي حد يسمعج


      مشاكل في العايله


      المهم..
      بتكتشفين انه وهم ..؟؟

      سبحان الله بلقى بنت تقول انا غلطت وغلطت وغلطت كيف اتوب..؟؟

      حبيبتي

      قال الرسول - صلى الله عليه وسلم-:
      (( الندم توبة)) صحيح الجامع للألباني


      ندمتي استغفري ربج...وتوبي..


      الله غفور رحيم...وفي نفس الوقت شديد العقاب..

      يمكن لليوم محد كشفج شو كنتي تسوين

      ~ يمهل ولا يهمل ~

      الله بيسترج

      بس اخر شي..

      انتي بتفظحين عمرج

      استغفري الله

      وتوبي

      لو هالريال بينفعج
      جان ياج من الباب..


      يبي يتسلى خليه يتسلى ويا غيرج

      انتي عزيزة والاسلام رفع شانج
      مو لعبة متى مابغى خذج ومتى ما بغى رماج

      مهما يكون الغلط كبير وصغير..

      الله

      يشوفج

      انتي مو بروحج

      مو لانج حذفتي محادثه و محد كشفج بتكونين بخير..

      تذكري؟؟

      اخسر حبي وارضي ربي ام اعصى ربي واحافظ على حبي

      من الادوم والي بيتم على طول...رضى الله ..والله ما يتقارن بمخلوق
      جل جلاله

      موحب ووهم...او تسلية وخرابيط..

      تبين تعصمين عمرج من الفتن

      ذكري الله


      ...ولا تنسين اذكار الصباح والمساء..

      اتمنى اني اشوف توابع لهالحملة


      أسأل الله تعالى أن يطهر قلبك ويحفظك من كل سوء ومكروه ... وأن يرزقك علما
      نافعا وعملا صالحا ... وزوجا تقيا


      امين
      امين
      امين


      تعليقي



      لكل من قرأ هذه السطور أتمنى أن تقفوا مع أنفسكم وقفه حازمه ولاتجعلي الموضوع
      يمر مرور الكرام..والله لم أنقل هذا الموضوع لكم إلا من محبتي ولأني أتمنى لكم
      الخير في الدنيا والاخره
      250*300 Second
    2. rooora
      31-10-2007, 06:15 PM

      نصائح للبنات


      hiiiiiiiiiiiiiiiiii

      تسلمي يا قمر على هادا الموضوع الاكتر من روعه ...

      و من جد لازم الكل يسوي كده .

      الله يجزاكي خير انتي واللي بدت بدى الشي

      تحياتي
    3. رونـه
      04-11-2007, 04:50 AM

      نصائح للبنات


      تسلمي ع الموضوع الحلو

      الله يستر علينا
    4. dangerous girl
      04-11-2007, 05:47 PM

      نصائح للبنات


    5. ***دندونه HANAA***
      04-11-2007, 07:06 PM

      نصائح للبنات


      يسلمو اختي على الموضوع المهم

      اتمنى الكل يقرأه ويطبقه

      جزاك الله خير
    6. king star
      04-11-2007, 07:56 PM

      نصائح للبنات


      يسلمو يا احلى واروع واجمل قمر
    7. دانتيلا
      06-11-2007, 01:11 PM

      نصائح للبنات


      مشكورة اختى
    8. dangerous girl
      06-11-2007, 04:53 PM

      نصائح للبنات


      العفو والله يعطيكم العافييييييية
    9. (**حسااسه**)
      06-11-2007, 09:32 PM

      نصائح للبنات


      مشكور اختى
      على الفائده

      تقبلى مرورى
    10. dangerous girl
      07-11-2007, 04:34 PM

      نصائح للبنات


      العفو
    123