1234567

ديوان الشاعر سعد بن جزاء الميموني - شاعر الحزن

ديوان قصائد الشاعر - ديوان قصائد الشاعره ارسال إلى Twitter ارسال إلى facebook
  1. *مزون شمر*
    10-02-2010, 03:14 PM

    ديوان الشاعر سعد بن جزاء الميموني - شاعر الحزن


    (*( أدور عقالي وهو فوق راسي )*)



    ياصاحبي ياللي على روحي تمون
    ياأعز خلاني ياأعز ناسي
    إن كنت ماتدري عن الحال وشلونك
    وشلي حصل في غيبتك من قاسي
    خليتني بين البشر تقل مجنون
    أدور عقالي وهو فوق راسي
    تايه ولحد جاء يمد لي عون
    ميت ظما والموت مكسور كاسي
    أنا بدونك مظلمن فيني الكون
    وكل الديار صارت بعيني يباسي
    ماهمني عن حبي الناس يدرون
    بوضح النقاء أمشي وممشاي راسي
    ياللي ملكت القلب بالهون بالهون
    لاتصير علي ياخلي اليوم قاسي
    أعزف على جرحي علشانك لحون
    أبيك تذكرني إذا كنت ناسي
    جيتك تعون وصرت يازين فرعون
    قتلت فيني كل حلم وحماسي
    ماأبيك تستغرب إذا جوك يعزون
    ماأرضى أعيش بذل ومطير ساسي
    وأموت ولادمعي تهله العيون
    الموت أهون من شماتات خاسي
    صحيح أحبك وأعشقك وأحلم تكون
    في دنيتي شي مهم وأساسي
    بس الكرامه لا وربي ولاتهون
    ومن مسها اطى عليه بمداسي
    ويكفيني مخليني بلا عقل مجنون
    أدور عقالي وهو فوق راسي
  2. *مزون شمر*
    10-02-2010, 03:14 PM

    ديوان الشاعر سعد بن جزاء الميموني - شاعر الحزن


    (*( تكفى ياموت زرني )*)


    خلي هجرني لاتكفى ياموت زرني
    وإن ماقدرت دلني مكانك وأنا أجيك
    مابي حياتي دام خلي هجرني
    مابي حياتي دامه يقول مابيك
    يدري بظلم الناس يدري وظلمني
    وأكد كلام اللي يقولون ناسيك
    لكن قبل لاتأخذ الروح مني
    بسأل حبيبي كم سؤال وأخاويك
    وشلون قلبك ياحبيبي تركني
    وتدري بخفوقي كم له سنين هاويك
    وماتدري بعادك وصدك ذبحني
    وماتدري عن دمع نثرته وأنا أرجيك
    أسأل جميع الناس وش صار عني
    أسأل وش اللي صار في حال مغليك
    لو عاش عاقل عيشتي كان جني
    حالي لو تشوفه بعينك يبكيك
    لو علموك شكثر همي وحزني
    من يوم حبي إنتهى وصار ماضيك
    لو علموك عن قلبي اللي يوني
    مطعون يصرخ يشتكيلك يناديك
    صار الحزن هو لعبتي صار فني
    أبكي ندم والله الى حل طاريك
    ضيقت صدر ويالهموم اسكنتني
    أحكي أكمل ولاماقلت يكفيك
    اللي سمعته بسبتك أنت جتني
    عطيتني كرهك وأنا الحب معطيك
    ضاعت سنيني وأنا بالحب أبني
    قصور وأنهدت سبب فعل أياديك
    جاك الوفاء والحب والعشق مني
    حتى الوله والشوق والصدق مهديك
    قلبي وفالك وأنت قلبك خدعني
    خدعت قلب كان بالحب شاريك
    بكذب وخيانه وغدر قلبك حضني
    في وقت قلبي فيه يسهر يداريك
    ماكنت أظن قصدك بحبك تذلني
    ذليتني من بعد مامت أنا فيك
    هذي حقيقه بعض مامنك جتني
    وبعض الذي أسقيتني سم باأيديك
    ماكنت ساكت خايف بس لني
    ميت بحبك ماأقدر أزعلك وأشقيك
    حرمت أقولك من محبتك عطني
    مادام غيري في محبته مرضيك
    ببعد بعيد وأوعدك ماأحني
    أبشر أببعد ومع حبيبك بخليك
    وأبي مماتي يأخذ الروح مني
    تاركلك الدنيا بها الله يهنيك
    وإذا سأل في يوم أنا إنسان عني
    قله توفي والسبب طعن بيديك
  3. NEXT
    21-09-2010, 06:10 PM

    رد: ديوان الشاعر سعد بن جزاء الميموني - شاعر الحزن

    ديوان الشاعر سعد بن جزاء الميموني - شاعر الحزن


    شكرا

    الله يعطيك العافية
1234567