1234

ديوان الشاعر شقران

ديوان قصائد الشاعر - ديوان قصائد الشاعره ارسال إلى Twitter ارسال إلى facebook
  1. *مزون شمر*
    30-10-2007, 03:11 AM

    ديوان الشاعر شقران



    ((عيوونك))



    شبحة عيونك زودت لجنون مجنونك
    ياحيلة الله كيف اقاوم سحرك وفنك

    عيني وقلبي يابديع الحسن يدعونك
    بشويش لحظك بالهوينا ودهم حنك

    جيتك رموش وحجر مع موت سكن نونك
    وصوبت مصيوب بالاول ماقوى شنك

    يابحرهم حطم مراكب فكر مرهونك
    وامسى غريق بالجنون ويرتجي منك

    دواه بغمزة نرجسى لون عيونك
    هد الضلوع اللي برجف الشوق نادنك

    وافرد لحجان تصور صدق مضمونك
    صفو ونقاوه يابعد خفرات جارنك

    واروي ظما قلب يموت فبالرق سنونك
    وفكي لثام لجل من بالود داعنك

    قلب وعيون و روح مسحورات بفنونك
    والله ولا باسماعهن اللي عدل دنك

    نجرك تزعم كل دن بكون مفتونك
    ومفتونك اللي لا ولا لحظه خذل ظنك

    ؛
    ؛
    ؛




    ((كل تعيد بشوف اللي هوى باله))


    كل تعيد بشوف اللي هوى باله
    وانا بلا عيد من فرقا هوى بالي

    ياحيلة الله وحالي حالته حاله
    وش لذة العيد دون الغالي الغالي

    مابي جديدي و راسي عاف لاعقاله
    والنوم عفته وحزني زاد غربالي

    متى حظوظ السعد تهديني اقباله
    وتعدل المايله وتبدل احوالي

    واسكن بدني السعادة وانهل زلاله
    واغني افرحي بصوت موالي

    هذي هي احلامي من حالته يرثى له
    يعيش جرح الاسى من قلة الوالي

    يالله طلبتك تعين الحال باحواله
    وتبد الوضع من ميلته لاعدالي

    وترد عقل لفكر زايد احلاله
    قام يتخبط ونسي اوله والتالي

    نسي اهله وناسه وعمان واخواله
    ماحد فباله سوى الساحر بالاقوالي

    اللي تنوف على العالم بمنزاله
    واللي ملك قلبي وقيده باغلالي
  2. *مزون شمر*
    30-10-2007, 10:14 PM

    ديوان الشاعر شقران


    ((صدوق الود))

    توه تنام العين والله توه
    والصدر كفت به نهاية خوفي
    والبال رايق و الحياة احلوه
    واهاتي انزاحت وهان كلوفي
    من يوم شعشع من في سمايا ضوه
    واسعد فؤداي ظامر السرجوفي
    جاني ضحوك بعد اه واوه
    حاكاني وقال احتويت ظرورفي
    قال الفرج بدل لعسره وسوه
    وادهورها ماتت بحلو ريوفي
    وانا انتشت بي فرحة واعلوه
    من جر مواله ودق عزوفي
    مابيننا عدا حدود الخوه
    واجتاح عادات وطاف عروفي
    مابيننا ود صدوق نوه
    فاق الخيال بمحتوى ووصوفي
    حب تفرعنا بعنف وقوه
    واستفحل وغيره جزاه حتوفي
  3. *مزون شمر*
    30-10-2007, 10:16 PM

    ديوان الشاعر شقران



    ((سحر ابتسامه))



    سحر ابتسامه راح عقلي فيها
    وش حيلتي معها فقدت شعوري
    ياحر في اوصف حالتي و احكيها
    من مايل غصوني لحد جذوري
    قلها بعد ماشاورت بيديها
    واهدتني العنوان والمستوري
    واللي رماني من لحظ عينيها
    صوب بي اللي خلف مشة زوري
    وهلالي من طبعه السفيها
    خلخلني و ضيعت للدستوري
    قمت اتخبط من لمحت شفيها
    جمر حمر واصبحت به مبهوري
    ضيعت كلي واعلن التنويها
    اني ل(..) خانع ماسوري
    واني بلاها عيشتي مابيها
    واني بها المجنون و المسحوري
    واني برب البيت ضعت بفيها
    يومه رمى في سحره المخبوري
    يالله طلبتك للدروب اطويها
    واوصله من قبل اتعدا طوري
    من قبل مافضح حالتي و ادعيها
    ياهوه انا لولاك يطفي نوري
    مدي يمينك لهفتي طفيها
    خلي ربيعك غالب لدهوري
    قولي تفضل من ظمك ارويها
    اشرب لذيذي و امتلك لنهوري
    واسألك قولي توهتك نفديها
    ارحب هلا نجبر بك المكسوري
  4. *مزون شمر*
    31-10-2007, 04:19 AM

