رواية / غرور وكبرياء..كامله

مشاري : ابد مشكله صغيره .. وحلها عند ذا البنت ..
فواز : وشو مشكلته .. محتاج شي تبي شي..
مشاري : لا لا ... بس واحد اعرفه ... ذي مدري وش مسويه بزوجته .. وصارت بينهم مشاكل وكذا عاد انا ابي اعرف من هالبنت السبب اللي خلاها تسوي كذا عرفت
فواز : ايه اشووا بعد احسبك تغازل من وراي ...
مشاري : انا اغازل .. عز الله ما عرفتني اجل ..
فواز : لا بس والله منتب سهل من وين تعلمت تصف هالحكي الحلوو ..
مشاري يتنهد : الحياة تعلم وانا اخووك ..
فواز : وشوو لا يكون حبيت ذا البنت اللي تكلم عليها ..
مشاري : هذا الناقص بعد .. يله امش تاخرنا ..
وراحوا وكل واحد ركب سيارته ..
بعد المغرب كل واحد افطر في سيارته .. صار لهم 4 ساعات ماشين ..
فواز : يا ربيه ملل ..
العنود : والله محد طقك على يدك وقال لك تعال معنا ..
فواز : اعووذ بالله ... انتي احد كلمك ... احد وجه لك الكلام ..
فيصل : ههههههههههههه ..اوه للدرجه هذي مأثر عليك غياب مشاري ..
فواز : ايه والله ..
ودق على مشاري وحط السبيكر ..
فواز : يا حي الله هالصوت ..
مشاري : الله يحيك ويبقيك ..
فواز: اقول وش اخبار خويك ما كلم عليك ههههههههههههههههههه
مشاري : اي هوو ..
فواز : اللي كلمته عليه قبل ما نمشي ..
مشاري : لله يقطع بليسك ههههههههههههههههههههه ..
فواز : حط على السبيكر بكلم ابوهديل ..
وحطه مشاري ...
فواز : مشعل ..
ريم من سمعت صوت فواز زادت دقات قلبها
مشعل : اوه فواز هلابك والله ..
فواز : يا هلا والله وغلا بمشعل .. اخبارك يالمعرس ...
رنا طبعا طاح وجهها ..
مشعل : الحمد لله بخير .. انت اخبارك ..
فواز : انا الحمد لله ههههههههههههههههه بس وش ذا الحركات ..
مشعل : الله يستر ههههههههههه وشهي حركاته ..
فواز : ههههههههههههههههه العروس معك في سيارتك ...
مشعل : ههههههههههههههههههههههههههههههههههه شفت عاد ..
فيصل اللي جنب فواز ويسمع المكالمه لانه حاط على السبيكر
فيصل : هههههههههههههههههههههههههه استح على وجهك ..
فواز مطنش فيصل : اخبار عروسك ..
مشعل : الحمدلله بخير دامني زوجها ...انت وش عليك منها ..
فواز : اوه اوه ونغار بعد ...يا اخي ما فيها شي ابي اشوف وش اخبارها
فيصل : ههههههههههههههههه
طبعا رنا رايحه في خرايطها ..
مشعل : والله اغار ما اغار ...انت وش عليك ...
فواز : هههههههههههههههههههه لا بس ابي اتطمن عليها منك .. يعني اذا هي بتعيش مستقبل مستقر معك ..
مشعل : هههههههههههههههههههه مالت عليك بس نصبر عاد نشوف زوجتك ..
فواز : اه بس يا لبى قلبها زوجتي ...وينها بس لونها تسمعني ..
ريم حست كانه موجه كلامه لها ..
مشعل : هههههههههههههههههههههه لو تسمعك وش بتقول لها ...
فواز : ابي اغني لها ههههههههههههههههه
مشاري : لا لا اذا بتغني تغني صدق واغنيه كامله بعد ..
فواز : ابد هههههههههههه مستعد انت وياه ..
فيصل : بس الله الله في الاغنيه السنعه ههههههههه يعني انت بتغني لزوجتك .. غن شي صاحي ..
فواز : والله عاد انت مالك دخل انا وزوجتي نصلح .. رح لزوجتك انت ..
العنود : بس تطول صوتك .. يمكن ربي يكتب انها تسمع
فواز فهم قصد العنود : ههههههههههههههههههه مالك دخل انتي
وطبعا ريم على اعصابها تستناه يغني
ورنا عارفه انه بيغني لريم
ونجلاء نفس الشي .. فا الكل متحمس يبون يشوفون وش بيغني
مشاري : يله ذليتنا .. بس عاد كامله ..
فواز : خلاص يا ابوووي اقولك كامله .. احم احم ..
كلامي اللي انا قلته ..وهالورد اللي ارسلته ..
ولا حسيت ابد انت ...تشطر عاد وافهمها ..
احبك يعني مو داري ..ولا حسيت في ناري ...
كفايه تشغل افكاري ...تشطر عاد وافهمها
احبك .. احبك .. احبك يعني مو داري ..
0
0
سلامي واهتمامي فيك .. هديه كل يوم اهديك ..
اكلم غيرك واعنيك .. تشطر عاد وافهمها ..
انا مو ناقص الا اجيك واحط قلبي انا باديك ..
واقولك الله يخليك ..احبك يله افهمها ..
احبك .. احبك .. احبك ..يعني مو داري..
0
0
متى عينك تناديني .. متى قلبك يحس فيني ..
يا خوفي تروح انا سنيني .. تشطر عاد وافهمها ..
اخاف تكون فاهمني .. وبس ودك تتعبني ..
عشان يقول ريحني .. احبك يله افهمها ..
احبك .. احبك .. احبك ..يعني مو داري ..
مشاري: اووووووووووووووووه عاش والله ... يا بختها ..
فواز : احم احم .. ما عندكم نيه تصفقوون ..
الكل صفق له الا ريم .. اللي يدها ترتجف .. وهي متاكده ان الكلام لها بس دموعها تنزل بدون شعور ودها تصرخ وتقول احبك .. احبك .. احبك ..يعني مو داري ..
مشاري : وين تجيب هالكلام ما اقدر انا ترا
فواز: هههههههههههههههههههه الله يقطع بليسك .. هذا كلام اغاني ..
فيصل : بس جد عاد .. انت وينك ووين العرس..
فواز : من قالك ... انا وقفت دراسه ... وبشتغل مع ابووي مثل مشاري .. وبعدين عمري 23 يعني سنه واتزوج ... الا وش رايك يا مشاري .. نعرس سوا ..
ريم طبعا انهبلت من الفرحه
مشاري : والله يا هي فكرة .. شي الصراحه ههههههههههههههههههههههههه
العنود وجعها قالبها ما تدري ليش ..يمكن لان مشاري بيتزوج ..
فواز : خلاص اجل ..توكلنا .. اذا وصلنا لمكه خطبنا هههههههههههههههههههههههههه
فيصل : ههههههههههههه عاد من بتخطب في مكه .. لا يكون بتاخذ من مصاريه الحرم ..
مشاري : هههههههههههههههههه مالت عليك .. انت تحصل عاد حريمنا اصلا
مشعل : هههههههههههه وينهم يا حسره ..
مشاري وفواز كان كل واحد منهم وده يتكلم ويقول شوفوها
فواز : يله عاد عطيتكم وجه ..
مشاري : هههههههههههه افا والله مستخسر علينا مكالمه
فواز : لا خلاص بعد شووي بنوقف نتعشى .. نشوووفك اذا وقفنا ..
مشاري : يله اجل .. ههههههه مع السلامه
فواز : الى اللقاء هههههههههههههههه
وسكر الخط
فواز : واه يا زين الضحك والله ..
فيصل : هههههههههه توني ادري انه زين ..
فواز : لا ..لاه.. ما تدري ياهم يمدحونه ...
فيصل : الا والله يقولون يميت القلب ..
فواز : ههههههههههههههههههههه صدق عاد
فيصل : والله منيب امزح ... عشان كذا )...وانتبه فيصل لجوال احد يرن ) يووه منذا جواله اللي يدق من الصبح ومحد رد عليه ..
نجلاء اللي كانت ساره هي اللي تدرق عليها وما تبي ترد ..
نجلاء.. : جوالي ...
فيصل ابتسم : طيب وش بلاك ما تردين ...
نجلاء : مالي خلق..
فيصل : طيب مين اللي داق ..
نجلاء: هاه .. لا هذي وحده معي في الجامعه ..
فيصل تاكد انها ساره وعصب ...
فيصل : طيب ردي.. حرام من الصبح وهي تدق ...
نجلاء بلاك ما تدري ان موتي هو اللي يدق علي..
فيصل : ترا ازعجنا ... حطيه على الصامت طيب ..
نجلاء وهي ضاق صدرها لان فيصل يصرخ وعند اهله بعد ...
نجلاء: خلاص برد .. ارتاح ..
بس الجوال معاد رن ...في نفس الوقت وقفوا عشان يتعشون ..
