تميلح ولا يهزك ريح ....


التميلح وما ادراك ما التميلح !!!!


التملح لغويا ..

يقال تميلح الرجل أي تمايل وتحرك <<<< لاياشيخ!! باللاهي !! أنتل ذا مهب ادمي كمل كمل الله يعدي هالليله على خير بس


من منا لم يتميلح يوما ما ؟ هاة بالله عاد ياشباب الى متى طيب ؟ قل لي بربك أنت وياه وش إستفدت من تميلحك <<< يعنبو إبليسكم هالحين كيس الرز ماحطن طبلونة وشاطف وزير التجارة يماني بالدايري وجادعة على الكتف وأنتم الى الحين تميلحون !! عجبا أيوالله عجبا



سألت أحد كبار السن من ربعنا وقلت له ياخال أنتم بزمنكم كان عندكم تميلح زينا لاشفنا شئ زين من الجنس الاخر خقخقنا

عندة وتميلحنا إلتفت علي ويبدؤ على محيا خشتة إبتسامة صفراء وكأنة يقول لي انثبر اويلاه

وتنهد تنهيدتن طويله وقال شوف يابو الشباب <<<<< هنا الشايب عطى الميانة كوع خلفي سريع
<<<< أجل شوف يابو الشباب <<<<< متى المعرفة يابو

المهم إلتفت على وقال شف بابو الشباب حنا بزمنا ماكان عندنا تميلح زيكم هالحين !

<<< هنا أنا إندهشت ورديت بطفاقة كعادتي وقاطعتة وقلت ليش ماكان عندكم اوادم زينا !!!!

هنا ضحك الشايب شوي بس وقطمها عشان ماخذ علية وأفتحها بحري وقال لا .. كان عندنا اوادم وكان عندنا بنات زيون بعد بس ماكنا نتميلح .. هنا نقزت علية أنا مرتن أخرى بطفاقة العن من الطفاقة الاولى وقلت لة إية طيب ليش عاد ماتميلحون !!

قال ياوليدي <<<<< قلت قل يابوالشباب ياأخي ماكنا كويسيين قال تلايط ولا تقاطعني لا أشوتك واحد بوز راشدي يخليك تبنط بالفيصلية وترجع لي ثاني

<<<<< هنا أنا قمطت وبلعت العافية وقلت أنا اسف وبعدين لا تنفخ ياأخي <<< قلت له هالكلام وأنا بيني وبينة ثلاث مراكي <<< من خاف سلم

قال حنا ماكنا نتميلح مو عشان مانعرف نتميلح لا حنا ماكنا نتميلح لإن ماكان عندنا وقت نتميلح فية أساسا !! هنا إنقهرت أنا وقلت له وش دعوة مافية وقت !!

تبي تقنعني إن الزقرت حقينكم كل واحدن منهم بلشن بإيميله لاينسرق >>> هذا همه خخخخ

وإنهم أطقع مايشوفون البنات ولا يهمهم ضحك برضو شوي بس وقمطها وقال (...) <-- تشفير خخ

قلت أفا وش دعوة خربت الاخلاق !! منتب عاقل يالحكواتي <<< واضح من ردي إن الاعصاب إنفلتت وقلبت الحوار الى تلعين

هدأ الحوار وقال بإختصار ياإبني حنا كنا ميتين جوع وبلشين بحاجات أهم من التميلح حقك هذا !!!!

قلت والله إنك صادق فعلا الجوع كافر وماألومكم لو ماتميلحتو بزمانكم

قال الشايب هالحين الوقت تغير ياوليدي الحكومة جزاها الله الف خير حطت عند كل عاير وزاوية مطعم مثلوثة ومندي <<<< واضح إن هالشايب يسمع بميزانية الشعوب
<<<<< يحسب مطاعم المثلوثة قطة من الوزارات

المهم قلت له طيب ياشيخ متى بدأ التميلح يغزو شبابنا !!!