    ديوان الشاعر شقران


    ((اصدق مشاعر))



    اظهري يالمشاعر و افضحي ماخفا
    دونيها لخلي يمكن انه يراه
    بيني مابقلبي من صدوق الوفا
    وارسميها بيوت تعجب اللي قراه
    قولي الحب الأعظم ياوليفي صفا
    لك وغيرك محال يجاوبه وان دعاه
    إيه ياول غرام شاعل مانطفا
    ثابت مايزلزله العذل والوشاه
    لو يقولون هراج الحسد والقفا
    انت الأوحد ولا مثلك يجارا غلاه
    وانت لذة حياتي والهنا والشفا
    وانت لزروع بوسط الخفايا غذاه
    صاحبي لاتظن بصاحبك يلهفا
    خلف غيرك ولا غيرك نزل في سماه
    انت بدره وشمسه ولضلوعه دفا
    وانت كحل لعيونه وانت مروي ظماه
    صاحبي صاحبي واسألك بي تنصفا
    تقبل اصدق مشاعر لك خفوقي حكاه
  5. *مزون شمر*
    01-11-2007, 11:36 PM

    ديوان الشاعر شقران


    ((سحرالعيون))



    سهم نجل صاب قلبي وانهذا حرف الجنون
    قمت اخبط يوم بث السحر من خدر و شفاه
    ساق لي لمحه خطيره قلت يالغالي تمون
    لك من ابهامي لراسي سو فيه ماتباه
    ويل قلبي ياجمال العين يالسحر الفتون
    وياهلالي تعلا جل من صور حلاه
    ارحميني بالحوظ ال(..) من سحر العيون
    صرت مرهون الرماح وقمت اسائل للنجاه
    ضعت كلي من رمتني واحترك بي السكون
    لك بعد منهو لحظني وامتلك قلبي غلاه
    ودي بقلبك وفكرك ودي اسكن فيك نون
    ودي تضمن بهدبك غالي ماحد سواه
    ودي وودي وودي لين لحظات المنون
    الغلا اللي حل قلبك دون ذاك ودون هاه
    اه من وضعي وربي بين منهم يعشقون
    اعتقد واجزم فلا مثلي لك اجزل في رجاه
    إنك تنول مرامي وإنك تطفي شجون
    وانك اتقول انت قلبي انزله واملك وطاه
  6. *مزون شمر*
    01-11-2007, 11:37 PM

    ديوان الشاعر شقران



    (( عتب ))



    إستدار الوقت فجأه والجماع اصبح شتات
    والمواصل مع عزيز وقفه هرج الصغير
    صادق المعنى تزهب وارحل لشوق المهاة
    خد معك هيل الشمالي وازرق العود المثير
    حب راسه لين يرضى واسأله سقه الفتات
    لايعادل ذي بديى خابره ذرب بصير
    خابره من له تشد جموع من خوف الفوات
    واعرف من طيب اصله مايعاتب للغرير
    هيه يامن شد قافي لاتبيشن بالشمات
    اعرف لقدرك تمكن بين معلوق وفطير
    ياولد من مد حايل ياولد سيد الصفات
    ليت رسل اللوم يمي مانصت يم الخفير
    ليت فضفضت لرفيقك بالامور الخافيات
    مانحرت فلان وفلان وبيحت السرير
    والله اني مانتظرته منك ترديد الشتاة
    ماهقيتك يالسنافي تظهر لتال الحفير!!
    لو رجعت لوش بلانا تدري حلوله غناة
    عن مكان مايحله راعي العقل الكبير
    ليتك اكرمت لجنابك مانتخيت القاصيات
    يوم فكيت اللثام وقمت بالملعب تزير
    يانديمي والله ان العلم من كل الرواة
    جاء بعد ماشقت ردكللتحايا من كدير
    الغريبه فيه سلم وفوق منه الواجبات
    وانت باسلوم القبايل يابعدي ذرب خبير
    من بدر لك بالسلام وساألك نبذ الجفاة
    ليه صديته ورداك بالعلابي تستدير!!
    ماهقيته ماهقيته منك يانابد خناة
    تهدي الورد سكاتك . سامحك رب قدير
  7. *مزون شمر*
    01-11-2007, 11:39 PM

    ديوان الشاعر شقران


    (( حالتي يرثا لها ))



