باركوووولي اول موضوع

اجمل نكت مضحكة - اضحك على سوالف الشباب والبنات ارسال إلى Twitter ارسال إلى facebook
  1. Stop ana Top
    29-08-2007, 06:16 AM

    باركوووولي اول موضوع

    باركوووولي اول موضوع


    اول شي هاذا اول موضوع لي اتمنى ينال اعجابكم
    (( رز هندي & عسكريم أبو فيل ))


    بسم الله الرحمن الرحيم

    0
    0
    0


    المكان : في مكان ما



    الزمان : في زمان ما

    المناسبه : لا داعي للمناسبات !! فالعنوان واضح من كتابه


    تحديدا ً يوم دخل الشهر السابع وانا في بطن أمي !! كل الشهور اللي راحت وانا

    متحمل .. انام على جريش .. واقوم على عسكريم منجا .. واحيانا ً مطازيز ,,

    وللأمانة ( نادرا ً ) كراث !!!


    اه مأساة .. ولكن :



    من يوم دخل الشهر السابع .. وانا النظام متغير علي !!! الله يهديها امي ..



    ماغير تاكل رز هندي !! قسم بالله احترررقت ما غير اصايح في


    بطنها يوم تأزززم الوضع مره .. دقيت على خويي في بطن امه ..



    هلا .. هاه ؟؟ بشر وش تاكل امك ؟؟



    قال : لا ابشرررك الأوضاع مايحتاج .. انواع التبولة .. والعصيرات ..:a3:



    قلت .. ياخي ياحظظظظك !!! تبادل اسبوع بس !!



    قال : ليه ؟؟ وش الوضع عندك !!؟



    قلت .. خلها على ربك ياشيخ .. والله ماغير ارافس .. انواع الحرارة .. احس


    اني ابحترق ياشيخ :a4:


    ومرت الأيام .. وانا ماغير ادعي بتالي الليل : اللهم اغثنا .. اللهم اغثنا



    وانا ادعي .. كني سمعت امي تقول لأخوي الكبير ,, رح جب ماك سبايسي اه


    ياويل قلبك يابو صلوووح




    بصراحه بيني وبينكم .. شهر سبعه كان أصعب وأقسى شهر عشته في حياتي:a4: يعني اقدر اسميه " شهر الجفاف " حررر ورطوبة .. وعطشششش .. وقلّ
    نوم ..!!! :a4:



    يوم دخل شهر ثمانية .. بدت تخف الحراره .. وتزول الحرائق !! ويرحل

    العطش .. ويندثر الجفاف << مقدررر يابو صلوح !! اللي يبي مدرس لغة

    عربية , يدق على ايميلي



    المهم شهر ثمانية .. ماش النفسيه كانت مش ولابد !!! مزززكم وحالتي


    صعععبه ..!! والانفلونزا لعبت فيني لعب !!



    بس الحمد لله الدختور معطيني اجازة مرضيه .. يعني اغيب على كيفي !!! ولا


    اصلي بالمسجد .. مريض .. عندي عذررر



    بس مع هذا وذاك .. امي ماسكة معها غلططط !!! ماغير تاكل عسكريم ..


    المشكله العسكريم اللي تاكله بارد << لاياشيخ



    عاد ليت العسكريم ,, باسكن !!! كان زييين !!! ما تاكل امي الا عسكريم ابو


    فيل !!! هذاك اللي ب نص ّ !!



    وانا مزززكم .. ماغير اناشق .. وكل مايدخل العسكريم عندي , اسكررر خشمي


    بيدي .. كني أبطب في مسبح


    وادق على واحد من الشباب في جيزان ,, قلت هاه بشر ؟؟ كيف الأجواء عندك ؟


    قال ... لا ابشرك الحمد لله ,, العظمى خمسن واربعون , والصغرى ثلاثا عشرا !!:a4:


    قلت زييين ماشاء الله .. اسمع الله لا يهينك ,,, انا هالشهر مشتهي بيض وميرندا


    حار اذا جاك ,, تكفى ارسلي وسائط



    مرت الأيام .. ودخل الشهر التاسع واقترررب الفرج .. وارسلت لأمي

    مسج , كان مفاده , ما يلي :


    أميمتي الغاليه :



    هذا اخر شهر !! الله يرحم والديك .. ودي احس اني انسان .. ابي اكل بعيدا ً

    عن الحرائق .. وبعيدا ً عن المثلجات !! يعني حاولي تجربين لو لمجرد التجربه ..

