ياجمس - حمد الدليهي

الشعر, قصيدة , شعراء, القصايد ارسال إلى Twitter ارسال إلى facebook
  1. أمير الشوق
    25-09-2007, 10:36 PM

    ياجمس - حمد الدليهي

    ياجمس - حمد الدليهي


    الشاعر حمد ابن سعد الدليهي الخالدي احد الشعراء المعروفين في ساحة الشعر بالمنطقه الشرقيه ذواق للشعر وله فيه شعره معانيه الساميه التي تنبيء بشاعر له قيمته الشعريه ..

    هذه بعض ابيات من قصيده واصفا به الجمس حيث كان مولعا به الى درجة الجنوووون اتمنى ان تعجبكم ....

    هذه القصيده بعد ايام من بيعه لجمسه الاخير ويقصد على لسانه وعلى لسان الجمس

    الدليهي

    ماعاد لك ياجمس في خاطري كرت من يوم ساقوك الغشم والوراعين

    اناشهد اني منك عزلت دبرت ماعاد اطالع فيك ابطارف العين



    الجمس

    الله واكبر يالدليهي تكبرت خليتني شفقن بركب السيادين

    ماهو بحق اليوم عني تنكرت تلعبي الورعان وسط البلادين

    الدليهي

    جار الزمن ياجمس فيك وتعثرت ولانسيتك يوم جمع المحبين

    واليوم روح كنك اليوم ماصرت لاصار وقتك يجمع الزين والشين

    الجمس

    اذكر زمان فات كانك تذكرت حكمك علي حكم الرجال السلاطين

    اسرفت فيني يالدليهي واسرفت اسرفت بي سرف اليهود بفلسطينالدليهي

    فكرت في مافات ياجمس فكرت عديت نفسي من حساب الخبالين

    كم مرة ضيقت صدري وبنشرت والناس ماتاقف على الدرب ماشين

    الجمس

    كم مرة فيها زعلت وتكدرت وسريت بي فالليل والناس ممسين

    في مطلبك يالخالدي ماتعذرت رفيق صافي لك على العسر واللين

    الدليهي

    هيهات كم مره علينا تبعثرت وكم ورشة فيها مضالك اسبوعين

    هذي طبوعك كلها ماتغيرت غربلتني وذهبتني دين في دين

    الجمس

    يعني خلاص تقول يالخالدي برت يوم انزلوا بالمدن كل البداوين

    ياما وردت العد وامرار صدرت على الوعر تعشيق من ثالث اثنين
    وسط الغماره مع وليفك تخدرت وبدر الغريب يجاوب الصوت صوتين

    الدليهي

    يالعنبوك اسكت تراني تفجرت وكل العلوم الماضيه جبتها منين

    خلاص انا قررت شاريك قررت وكل السوالف خلها فيك بعدين

    بذبح بدل حلفي كرامه وكفرت والناس لوتزعل اناوانت راضين

    تمشي بي الدنيا وانا ماتطورت ابيع واشري جمس خلفه قزوزييي
  2. *مزون شمر*
    26-09-2007, 12:26 AM

    ياجمس - حمد الدليهي


    محاوره رائعه

    امير الشووق
    يسلموو على رووعة النقل
    وحسن الاختيار
    لاعدمناك
  3. صنديد
    26-09-2007, 12:35 AM

    ياجمس - حمد الدليهي


    كم مرة ضيقت صدري وبنشرت ****والناس ماتاقف على الدرب ماشين

    صح لسان الخالدي ولايهون الجمس

    وتسلم يمينك يامير على النقل الرائع

    وذكرتني رديه بين شاعر وفرسه وانشالله انزله عن قريب

    وتقبل تحياتي

    صنديد
  4. ][ ريوووف ][
    26-09-2007, 11:19 PM

    ياجمس - حمد الدليهي


    الله يعطيك العافيه

    على الكلمات الاكثر من رائعه

    تقبل مروري وتقديري

    :

    :

    :


    المميزه
  5. أمير الشوق
    28-09-2007, 01:07 PM

    ياجمس - حمد الدليهي


    مشكورين حبايبي على المرور