1234567

ديوان الشاعر سعد بن جزاء الميموني - شاعر الحزن

ديوان قصائد الشاعر - ديوان قصائد الشاعره ارسال إلى Twitter ارسال إلى facebook
  1. *مزون شمر*
    14-10-2007, 08:29 PM

    ديوان الشاعر سعد بن جزاء الميموني - شاعر الحزن


    ((لا تسافر))
    لا تسافر
    تكفى ياخلي طلبتك
    لاتسافر
    لاتخليني وتهاجر
    لاتروح
    لاتخليني ياعمري
    بين
    حزني والجروح
    في غيابك
    حزني وجروحي
    تزيد
    لاتخليني وحيد
    لا تسافر لاتسافر


    لو تسافر
    والله ياعمري اضيع
    لو تسافر
    ضاق بي الكون الوسيع
    لاتسافر لاتسافر


    لاتسافر ياحبيبي
    وخلك بجنبي قريبي
    لاتخليني جريح
    دامك لجرحي الطبيبي
    ياحبيبي
    ياحبيبي
    لاتسافر
    لاتخليني وتهاجر
    لاتسافر لاتسافر


    قلي لو انك رحت
    من بقالي في حياتي
    من بقالي ياحياتي
    لاتعجل في وفاتي
    لاتخليني اموت
    لاتخليني وتسافر
    لاتسافر لاتسافر



    لاتسافر
    لاتخليني وتروح
    لوتخليني وتهاجر
    اصبح لحالي غريب
    لالي صاحب ولاقريب
    من هو غيرك لي حبيب
    من هو غيري لك حبيبي
    لا تخليني وتسافر
    لاتسافر لاتسافر


    لو تسافر
    من هو اللي يحس فيني
    غير دمعه وسط عيني
    واجلس لحالي اساهر

    طيفك اللي في خيالي
    طيفك اللي يحتويني
    طيفك اللي مانسيني
    طيفك اللي ينتظرني
    واقف بكل الاماكن
    طيفك اللي في ساكن
    حتى في حلمي يجيني
    وفي دروبي يحتريني
    يعني تكفى ياحبيبي
    لاتسافر لاتسافر



    ولو مصر انك تسافر
    طالبك خلني اسافر
    خلني ارحل معاك
    خذني ياخلي معاك
    ما ابي انسان
    غيرك
    كثر الله
    الف خيرك
    لو تخليني اسافر
    لانويت انك تهاجر
    لانويت انك تسافر


    ولو رفضت اني اسافر
    تكفى ياقلبي طلبتك
    لاتخليني اموت
    لاتخليني وتروح
    لاتخليني حبيبي
    بين حزني والجروح
    لاتخليني وتهاجر
    لاتخليني وتروح
    لاتخليني وتسافر

    لاتسافر
    لاتسافر
    لاتسافر
    لاتسافر
  2. *مزون شمر*
    14-10-2007, 08:33 PM

    ديوان الشاعر سعد بن جزاء الميموني - شاعر الحزن


    ((مخدوع وأحب))

    تسأليني ليه انا بشعري حزيني
    وليه ما اكتب من قصايد هالطرب


    وليه انا أرجي بالشعر موتي يجيني
    وتسأليني ياترى وشهو السبب


    ومن بعد ماراح خلي شصار فيني
    وليه خان وليه في قلبي لعب


    وليه انا دايم تهل الدمع عيني
    وليه انا أرضى أشعل بصدري لهب


    وليه ما انسى دام خلي قد نسيني
    وليه انا للحين مخدوع وأحب


    والجواب عن كل ما انتي تسأليني
    قلبي الأعمى على عقلي غلب


    كان لو يكذب على قلبي ظنيني
    قلبي صدقها وهو يدري كذب


    وش اسوي صار حبه محتويني
    لمه الخطوه تمشيني غصب


    وأختصار القول انا عايش حزيني
    وقلبي الأعمى ترى هو السبب
  3. *مزون شمر*
    14-10-2007, 08:35 PM

    ديوان الشاعر سعد بن جزاء الميموني - شاعر الحزن


    ((بالحزن غرقان))





