انتي ... انتي ..

خالد

Member
ليست بحاجة الى مقدمة .. فقط اقرأوها هكذا .. وستعذرونني !!





المسا كحل الشوارع .. والشواطي مخملية

والهدوء يلف هالليلة مثل سور صغير



والمكان اللي جمع ذاك (البدر) مع بدر زيّه

أغرب امن الحلم ..لا احلى .. لا احلى كثير



والشمع بين المرايا يشتعل ويموت ضيه

يلهم احساس التناقض:غامض وحلو ومثير



والسهر حبر السوالف واخر السهرة هدية

(قلبي) ومكتوب باخر صفحته (عاشق أسير)



واحلى ما في الليلة انتي ..بس مو هذي القضية ..

القضية وش علامي كلما شفتك اطير ؟!!!



وش علام لساني الناطق حروف الابجدية

ما توافقه الحروف الا على النزر اليسير !!!




جيت ابحكي ..

ضعت مدري ..!!!

غصب عني ..!!!!

مب يديه !!!!!!!



ما دريت الا الكلام بداخلي يرجع زفير !!!




منهو اللي ضيّع الفكرة وجاب الفكرة فيّه ؟!

منهو اللي غير حروفي وجات حروف غير؟!



انتي انتي يا غرامي !! قصتك ما هي شوية

انتي لي سر وعشاني ضم سرك ألف بير !!



انتي اسطورة ربابين البحر .. والنوخذية

بنت شهبندر من التجار أو بنت الامير



انتي اللولو على خد الصدف في قاع ميّه

جابه الغواص من رحلة سفر متعب عسير



وانتي الضفة على الوادي بها الاعشاب حية

وانتي النورس على شطي ولا ودي يطير



انتي قيثارة غرام الشادي بحب البنية

انتي حب الطفل لاصوات البلابل والصفير



ياللي من بعد السنين المجدبة جيتي عليه

لين لامستي اليباس بداخلي واصبح غدير



انتي (أغرب) من عرف قلبي و(أغمض) ادميه !!

وانتي (اوضح) من سنا الضحكة بوجه مستدير



واحلى ما في الليلة انتي بس مو هذي القضية

القضية وش علامي صرت لا شفتك اطير !




تحياتي

خالد
:51[1]:
 
عودة
أعلى