1234

ديوان الشاعر شقران

ديوان قصائد الشاعر - ديوان قصائد الشاعره ارسال إلى Twitter ارسال إلى facebook
  1. *مزون شمر*
    29-10-2007, 09:46 PM

    ديوان الشاعر شقران


    (( مريم ))

    قلت اسطر ماقريته بالحروف الموجعات
    وبلسان البنت مريم ارسم الحال المثير
    كانها قالت تفضل هاك كل الباكيات
    إحكني من كنت طفله لين اخر مايصير
    إبتديت انخى لفكري وارمي عقال وعباة
    ولعيون الموقف اقلط علي اصبح له جدير
    واقتلب مريم ولا انظر للعقول الشامتات
    وابتدي لاجل المدامع يوم شفته بالنظير
    مريم البنت الجريحه من ظروف قاسيات
    مريم إهي اللي وحيده بين قاسين الضمير
    الثلاث إخوه سبايب مابحالي باينات
    الجروح ودمع عين وخاطر دايم كسير
    كان حلمي مثل كل البيض انول المغريات
    علم وابني للسعاده بيت واهنا بالصغير
    مير سجن اخوان مريم بالحديد اجهد فتاة
    لاتصال ولا تواصل والطويل اصبح قصير
    واكبر عضودي نواها قلت سلوى الروح جات
    إخت لي تمسح دموع وتجبر العود الحسير
    والخساره جات لبوه خيبت ظن المهاة
    من جهنم حقدها والسم من نابه يسير
    بعد ذا تاجي وذخري من حلت فيه السمات
    ملتجايا بعد ربي سيدي البدر المنير
    إزهقت روحه وبعده ماقوى جفني يبات
    كبرت احزاني وصار الحزن لي سجن وخفير
    وابتدا الخوف بجيوشه لين خلاني فتات
    طوق لقلبي وعاش القلب مقهور فطير
    بعدها من عضد اخر قلت يجمع بي شتات
    يمكن يبدل مع اهله مايشيب للغرير
    يمكن القى به أماني يمكن القى به ثبات
    يمكن ويمكن ولكن الصغير إخو الكبير
    واعظم الضربات خطبة شايب عقله فوات
    كبر ابوي وفي بلاد غير وافكاره تحير
    نيته يحرم لمريم وامها حلو امنيات
    مير واللي له صلاتي لاسكت اصوات تزير
    والحقيقه نلت شفي بعد كسر الغازيات
    الظروف القاسيات اللي جت ابليا نذير
    الظروف اللي معاها ماتت افراح الحياة
    في بقايا هيكل يرجي من الله القدير
    العوض عن مامضى لي من سنين ماضيات
    والعوض عن ماكتب لي في رضى الرب النصير
    نيتي ابقى بجنبه لو بها لوم وشمات
    وامسح اقدامه وابوسه في مسايا والهجير
    أمي أمي أمي أمي أمي اغلا الباقيات
    وياإلهي والرجى جنتك تبقى لي مصير
  2. *مزون شمر*
    29-10-2007, 09:48 PM

    ديوان الشاعر شقران


    ((قربت لك ولهان والله العظيم))
    ياريحة اهلي يادوى قلب سقيم
    ياروح شقران العنا يالملهمه
    قربت لك ولهان والله العظيم
    جيتك وشوقي والجنون متممه
    ريميتي مدخلك بالله الكريم
    حني عليا نار وجدي مشعمه
    سبحان من حطك مقيمه بالصميم
    لك امر نافد يالرفيعه باوسمه
    مطواع لك يامن لالامي حكيم
    وانتي لنزفي خير من يوقف دمه
    ريميتي شقران به جرح اليم
    ريميتي وادواه منك مكرمه
    تعالي بربك لهب شوقي ضريم
    تعالي وغيرك محال يفهمه
    اشتقت لك شوق السهال لطش ديم
    واشتقت شوق الطفل لام ترحمه
    واشتقت لك شوق بدمعات اليتيم
    لكفوف ام صاحها في مأتمه
    همسك هواي وضحكة الدر النظيم
    من مبسم سبحان ربي تممه
    شفه وشهد وعبق ورد مع نسيم
    نوده دوى كل الجروح المبهمه
    هذي اماني هايم بك مستديم
    شاريك رغم ان المحال ململمه
  3. *مزون شمر*
    29-10-2007, 09:54 PM

    ديوان الشاعر شقران


    ((لهفتين ))