قال الشايب حكمة الى الحين تبنط بالمخيخ حقي وترجع تنبط وترجع

قال ياوليدي التميلح لا زمان ولا مكان له يطلع بكل مكان <<< حشى ذا مهب تميلح

وفعلا كلام هالشايب صحيح بس طبعا كمل كلامة وقال هو صحيح مالة زمان ومكان ويطلع بكل مكان بس الادمي ياوليدي مايتميلح إلا إذا شبع وفسق وملا بطنه راح عاد يدور له أحد يتميلح عندة

قلت لة

وشلون يعني أفهم من كلامك هالحين إن التميلح ماطلع إلا بعد ماجانا ماكدونالدز والفيصلية يعني يضربها وجبة ثمن يروح الفيصلية يتميلح قال لا ياوليدي مهب لازم عاد الفيصلية عندك سوق الراشد والله يافية حاجات تخليك تمشي مشية تسلب من التميلح <<<< إالتفت علية وقلت والله منتب سهل يالجعري الأجرب <<< واضح هنا إني كمخت الميانة بزمزيه شاهي

رد على الشايب وقال لا ياأخ العرب ليس بعد <<< واضح إنه شايف الزير سالم أكثر من مرة

قال ياوليدي ماودي أطول عليك السالفة بإختصار هي هالمعادلة البسيطة

شبعة +فسقة+وجة حسن +سوق واسع = تميلح لين تطرشياشيخ وهذي اللي ذكرتها لك بالمعادلة ماكانت متوفرة بزماننا فهمت ياكمخه

قلت والله إنك صادز

وتركت شايبنا ورحت

وأستنتجت من كلام قريبي الشايب هذا إن مستحيل أحد يتميلح عند شيون يعني بذمتكم عمركم شفتو أحد يتميلح قدام شينة أو جيكرة على ماقالو أخوانا بالكويت لا وألف لا

دايم التميلح يكون قدام المملوحين والحلوين لبى قلوبهم والله


أروح كتلة تميلح أنا عندهم أروح فدوه لدباديب سويداء مناخرهم أنا <<< معليش يمكن يخوني التعبير بس أكيد إن اللي أبقولة وصل


جبت بخاخ بويه وكتبت

نفر لحم مندي + شماغ البسام+كابرس صابونة +معسل تفاحتين = الوعد الفيصلية إنتميلح هناك

كتبتها لعيال حارتنا بأحد جدران الحاره ليس لشئ ولكن لتبقى هذه المعادله مرجعا للأجيال القادمة <<< مانبي بعدين كل واحد يبز برأيه لحاله




أول حاله تميلح في عصرنا الحديث


يذكر المؤرخون إن التميلح لم يكن موجدا حتى سنة 1977 للميلاد وسجلت أول حاله تميلح لشخص يدعى الاعمش وذلك في عصرية أحد الايام عندما زارهم عمهم اللي جاي من الديره وشاف بنت عمه عمشه


وتدهده الاعمش وجته النفاضة وراح وكد شعرة على جهة اليمين وقعد يمرمر مع السيب كل شوي
يذكر المؤرخون إن الاعمش متر أم السيب لين طلع الماء بالسيب من تحت الارض كل هذا عشان عمشه
تشوفه وهو وكدة هالشعر اللي كنه ديك مربصينة بودتسه

<<<<<<< يلعن أم التميلح اللي كذا <<<< المشكله مهب التمتير لين طلع الماء من الارض المشكله إن بنت عمة هذي عليها مناخر تقول مفرق عفيف ساجر يعنى شبهه ولاهيب زينة بس الاعمش عاد هذا مزاجة

<<<<<< والمثل يقول لولا إتفاق الاذواق لا أدودت السلع وخاست يعني والناس مذاهب والاعمش مذهبه شاطح