اول ما وقفوا الكل نزل الا نجلاء وفيصل
نجلاء لانها جوالها رن ثانيه وتبي تشووف وش تبي بها
وفيصل لانه ما يبي يترك نجلاء لحالها
نجلاء توكلت على الله وردت ..
نجلاء وهي تقصر صوتها عشان فيصل : الوو ..
ساره : لا كان ما رديتي ..
نجلاء مو قادره مكتومه بشكل : خلصيني ...الحين رديت وش تبين ...
ساره : لا بس لاني ما اقدر ادق على فيصل وانتي عنده ...هو وش اخباره ..وكلتيه ...انتبهي له في الطريق ...
نجلاء والدموع في عيونها وبهمس : بعد ...
ساره : واذا وصلتوا ابعدي عنه عشان يقدر يكلمني ...
نجلاء مو قادره تتكلم : ...
ساره : واذا وصلتوا بوسيه مع خده وقولي له الحمد لله على السلامه بدالي ...
نجلاء مو قادره تستحمل وصرخت : خلاص يكفي ...يكفي ...
وسكرت الخط ...
فيصل طول الوقت يسمع كلام نجلاء ....ويسمع عبراتها ونفسها وده يجيب ساره ويطقها قدام نجلاء
ويقولها والله محد يقدر ياخذني منك ...انتي زوجتي وعمري وحياتي ...قلبه يتقطع وهو يشوفها كذا عصب ونزل من السياره ..وصار يصرخ ..
فيصل : مشاري ........مشاري ..
مشاري جاه يركض مستغرب وش فيه فيصل ..
فيصل : بسرعه عطني رقمها بنت الكلب ...
مشاري : مهبول انت ...
فيصل : ايه مهبول اذا شفت زوجتي تتعذب وانا واقف كذا اتفرج ...
مشاري : انت مو تتفرج .. واللي انا اسويه من شهر وشهوا هذا ..
فيصل : مشاري والله منيب مرتاح لحد ما اوريها شغل الله فيها ... عطني الرقم
مشاري ما قدر يقول شي لان فيصل مصر ..
عطاه الرقم وراح بعيد عشان يكلم
مشاري راح لنجلاء وفتح الباب اللي هي راكبه عنده ....لقاها تصيح ...وهي شافته طاحت في حضنه ..
مشاري : وش صار ...
نجلاء وهي تصيح وصوتها بعد الويل يطلع : كلمت علي ..يا اخووي كلمت علي...
مشاري : وش قالت ..
نجلاء: قالت لي سم .....والله ذبحتني ...
وبعدت عنه ...وكملت كلامها : طلبتك يا اخووي انا ما اقدر استحملها ...فكني منها ..ريحني منها ...خذ(ومدت له الجوال) رقمها هنا ..كلمها قل لها شي ...ما اقدر انا ...والله بموت ....ابي زوجي ..وابي ولدي ...ما ابي حياتي معه تروح ...والله يا اخووي احبه ....وتكفى ....ريحني منها ...وما اقدر اعيش كذا والله ما اقدر ..كل يوم انطعن منها ومحد يحس فيني ومحد يدري ..
مشاري يقربها منه : خلاص ..نجوله ..والله خلاص ...انا بتصرف معها ... بس ترا هي ما تستاهل .....يعني لا تضيقين صدرك عشانها ..
نجلاء : مو عشانها ...والله مو عشانها ...انا ضايق صدري عشان زوجي .. تخيل يا مشاري (وبدا صوتها يتقطع وصياحها يزيد ) تقول ...تقول ...بو...بووسيه عني ...
مشاري عصب وضرب بيده الباب ..ما يدري وش يهدي اخته يقول ....
نجلاء تكمل : تخيل ...تخيل ...تقول ....اهتمي فيه ووكليه ..واذا وصلتوا ابعدي عنه لاني ابي اكلمه ...
مشاري قلبه متقطع على اخته : نجووله ما عليك ... مو انتي تحبين فيصل ..وتبين ولدكم اللي في بطنك ... قومي كلي .. من افطرتي ما كلتي شي .. قومي يله
نجلاء : ما ابي خلني هنا .. ما اقدر انزل لهم .. وانا كذا ..
مشاري: طيب اجيب لك هنا ..
نجلاء : لا ما ابي ما اشتهي والله ..
مشاري : مافيه شي اسمه ما اشتهي ..
نجلاء : والله ما اشتهي ..
مشاري : كلي لو عشان اللي ببطنك ... وعشان زوجك اللي شافك تصيحين وزعل وما ادري وين راح ..
نجلاء تشهق : فيصل سمعني وانا اكلم ... اخاف درا ..
مشاري يبي يرقع لفيصل : لا لا ما درا ..هو يقول نجلاء ضايق صدرها ما ادري وش فيها بس ..
نجلاء : طيب طلبتك يا اخووي رووح شووف وين راح لا يصير فيه شي ..
مشاري: منيب رايح ..
نجلاء : طلبتك عاد روح له ..
مشاري : بشرط ... تاكلين ..
نجلاء : اكل من عيوني .. بس روح له ..
مشاري : الله الله .. كل هذا حب لفيصل ..
نجلاء تنهد : عساه بس يضل لي ..
مشاري : هييييييييه .. خلاص لا عاد تفكرين بافكارك الغبيه ..
نجلاء : طيب ... بس تراني منيب نازله .. واذا احد قال ليش قل تعبانه ..
مشاري : طيب ..
وراح مشاري وجاب لنجلاء شي تاكله ..
اما فيصل اللي خذا الرقم ودق على ساره .. كم مره ما ردت وبعدين ردت ..
ساره : هلا ..
فيصل يصرخ : شووفي يا ست ساره .. تكلمين على زوجتي مره ثانيه يا ويلك .
ساره : خييير خيييير ان شاء الله اول شي من انت ..
فيصل : انا فيصل زوج نجلاء ..
ساره : فيصل .. ايوه .. وش تبي ..
فيصل : انتي ما تخافين من ربك .. ما تخفين يعاقبك اللي تسوينه في زوجتي ..
ساره : ليش انا وش سويت ..
فيصل يصرخ : بس ولا كلمه .. انتي ما ينفع معك الا الجلد ... وان ما عقلتي يا سويره ..والله ان صورك بتنتشر في الممكله كلها مهوب في الرياض بس ..
ساره : ترا ما هميتني ... وبعدين وشلون عرفت انت
فيصل : مالك دخل انتي ... وبعدين ترا من الحين اقولك .. صورك مردك تشوفينها بالنت بعد .. اذا ما تركتي حرمتي ..
ساره : عادي .. اذا انت فضحتني .. انا بفضح حرمتك .. عندي صورها وهي تسبح في المسبح في الشرقيه ... ههههههههههههههههه تبيها ..
فيصل عصب : وقسم بالله اني ماراح اخليك ترتاحين في حياتك ... وبعدين من وين لك انتي بالصور ..
ساره : مالك اي دخل ... وبعدين مثل ما انت جبت صوري .. انا جبت صور حرمتك ...
فيصل : انتي ما عندك اهل ..
ساره : هههههههههههههههه اهلي مو دارين عني ..
فيصل منقرف منها ومو قادر يستحملها : وانتي يعني فرحانه ..
ساره : اقول وبعدين يعني وش تبي الحين ..
فيصل ما قدر يستحملها وسكر السماعه في وجهها ..
وكلم على مشاري ..
فيصل : هلا ..
مشاري : هاه .. وش صار ..
فيصل : الخايسه معها صورت اختك ..
مشاري : لا عاد ..
فيصل : والله .. يعني كل اللي سويته الحين ما فاد ...
مشاري : يعني ما فيه حل الا اني اكمل اللي بديت
فيصل : مالنا حل غير كذا ..
مشاري : الله يعين بس .. والله اني ضايق صدري على اختي .. تخيل عطتني جوالها .. تقول كلم عليها انا معاد اقدر استحمل
فيصل خلاص مو قادر يستحمل : طيب ما تدري هي وش قالت لها ..
مشاري : اه بس يا فيصل ذي طعنتها ..
فيصل : وش قالت طيب..
مشاري : قالت لها بوسيه عني .. ووكليه ... واهتمي فيه ... وابعدي عنه اذا وصلتوا عشان يكلمني ..
فيصل عصب .. ما يدري اذا اللي فيه الحين هو تعصيبه على ساره .. او لهفه انه يروح ويشوف حال نجلاء : طيب وين نجلاء ..
مشاري : في السياره .. ما تبي تنزل .. جبت لها شي تاكله ..
فيصل : خلاص طيب بروح .. لها ...
مشاري : طيب ..
اما نجلاء اللي بعد ما تركها مشاري حطت الاكل على جنب ..لانها مو مشتهيه .. وتفكيرها كله مع فيصل ما تتخيل انه في يوم ممكن تعيش من دونه .. وشلون لو قدرت البنت تاخذه مني والله اموت احبه هذا زوجي مو معقوله تاخذه مني .. طيب اخاف بعد هي تكون زوجته .. مو معقوله بتتكلم وتقول هالكلام الا وهي واثقه من مكانتها عند فيصل .. اه بس يا فيصل ما ادري اصدق او اكذب اللي اشوفه بعيوني .. وشلون بكمل حياتي معاك وانا في عذاب .. والمصيبه اني ادري انت تحبني .. بس تحبني وتحبها هذي ما تركب في راسي اه بس لو تريحني من الحمل اللي انا شايلته على ظهري .. بس احبك ..والله اني احبك..وينك محتاجتلك تعال ..
