مصافحه اولى (عادة العربان)

الشعر, قصيدة , شعراء, القصايد ارسال إلى Twitter ارسال إلى facebook
  1. فيصل المريسي
    08-06-2005, 04:45 PM

    مصافحه اولى (عادة العربان)

    مصافحه اولى (عادة العربان)


    عادة العربان

    احبك ولو كانت مسارات الزمن ضدي=احبك قلتها ياهيه الا يلعن ابو النسيان

    احبك ايه انا قابل لعينك كل متحدي=احبك مثلما حب المفارق عودة الاوطان

    كثر مايعشق .عنادك.غرورك, لهفتي صدي=كثر ماصارت افكاري لصفحة دفترك عنوان

    وانا جيتك بأشواقي واحساسي على قدي=صحيح اني فقير الحظ ولاكن في النهايه انسان

    انا ماجيت اتباهي وعايش في حلم وردي=ولاجيتك بزيف الحلم وعندي خاتم سليمان

    انا مثلك بشر واعرف طباعي من زمن جدي=ولمن جيت لك عاشق اجيك بعادة العربان

    انا يابنت ماخونك ولا طبعي ولا ودي=اداعب لهفة انفاسك واكون لعالمك خوان

    انا كلي فدا قلبك وهاتي يدك بيدي=وخلي حبنا مركب وعشقي يصبح الربان

    مدام اني وسط قلبك وعايش بالحشى وحدي=ابيك تلملمي فيني بقايا لهفة الحرمان

    وابي روحك تدفيني وابي قلبك يظل عندي=ابي املك مفاتيحك واصير بداخلك سجان

    ابي قلبك وابي عشقك ولا غاب الوله عدي=ابي حبك خبر عاجل كأنه معركة الافغان

    من اول ماعرفت الكون وهم في وضع متردي=اجل وشلون لا عاشو سلاما في امان اخوان

    اخاف اصبح انا وانتي بقايا دمع في خدي=نسابق لهفة انفاس الخدود بلهفة العطشان

    لذلك جيت لك عاشق وابيك من الزعل هدي=وخفي ثورة اعصابك قبل لا ينفجر بركان

    عرفتي ليه انا جيتك وقابل كل متحدي=لانك ريحة ابلادي وريحى وردها الفتان

    لانك دفء اعصابي الامن هزني بردي=لا نك غير في قلبي .. وفي عيني وفي الوجدان

    ولني اعشق وجودك واموت فطلتك حدي=حرام الوقت يسرقنى وتتباعد كثير ازمان

    تعالي يابعد كل الطوايف وامسكي يدي=تعالي واعلني حبك كثر لينا تحب عدنان


    فيصل المريسي
  2. جوهرة نجد
    10-06-2005, 06:17 PM

    مصافحه اولى (عادة العربان)



    صح لسانك و لا هنت.

    اسمح لي ان اعبر عن اعجابي بقصيدتك

    فهي جميلة و رائعة بمعنى الكلمة

    كل احترامي و تقديري لك


    اتمنى ان تكرمنا بتواصلك الدائم معنا.

    تحياتي و تقديري..



    مصافحه اولى (عادة العربان)
  3. فيصل المريسي
    24-09-2005, 02:49 PM

    مصافحه اولى (عادة العربان)


    المشاركة الأصلية كتبت بواسطة نادر^الوجود
    صح لسانك اخوي فيصل والحمد لله على السلامه بعد الغيبات الطويله وانشالله نشوف مشاركاتك الجميله دائما


    صح قلبك والف الف الف شكر
  4. عابر^سبيل
    24-09-2005, 10:56 PM

    مصافحه اولى (عادة العربان)


    نتطلع لجديدك اخوي الغالي والحقيقه المشاركه جدا جدا رائعه ..

    ودمت في صحه وعافيه ...