اسمعي والكل منا له هواه وله ميوله

الشعر, قصيدة , شعراء, القصايد ارسال إلى Twitter ارسال إلى facebook
  1. فيصل ال سعود
    06-07-2005, 01:38 AM

    اسمعي والكل منا له هواه وله ميوله

    اسمعي والكل منا له هواه وله ميوله


    اسمعي والكل منا له هواه وله ميوله
    لاتمسين بكلامك شعرة بروس القرايب


    ان حكيتي ماوفيتي وان تحديتي عجوله
    تحسبين ان كل فعل تفعله يمناك صايب


    تحسبين انك خذيتي بالحشاء صولة وجوله
    تحسبين اني ذكرتك مع نسانيس الهبايب


    والله انك لو ذبحتي خافقي لالقاك حوله
    عاشقه تشقى بقلب من طريق العشق هايب


    كم رضيت اسكت عليك من القهر وانتي زعوله
    خايف اضحك واستفزك واهجرك واعيش ذايب


    ادعيت انك خجوله وادري ان منتي خجوله
    وادري انك تخجلين الشمس من فوق السحايب


    مايحببني بقلبك يالريم الا فضوله
    وماينسيني غرامك غير تكرار المصايب


    عاشقه جيتي ورحتي يالحبيبه يالعذوله
    مابنيتي لي طموح ولاتركتيها خرايب


    تستبيحين القلوب وتستحقين البطوله
    واستحق بعدك تايب واموت تايب


    ياكثر ماشال قلبي شيء اكبر من حموله
    واعفيتي عن غلاه ولابخلك بالوهايب


    كنه ارحم من همال المزن للزهر بذبوله
    وانتي اقسى من سموم القيض وكفوف اللهايب


    وانتي ادرى في غلاك بداخلي شاللي يزوله
    وادخلي دخله على الله واحفظي ذيك السبايب


    ماخبرت اللحظه اللي حللت قربك تحوله
    ولاهقيت اني بشدد للجفا قلب وركايب


    ماهقيت انك تحسبين الزلل وانتي جفوله
    وماهقيتك تكرهيني كثر حبك للطلايب


    كن قلبي في وصالك وابل لحظة نزوله
    وفي فراقك مثل دمعه تنحدر من عين شايب


    كنت ابي وقفه حبيبه تنهض القلب بخموله
    طافح بالعشق وانتي عايبه والحظ عايب


    كنت عصن كل كف غير كفك مايطوله
    كنت درب ودمعتين وقلب وجروح عطايب


    كنت ابيع العمر كله وارخصه عرضه وطوله
    للعيون اللي هدبها ثامن السبع العجايب


    بس ابرضيلك غرورك واكسر القلب بذهوله
    وقتها ماكنت افكر صايب او كنت خايب


    والرجل لو ماعلى بالشهامه والرجوله
    صدقيني صعب يقدر يملك قلوب الحبايب


    صدقيني مايوالف خافق البنت بسهوله
    بالهوى يابنت حواء غير طلاب النشايب


    والسهر والعشق الاول والهوى واللي ينوله
    شيء اقسى من همومك وألعنه حاظر وغايب


    والهموم اللي دعتني من بعد سن الطفوله
    كلها من تحت رأس العشق ملعون الصلايب
  2. عابر^سبيل
    06-07-2005, 02:13 AM

    اسمعي والكل منا له هواه وله ميوله


    كلها من تحت راس العشق ملعون الصلايب

    مشكور اخوي الامير فيصل والله يعطيك العافيه على الابيات الرائعه ....

    وننتظر جديدك يا صديقي العزيز

    مع تمنياتي لك بالتوفيق الدائم


    اخوك
    عاب سبيل ر
  3. عاشـــق الابـــداع
    06-07-2005, 05:17 AM

    اسمعي والكل منا له هواه وله ميوله



    اخي الغالي

    الامير فيصل

    صح لسانك

    كلمات دافئة هامسة شاعرة

    لديك أسلوب رائع للتعبير

    ودقة في أختيار المفردات

    أحييك

    مبدع ومتألق دوما



    تقبل مني كل الاحترام والتقدير

    اخوك/عاشق الابداع
  4. أريج
    06-07-2005, 08:01 AM

    اسمعي والكل منا له هواه وله ميوله


    كلمات اكثر من رائعه الله يعطيك الف عافيه وتسلم يمينك على القصيد الروعه والله لايحرمنا من ابداعك والله يوفقك

    تحياتي
    اروجه
  5. شوق عمان
    07-07-2005, 12:08 AM

    اسمعي والكل منا له هواه وله ميوله


    تسلم اخوي ابو ريم على الابيات الجميله التي لها معاني كثيره يعني شعر ريم وين عيل شعر شوق يالله ننتظر الجديد دائما منك


    تحياتي : شوووووووووووق( بنت عمان )
  6. فيصل ال سعود
    07-07-2005, 03:19 AM

    اسمعي والكل منا له هواه وله ميوله


    مشكورة اختى شوق عمان على مرورك الكريم ولا حرمنا عطائك
    ولا تخافي ما نى ناسى الوعد شوووق
    والله يقدرنى
  7. فيصل ال سعود
    07-07-2005, 03:22 AM

    اسمعي والكل منا له هواه وله ميوله


    مشكورين على مروركم