طيحة عزيز ولا وقوف إمتمايل

الشعر, قصيدة , شعراء, القصايد ارسال إلى Twitter ارسال إلى facebook
  1. عبير الشوق k s a
    21-09-2007, 01:09 AM

    طيحة عزيز ولا وقوف إمتمايل

    طيحة عزيز ولا وقوف إمتمايل


    هذي قصيده عجبتني وحبيت أنقلها لكم ..

    أتمنى تنال أعجاب الجميع ,,

    البارحه صبر وسفر بال وامال
    والحزن يرتع فالظلوع النحايل

    تغيب ماغاب لك فالقلب تمثال
    وتجي على طرق السهر والمثايل

    امسيتني واصبحت في دوحة البال
    واصبحتني وامسيت مانيب قايل!

    ياللي غرامك رحله أقصارها أطوال
    صارت وورتني نجوم القوايل

    رح والله ان القلب لو لاك مامال
    والحب يصنع فالقلوب الهوايل

    الله يسامح حبة الخال والشال
    والله يسامح بالبريد الرسايل

    ماقلتلك مالك عذر يوم تختال
    ولاقلت خصرك ذنبه انه تمايل

    ماكل شئ اتشوفه العين ينقال
    ولا كل برق ياعيوني يخايل

    يلعن غرام يطرح اعقال رجال
    ويلعن غرام يستبيح الاصايل

    والهرجه اللي لازم اليوم تنقال
    الوقت ذله والمصايب تهايل

    وانته يابو صدر وسيع ومدهال
    ريح معاذيرك ترى الشك زايل

    انت العرب يوم العرب حالهم حال
    وانا ضمير اليعربي والقبايل

    لاتعتذر ماجيت ابى منك معدال
    لو شلت مني منك مانيب شايل

    جيت اشربك والعيد بارد ودجال
    مهوب عيد المسلمين الاوايل

    تقرى تبارك في صلاتك والانفال
    واكثر صلواتك رياء وتحايل

    دمك مثل دم الاضاحي ليا سال
    مير القهر لاصار ماهوب سايل

    عاد انت تفهمها ترى فالك اعقال
    ماتقبل انصاف الحلول المسايل

    أن كان ماناقف مواقيف الابطال
    طيحة عزيز .! ولا وقوف إمتمايل.!

    دمتم بحب ،،
    عبير الشوق
  2. *مزون شمر*
    21-09-2007, 01:58 AM

    طيحة عزيز ولا وقوف إمتمايل


    صح السان شاعرها
    وتسلم يمين ناقلها
    قصيدة رائعه
    دمت بووود
  3. خالد التميمي
    21-09-2007, 05:34 AM

    طيحة عزيز ولا وقوف إمتمايل


    يسلموووووووووووووووووووووووووووووووووووو والله كلام جميل ,ابيات روووووعة,,
  4. رحاال
    21-09-2007, 10:41 PM

    طيحة عزيز ولا وقوف إمتمايل


    وتسلم يمين ناقلها
    قصيدة رائعه
  5. عبير الشوق k s a
    27-09-2007, 01:00 PM

    طيحة عزيز ولا وقوف إمتمايل


    الله يسلمكم جميعا ويسلمووو على المرور العطر
  6. أعلن غروري علانيه
    28-09-2007, 07:25 AM

    طيحة عزيز ولا وقوف إمتمايل


    يسلمووووووووووووووووووووو صراحه قصيده حيل حلوه
    وتقبلي مروري
  7. أمير الشوق
    28-09-2007, 01:42 PM

    طيحة عزيز ولا وقوف إمتمايل


    أن كان ماناقف مواقيف الابطال
    طيحة عزيز .! ولا وقوف إمتمايل.!



    يعطيك العافيه اختي عبير

    عالقصيده الاكثر من رائعه
  8. عبير الشوق k s a
    28-09-2007, 01:44 PM

    طيحة عزيز ولا وقوف إمتمايل


    يسلموووو على مروركم الاكثر من رائع