صغار علي الحزن يا قلبي

بوح الخواطر, مشاعر وخواطر من قلبي
  • ارسال إلى Twitter
  • ارسال إلى facebook
  • ارسال إلى google plus
    1. سجين التفكير
      31-10-2007, 06:28 AM

      صغار علي الحزن يا قلبي

      صغار علي الحزن يا قلبي


      تدري وش اللي يجرح القلب جرحين

      ويمد حبل الحزن فيك ويشده

      انك تناظر طفل من غير ابوين

      يمشي ودمعه سايل فوق خده

      منظر صعيب ويقسم القلب قسمين

      لا قام يمسح دمعة بكف يده

      يمش ولا يدري طريقه على وين

      لين التعب من كثر ما تاه هده

      اثقل حروف يشيلها فيه حرفين

      لا أب يدريبه ولا أم ترده

      في خطوته رحله ودمعه وسكين

      وحظ توسد بالمراسي مخده


      جيت اسأله بالله قلي ولد مين

      وبغى يجاوب وختنق صوت رده

      أنا يتيم وما لدربي عناوين

      وجزر الحزن فيني يساوي لمده

      وطعم الطفوله ما عرفته لها لحين

      وثوب السعاده صرت مانيب قده

      ابكي إلى من شفت غيري سعيدين

      لين البكا فيني يوصل لحده

      واقفي ورحت امسح دموعي من العين

      وعيني تناظر دمعته فوق خده

      وهذا اللي يجرح القلب جرحين

      ويمد حبل الحزن غصب ويشده


      http://www2.0zz0.com/2007/10/16/13/17161819.jpg
      250*300 Second
    2. النغم الحزين
      31-10-2007, 08:36 AM

      صغار علي الحزن يا قلبي


      يسعدني ان اسطر اعجابي بما كتبت يداك...

      ابيات في غايه الروعه...

      لاعدمناك..