    ارحبي ساعات تال الليل يامحلا لقاها
    ياهلا به لن فيها الشوق مثلي باشفقانه
    بانتلاقا لهفتين بالمواصل وش حلاها
    لهفة العاشق ولهفة من تفرعنه هيمانه
    نشتكي . نسمع بعضنا . نفضح احوال وغثاها
    ونتقاسم للدموع بجو تحكمه الميانه
    كل واحد مد كاشه قال عله مع دواها
    قام بامحاسب خفوقه ولنصيبه مع زمانه
    ياسويعات التلاقي عجلي باللي نباها
    قولي الاشواق بيا ضيعت عقل ورزانه
    نبهي منهو هويته لايوردني سفاها
    يقرب لمغليه ود وينسي الهم وهوانه
    ويادقايق مشتكايا سوقي اصناف الوجاها
    للجفول النادره بنت الحسب بنت التكانه
    وياثواني به تنخي قولي ان مغليك تاها
    من سهر طول الليالي يرتجي لذة جنانه
    صاحبي واحذر لروحي لاتخيب له رجاها
    صاحبي وكلتك الله بل ريقه من حنانه
    ذا خفوقي هاك قفله طف به حامي لظاها
    ماسواك اللي عطيته قلب يهدي لك عنانه
  4. *مزون شمر*
    30-10-2007, 02:57 AM

    ديوان الشاعر شقران


    ((ياقو قلبك كيف هذا جزايا ))

    مليت من دمح الزلل والخطايا
    والحمل ماعاده شديد وصابر
    ياقو قلبك كيف هذا جزايا
    تقطع مع المعلوق جذر ودابر
    هديت حيلي يوم سقت العطايا
    وخيبت ظني ياسليل الاكابر
    انهيتني واصبحت مالي سمايا
    خلاص عود العود ماهو بجابر
    عودي فتات وصار صلبي شظايا
    حسيبك الله بالقساوه مثابر
    كنت احسب انك وافي بالمزايا
    وكنت احسبك لين ولانته مكابر
    والظن بك عندي يفوق البرايا
    وظنيتك بطيبي تهز المنابر
    واثري ظنوني حيبتها النوايا
    من يوم بين لي كلام المحابر
    عرفت فحوى كل سر وخبايا
    يوم المعزه سقتها للمقابر
    هذي مشاعر من عديم الردايا
    خطه لظرف وانت الاعلم وخابر
    في وادي والوقت حزة مسايا
    خذها وللمضمون دور معابر
    (( ناخت عزوم الطيب ماتت سجايا
    والحاضر افناه القهر .. صار غابر ))
  5. *مزون شمر*
    30-10-2007, 02:59 AM

    ديوان الشاعر شقران


    ((اصدح فضايا خالي لك فل جنحانك))


    اصدح فضايا خالي لك فل جنحانك
    وانزل بقاعي قفر ماغيرك وطى فيها
    املك خيالي نور افكاري بضيانك
    اهات قلب بك تولع فيك اطفيها
    سبحان من هو ساق قلبي يمة اركانك
    والحمد لله ورد اشفوفي لغاليها
    بي لك عظيم الشوق ليت اتشوف ظميانك
    ليت العواطف منك تبري بي خوافيها
    روحي ترد بلفوتك ياروح شقرانك
    والنفس تسعد في حروفك يوم اراعيها
    لا لا تأخر لاتزيد احزان ولهانك
    لاغبت عني زادت اشواق نعانيها
    ياشين حظي كان قصر دون حيضانك
    اي والله انه خاسر اولها وتاليها
    انت الرجى ليتك تداوي قلب وجعانك
    وانت الامل لاجروح عاشق بك يداويها
    هذي حروف الود سطرته على شانك
    عطرتها باعظم غلا لك وانت راعيها
  6. *مزون شمر*
    30-10-2007, 03:01 AM

    ديوان الشاعر شقران


    ((الحذر نار الطنايا حارقه ))


    الحذر نار الطنايا حارقه
    لاتهوم لمترفاته يالاجير
    ويل من مس الغصون الوارقه
    دونها ضرب يشيب للصغير
    دونها غوش رماحه زارقه
    ومن دما العدوان يروون الشطير
    وفيهم علوم المراجل فارقه
    وان طنو هدو طويله والقصير
    وانت ( يالمعني ) نصتك الخارقه
    ضربة فوق العلابي له هدير
    من ولد عم العنود الفارقه
    بنت من علمه ندر ماله خشير
    تاجه العفه وشمسه شارقه
    شمريه مايشوبه ذم عير
    في بحور العز والله غارقه
    شيخة للبيض والرب القدير
    من تنحواها تجيه الطارقه
    من يمين اللي به الغيره تزير
    ضيغمي مايرد الدارقه
    بالمواجه لايذل ولا يحير
  7. *مزون شمر*
    30-10-2007, 03:03 AM