    ياغرام سهيل طالت صدتك
    من ليال وحالتي يرثالها
    لعن ابوها من ظروف حدتك
    ابعدتك ولي هدت غربالها
    ليت مجنونك غرق في بدتك
    وارتوى من عزوتك وارجالها
    هام بك واحتاج غالي مدتك
    ياوليف فيك حل حبالها
    اقرب لقلب وقع بمودتك
    وارحم لروح بحاله حالها
    ميت شوق لغالي ردتك
    ماسواك اللي هواه ونالها
    وش ظروف ياغرامه لدتك؟
    عن فياض فيك يرقى فالها
    رد لعيون المهام بخدتك
    خله يبل الشفوف بخالها
    ذي أماني والأماني هدتك
    كل مايحرم لذيذ اوصالها
  8. *مزون شمر*
    01-11-2007, 11:41 PM

    ديوان الشاعر شقران


    (( جنون الحلم ))


    إرتقى جني خيالي لين عدا الجاذبيه
    وبمسارات النجوم امسى يداعبني خيالي

    قلت ياخر جنوني حيل ،لاتعطف عليه
    صور احلام المحال بكل قوة لاتبالي

    قل امانيك الغريبه دام مافيها قضيه
    عش وعش ارقى جنون الحلم ياجن ارتحالي

    خذ معك اطياف غالي وارسمه لوحه بهيه
    قل ملكة الكون كله والزعامه لي لحالي

    وجهه يمنه ويسره لاعبه صبح و عشيه
    سو فيه افضع فعايل كم تمناه الشمالي

    قلبه لين يتعذب واشعل بجوفه لظيه
    نوله قمة ضياع العقل واوصله المحالي

    ياخيالي لاترقق دامني طلت لهنيه
    المجره كل ابوها من اقاصيها حلالي

    ياخيالي صور وفضح ولا فيها خطيه
    دامني في جو سكر الحب دون مابدالي

    اكتب اني مت عشق مع اميرة يعربيه
    اسحرتني و فتنتني لين خاويت الهبالي

    صرت اجاوب للذيابه لاقنبت وقت عشويه
    وصرت اردد والحمايم للونين بعرض جالي

    ياجنوني ياسفاهي خذني للأرض الحويه
    دامني مجنون خل القيد مع رجلي موالي

    خلني لين السواد يصير في لون برديه
    بعدها كفن مهام مات من فرقاه غالي
  9. *مزون شمر*
    03-11-2007, 03:25 AM

    ديوان الشاعر شقران


    (( انت المرام ))



    انت المناخ لمن له اسنين ضايع
    وانت الروى للي ظميه عروقه

    وانت المرام لمن دهته اللوايع
    وانت الشفا للي يعاني حروقه

    وانت الهوى للي شرا مو بايع
    وانت لظلام الحال غالي شروقه

    وانت اللي لقربه اسوق الدرايع
    بس اسمعه وانظره واوصل عموقه

    وانت اللي اجتاح الاصل و الفرايع
    في كون من لجلك متعب طروقه

    وانت إنت من سويت لاجله فضايع
    لاجل اوصله و القلب ترتب فتوقه

    وانت الغرام اللي خيوله طلايع
    اللي حكم للقلب وشعل بروقه

    اشعل بروق الوجد في كون جايع
    للقرب منك يالزعيم بفروقه

    تعال ياعذب التبا و الطبايع
    تعال روحي لك وربي شفوقه

    تعال هاك جروح قلب وجايع
    دامك امير له وشقه وذوقه
  10. *مزون شمر*
    03-11-2007, 03:26 AM

    ديوان الشاعر شقران


    (( قسوة ظروفي ))


    عين مجنونك وروحه واغفري قسوة ظروفه
    دوننا حالت وباطلبك انبذي درب العتايب

    ريم ياروح الشمالي من مثل حبك نشوفه
    لاوربي مايعادل حكمه لقلبي عجايب

    عن جمع البيض عازف ايه مافيها حسوفه
    دامك بقلبي لزيه مانبي غيرك حبايب

    ريم ياريم ال( ) لك سطرت اعظم حلوفه
    اني اصدق من يحب ودون كل البيض تايب

    الغلا من قلب لاجلك و ان لفا غيرك نطوفه
    مانعايش غير حبك يابعد كل القرايب

    ايه احبك ريم قلبي له محال اظهر عيوفه
    حبك اروع حب اذوقه في شبابي و المشايب

    ياعيوني ياحياتي عنك مانبدي نكوفه
    لك نسير ولك نهوم ولك نمد ارفع طلايب

    اسالك واطلبك رحمه في خفوق به لهوفه
    لاتخليني فديتك كم له طلوب و نهايب

    ايه لكنه هواك ولا نظر غيك شفوفه
    ولو تنساني و تبعد جاك علم به غرايب

    جاك علم اني دفين القبر من ذبحة سيوفه
    والسيوف انك تصد ولاتسل ليه انت غايب
1234