وخذت نجلاء جوالها وحطة السماعه في اذنها وشغلت الاغنيه
من عذابي ..قلت لعيونك هلا ..يا هلابك يا عذابي يا هلا
ما يكفي لوعتي بك من غلاك .. رحت تبعد عن عيوني يا غلا
0
0
تحسبني سالياً مثلك وانا ..في هواك الله حسيبك مبتلى
ما يسليني مكان ولا زمان .. لا ولا غيرك حبيبي لا ولا ..
من عذابي قلت لعيونك هلا ..
0
0
قلبي اللي ما يطيع المن بغى ..من نظر عينك تعهد بالولا ..
صار لك بالقلب مرباع ومصير .. يوم غيرك عن مرابيعه جلا ..
من عذابي قلت لعيونك هلا . .
فيصل اللي قطع عليها فكارها : نجلاء ..
نجلاء فرحت لمى شافته وتجمعت الدموع في عينها .. فيصل شافها دموعها لانها فاتشه لان السياره مظلله
فيصل : اقربي لي بجلس جنبك ..
نجلاء قربت له وجلس جنبها بشكل قريب منها مره ..
فيصل : وش فيك يقول مشاري تعبانه ..
نجلاء : ما ادري شو مكتومه .. انت ليش ما رحت تتعشى ..
فيصل : ما اشتهيت ... انتي كلتي ...
نجلاء تهز براسها ...
فيصل : ليش .. تبيني ازعل عليك .
نجلاء : لا والله الحين مو مشتهيه شووي واكل ..
فيصل : طيب وانتي وشلونك الحين ..
نجلاء رجعت تتجمع الدموع في عينها : ابي اصيح ..
فيصل : ولو صحتي بترتاحين ..
نجلاء : ايه ..
فيصل : صيحي اجل .. لحد ما ترتاحين .
نجلاء صاحت وحطت راسها على كتف فيصل ..
وفيصل مسك يدها ... وقرب منها وحضنها .. يمكن خمس دقايق ونجلاء على هالحاله .. وفيصل قلبه يتقطع عليها .. وبس يدعي على ساره .. جعلي اشوف فيك يوم يا ساره .. يا جعل ماجاها يجيك ..
نجلاء رفعت راسها ...
فيصل ابتسم لها ومسح دموعها : هاه ..
نجلاء: احسن ..
فيصل : تبين تنزلين ..
نجلاء : ما اقدر انزل ..
فيصل : ليش ..
نجلاء : هههههه شوف وجهي وشلون صاير .. تبيني انفضح ..
فيصل : على الاقل لا تروحين لهم لو انزلي شووي عند السياره .. عشان ما تتعبين .. لاننا يمكن ما نوقف ..
نجلاء : خلاص بنزل عند السياره ..
نزل فيصل ..
نجلاء : فيه احد حولنا ..
فيصل : احد مين يعني .. حنا عند محطه فاضيه ما فيها احد ..
نجلاء : ههههههه .. لا بس لاني ما ابي اتغطى ..
فيصل : هههههههههههه حلوه ..ذي يله انزلي ما فيه احد انا سيارتي بعيده عن الناس .. بس لفي الطرحه ..
لفت نجلاء الطرحه ونزلت وتسندت على الباب ..
نجلاء : هههههه يا زين الحريه ..
فيصل : هههههههههههه شفتي كان من اول انزلي ..
نجلاء : هههههههههههه بس الجوو حلوو .. غريبه مهوب حر..
فيصل : اصبري الحر في مكه هههههههه ..
نجلاء : ورا ما يوقفنا نشم جوو في الطايف .. هههههههههههه
فيصل : والله يا زين جو الطايف ههههههههه بس منهو اللي بيوقف لك ..
نجلاء : عادي سيارتك وسيارت مشعل ...لو ساعتين بس..
فيصل : هههههههههه لا والله بنروح نعتمر ونتسحر قبل الفجر
نجلاء : يووه عاد طرت ..
فيصل : هههههههههههههه وش اسوي بها اذا طرت ..
نجلاء : هههههههههههههههههه خلاص طرت والله ..
فيصل : خلاص اذا جا بكره ... او بعد بكره ..جبتك من دون محد يدري ..
نجلاء فرحت : صدق والله ..
فيصل : ايه والله ..
نجلاء : يا حبني لك .. من قدي ..
فيصل : هههههههههههههههههههههه اجل تحبيني ..
نجلاء استحت ..
فيصل : مهوب توك تقولينها وش صار ..
نجلاء : لا كانت عفويه ..
فيصل : بس عاد شووفي بنجي من دون محد يدري .. يعني ما فيه ابي البنات يروحون معي ..
نجلاء: ان شاء الله من عيوني .. ابي اروح معك بس ههههههههههه
فيصل : يرحم ايام الشرقيه .. كنت ابي اوديك البحرين .. تقولين لا ابي البنات .. والحين عادي ..
نجلاء : هههههههههههههههه ايه هذا زمان ..
فيصل : طيب يله شوفيهم جوو .. اركبي وتغطي ..
نجلاء : ان شاء الله ..
ركبت نجلاء وتنقبت ...
وجا فواز وبعده البنات ..
فواز يصرخ : بعذرك ما جيت ما اللومك .. (ويلتفت على خواته ) تعالوا نركب مع ابوي ..ونخليه هو وحرمته
فيصل : هههههههههههههههههه وربي منتب صاحي ..
فواز يقرب للعنود ويهمس لها : العنود شوفي ابي اقول لفيصل اني بسوق .. وانتي قولي ابي اركب قدام ...عشان يجلس مع حرمته
العنود : هههههههههههههههههه .. والله فله ..يله ..
فواز : فيصل انا ابي اسووق ...
فيصل : وش طرا ..
فواز : والله لي مزاج ..
فيصل : كيفك ..
العنود : وانا ابي اركب قدام جنبه ..
فيصل : بعد ...
فواز : ايه وانتي يا رغد تعالي اجلس في الكرسي بيني وبين عنود ..
رغد : ههههههههه ليه قالولك بنتك وانا ما ادري...
العنود : والله جد فيصل ابي اركب قدام ... وانت اركب جنب حرمتك
فيصل : هههههههههههههههههههه والله اذا المساله فيها حرمتي ماعندي مانع ..
العنود : يعني موافق ..
فيصل : ايه ... بس يله اركبوا ..
وراح فيصل عند باب نجلاء وفتحه ..
فيصل : اقربي ..
نجلاء : ليش ..
فيصل : ليش يعني ابي اركب ..
نجلاء مرتاعه : ليش ...
فيصل : هههههههههههه وش فيك علقتي ....لا بس فواز يبي يسوق ..والعنود تبي تركب قدام ..
نجلاء : اها .. وانت بتركب هنا
فيصل : هههههههههههههههه وش فيك يعني ما تشوفيني جيت بركب ...
قربت نجلاء لفيصل وجلس جنبها ...
اما فواز اللي راح لمشاري ..وقاله يسووق هوو .. ويهبلون فيهم ..
عند سيارة مشعل
مشاري : مشعل انا ابي اسوق ..
مشعل : وراك ..
مشاري : لا بس انت سقت شووي بسووق عنك .. وانت ريح ..
مشعل : يله .. ما عندي مانع ..
وركب مشاري قدام ..
ريم : انت اللي بتسووق ..
مشاري : ايه ما مليت عينك يعني ..
ريم : لا حشى من قال ..
مشاري : مدري عنك ..
ريم : اسكت تكفى ترا راسي يوجعني ..
مشاري : هين عاد انتي اوريك ..
ريم : وش بتسوي يعني ..
مشاري : اصبري علي وشووفي ..
ريم : يا مامي مره خفت تراني ...
رنا : خلاص ريم منتيب صاحيه ...
مشعل : يسلم لي العقل يا ناس .. شووفوا تعلموا ..
رنا طبعا استحت وندمت انها قالت شي ..
مشاري : خير ان شاء الله يعني باز بحرمتك انت
ريم : يعني مره بيتقطع هو اياها ..
مشعل : خير خير يا ابووي انت وياها .. بتسكتون والا شلون
مشاري : انا ادري عنك .. ترا البزه مهيب زينه ..
مشعل : هههههههههههههههههههه اسكت واللي يرحم والديك ..
ريم : ايه صح يا مشعل ... ترا اختي ما تنعطى وجه ..
رنا قبصت ريم ..
ريم : اي يا الخايسه ..يوجع ..
مشاري : وشووو ..
ريم : ذي ما غير تقبص فيني .. المفروض اجيب مخده جنبي عشان تقبص فيها من ركبنا وهي تقبص فيها ..