    حبيبي تدري يالغالي وش احوالي بعد فرقاك
    ورب البيت في بعادك حياتي كلها احزان


    ثمان سنين في بعادك وانا ضامي ادور ماك
    ثمان سنين بفراقك وانا عايش وسط نيران


    ثمان سنين متوقع انا بقدر في يوم انساك
    ولكن ياحبيب الروح حقيقه كنت انا غلطان


    في كل لحظه وكل ساعه تمر بخاطري ذكراك
    واتمنى تجي لمي لاني لك انا ولهان


    احبك واعشقك واغليك ومغرم بك انا واهواك
    ياروحي يابعد روحي ياقلبي يا اعز انسان


    ياخلي شف دموع العين نزلك يالغضي لرضاك
    اذا انك باقي ياعمري على خلك سعد زعلان


    حبيبي هذي يميني امدها مدلي يمناك
    حبيبي مدلي يمينك حبيبك بالحزن غرقان


    حبيبي يكفي يالغالي ثمان سنين اترجاك
    خلاص ارجوك ترجع لي حبيبي والعن الشيطان
  4. *مزون شمر*
    14-10-2007, 08:38 PM

    ديوان الشاعر سعد بن جزاء الميموني - شاعر الحزن


    ((شطر من بيت))






    لاتقول انا ما اخطيت لا والله اخطيت
    واستح على وجهك وكافي وجع راس

    يا ما تحملتك ويا ما ترجيت
    لكن اشوفك ماتحرك بك احساس

    تدري انا غيرك له الحب ما اعطيت
    وغيرك ترى واجد هووني من الناس

    كافى ترى من هالطبع جد مليت
    اليا متى تسمع حكي ناس انجاس

    تمشي بهواهم لينك تشوفني اقفيت
    ترجع تقولي وين حبك والاحساس

    يعني شسويلك اذا الحس بك مييت
    تكذب وتكذب منت بانسان حساس

    تدري عشانك ناس واجد تحديت
    ونذرت منهو يعترضنا بينداس

    ولني على افعال الرجوله تربيت
    ماحركو شعره وربي من الراس


    مير البلا انت اللذي حبي انهيت
    مسكين مغرينك بعقد من الماس

    بحفظك قبل ابتعد شطر من بيت
    خذي الحذر ياجاهله الناس اجناس
  5. *مزون شمر*
    14-10-2007, 09:16 PM

    ديوان الشاعر سعد بن جزاء الميموني - شاعر الحزن


    ((اكبر مصيبه))





    أكبر مصيبه لي في عام الألفين
    مصيبة ماهي بمثل المصائب



    مرة عليها ياعرب خمسة سنين
    ذكرى فراق أعز وأغلى الحبايب



    من يومها والعين تدمع الى الحين
    من يومها لليوم والضحك غايب



    الموت كان أرحم ولا أفارق الزين
    ومن فارق أحبابه يشوف النكايب



    جتني بذاك اليوم طعنه بسكين
    طعنة غدر وبراس مسموم صايب



    هقيتها من شخص خوان مسكين
    مير البلا جتني من أغلى الحبايب


    مدري وش اللي صار مع داعج العين
    في أخر ايامه بدى بالطلايب


    بدى يلومني مسوي زين او شين
    يوم عرف اني معه صرت ذايب



    المشكله اني ماشي معه عالدين
    ولا فيه يوم مننا رد خايب



    وحاط مكانه يابشر داخل العين
    والقلب عن غيره شرود وتايب



    كانت دموعي تنزل وتجرح العين
    و لحضة عن ناظري صار غايب


    أهديت له حبي وشوق المحبين
    لكن ذراها في مهب الهبايب


    ودي أعرف البعد هو راي للزين
    ولا عذول ملعون أصل وصلايب


    وودي يجي يمسح دموعي من العين
    وان قرر الفرقى يقول السبايب


    وودي يعرف انيأحبه الى الحين
    ومنساه لو إني بعصاتي وشايب


    لاني أحبه حب ميخالف الدين
    حب بياضه مثل بيض السحايب
  6. *مزون شمر*
    14-10-2007, 09:20 PM

    ديوان الشاعر سعد بن جزاء الميموني - شاعر الحزن


    ((ماتت سعادتنا))





