يوميات طالبه طفشانه من سكووووول

اجمل نكت مضحكة - اضحك على سوالف الشباب والبنات ارسال إلى Twitter ارسال إلى facebook
  1. عازفة الكيبورد
    05-09-2007, 04:16 AM

    يوميااااااااااااات طااااالبه طفشااااااانه من سكووووول

    يوميات طالبه طفشانه من سكووووول


    مرحبا


    للمدرسة ..كل يوم..نمشي..
    وحدة في باص...وثانية في تاكسي..
    زحمة من الصبح...كانها زفة..في عرسي!
    ألم في الراس..من الصبح..مثل الي في ضرسي!
    ولا شفت كشة بنية..حسبتها عبسي!
    شفت المعلمة : قالت لي يا فلانة درسي!
    طق الجرس..
    وجت المراقبة تفتر..
    كانها فارس متعنتر..
    قالت شال مخالف..
    قلنا بل..صرنا ..مجبوس محمر
    جوتي مخالف..لا..ما برجع الا خدي مسطر
    اظافر? طوال يا بنية قصيهم..
    رحنا ملح...لو زعتر؟
    وقعدت على ذاك الكرسي..
    دشت معلمة..قالت سلام..
    قلنا مرسي..!
    **
    حصة ورا حصة
    مثل الحلق في غصة..
    قالوا علوم..
    قلنا..ونغصة!
    قالت من ويش تتكون الذرة؟
    قلنا..!!
    ما ندري يا أبلة..
    كنا نايمين في هالدرس نصه!..
    تحمرت عيوناتها..وصار الدم في رصة
    رفعت صوتها...وقالت
    والله..لانقص كل وحدة منكم...من علاماتها..نصها..!
    **
    دشت معلمة الرياضيات..
    قالت: طلعوا اوراق يا بنات
    تبققت عيونا..وقلنا...ويش الخبر يا فتيات؟
    اختبار مفاجئ!!
    طلعنا اوراق..وصارت التفاتات
    شالت الاوراق بسرعة..
    وقعدت تشرح المعادلات..!
    يوم ثاني..قالت
    يا بنات انتوا غشاشات..
    وكسلانات..
    متى بتعتدلون يا معوجات؟
    تنطم كل وحدة منا..ولا كان شي فات!!
    **
    عربي..سميناه جمع تكسير..
    لانه كسر ظهور علاماتنا تكسير
    الفاعل ..ضل فوق قلوبنا مرير..!
    والمصدر...للحين البنات يسمونه ..هرير!
    كل وحدة تتمنى في حصة العربي سرير..
    تنام فيه..وتريح هالضمير!!
    ووشوشات البنات مثل الصراصير..
    **
    جت الفسحة وانهدينا بسرعة..
    نركض نركض عل وعسى نلحق على الفسحة
    نتزاحم في المقصف..كأن يوم القيامة!!أو الساعة!
    نضحك..نسولف..ولا نشبع..لو عطونا الدهر..وأرباعه!
    نحشي بطوننا..كأنا في مجاعة!!
    نفتر..ويا كثر الفرارة والصياعة!!
    رن الجرس.. وحزنت قلوبنا وخلصت المياعة..

    **
    جود مورننج جيرلز
    جود مورننج تيجر
    حصة الانجلينزي وما ادراك ما هي!!
    يبي ليك معجم عشان تفهم..ما تقوله..هي!
    نوت..ترا هذي أداة الناهية!
    تكمل الحصة..واحنا..في خبر كان..!!أو هي!؟
    **
    الاجتماعيات..!ندرس عن فرنسا ، ايطاليا، وامريكا..!
    مثل الاغاني لا دشت اذنك كانها مزيكا
    درسنا كلشي..إلا انتاركتيكا!
    امريكا..في كلشي تتدخل!
    وجيوشها في اوطاننا تتفلل
    وبريطانيا مسوية روحها البطل الي يتعلل!
    لا تنسون..رفيقتهم اسرائيل..تنام شوي..وشوية تتملل!!
    تاكل شهيد!لو اثنين!ما يهم!!كله في التاريخ تغلغل
    ندرس عن محمد علي!!
    هو في قبره....ينصلي.!
    واحنا من كثر الي سواه ننقلي!!
    والي كره التاريخ!!سموه جنقلي!
    **
    "حفظ السورة يا بنات"
    لا تغتابون المعلمات يا مغتابات..
    لا تنمون يا نمامات..
    لا تغشون يا غشاشات..
    لا تنامون في الحصص يا منخمدات!
    **
    "هدددددددددددددددددددددددددددددددددة"
    كل وحدة تطلع ضروسها من الضحكة..طول المدة!
    وتقول اه..هذي اللذة!
    رد يصفر الوج..لين نتذكر الهموم..
    يجون أكثر من ورق الي في حديقتنا..ورق المشموم
    **
    طلعنا بره المدرسة..
    تستغرب...!من كثر الأنام!
    سيارات أشكال والوان!
    وحدة حمرة..وحدة خضرة..وحدة مستنقع ألوان!
    الأغاني حده موصله اخر الفرقان!
    كشة كل واحد!كأنها عش عصفور، ذيب لو ثعبان!
    نظارة..وكشخة..!ورزة!!..وأفنان!!
    لكن تقص على من يالفرحان؟

    **

    البنات..مثل الدود تفتر..!!
    الشعر نصه طالع..والخد محمر!
    تصرخ على هذا..وتلعن ابو وج مقشر!
    تغمز رفيقتها...وتهمس محسر!
    تقول: يو..نسيت بالطوي..ما خليته معطر!
    ترا رفي?ي بيجي اليوم مغتر!
    جوفي الحبة الي طالعة لي..بيقول عن وجهي مشنتر!
    تستغرب من كثر الخلايق..!! من كثر البلاوي والعنتر!!
    تروح بسرعة..تشرد بالسيارة..تبي توصل للبيت!!أو للبر!
    تبي تفتك من هالمنظر!
    وش هالعفة!وش هالجمال!؟وش هالوج المنور؟!!!!!
    **
    الواجبات ترسة سلندر
    نحل واحد..يطلع لينا ألف..يمكن أكثر!
    تبانا نرسم..
    تبانا نكتب..
    تبانا نحفظ..
    يا ناس ترانا مثلكم!!بشر!
    تتكسر أيادينا ..لين كتبنا كلمة..أو سطر!
    **
    نكمل بسرعة..وعلى النت طايرين
    وللمسنجر فاتحين!
    وللسوالف دايما بارزين!
    تقول: كيف الحال؟
    قلنا: الحال زين!
    ونضل جذي لين نمسي
    وفي نهاية الوقت نتذكر
    يووو نسيت أطلع بحث للدين!!
    **
    ننام..وفي بالنا أحلام..وأوهام..
    وحدة تعد العرسان!
    وحدة تتذكر..!يا ربي صليت ركعة لو ركعتان؟


    استنى ردردكم ....................


    يوميات طالبه طفشانه من سكووووول
  2. مرجو100%جه
    05-09-2007, 04:46 AM

    يوميات طالبه طفشانه من سكووووول


    ههههههههههه حلووووووووووووه
    يا عازفة الكيبورد
    من جد كل الكلام صح
  3. عازفة الكيبورد
    06-09-2007, 08:47 PM

    يوميات طالبه طفشانه من سكووووول


    يوميات طالبه طفشانه من سكووووول
    يا مرجوووووووووجه
  4. فضحتني دمعة البارح
    06-09-2007, 09:15 PM

    يوميات طالبه طفشانه من سكووووول


    هههههههههههههههههههههههههههه


    يسلمووووووووووووووو
  5. سكر نباتي
    06-09-2007, 09:16 PM

    يوميات طالبه طفشانه من سكووووول


    who my god

    ذكرتيني بالسكوووووووووووول

    يوميات طالبه طفشانه من سكووووول

    على الموضووووووع
  6. حلاتي بشقاوتي
    05-06-2010, 03:40 PM

    يوميات طالبه طفشانه من سكووووول


    هه هه هه هه هه هه هه هه هه هه هه هه هه هه هه هه هه هه

    يسلمو