العرب في المركز الأول في التميلح بين دول العالم

في اخر إحصائية لإكثر دول العالم تميلحا طلع العرب في المركز الأول بكل جداره وإستحقاق
<<<<< لا جديد العرب دائما بهالامور خذ رجال


إليكم الإحصائية حقت التميلح حول العالم

المركز الأول العرب 85%

المركز الثاني أمريكا اللاتينة 6%

المركز الثالث جزر الكناري 5%



المركز الرابع الصين 3% <<< الغريبه الصين على كثر هالملايين اللي فيها ماعندهم إلا ثلاثة بس يتميلحون لا ويقولون بعد هالثلاثة يوم سوو لهم الحمض النووي طلعو من أصول عرقية عربية بالعربي الظاهر من محافظة الحريق

زاد أنا أقول خششهم مهب خشش صينيين وواضح إن الشطوب لاعبتن بظهورهم من الشمس وفية شئ يأكد كلامي وهو أثر كويات ( الكي ) برقابهم من الجدري الظاهر اللي شايل الجزيره العربيه يوما ما ومسط بهم أرضا وصارت جلود البشريه ذاك الوقت كنها بيتزا وسط من أثرها

الحمد لله على نعمه الامن والامان يارب والصحة والعافية اللهم أدمها نعمة


أقول لكم اللي جاب الطاري هالثلاثة اللي لقوهم بالصين يتميلحون بكل عاير

وإلا بالله عليكم الصين خرج تميلح يعنبو إبليسهم عيونهم صغار وبلشين بحاجات ثانيه وهي تصدير كل ماهو كديش الى اسواقنا والأخ ابو يماني مايدري منين هي هاجتن فية !!

المركز الخامس نيجيريا 1% <<< لاحظو واحد بس اللي لقوة يتميلح عندهم بس ومفروض مايلقون أحد أساسا
<<< ياناس أنا عندي إستعداد اروح عرعر هروله نفس واحد بس أعرف هالنيجيري اللي لقوة يتميلح منهي اللي لاعنتن ابو سلسفيل ذوقة ومخقخق معها لدرجة إنه يخربها ويتميلح قدامها

لإن زي ماقلت لكم بالأول مايجتمع تميلح ووجه ودر التميلح يبي وجه حسن

وهذا ماجعلني أستغرب



ملعب الملز وعناد البطولات


هالحين بس عرفت ليش حنا متأخرين كرويا وبطولاتنا بالكورة شوية وقليلة ولا تقارن بالدعم
والمنشاءت العملاقة

تدرون ليش اللاعب الاوربي يبدع وفنيات وبطولات زي الرز مهب عشان الاحتراف والشيشة والكبسة والنبيذ والكلام الفاضي هذا اللي للأسف سوقة إعلامنا لنا لين صدقنا إن السبب فعلا الاحتراف بإروبا منظم وحنا كديش !!! لا لا مهب هذا السبب قسما


وش دعوة اللاعب الاوربي عنده اربع رجلين وبكل رجل 7 أصابع اللاعب الاوربي مثلة مثل اللاعب العربي ويمكن اللاعب العربي أحسن فنيات بعد

السبب الحقيقي ياأخوان وتأخرنا كرويا هو المدرجات في الملاعب بالعربي الجماهير

ياأخوان وشلون تبون اللاعب يتميلح ويبدع والجمهور ثلاثة أرباعهم عاهات اللي فية ضربه مخلب مع الجبهة واللي معضوض بكتوفة وصايرن مكان العضة كنه منقع سيول بالعربي جمهورنا مايشجع اللاعب إنة يبدع ويتميلح ويطلع كل اللي عنده ثلاث أرباعهم جريات وشهبان وتماسيح تسد النفس

<<< أفتحو الدرجة الثانيه للجنس اللطيف عطو اللثمات فرصة وربي إن تلاقون خالد عزيز من كثر التميلح والركض تنتهي المباراه ويصفر الحكم وهو مازال يمتر الملعب