    ياعين ذاك اللي وقف ذاك شوفيه
    اللي ايدين امه مسكها بادينه


    اللي التفت ياعين شوفي تعرفيه
    هذاك خلك باقيه تذكرينه


    هذاك اغلى شخص انتي تحبيه
    وياما رفضتي احباب لانك تبينه


    ياعين دمعك طالبك لاتهليه
    صعبه هنا اخاف تلمحك عينه


    ياعين ذكرتييوم اسهر اداويه
    يومه كسير ومالقى من يعينه


    ولحد ترى غيري بحزنه يواسيه
    ولحد ترى غيرك سأل عنه وينه


    ياعين لاتروحي ياخوفي تفشليه
    قدام امه يشوفها هو شينه


    يخاف لاتسأل منو ذا ووشفيه
    وفلانه قولي وش بينك وبينه


    هو مايبي هالناس تعرف بماضيه
    وموده يعرفكي ولا تعرفينه


    يحس اني اهدم اللي يسويه
    وانه يتفشل لا اعرفوا اني ضنينه


    واني ما اناسب مستوى عايش فيه
    وقدام هالعالم محبتي تهينه


    ياعين خلك والله همه مكفيه
    خليه لاتزودي همومه وتجينه


    ياعين ودنا نروح لمه نحاكيه
    لكن علينا عارفه النفس شينه


    خليه يضحك لاتروح ولا تجيه
    يكفي وهو يضحك ياعيني ترينه

    صحيح ضحكتنا قتلها وبيديه
    وماتت سعادتنا وصارت دفينه


    ودايم يقابلني بقساوته وتغليه
    وغيري يقابله بكل لطف ولينه


    لكن اكيد معذور باللي يسويه
    الله يساعده وياخذ الله بدينه


    يالله ياعيني نرجع لساحل التيه
    واخذ معي جرحي ونفسي الحزينه


    لان الضياع ويا القهر يحترو فيه
    الله مشينا تحترينا السفينه
  7. *مزون شمر*
    14-10-2007, 09:24 PM

    ديوان الشاعر سعد بن جزاء الميموني - شاعر الحزن


    ((عطاني البوسه بخدي اليميني))







    وقفت قدامه شفوق وولهان
    أرجي من الله ثم منه الحنيني



    أشوف بعيونه متاهات وامان
    واشوف فيها نور يضوي سنيني



    في عينه اليمنى شعاعات والوان
    تسطع على خدي وصدري وجبيني



    واشوف باليسرى على مر الازمان
    حكاية العشاق عبر السنيني


    واشوف بخدوده كما نبت رمان
    واشوف ورد نابت بالجبيني


    واشوف بالشفه عقود وريحان
    واشم منها شبه عطر ثميني


    بس ليتني ماشفت دمعه بالاعيان
    في وقتها رجيت موتي يجيني


    جاني يقول شلون ترضالي انهان
    قلي وعلمني اذا ماتبيني


    قلي سعد قلي اذا منت خوان
    وشلون سري للخلايق يبيني


    قلت امسح دموعك ترى منت منهان
    ماجابته ام اللي لحبيبي يهيني


    وسرك ترى مفضوح من عند انسان
    والله غيري خذ علمن يقيني


    ومن بعد حلفي ضمني وسط الاحضان
    وعطاني البوسه بخدي اليميني
  8. *مزون شمر*
    14-10-2007, 09:27 PM

    ديوان الشاعر سعد بن جزاء الميموني - شاعر الحزن


    ((درب الاحزان))