مشعل : من الحيا .. يسلم لي حياها .. مهووب انتي يالمهبوله .. بس ابي اشووف وش بتسوين لرجلك ..
ريم وفواز جا في بالها : وش بيسوي يعني اكيد بيستانس .. احد يحصل ريم بنت خالد زوجه له .. يطول هو اصلا .
مشاري : يا عمري عليه مسكين والله اني ارحمه ... بياخذ وحده مهبوله وخبلا ومغروره بعد ما تنفع ..
مشعل : لا لا لا تخاف بتتغير .. هما نجلاء اول كذا .. نسيتها ..
مشاري : الا .. بس عاد نجلاء ما خذه ولد عمي سليمان .. يعني هو اللي سنعها ...
مشعل : ايه وش فيها .. نعطي ريم ولد عمي سليمان ...
ريم طبعا تسمع تبي تشووف هالقصه لوين بتخلص ..
مشاري : بس عاد عمي سليمان خلصوا عيال........... الا صح ... فواز هههههههههههههههههههه
مشعل : هووو نسيت فواز ..
مشاري : ههههههههههههههه لا ما يصلحووون .. الله يعين بيت عمي عليهم ..
ريم : ما خلصت انت واياه ... اشووفكم قشرتوني وقطعتوني وطبختوني خير ان شاء الله ..
مشاري : لا باقي بس ناكلك ..
رنا : ترا الناس مشوو ..
مشعل : يا اخي انت ما تشبع من السواليف .. امش يله ...
بعد ما طلعوا من الطايف .. باقي نص ساعه ويوصلون للسيل الكبير عشان يحرمون ..
فواز مر من عند سيارة مشعل وضرب لمشاري ...يعني له ..
ريم تصرخ .. : وقف بسرعه ...
مشاري : وش فيك .. تبين الحمام ..
ريم : اقولك بسرعه وقف ..
مشعل : وقف يا اخي يمكن كبدها تروج والا شي ..
وقف مشاري .. ونزلت ريم .. وفتحت باب مشعل ..
مشعل : وش عندك ..
ريم : انزل ..
مشعل : وش فيك..
ريم : انزل ..
مشاري : انهبلتي انتي هههههههههههه الناس وقفوا معنا .. وش تبين ... هههههههههههه
ريم : اقولك انزل ..
نزل مشعل .. وبعد شووي .. جت ريم وركبت ....
مشعل : خير يا امي .. خير ...
ريم : اركب ورا ...
مشعل : وليش .. هههههههههههههههههههههه
ريم : يعني انا ناقصني عن العنود يد والا رجل ... ابي اركب مثلها قدام .
مشعل اللي راح وركب ورا عشان وما ياخرونهم : والله العظيم انك مهبوله ههههههههههههههههههههههههه
مشاري : صاحيه انتي ... وبعدين من اللي قال لك انتي ابيك جنبي ...
ريم : عاد انا شاورتك .. يله تحرك لا ناخر الناس ..
مشعل : امش امش .. حكم قرقوش ..
مشاري يلتفت لريم : بس سؤال واحد صاحيه انتي والا بك حراره ..
مشعل : امش بس تفشلنا عند العالم ..
رنا طبعا ما اقدر اوصف لكم دقات قلبها كيف كانت .. خصونا انه قريب منها مره ..
هدوول اللي توها قايمه من النوم : بابا ..
مشعل : عيونه ..
مشاري : اذا بنت عيونك حرمتك وش تصير ..
مشعل : بنتي عيوني وحرمتي قلبي عندك شي ثاني ...
رنا طبعا تحس كانها جالسه على نار وما فيه احد تقبصه
ريم : رنا اذا تبين تقبصين احد ترا مشعل جنبك هههههههههههههههههههه
مشعل : اقول انطمي انتي واياه ..
هدول: بابا ...
مشعل : عيونه انتي ... نعم ..
هدوول : ابي ادلس دنب الباب ( ابي اجلس جنب الباب (
مشعل : طيب ...
وجلسها عند الباب .. وهو بعطبيعة الحال صار قريب من رنا يمكن بينهم شبر ..
رن جوال ريم ..
ريم : يا مرحبا يا مرحبا ..
العنود : وش عندكم ..
ريم : يا شين اللقافه ..
العنود : اخلصي بس ..
ريم : ابد .. شفتك راكبه قدام ... وقفتهم وركبت ..
العنود : ههههههههههههههههه احلى يا قويه .. وقفتيهم عشان تركبين
فواز طبعا سمع العنود ومات من الضحك ..
ريم : من ذا الغبي اللي يضحك اكيد فيصل ...
العنود : ههههههههههههههههه لا يا قلبي هذا فواز هههههههههههههههههه
ريم : هههههههههههههههههههههههههههههه لا خلاص هونت ..
العنود : يله مع السلامه .. مدري وش عنده يقول سكري..
سكرت العنود وفواز مغط من هنا سرعه غير طبيعيه .
فيصل : فواز صاحي انت .. خفف شووي ..
فواز : الشوارع فاضيه ..
نجلاء خافت ومسكت يد فيصل ..
والعنود تتقدم : فوازووووووووه ..
رغد : وش فيكم .. عادي يا ناس ..
فيصل : فواز منتب صاحي .. اختك خوافه ..وحرمتي حامل .. صاحي انت ..
فواز بس يضحك وما رد عليهم ..
في سيارة مشاري .. نفس الشي ...سرعه غير طبيعه ..
ريم تصرخ : وقسم وقسم .. يا ويلك .
مشاري : وشوو يعني وش بتسوين ..
مشعل : هههههههههههههههه مهبول انت ..خفف سرعتك ...
هدوول : حلو حلو ..
ريم : يماه ابي امي ... وصار تخبط قدام .. وقف السياره اقولك ابي امي..
رنا : مشاري تكفى ...
مشعل التفت وشاف رنا ..رحمها خايفه ومستحيه .. وما تدري وش تسووي ..
مشعل : خلاص رنا .. يوسع صدره هو ..يعني وش بيجي ..
رنا : ...........
مشاري: هههههههههههههههههههههه والله فله ههههههههههههه
ريم شوي وتصيح ..: والله اوريك ... قسم بالله اوريك ...بعلم امي ..
مشاري: تراني مره خايف روحي زين ...
في سيارة فيصل ..
فواز : تبوني اخفف السرعه ..
العنود وهي تصيح ...: ايه تكفى ..
وفجاه سمعوا صوت خبطه قويه ..
فواز: وش صار ..
فيصل : الله يستر بس ما يصير الكفر انفقع .. ..
نجلاء صاحت : يمه.. وشوو انفقع ..
فيصل مسكها : لا تخافين ما فيه شي .. بس ..كذا
فجاه فواز : فيصل ما اقدر اتحكم بالدركسون ...
فيصل تقدم : خلاص اجل الكفر انفقع .. (وصرخ ) لا تحرك الدركسون .. لا تضغط على الفرامل ..
فواز صرخ : وشلون بنوقف ..
فيصل : خلها على ربك ... لا تحرك الدركسون بس..
العنود تصرخ : يمه ..
في سيارة .. مشعل ..
مشعل مسك راسه : يووه انفقع كفرهم .. الله يستر ...
ريم : لا يا قلبي .. نجووول ...
مشاري : وشلون طيب ...
مشعل : الله يستر بس..
مشاري : وش اسووي طيب .. اوقف في وجههم ..
مشعل : صاحي انت عشان تروح السياره فيها ..
في سيارة فهد وراشد ومحمد نفس الشي .. الكل خايف ..
وفجاه طراخ دخلت السياره في التراب وخبطت بلوحة الاعلانات خبطه قويه
وبعدها انقلبت السياره ..
مشاري علطوول وقف السياره ونزل لهم ..
قرب من السياره ما يدري وش يسووي صار يدور على نفسهم ... خاف عليهم ما يدري هم حيين والا ميتين ..
راح عند باب فواز ... وبعدها جوو الكل راشد ومحمد وفهد وابو راشد ومشعل وابو فهد ..
اما الحريم نزلوا من سياراتهم وحالتهم حاله اللي تصيح واللي تصرخ
مشاري حاول يفتح باب فواز عشان يطلعه ... في الوقت هذا كان فيصل يحاول يطلع ... وطلع بسهوله من دون اصابات ..
وبعدما طلع فتح الباب بقوه .. او بالاحرا كسره ...
ومشاري يوم شاف فيصل سوا مثله وكسر الباب ...
وفهد ومشعل .. راحوا للجهه الثانيه كسروا الباب خق العنود ورغد ..
رغد علطول طلعت .... اما العنود ..فكانت عالقه .. حاول فهد يطلعها بس ما قدر ... جا عنده مشعل
مشعل : وش المشكله ..
فهد : ما ادري بس شكل رجليها عالقه ...
حاول فهد مره ثانيه .. وقدر يطلعها ... بس مهيب في وعيها ..
فيصل بعد ما كسر الباب ...
راشد : اسحبها يا فيصل ..
