قصيدة على الله سم ياقاف الشرف - مطلق النومسي

ديوان الشاعر مطلق النومسي
  • ارسال إلى Twitter
  • ارسال إلى facebook
  • ارسال إلى google plus
    1. نواف النومسي
      16-10-2007, 12:30 PM

      قصيدة على الله سم ياقاف الشرف - مطلق النومسي

      قصيدة على الله سم ياقاف الشرف - مطلق النومسي


      القصيدة اللتي القاها في أمسيته بمنطقة نجران أمسية ملتقى التميز


      على الله سم ياقاف الشرف باسم الله الرحمن .
      وصلوا عالذي صلى عليه الرب سبحانه

      صلاة الله على محمد رسول الله فخر عدنان
      . عدد ماحام طير في سماه ورف جنحانه

      وأما بعد ياجمهور ياشعار ياميدان...
      ترى الشعر وحياته بين جمهوره وميدانه

      وانا مابين جمهوره وميدانه وحان الان .
      . يابن فتان موعد قدحة الشاعر وصوانه

      فاذا للشعر عين وله خدود وله خشم ولسان
      أنا عينه وخشمه لعنبوا خديه ولسانه

      وأنا عنيت لي ياأهل الجنوب من الكويت حصان
      .سلم راع الحصان ولاسلم لاسلم حصانه

      على الله يابياض الوجه وينك عند اهل نجران
      وأهل نجران بيض وجيه من يامه لهمدانه

      سلام الله على يام وسلام الله على همدان ..
      سلام الله سلام توقف الدنياء على شانه

      هنا يام العريضه منجم الابطال والشجعان ..
      هنا العز وهنا المجد وهنا التاريخ واعيانه

      هنا يوقف زمنا باحترام ويعلن الاذعان ..
      ليا مرته هيبة يام والا صيت صبيانه

      هل الحرب وهل السلم وجلا الظلم وعما العدوان
      هل الخيل وهل الهيل وهل المبخر وعيدانه

      حديهم لالفاله ضيف واحد يحسبه ضيفان ...
      ولاتلقى سوى جزل الذبايح وسط ديوانه

      ولاقال ارحبوا وأدخل يدينه داخل الاذان ..
      عرفت الصدق قبل يفك للضيفان بيبانه

      وهنا همدان بيت الامن والمعروف والعرفان..
      ذرى جنب الديار وعون عبدالله واخوانه

      سباع رجال مافيهم دني نفس وردي ايمان
      على موت الشرف يتسابق المشكل وبزرانه

      كرمهم مايشابه له ياكود الوابل الهتان ..
      . والا ياحي وبال المزون وحي هتانه

      وأنا شاعر وامثل في وقوفي لابة الويلان
      صناديد الرجال اللي بخمر الموت سكرانه

      فخر فينا الشمال من العراق اليا ورى لبنان
      الى ماحد نجد وماورى ضلعه وجيلانه

      يكفينا فخر انا بني عما لابن مرخان
      ملوك بلادنا وارض الحرم والدين واركانه

      وحنا شعب واحد ياعنزه يايام ياهمدان
      ولكن مايضر ان الرجل يفخر بجدانه

      حقيقه والحقيقه واضحه ماحولها بهتان
      وعسى الله يطمس اللي يطمس اهل الحق بهتانه

      اقوله يوم انا حليت ضيف بمنطقة نجران
      واهل نجران بيض وجيه من يامه لهمدانه
      250*300 Second
    2. أروى
      18-07-2009, 09:11 PM

      قصيدة على الله سم ياقاف الشرف - مطلق النومسي


      الله يعطيك الف عافيه
      على القصيده
      الروووعه
    3. النومسي العنزي
      10-09-2009, 04:24 AM

      قصيدة على الله سم ياقاف الشرف - مطلق النومسي


      الله يعطيك العافيه على هاذا القصيد
      الرائع والجميل تسلم يدك على هاذ
      اشكر ابن العم /مطلق النومسي العنزي
      واشكر ابن العم الثاني على هاذا نواف النومسي العنزي
      شايع النومسي العنزي

      no_)_of23
    4. AnKsaR
      15-02-2010, 10:40 AM

      قصيدة على الله سم ياقاف الشرف - مطلق النومسي


      صح ذوقك وصح لسان صاحبها

      تقبلي مروري
    5. طير القوافي
      25-08-2010, 12:45 AM

      رد: قصيدة على الله سم ياقاف الشرف - مطلق النومسي

      قصيدة على الله سم ياقاف الشرف - مطلق النومسي


      فخر فينا الشمال من العراق اليا ورى لبنان
      الى ماحد نجد وماورى ضلعه وجيلانه

      يكفينا فخر انا بني عما لابن مرخان
      ملوك بلادنا وارض الحرم والدين واركانه

      ونعم فيهم



      صح لسانه