    مرتاح بالك منبسط دوم فرحان
    لاهي بحياتك وكل شئ بها زين

    هذا هو الواقع ولانيب غلطان
    ولايختلف في هرجتي تدري اثنين

    وناسي من اسبابك غدى عايش انسان
    عيشة حزن عايش بها تسعة سنين

    عاش بحياته بسبتك عاش مناهان
    ذاق القهر ذاق المذله مع البيين

    عايش بخوفه منحرم طعم الامان
    ومن شاف حاله قال لحوول مسكين

    ذكرتني ولا الى الحين نسيان
    ذكرت خلك ولا باقي الى الحين

    احرقت قلبي ياحبيبي بنيران
    وهذا ترى ماهو بشرع المحبين

    ادري حبيبي بكل شئ مضى وكان
    واقولها والخلق والله دارين

    ماخطيت انت ومخطي من قال خوان
    ولاهو خطى عاذل ولا ناس واشين

    هذا خطاي واعترف صرت ندمان
    ايه اعترف ياناس مره وثنتين

    اجل اشوف شخص بعيني وهو خان
    واسلمه قلبي واقوله فدى العين

    اجل اشوفه بقلب عاشق وقد هان
    واستغرب اني القاه في قلبي يهيين

    والمشكله غدره بوجه ترى يبان
    لكن مشيت وياه ماهمني وين

    واثره ممشيني على درب الاحزان
    واليوم حزني صار له تسعة سنين

    لكن مصيره دايره فيه الازمان
    ويقول راجع انتو للحين شارين

    بيومها لو يعزف انواع الالحان
    ما عاد له خانه بشرع المحبين
  9. *مزون شمر*
    14-10-2007, 09:30 PM

    ديوان الشاعر سعد بن جزاء الميموني - شاعر الحزن


    ((صدفه خير من الف ميعاد))









    من قال صدفه خير من ألف ميعاد
    انا اشهد انه ماكذب في كلامه

    كم لي سنه اتبع خطاويه نشاد
    واقول وين اللي ذبحني غرامه

    وياما انتظرته في دروبه ولافاد
    واصبح حصيلي هالتعب والندامه

    الين ياسي داخل الصدر بي زاد
    واعلن على قصر المحبه انهدامه

    لكن ترى البارح لقى الحب ميلاد
    والياس ولى معلنن با انهزامه

    باسباب صدفه خلت الحب وقاد
    والقلب فز بكل شوقه وهيامه

    صدفه التقينا دون تحديد ميعاد
    وقف قبالي في شفاته ابتسامه

    خفت اتكلم يقلب المسأله عناد
    ويقلب علي الابتسامه ملامه

    قلت اسكت احسن يمكن بيوم تنعاد
    لقيا خفوقي مع سعادة مرامه

    وتحرك المحبوب معلن بالابعاد
    يمشي وكنه بدر ليلة تمامه

    وجلست انا ادعي يحرسك رب العباد
    للي عطاك كل الحلا والوسامه

    يحرسك لاتصيبك حدى عيون حساد
    وادعي تعيش بدنيتك في سلامه

    واليوم افكر صارت البارح اعياد
    باسباب من خلي لمحنا ابتسامه

    وشلون لو خلي يجيني وهو جاد
    ويطلب غرامي واتهنى بغرامه

    عجزت اجاوب لكن العلم الوكاد
    هو بيت با اول هالقصيده وختامه

    من قال صدفه خبر من الف ميعاد
    انا اشهد انه ماكذب في كلامه
  10. *مزون شمر*
    15-10-2007, 07:59 PM

    ديوان الشاعر سعد بن جزاء الميموني - شاعر الحزن


    ((انتحاره))

    شفته بعيني بعد فرقاه باسبوع
    من بعد منهى حبنا باختياره

    شفته وعينه غارقه كلها دموع
    شفته وجسمه بان فيها انهياره

    يبكي وصوته للبشر صار مسموع
    واعلن عليهم نيته بانتحاره

    قربت لمه وكنت حاير ومفجوع
    بسأل عن اللي عيشه بانكساره

    قال اللذي خنت عشانه من اسبوع
    خان المحبه وداس قلبي بحقاره

    ماكان يحبني وكنت انا فيه مخدوع
    عشم خفوقي واحرقه وسط ناره

    مسكنت يده وقلت حبيت باسبوع
    وانخنت هذي تعتبرها خساره

    طيب انا اللي محرق نفسي شموع
    خضعلك قليبي وضحى بوقاره

    وكم لي سنه امرك انا امشيه بالطوع
    لنك مناة القلب وانت اختياره

    وخليت صدري لحضرتك يصبح ربوع
    صرت الامير وصار صدري اماره

    وكلما طلبنا حب تقول ممنوع
    حتى عرفت انك مضيع مساره

    وعشان حبك داخل القلب مطبوع
    ماراح يدور فيك رد اعتباره

    اربع سنين احب واكون مخدوع
    هذي هي اللي ياحبيببي خساره
1234567