فيصل : لا وش اسحبها .. حامل يجيها شي ... لا بشيلها ..
وفعلا قرب فيصل من نجلاء مسكها شوي شوي شالها ... وودها لاقرب سياره ... اللي هي سيارة راشد ..
اما مشاري وابو فهد ..كانوا عند فواز ... اللي كان صاحي بس يتالم ومو مع الدنيا .. ووجهه كله دم ..
مشاري : فواز ... تسمعني ..
فواز : اه ...اه
مشاري جلس يسحب فواز لحد ماطلعه ..
وراه يركض لسيارة مشعل وجاب مناديل ومويه
وصار يمسح وجه فواز .. لحد ما رح الدم اللي فيها وصارت جروحه طفيفه مره ..
ابو فهد : فواز ... فواز ....
فواز : اه ...اه
ابو فهد : يا ويلي يا ولدي .. الله يستر بس..
مشاري : لا يا عمي شكلها عدت على خير ... لانه شكل بس راسه اللي تالم .. يعني سليمه بس من الروعه ذا كله ..
ابو فهد : انا بروح للعنود ... شكلها مره ..
مشاري وجعه قلبه : وش فيها ..
ابو فهد: مدري بروح اشووف ..
فهد : العنود ... ..العنود ...
مشعل : بروح اجيب عطر انا ..
راح مشعل وطلب من ريم عطر ...
وبعدها رجع وعطاه فهد ..
وصار فهد يبخ .. بدت العنود تستعيد وعيها ..
العنود وصارت تناظر اللي حولها يمكن ديقتين .. وبعدين صرخت
العنود : وينه الكلب اللي سبب لنا الحادث ....
وبعدين استوعبت لا يكون صار له شي
التفتت على فهد : وين فواز ....
فهد : في سيارة مشعل ..
العنود : وفيصل ورغد ... ونجلاء..
فهد : والله مدري عنهم .. فيصل ورغد طيبين .. بس نجلاء ما ادري
العنود : ابي اروح لنجلاء وفواز ..
قامت ومسكها فهد لان رجلها توجعها ...
فيصل اللي من حط نجلاء وهو يحاول يبي يقومها .. بس ما قامت ..
يمكن خمس دقايق ... ام راشد كانت واقف فوق راس فيصل وشكله يقطع القلب ماسك يدها ويحاول يقومها ..
وشوي شوي فتحت نجلاء عيونها ..
فيصل : نجلاء...
نجلاء: .......
فيصل : نجلاء .. كلميني .. فيه شي يوجعك ..
نجلاء صارت تناظر فيصل ....
فيصل ما يدري وش فيها ليش ما تتكلم ...
نجلاء: انت فيك شي ...
فيصل : انا ... لا سليم الحمد لله ..
نجلاء تجمعت الدموع في عيونها تذكرت وشلون صار الحادث ... وصارت تصيح ..
فيصل : نجلاء... وش فيك ...
نجلاء وصياحها يزيد ... : خايفه ..
فيصل يشد على يدها : من ايش خايفه انا معك ..
نجلاء: تكفى لا تتركني ..
فيصل : طيب .. بس انتي خلاص لا تصيحين ما صار شي ..
نجلاء: والله خايفه .. وينهم ... وش صار فيهم ...
فيصل التفت وصار يناظر برا العنود مع فهد تمشي ورغد واقفه عند امها وفواز مع مشاري في سيارة مشعل
فيصل : كلهم طيبين ... انتي بس فيك شي ... شي يوجعك ... تحسين بشي..
نجلاء: ايه ..
فيصل خاف عليها : وشوو ..
نجلاء..: راسي... وخايفه بعد ..
فيصل : خلاص يا عمري لا تخافين .. شوفينا كلنا ما فينا شي .. وراسك من الروعه بس شووي وبيطيب ..
والتفت على ام راشد ....
فيصل : خالتي اجلسي معها بروح اشوف اخواني ..
العنود خذاها فهد عند فواز ...
قربت من السياره كان فواز جالس قدام .. وجنبه مشاري يكلمه ..
لمى قريب العنود بعد مشاري ..
العنود: فواز .... فواز ...
ومشاري يناظرها وده يقولها الحمد لله على سلامتك ..
فواز يناظر العنود ويبتسم ..
العنود : قووم فواز ....
فواز : قايم يا عنوده.. والله قايم ..
العنود : وش اللي يوجعك طيب ..
فواز : راسي شووي من الخبطه بس..
العنود : يعني طيب ما فيك شي..
فواز : ايه .. انتي وش اللي يعورك ...
العنود اللي لحد الحين فهد ماسكها : رجلي شووي ...
جاهم ابو فهد ..وفيصل : الحمد على السلامه ...
فواز : الله يسلمك ..
العنود طبعا على طول حضنت ابوها ..
ابو فهد : اجل دام الكل طيب خلونا نمشي مهوب زين وحنا في ذا القطعه ..وبعدين السيل قريب ...
فيصل : ايه والله .. يالله بس...
مشعل : طيب وشلون الحين السيارات ..
فيصل مسك راسه حس بالم في راسه ..: لا ابد نطلع عفشنا من السياره ونوزعه على السيارات
مشعل : خلاص اجل ...فواز خلوه معنا فيه مكان . .
فيصل : خلاص ...وانا ونجلاء معك يا فهد ...والعنود ورغد مع محمد ..
فهد : خلاص اجل يله ...
راح فيصل لنجلاء وساعدها عشان تنزل ووداها في سيارة فهد ..وركبها ورا في المرتبيه الاخيره ..
وراح هوو يطلع العفش مع الباقين .. وقسموا ..
وركبوا نفس التقسيم ...
في سيارة مشعل .. ريم كانت في النص وجنبها مشعل من جهه ورنا من جهه يعني كانت قريبه من فواز بشكل خطير ..
فواز : ....مشعل عندك مويه ...
ريم المويه كانت في يدها ..مدتها لمشعل ...ومشعل عطاها فواز ...
صارت ريم تشوفه وهو يشرب خايفه عليه ..شكله مره متعور ....فيه شي هوو ...
مشاري التفت عليه : هاه فواز وش صار عليك .. وش اللي يعورك الحين ..
فواز : ابد راسي شووي ... احس اني دايخ ...
مشعل : طيب نام شووي ...ارتاح ..
مشاري: لا لا لا تنوم ... خطر والله ....خلاص اصلا وصلنا السيل وبننزل الحين توضا ونصلي وتغسل وبتحس بنشاط ان شاء الله ..
في سيارة محمد ..
العنود : اي ... رجلي..
رغد تهمس لها وش فيك ...
العنود : رجلي توجعني ..
رغد : خلاص بنوصل السيل الحين ...
لمى : وش فيك عنود ..
العنود : رجلي توجعني ..
محمد : الله يستر بس ما يصير كسر.. الحين بس نوصل للسيل خلي احد من اخوانك يشوفها
لمى: خلاص شوفي قربنا .. استحملي شوي ..
العنود تصرخ : بلاك ما تحسين باللي احس به ..
لمى : بسم الله علي.. حتى وانتي تعبانه لسانك وش طوله ..
محمد : ههههههههههههه خليها في حاله .. البنت تتوجع الحين...
نوف : خلاص عنوده .. وصلنا ..
محمد : خلاص ننزل الحين .. اكيد فيه هنا مستشفى والا مستوصف ..
في سيارة فهد بعد ما وصلوا لسيل .. نزلوا كلهم وباقي فيصل ونجلاء...
فيصل يلتفت لنجلاء وهو يبتسم : هاه وشلونك الحين ..
نجلاء : الحمد لله احسن ..
فيصل : الحمد لله ... بس شوفي ترا ما فيه عمره ...
نجلاء مستغربه : ليش .
فيصل : اولا .. انتي تعبانه شووفي نفسك ... مو قادره تفتحين عيونك من التعب .. ثانيا ..انتي قد اعتمرتي من قبل خلاص يعني الفرض وقضيتيه ..
نجلاء: لا تكفى ..
فيصل : شوفي انا ماراح اغصبك على شي انتي ما تبينه ... بس تبين رضاي ... لا تعتمرين ...
نجلاء : يعني كذا انت ما عصبتني ...
فيصل : والله اني ابي مصلحتك ...يعني اول شي طريق سفر وبعدين حادث وبعدين حامل ...يعني من جد ما تدرين وش العواقب اللي بتصير ...
نجلاء: بس والله العمره في نفسي...
فيصل : ادري ..والله ادري .. وانتي بنفسك اللي مقترحه السفره هذي ...بس يا نجلاء انتي فكري بمصلحتك
نجلاء: ............
فيصل : والعمره ...وعد اني ابي اعوضك .. والجايات اكثر .. ان شاء الله ..
نجلاء : فيصل .. انت تحبني ..
فيصل ابتسم لها وقرب لمها وهمس في اذنها : وتشكين في حبي لك .. والله احبك .. والله ..احبك .. ..