وربي تلاقون اللاعبين كلهم يبون يرمون أوت <<< تخيلو معي عاد أحد عشر لاعب كلهم على خط الاوت ووسط الملعب مافية إلا الحكم الله يغربلهم كل هذا تميلح هالحين


والله لو يفتحون الدرجة الثانية للجنس اللطيف يتفرجن إن غير سامي يبطل عن الاعتزال من باتسر ياشيخ

وتبي تجينا البطولات زي الرز ونبي نحشيهن حشى هالكؤؤس بقلابيات من كثرهن

والله إن تلقون بين كل كأس وكأس برعاية الشباب لثمة << يؤ أقصد كأس


طيب هالحين بقنعكم تذكرون هدف سعيد العويران الاسطوري بكأس العالم ضد بلجيكا

لاحظو خشه سعيد وين هي موجهة لباب بلجيكا وإلا للجمهور أنا شفت هاللقطة تسع مرات ولاحظت إن سعيد مفهي وماعنده نيه يجيب قول وبدأ يركض صوب الجمهور المقابل والكورة تطقطق بين رجلية بلشتن بهالعباد

أنا سمعت ناس يقولون اللي ساعد العويران يجيب القول هو إن ماجد سحب معة الدفاع البلجيكي وأنا هنا أقول ماحزرتو بنوب بنوب سعيد يبحلق بشيا ثاني

ويوم قرب للمرمى وصار أمام الامر الواقع فكر ذيك الساعة يجيب قول وشات وجت وإلا وش رأيكم يعني يوم وصل القول تبونة يناول حمزة عشان تنقلب الهجمة مصارحات من جد عاد



الزبده

أعطني أنثى أعطيك تميلحا


وأبداعا وكؤؤسا تجيب لي جمهور شبهات وتقول لي أبدع أقول لك تلايط وحتى كأس الخليج تخب عليك بعد



سؤال هل تتميلح الحيوانات ؟؟

الجواب بكل ثقة نعم الحيوانات تتميلح قدام بعض وسوف أضرب لكم مثال بسيط يومني رحت للهدا بالطائف لا حضت إن القرد لا تجمهرو السياح يبون يتفرجون علية تلقاة ماسك بيد موزة واليد الثانية قاعد يحذف السياح بحجارة <<< ترى القرد يومة يحذف مهب لعانة ولا زقاقة لا

هو يومة يحذف شبع وفسق وبدأ يتميلح <<< ولو رجعتو لاول الموضوع وقريتو محاورتي مع الشايب تبون تقتنعون إن معادلة الشايب صحيحة مية بالميه

والقرد هنا يومة يحذف يبي يتميلح قدام القردة يازعط إني أطقع ماأشوف البشرية


من اي الاصناف انت/ي ... !!


1) التميلح هو غريزة تنغز الادمي وتخلية يتبوخل لا شاف حاجات حلوة <<< مثل المطافيق
2) أنا أتميلح إذا أنا موجود <<< مثل ناس فاضيه مابلشو ا بعمارهم
3) التميلح مرض العصر ساعدونا للقضاء علية <<< مثل لديره كل أهلها شيؤؤن
4) معا للتميلح بإعتدال <<<مثل لناس ودهم يتملحون بس ماقدرو
5) تميلحا واحدا باليد خيرا من الف مصالتن فوق الشجره <<< مثل أفغاني
6)التميلح أنواع أحسنها لاضحك اللي قدامك وه بس <<< مثل شباب متقاطين على كودو





لي رجاء ياناس تكفون اللي يبي يرد على الموضوع ياليت يعلمنا من أي الاصناف الستة هو

حتى لو مارد على كامل الموضوع بس هاه بشرط يحط المثل اللي هو مقتنع فية بتوقيعة

عشان نعرف وشو هو من لحيه



كان معكم هتلر من امام بوابه الظهران مول

مع هتلر مش حتأتر تغمض عيوناتك

:cool: