12

في خاطري كلمة

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. فيصل ال سعود
      01-07-2005, 02:45 AM

      في خاطري كلمة

      في خاطري كلمة


      كثر ما عشت أنا الفرحه بقربك وأضحكتلي عين

      وكثر ما عشت متهني وكثر ما ابتسمت اشفاتي



      وكثر ما قلت أنا أحبك وكثر ما يجتمع قلبين
      ألاقي وقتي من دونك جمع همومي ومعاناتي


      غدا وقتي مثل ليل طويل مانتهى للحين
      سواده امتلى بصدري وسالت منه دمعاتي


      أنا من يوم ما غبتي وربي ما غفت لي عين
      طغى همي على عيوني ولعب في حسبتي وذاتي


      وأنا من غبتي عن عيني وتلعب بي هموم البين
      وتاهت خطوتي بعدك وتاهت بي مساراتي


      وأنا وشلون أصور ما مضى وياك في سطرين
      وست شهور يا قلبي تغني فيك أبياتي


      قضيت شهور يا روحي معاكي كنها يومين
      فداها سنين من عمري وفداها كل لحظاتي


      ألا يا حبي الطاهر ابيكي دائما تدرين
      بأن طاريك إذا مرني رفع لي معنوياتي


      حياتي يا بعد عمر القصيد وخاطر الغالين
      أنا لخاطر عيونك بس اضحي بكل رغباتي


      أضيع ليا طروا إسمك ولو جابوه غلطانين
      وأنا لا ضعت من حبك عساها دوم ضيعاتي


      وحبك من سكن قلبي أحسه في حياتي دين
      لأني بس من شوفك أحقق كل طموحاتي


      ترى من قبل لاشوفك لعبت بحسبة الباقين
      وترى محد درى بقلبي ولا يدري بغاياتي


      وترى ياما قضيت الحب ولا أدري طريقي وين
      وأشوف اللي تعلق بي يضيع بصمتي واسكاتي


      وجيتي اليوم يا ذوقي ورتبتي خفوقي زين
      وأنا من لمست كفوفك رسمت احلى بداياتي


      أحسك وردة الدنيا وكل ذولا البشر من طين
      وأخاف إني أعبر لك وتخذلني عباراتي




      وأنا

      في

      خاطري

      كلمة

      ترى

      باقولها

      وتكفي ن


      أبيكي تفهميها زين وأبي تصغين للأتي :


      حشا مهما كتبت من القصايد والشعر تبقين
      بأنك أحلى من كل القصايد يا بعد ذاتي




      وسلامتكم
      250*300 Second
    2. كادي
      01-07-2005, 03:27 AM

      في خاطري كلمة


      وأنا وشلون أصور ما مضى وياك في سطرين
      وست شهور يا قلبي تغني فيك أبياتي


      قضيت شهور يا روحي معاكي كنها يومين
      فداها سنين من عمري وفداها كل لحظاتي ...


      يسلموووو فيصل على اختيارك المميز وننتظر جديدك...
    3. عاشقة البنفسج
      01-07-2005, 04:55 PM

      في خاطري كلمة


      اثلجت قلب عاشقة في اختيار كلماتك

      المميزة ونثرها في شعرك الرائع

      يعطيك الف الف عافية
      ومشكوووووور على خطوط شعرك

      من عاشقة
    4. Qadsawiya
      01-07-2005, 07:10 PM

      في خاطري كلمة


      يسلموو خيو فيصل على هالشعر الجميل اتمنى الجديد :)
    5. ريتــــــــــــــــال
      01-07-2005, 10:18 PM

      في خاطري كلمة


      كلماتك غاية في العذوبة ....عذبة كالنهر...صداها يتردد في ارجاء القلوب...لتعيش سمفونية الحب وحدها...


      مشكووووور اخي الكريم الامير فيصل على ابداعاتك التي دائما تتحفنا بها...



      اختك \ ريتال
    6. الذاهب
      01-07-2005, 11:00 PM

      في خاطري كلمة


      شوف ماحب اجامل كثير الا غايه النص

      الابيات فيه شئ جميل مجاز وتعبير سلسل

      بعدها محاوله لتركيب سير القافيه لم ترق للمستوى الاول


      واخر بيت ماخوذ اعتقد من احد البيوت المشهوره

      عموما احسنت اذا كان نبض حسك للاخر

      به المستوى
    7. عابر^سبيل
      02-07-2005, 12:30 AM

      في خاطري كلمة


      تسلم يمين من كتبها وحتى لو كانت منقوله أو كانت من ابداعك المهم نعطر المنتدى بأشعار تليق بالمستوى المطلوب وتثلج صدورنا ...


      تقبل تحيات اخوك
      عابر سبيل
    8. جوهرة نجد
      02-07-2005, 06:38 AM

      في خاطري كلمة


      أخووي فيصل

      صح لسانك و لا هنت

      كلمات رائعة

      و احساس جميل

      اتمنى لك المزيد من الابداع

      تحياتي
    9. بحـــرالشـــوق
      02-07-2005, 05:24 PM

      في خاطري كلمة


      اخوي فيصل صح لسانك على هالقصيده الرائعه

      والله يوفقك
    10. شوق عمان
      02-07-2005, 11:44 PM

      في خاطري كلمة


      تسلم على الكلمات الجميله ننتظر دائما المزيد من القصايد الرائعه
    12