نجلاء بعد عنه : اذا انت تحبني ...لا تخليها في نفسي .. طلبتك .. وربي كنت فرحانه ..لا تضيق صدري .. ادري انت خايف علي ...بس ان شاء الله ..ماراح يصير شي ..
فيصل : .........
نجلاء بدلع : فيصل ...
فيصل قريب منها :.... ايوه فيصل ... وشو ..
نجلاء: تكفى حبيبي...
فيصل اعجبه الوضع ..: .....
نجلاء: ...فصوولي...
فيصل ابتسم لها...
نجلاء : خلاص عاد .. تكفى فيصل ...
فيصل : هههههههههههه يعني انتي كذا اذا بغيتي تطلبين شي... كذا الترجي ..
نجلاء : وش اسووي ..يعني في السياره ترا ..
فيصل : هههههههههههههههههههه .. ما اقدر ترا على الذكاء ..
نجلاء : ههههههههههه وشلون يعني تبيني اقنعك ...
فيصل يقرب منها : تبيني اعلمك وشلون ..
نجلاء تبعد : هههههههههههههه لا لا بعدين علمني ..
فيصل : هههههههههههههههه وش فيك ابعدتي ..خايفه يعني ..
نجلاء وهي ميته من الحيا : خلاص عاد فيصل ..
فيصل : هههههههههههههههه ..طيب الحين وش كنتي تبين ..
نجلاء: ابي اعتمر ... تكفي حبيبي الله يخليك ..
فيصل : وش اسوي .. ما عاش من يردك .. يا حرمي المصون ..
نجلاء : طيب يله .. الناس ينتظرونا هههههههههه ..
نزلوا ..
بعد ساعه وصلوا مكه ... وصلوا للشقتين اللي هم حاجزينها كانت شقتين مقابلات لبعض ...
ونفس التصميم الثنتين كلها ....ثلاث غرف وحمامين وصاله ومطبخ ...
دخلوا الشقه كانت الساعه 11 ...
نجلاء : تهبل والله شي..
ريم : وين غرفتنا ..
عبير: اصبروا انتم .. خلونا نشووف خالتي والحريم الكبار .. وين بينامون في اي غرفه وبعدين انتم ناموا ..
فيصل من عند باب الشقه : يا ولد ..
دخلوا البنات وحده من الغرف الا نجلاء ..
دخل فيصل وهم شايل العنود ..
فيصل : وين في اي غرفه انتم ..
نجلاء : ما بعد قررنا .. بس تعال الغرفه هنا ما فيها احد ..
دخل فيصل ونزل العنود على السرير ..
فيصل : شووفي يا عنيده بكره من الصبح .. بنروح نشووف وش فيها رجلك .فاهمه ..
نجلاء تجلس جنب العنود : خلاص ان شاء الله بتروح ..
فيصل يناظر نجلاء وهو يبتسم : ههههههه حتى انتي بعد.. يعني لا تفرحين ..
العنود : ايوه عليها يله ..
نجلاء : وشوله فيصل ما فيني الا العافيه ..
فيصل : هاه .. شووفي ترا هذا شرط ... والا ترا ... مافي.....
نجلاء تقاطعه : لا لا خلاص .... برووح ..
العنود : طيب وشلون الحين من يقعد عندي ..
فيصل : ما ادري والله .. بس انا بقول لهم بنجلس عندك انا ونجلاء ... عشان نجلاء بعد ترتاح شووي .. واذا رجعوا رحنا حنا ...
نجلاء : ايه والله كذا زين ..
فيصل : خلاص اجل بقول لهم ( ويلتفت على نجلاء) قومي شوفي فيه احد في وجهي او لا ....
---------------------------------------------------
مشاري : هاه وشلونك انت الحين ..
فواز : بالله عليك كم مره تسال السؤال هذا ...
مشاري: هههههههه هذا جزاي يعني ابي اتطمن عليك ..
فواز : انا بخيييييير..
مشعل اللي كان يسمع كلامهم : والله من شاف شكلك ..
مشاري : انت تقدر تعتمر ..
فواز : وش فيكم يا ناس .. ما فيني الا كل خير ..
مشعل : بتتعب يا فواز لو اعتمرت ..
فواز : وش فيكم انتم .. انا خلاص احرمت .. ونويت ... وخلوني على راحتي ..
فيصل اللي دخل عليهم ..
فيصل : خلاص يعني بننوم في هذي الغرفه ..
مشعل : ايه ..
فواز : يا اخي استح على وجهك .. اللي مهوب اخوي جالي يسال عن صحتي .. وانت ( ويقلد صوته ) يعني ببنوم في هذي الغرفه ..
فيصل : هههههههههههه .. والله اني نسيت انك معنا يوم الحادث..
فواز : لا بالله كملت والله ... اكيد منيب لايمك .. لاهي مع حرمتك ..
مشعل : الا صدق وشلون نجلاء ..
فيصل : الحمد لله .. والله اني حاولت فيها ما تعتمر ... بس مسكتني مع اليد اللي توجعني ..
فواز : والعنود ...
فيصل : العنود مهيب معتمره ... بس ابي بكره ارووح معها اشووف وش فيها رجلها ... الله يستر بس...
مشاري وجعه قلبه ... : وشو يعني كسر ..
فيصل : لا ما اظن انه .. كسر ...
مشعل يوقف: يله ترا الاهل ينتظرون ....
مشاري وفواز وقفوا... : يله ...
نرجع لشقة الحريم
صار لهم نص ساعه رايحين للحرم يعتمرون ..
العنود : وين فيصل ..
نجلاء : مدري والله اكيد انه في الشقه ... بروح اشووف...
لبست نجلاء جلالها ... وطلعت من الشقه ..طلت في السيب مالقت احد .. وبسرعه راحت لشقه الشباب
لقت الباب مفتوح .. ودخلت ...
صارت تدور لانها ما تدري فيصل في اي غرفه .... سمعت صوت جاي من الغرفه الاخير وراحت له ..
فيصل : اشتقتلك والله .. ... هههههههههههههههههههههههه .. ايه والله ... يا زينك ويا زين ايام الرياض ... هههههههه لا لاه.. وشلون يعني من ارجع عندك علطووول ..
نجلاء وقفت مصدومه ..لا مستحيل يعني كلمت عليه ليش ... ليش .. .ليش يا فيصل ... توك قبل ساعه قايل لي عن حبك ... وخوفك علي... والله حرام عليك .... وصارت تتذكر كلام ساره اذا وصلتوا ابعدي عنه عشان يكلم علي... اكيد متزوجها ... اذا رجعنا بيروح عندها ..وش معنا هذا .. حرام عليك يا فيصل ...
فيصل اللي سمع الصوت يبي يطلع يشوف مين .. : خلاص وليد اكلمك بعدين ...
وطلع عشان يشووف مين ...
شاف نجلاء... وابتسم ..
نجلاء شافته والجموع متجمعه في عيونها ...ابتسمت ..
فيصل : وش فيك ..
نجلاء سمعته وهو يقول وليد .. بس تبي تتاكد : من هذا اللي تكلمه توو ..
فيصل اه يا قلبي يا نجلاء ... يعني تحسبينني اكلم ساره : كنت جالس اكلم وليد ...
نجلاء نزلت راسها وصارت الدموع تنزل .. : وليد ..
فيصل قرب منها ورفع راسها بيده : ايه وليد ...
نجلاء ابتسمت له : لا بس سمعتك تقول اشتقتلك .. قلت من يكلم ..
فيصل : ههههههههههه .. مين يعني ممكن اكلم ... والا يعني تغارين حتى من وليد ..
نجلاء: ههههههه لا وشو بزر انا .. بس يعني امداك تشتاق له ..
فيصل : هههههههههههههههههه .. لا بالله منتيب طبيعيه ..
نجلاء: يله طيب نروح .. عند العنود .. انا جيت عشان اناديك ....
فيصل : يله ..
الساعه 1 الظهر في غرفة البنات ..
ريم : نجلاء...
نجلاء : .....
ريم : نجلاء قومي صلي الظهر ...
نجلاء: شوي ...شوي ...
ريم : قومي بيطلع وقت الصلاة ..
نجلاء: ما اقدر ..
ريم : وشو ما تقدرين .. متى خلصتوا عمرتك انتي وفيصل
نجلاء : الساعه 9 الصبح ..
ريم : طيب قومي صلي وارجعي ارقدي ..
قامت نجلاء .. مشت شووي بعدين اختل توازنها .. وامسكتها ريم ...
ريم : وش فيك ...
نجلاء وهي ما سكه راسها : ما ادري .. راسي يا ريم ...
ريم وهي تجلسها على السرير ... : بروح انادي احد ..
طلعت ريم تركض ودخلت غرفة الامهات ...
ريم : يمه ... خالتي .... نجلاء .. تعبانه ما ادري وش فيها ...
قاموا كلهم للغرفه اللي فيها نجلاء ..
لقوها راقده على السرير ...
ام راشد : يمه بنيتي ... وش فيك ..
نجلاء ابتسم لامها بتعب : انا بخير... بس راسي يوجعني ...
ام فهد : وش بلاك ذاويه اجل ..