    تبولة .. حمص .. كبة .. بطيخ .. جربي ولن تندمي !!




    أمي : هل تلبين رغبتي ؟؟



    المخلص :

    صلوووحكا



    يوم كتبت المسج ,, وضغطت على " ارسال " طلع لي : تأكد من خدمات الشبكة:a6:


    دريت ان الجوال مفصول


    وجاني مسج : (( عزيزي العميل .. والله لو تناقز مناقززز .. ما فتحنا جوالك )):a22:




    باءت محاولاتي بالفشل !!! وجلست انتظر .. وانتظر .. وانتظر .. لين ملّ

    الإنتظار << امممممش .. ببطن امه ورومنسي



    والحمد لله .. واطلع للدنيا .. وانا عطشان .. ويحطوني في غرفة الحضانه !!

    يوووه انواع المبزرة !!!!!


    وكلهم يصايحون .. !!! قسم بالله انواع


    الإزعاج .. والضجيج !!!



    وجنبي بالحضانة.. فلبينيه .. ياهي مززعجه .. واناظرها كذا بطرف عين !!!



    ياكوافيرة المستقبل .. الحين وش بك ازعجتينا ؟؟؟ اوووص نبي ننام شووي



    ناظرتني كذا .. وهي مفهيه ؟؟ قالت الحين انت وراه ما تصيح ؟؟؟



    قلت الحمد لله والشكر !! وش يصيحني !!! والله لو النصرر مهزوم ..




    عاد قعدت انادي الممرضه .. قلت لها جيبي لي كاس موية الله يرحم والديك ..!!

    قسم بالله ماعاد اقدر اتنفس .. من ذا الرز الهندي


    واسمعي .. اهم شي المويه يصير فيها ثلج !! والله لا يهينك ... ابي الثلج بارد



    المهم شربت وريحت .. كان ودي اخذ لي غفوه !!! بس اعوذ بالله ماخلوني في

    حالي ..


    نصيحه : لا أحد يصير حلو !!!!!!



    والله من واقع تجربه ..!! صدقوني .. ما خلوني في حالي .. كل شوي زايرني

    واحد .. وخذ يا حبحبه .. !! ملييييييت !!


    بس خلاص ... هذا درس !! وأخذت العبره منه !!!


    المره الجاية .. اذا جيت انولد .. أبدخل بودي ماستر :a4: عشان أقدر ادافع

    عن نفسي



    مرت الأيام .. وكنت رايح ذاك اليوم لعرعر ويوم ركبت النقل

    الجماعي ..


    كان جنبي واحد ساكت طول الطريق ,,, وفجأه سألني :

    عفوا ً اخوي ,, انت قد انولدت ؟؟؟

    قلت .. ايه ,, ليه ؟؟

    قال .. حلووو .. لأني ابنولد تقريبا ً عقب 7 شهور ,, وابيك تقولي وش اسوي .. وش اخذ معي ,, قبل لا أتوهق !!

    قلت .. اهم شي ,, سدد جوالك !!! بكره تبلش !!! تبي مويه والا شي ... وترسل ولا تقدر ..

    ينقزون بوجهك ذولاك .. عزيزي وعزيزي:a4: :a4: :a4:

    قال طيب .. اوصف لي الأجواء والمكان والوضع تكفى !!!!


    قلت :

    المكان : في مكان ما

    الزمان : في زمان ما

    المناسبه : لا داعي للمناسبات !! فالعنوان واضح من كتابه






    أجمل تحية أخوكم

    سلمان
  2. احلى بنووته
    29-08-2007, 07:03 AM

    باركوووولي اول موضوع


    ههههههههههههههههههههههههه

    مررررررررررره روعه يسلموووووووووووووو

    تحياتي,,احلى بنووته
  3. غرام المغرومة
    29-08-2007, 07:10 AM

    باركوووولي اول موضوع


    ههههههههههههههههه

    يسلمو على الموضوع الرائع
  4. روح الورد
    29-08-2007, 07:48 AM

    باركوووولي اول موضوع


    هههههههههههههههههههههههههههههههههههههه

    رووووعه بصراحه عجبني مانا ما و زمانا ما لوووووووووول

    يسلموووووو ع الموضوع
  5. تفكير قطة
    01-06-2010, 12:44 AM

    باركوووولي اول موضوع


    يسلمو
  6. بنت الاجواد
    01-06-2010, 12:47 AM

    باركوووولي اول موضوع


    هههههههههههههه ننتضر جديدك