قصيده لبغداد العزيزه

بغداد
¤¤¤¤¤¤¤¤
بغداد كثر حزنچ كسر امالي
وخلهة بالكاع اوراق مطروحة
¤¤¤¤¤¤¤¤
دمعة عيونچ كامت تنزل عالكلب
بلهفة وحرارة الم تفتح جروحة
¤¤¤¤¤¤¤¤
وكامت تقسم الجروح بية نصين
نص لهاذة الكلب والثاني لروحة
¤¤¤¤¤¤¤¤
من يخفي الكلب حزنة والامة
تصرخ الروح بعالي الصوت وتبوحة
¤¤¤¤¤¤¤¤
چنتي انتي تهدين للزهرة عطرها
وعلى نسمة هواچ الصافي هي تفوحة
¤¤¤¤¤¤¤¤
هسة كام دولاب الزمن يعاكسچ
وكل باب بوجهچ يسدهة لو مفتوحة
¤¤¤¤¤¤¤¤
اتنكع هسة ثوبچ بدموع عينچ
انتي سِكَتي وحزنچ ثيابچ تنوحة
¤¤¤¤¤¤¤¤
ماي دجلة كد ما شبع دم
عذوبتة نساهة وانملى ملووحة
¤¤¤¤¤¤¤¤
ناسچ وطيورچ اتغربت يا بغداد
وين تلكة مثلچ مكان تروحة
¤¤¤¤¤¤¤¤
وانتي شعبچ ما سكت بالثمانين والتسعين لحظات
شنهو التغير بالعدو ما يكدر يلوحة
¤¤¤¤¤¤¤¤
چانت رايتة تعلى بكل المعارك
ليش اصبحت هسة رايتة مذبوحة
¤¤¤¤¤¤¤¤
حكامچ الانذال هم الي طيحوچ
عافوچ والتهوا بالبوك وصعدوا المرجوحة
¤¤¤¤¤¤¤¤
لا تبچين مو قصدي العتب وياچ
العتب ب الي نسة همومچ والتهة بروحة--------------------------------------
 
لله عليك يابنت ابلادي بنت الحضارات بنت الرافدين


جمال لايوصف في حروف مبدعه تلك هي منك يامبدع الحرف


تعزف على وتيرة الشجن الذي سكن قمة بغداد حبيبتي وجريحتي


فشكرا يامبدع ورائع المنتدى بريشتك واحاسيسك


تقبلي مني المرور
اميرالحب
 
عودة
أعلى