نجود اللي واقفه ورا امها : ماما وش فيها خالتي نجلاء ..
لمى : تعبانه شوي ..
سكتت نجود وطلعت من الشقه وراحت لشقة الرجال ...
نجود شافت ابوها : بابا وين خالي فيصل ...
محمد : نايم ..
ابوفهد : وليش هو ما راح يصلي معنا ..
محمد : الا يا عمي... بس انه يوم رجع نام .. لانه ما رجع الا تسع الصبح ..
نجود اللي تركتهم وهم يتكلمون ودخلت على فيصل ..
نجود وهي تهز فيصل : خالو قووم ... خالو فيصل .. قوم ...
فيصل فتح عيونه ..: وشو ..
نجود : خالتي نجلاء تعبانه ..
 
الجزء الخامس والثلاثوووون
الفصل الاول


فيصل جلس بسرعه ..: وش تقولين ....
نجود : والله العظيم ....بتطيح ...ومسكتها خالتي ريم ... وهي الحين في الغرفه نايمه ..
فيصل بخوف : تعالي قدامي اذا فيه احد قولي فيصل بيجي ....
نجود : طيب
دخلت نجود لشقه وقالت لهم يتغطون لان فيصل بيدخل
دخل فيصل في الغرفه اللي فيها نجلاء والبنات بعد ما طلعوا لان فيصل دخل ما عدا العنود اللي رجولها تعورها
فيصل قرب منها : نجلاء!!؟
نجلاء : هلا فيصل
فيصل : سلامات وش فيك؟!! تحسين بشي..؟
نجلاء ابتسمت : لا مافيني الا العافيه بس يبالغون ..!
العنود: لا يغرك كلامها بغى يغمى عليها ..!
فيصل : قومي البسي عبايتك انتي واياها...
نجلاء : فيصل والله مافيني شي ..... ماله داعي
العنود : اقول قومي بلا بربره..
فيصل : قوموا انتي واياها كلكم بسرعه ...
نجلاء : اقول لكم مافيني شي والله اني بخييييييييير ...
فيصل : شوفي انا ما جيت اشاورك ...! بتقومين يعني بتقومين ..
نجلاء باستسلام : اوووف منك انت واختك !
قامت نجلاء من السرير وحست بدوخه وحس فيها فيصل ومسكها !
فيصل : اجل مافيك شي هاه؟...
العنود جتهم بعد مالبست عبايتها وشافت فيصل وهو ماسك نجلاء : انتم للحين تتغزلون ببعض ... ما شبعتوا من بعض ...!
فيصل رمى المخده اللي بجنبه عليها : هههههه وانتي وش دخلك!؟
في المكان اللي نشفق عليه وقت رمضان .. اللي الله يصبره علينا وعلى حوستنا
ريم و رغد ورنا ونوف حبوا يستلمون المطبخ اليوم ويريحون اهلهم
رنا : ريم وش هالحماس الزايد ! لهالدرجه جوعانه؟؟
ريم ببرائه : لييييه ؟!
رنا : احد يسوي القهوه من الظهر؟... الحمد لله والشكر على نعمه العقل.. بتبرد وتخرب ما اذن المغرب
ريم استوعبت : طيب انا ما اعرف اسوي الا قهوه ...
رنا : عاد من الحييين؟؟!!
نوف : دامك ما تعرفين اجل الله لا يهينك شوفي البصل في الثلاجه خذي بصلتين وقطعيها
ريم تصرخ : انا ريم بنت خالد اقطع بصل..........!
رغد : اجل ليه مسويه ازعاج من الصبح .. وعلى بالي تكانه .. وانتي ما عندك ما عند جدتي!
دخلت عليهم عبير!
انصدمت القهوه تطبخ والبنات يناظرون بعض... ولا سوو شي !
عبير بعقلانيه : ترا انتم ماسكين مسؤليه عائله ...! وش هالي سويتوه!!؟
ريم : ياربييييييييه وش سوينا!؟
عبير: احد يطبخ القهوه الحين ؟ وترا الساعه 2 وانتم ولا سويتوا شي!؟ دامكم مو قد المسؤليه ليه تستغنون عن خدماتنا !!
رغد : يعني انتم معتمدين على اللي بنسويه!؟
عبير: تنكتين ؟...
نوف : تدرون توني استوعب قدر المسؤليه !؟
ريم : اقول بما اننا مانا بقدها خلونا نطلب من المطعم ونفتك!
عبير: لاه؟ حليتيها!؟ وشيابنا ؟ شلون صيام بدون شوربه وسمبوسه ؟ استخفيتي انتي!؟
رنا : مافيه شي جديد من يومها مستخفه!
ريم : لاه نعم الاخت والله
رنا : انا مع الحق
ريم : رنا ووجع يا اوقفي بصفي والا بقول لمشعل
رنا : وش بتقولين يعني؟ ياي يمه خفت!
ريم: خليني ساكته احسن
عبير: نعم الخوات والله ... يله يله برا والله ما عندكم ما عند جدتي روحوا نادولي الهنوف ولمى ما يمدي الوقت
ريم : مستغنين عنا؟
عبير: الله عاد نشوفك سويتي شي!؟
فيصل ونجلاء والعنود وصلوا للمستشفى من ساعه .. العنود طلع معها رضوض سهله ... وعطاها الدكتور علاجات لرجلها ..
اما نجلاء اللي لحد الحين ما يدرون وش فيها ... جالسين يستنون العنود وفيصل برا ... تاخرت الدكتوره جوا يمكن صار لها ساعه الا ربع ....والمصيبه انهم رفضوا يدخلون فيصل...
طلعت الدكتوره ... وقام فيصل على طول ...
فيصل : هاه دكتوره طمنيني ...
الدكتوره : انت قوزها ( انت زوجها ) ...
فيصل : ايه ...طمنيني عن صحتها ..
الدكتوره ابتسمت : دي مراتك حامل ...( زوجتك حامل)
فيصل ودها يصطرها على بردوت اعصابها : ايه ادري حامل وشلونها الحين ...
الدكتوره : القنين سليم الحمد لله (الجنين) ...
فيصل بلهفه : وزوجتي ....
الدكتوره : مراتك ................. هي ما بتكلش ليه ...
فيصل بهمس : اللهم طولك يا روح .................(وطول صوته ) دكتوره زوجتي وش فيها
الدكتوره: دي ما شاء الله امر (قمر) بسم الله ما شاء الله ...
فيصل خلاص اعصابه فارت : بتتكلمين الحين والا شلون ...
الدكتوره : دي اصل مراتك بتتدلع ....هي شويه ارهاق بس... هو دا اول حمل ليها ...
فيصل ارتاح : ايه اول حمل ...
الدكتوره : ما هو باين اصلا يعني ...
فيصل : وين زوجتي طيب ...
الدكتوره : دي خارقه دلواتي ...
فيصل سكت وجالس يتحلطم في ذا الدكتوره ...
بعد كم دقيقه طلعت نجلاء .. شافها فيصل وراح لها
نجلاء تبتسم : شفت ما قلت لك ما فيني شي ..
فيصل : معليش المهم تطمنت عليك ..
نجلاء : طيب يله خلنا نرجع للشقه ..
العنود : ايه والله فيصل خلنا نرجع مليت ترا ..
فيصل : بسم الله وش فيكم هبيتوا في وجهي .. طيب وانا قلت لا .. يله تفضلوا ..
في شقة الرجال ..
مشاري : هلا حياتي ..
ساره : هلا والله اشتقتلك متى بترجع ..
مشاري : توني امس جاي..
ساره: ادري بس اشتقتلك ..
مشاري : حتى انا .. بس اقول ساره ..
ساره: هلا ماجد ..
مشاري يبي يجس النبض : وش فيه صوتك .. احس ان فيك شي ..
ساره محتاره تقول له او ما تقول : ماجد فيه موضوع ابي افاتحك فيه
مشاري استانس : ايووه وش هو ..
ساره: فيه واحد يهددني ..
مشاري حلوو بدت تتجاوب البنت : منهوا هذا .. ووشلون يتجرا اصلا
ساره : يهددني انه بينشر صوري .. ترضاها علي
مشاري : لا ابد ما ارضاها بس هذا وشلون جاب صورك ..
ساره : زوجته العله هذي ..
مشاري عصب ليش تتكلم عن اخته كذا مو كافي اللي تسويه فيها .. : ايووه وش فيها زوجته
ساره : زوجته تقرب لوحده اعرفها .. وهي تحبه وتموت فيه .. وانا حاولت انتقم لها منه وفي الاخير كل شي طاح على راسي
مشاري : ومنهي ذي ..
ساره : وانت وش بتستفيد اذا عرفت منهي .. خلنا في مشكلتنا الحين ..