    ديوان الشاعر شقران


    ((ضيقه ورب البيت ضيقه ومرا ))




    ضيقه ورب البيت ضيقه ومرا
    بالقلب باتت والمرار بلساني
    على علوم جاتني ماتسرا
    هدت لحيلي واحرقت لي جناني
    مرحوم ياوقت على الحال مرا
    ياما بسعده ضمني واحتواني
    قضيت في كنفه قبل مايغرا
    اروع وقوت به رويت الحناني
    عشته مع السجات كر وفرا
    رويت به خلي وخلي رواني
    واليوم غرات الزمن لي تشرا
    واللي نزلته من زمان نفاني
    واحالي اللي كاسيه الف ضرا
    وياحظي اللي لادعيته عصاني
    عيفه حياة ماتجود وتبرا
    مالي بها دامه تريد امتحاني
    اخر سواياها لفتني تجرا
    لاسوأ خبر حطم حياة المعاني
  8. *مزون شمر*
    30-10-2007, 03:06 AM

    ديوان الشاعر شقران


    ((أهذي حروف الشعر من ضيقة الصدري))


    أهذي حروف الشعر من ضيقة الصدري
    ياسائلي لاتلمني حين مانثرها
    نزفي من اقصى الضمير بنايف القدري
    اللي بعيد علي امسك ظفايرها
    ياويلي ان كان هذا حظي وقدري
    عز الله اني بدنيا الحزن اعاصرها
    إي والله اني بلياه أنهل الكدري
    وكسوري ابدا تعدلها جبايرها
    هيهات هيهات يالمفرود يالندري
    لو ترحم الحال وتسكن عبايرها
    وتبل رق نشف وتوجه السدري
    اللي بتوهاته بدونك يداورها
    ياصاحبي ماسواك ومنزل القدري
    حل بخفوقي وروحي صار يجبرها
    تعيشك وترسمك في دنيته بدري
    وتقول ماغيرك السرمد ينورها
    تعال مغليك من دونك هذا مدري
    وش لون حاله بلاك ومن يعمرها؟
    واعلم ترى العالي بلياك للحدري
    واقرب وفي قربك الرفعه يسايرها
  9. *مزون شمر*
    30-10-2007, 03:07 AM

    ديوان الشاعر شقران


    ((رسول الشوق))



    يارسول الشوق عجل بالمسير
    نصو يمه لايمين ولا يسار
    بالعجل شد المطايالاتحير
    وانحره صعب علي الاقتدار
    قله ان الوضع لحوالي خطير
    واعظم الوجدان للمعلوق دار
    والوله في لب قلبي له هدير
    شد حرفي لك قبل فج النهار
    يازوين الروح يالسحر المثير
    ياعنود الريم ياسيد العفار
    يامير القلب ياصدق العشير
    يارجايا والامل واصدق مسار
    يادفى بردي يالظل بهجير
    وياجماع اللي شتاش وانشطار
    ويابروق الوسم ياعطو القدير
    ويادوى عل نهايته انتحار
    وياعدال الميل ياشوف النظير
    ويافزايع للعلا بعد انحدار
    وياحنان نوم لطفل غرير
    وياجباير عظم حطمه انكسار
    جيت لك عبر النسايم و العبير
    مع رسول من معاليقي مثار
    مع بيوت الشعر مع نزف الحضير
    قلب بليك نار وسط نار
    جيتك اسأل هل لودي بك نظير؟
    وهل تعاني مثلي لقو الحصار
    واسألك باللي إذا زاحف و طير
    عطني الناتج صحيح لاختيار
    قل هلا ولا مرامك مايصير
    وابشر بفارق صحاها و الغبار
  10. *مزون شمر*
    30-10-2007, 03:09 AM

    ديوان الشاعر شقران


    ((شاطره ريم))




    غني جيوش الفرح دقي لطاره
    واعزفي لحن السعد بالغالييني
    وياخفوقي فز واعلن للبشاره
    من بغيته جاك ووافرد الجبيني
    جاك من له في معاليقي اماره
    جاك من عندي ينوف العالميني
    جاك واجتاحك باسلوب و شطاره
    جاك من كبل بسحره لليديني
    ماسوه اللي لدنيايا عماره
    لعن ابو شيطانه وولا له وزيني
    ويل قلبي باللطافه و الجساره
    والرتابه و الحبابه يحتويني
    والغناجه و التودد و الاثاره
    والسحر منها عسى ربي يعيني
    جاتني ريمية يبهر عفاره
    واسعدت قلب معنا من سنيني
    نوختني في اساليب و عباره
    وابعدت في فتنها منهو يبيني
    ياسعادة قلبي و ياعز كاره
    يوم روح الروح مدت لليميني
1234