مشاري فاضيلك انا : ايووه صح مشكلتنا اهم .. طيب منهو هذا .. وش اسمه
ساره : اسمه فيصل
مشاري : وزوجته وش اسمها
ساره : اسمها نجلاء
مشاري : اها .. طيب اللي تقرب لنجلاء هذي وش اسمها
ساره : يووه مجودي وش فيك تحقيق هوو .. يله عاد قلي وش اسوي
مشاري : طيب هو ليش سوا كذا
ساره : يبيني اترك حرمته في حالها
مشاري : طيب اتركيها في حالها
ساره : ما اقدر اتركها في حالها .. لاني ما احبها وبعدين هي انسانه غبيه
مشاري خلاص وده يصرخ عليها صرخه : وليش غبيه
ساره : لانها مو قادره تحافظ على زوجها .. زوجها يحبها بس هي غبيه تصدق كل شي اقوله لها
مشاري : طيب انتي وش تستفيدين ..
ساره : سعادة صديقتي ..
مشاري : طيب انتي قلتي كل شي انقلب على راسك .. بس صديقتك وش جاها اول شخص بينظر هو انتي . مهيب صديقتك ..
ساره : طيب ما اقدر على زعلها انا . وبعدين خلاص تعودت على كذا
مشاري : طيب لو قلت لك عشاني ..
ساره : ماجد انت ما تدري وش قد تعني لي بشكل ما تتصوره .. بس لا تحرجني لاني ما اقدر ..
مشاري : اوكي ساره مع السلامه
ساره : لحظه ماجد ..
مشاري من جد كان معصب : نعم ..
ساره : لا تزعل مني ..
مشاري : مع السلامه ..
سكرت ساره من مشاري ..ما كانت تبيه يزعل كلمة علطول على نوف ..
نوف: هلا والله ..
ساره : نوف ما اقدر .. احبه ..
نوف : وشو وشو كذا علطووول .. يا بنت الحلال سلمي اول قولي شي ..
ساره : نووف انا احبه ..
نوف : منهو هذا وليش توني ادري عنه ..
ساره : هذا واحد اسمه ماجد .. صار لي شهرين اكلمه ..
نوف : ايووه .. وما شاء الله حبيتيه والا زيه زي غيره .. تحبينه اليوم وبكره تدورين غيره
ساره : لا لا والله يا نوف مستعده ما اكلم احد ابد ابد . بس احس انه يحبني
نوف : ليش ما يحبك ..
ساره : ما ادري بس هو غير عن كل اللي كلمتهم .. محترم طيب حبيب. .قبل شوي كنت اكلمه حسيت اني حقيره لمى قلت له عن سالفة نجلاء وفيصل
نوف عصبت : وليش تقولين له ..
ساره : عادي واذا قلت له
نوف : لا المفرووض ما تقولين لاحد زي ما اتفقنا
ساره : بس هذا بعيد عن نجلاء وبعيد عن فيصل .. وبعدين انا واثقه منه .. يا نوف هذا رجال محترم . يعرف ربه .. مو مثلي ..
نوف : وش تقولين انتي ..
ساره تبي تغير الموضوع : وش اخبار نجلاء وفيصل ..؟
نوف : اسكتي بس .. توهم جاين من المستشفى ,, وشوفي ذا السكنيه تخيلي اهم صاير لهم حادث وما جاها شي
ساره : ههههههههههههههههههههههه .. وانتي تبين يصير لها شي
نوف : ايه ابيها تسقط ..
ساره : طيب وش صار عليها
نوف : الدكتور يقول ارهاق .. بس ما راح ارتاح انا وهي كذا بوجهي ..
ساره : طيب ليش ما تحاولين تستفزينها ..
نوف : وش اسوي تعبت .. وبعدين كل اللي هنا يحبونها .. وهي لسانها صاير طويل ..
ساره : حاولي تستفزينها تعصبينها .. يعني انتي نطلي عليها كلام واضحكي حتى لو ردت عليك اضحكي ..
نوف : طيب بحاول ..
بعد يومين في غرفة البنات ..
العنود : رغد شووفي الرقم هذا . .
رغد : وشو رقمه .
العنود صارت تقول الرقم ..
نجلاء تسمع الرقم وفتحت عيونها . هذا هوو متاكده هذا هوو
العنود : تعرفينه .. لانها ارسلت لي رساله وقالت خلي رغد تكلمني لانها مقفله جوالها
رغد : ايه اعرفه .. هذا رقم ساره ..
نجلاء من الصدمه وقفت .. مو عارفه اللي سمعته صدق او لا .. ساره .. هي نفسها اللي تكلم علي .. هي نفسها حبيبة فيصل
وشلون قدرت تتعرف على فيصل .. وشلون قدرت توصل له .. انا لازم اقول لمشاري ..
العنود : هييه انتي وش فيك وقفتي.؟؟
نجلاء ساكته في عالم ثاني .
العنود : هيييييه انتي نجيل ... وش فيك مبلمه ..
نجلاء تلتفت على العنود : هاه .. انا ..
العنود : انا لله وانا اليه راجعون .. ايه انتي .. مين يعني ..
نجلاء : وش تبين ..
العنود : وش فيك انتي اكلمك من اصبح وانتي مطيره عيونك ..
نجلاء استوعت الموقف : لا بس مستغربه وين ريم ورنا .. بروح اشوف وينهم
العنود : ما ادري والله وينهم اكيد عند امهم ..
نجلاء سكتت وجلست تفكر بساره ..ورغد جالسه تحوووس بشنطتها .. العنود شافتهم ساكتين وسكتت ..
في الصاله ..
هدوول: ماما .. ابي ارووح ..
رنا : طيب علميني .. وين تبين تروحين .
هدوول : ابي ارووح الناس برا ..
رنا : ما يصلح يا ماما .. الحين الساعه 11 بالليل ... من يوديك برا ..
هدوول وبدت تخنقها العبره : ما ابي ما ابي.. ابي اطلع برا .
رنا ما عرفت وش تسووي .. اكلم على مشعل بس هوو اللي بيحلني ..
كلمت رنا عليه من اول رنه رد ..
مشعل : هلا والله وغلا .. وينك يختي .. من اللي شاغلك ..
رنا استحت وما عرفت وش تقوول ونست هي اصلا ليش داقه ..
رنا : هلا والله ..
مشعل : اخبارك .
رنا والحيا مقطعها : انا الحمد لله .. انت اخبارك ..
مشعل : انا الحمد لله .. فرحان اني سمعت صوتك ..
رنا بعدت الجوال عن اذنها صارت تتنفس بسرعه ما تدري ليش حست ان الهواء خلص
رجعت الجوال: اقول مشعل ..
مشعل اللي يحس انه كل ماله ويتعلق برنا زياده: عيون مشعل ..
رنا يا ربيه ما يبيني اتكلم هو : هدوول تبي تطلع ..
مشعل : وين تبي تطلع .. وين تروح ..
رنا : ما ادري تقول ابي اروح للناس برا ..
مشعل : تبي تتمشى يعني ..
رنا : ايه .
مشعل : طيب عطيني اياها ..
خذت هدوول الجوال ..
هدوول : الوو ..
مشعل : هاه هدووله وين تبين تروحين ..
هدوول : برا ابي ارووح ..
مشعل : خلاص طيب قولي لماما تلبسك ويله استناك انا
هدوول : انا البس وماما تلبس صح ..
مشعل : ما ادري شوفي اسالي ماما تبي تروح ..
هدوول ترفع راسها لرنا : ماما بتروحين معنا صح ..
رنا يا ربيه ان قلت لا بتزعل بس انا مستحيل اروح : لا ماما انا بجلس عند عميمه نجلاء
هدوول : لا ماما يله ..
 
رنا : معليش حبيبتي المره الثانيه انا لازم اقعد عند عميمه هي تعبانه ..
هدوول ترجع تكلم مشعل : بابا .. ماما تدول لا .. ))تدول = تقول (
مشعل : عطيني ماما ..
هدول عطت رنا الجوال ..
مشعل : هلا رنا ..
رنا : هلا ..
مشعل : ليش ما تروحين ..
رنا : لا بس صعبه اطلع ..
مشعل : طيب وش رايك تطلع معنا ريم ..
رنا : يمكن ما توافق ..
مشعل : ههههههههههه ترا هي اختك قبل ما تصير اختي ... اكيد بتوافق ما تعرفين اختك..
رنا ابسمت : طيب بقول لها وبقول لامي ..
مشعل : خلاص وانا انتظركم .. لا تنسين لبسي هدوول ..
رنا : اكيد ما راح انسى ..
مشعل : الله يخليك لي ولها ..
رنا سكتت مو عارفه وش تقول ..
مشعل عرف انها نحرجت : هههههههههه طيب يله مع السلامه ..
رنا : مع السلامه ..
راحت رنا وقالت لريم اللي علطول وافقت ..
العنود : خير ان شاء الله ..منيب .. منيب ما فيه روحه ريمووه
ريم : رووحي زين .. برووح يعني برووح .
العنود : هين يالانانيه ..
نجلاء : خلاص العنود اقعدي عندي ..
العنود : مليت منك ترا .. ابي اشم هواء ..
نجلاء :انطمي بس .
ريم : يله رنا .. بسرعه لا نتاخر على مشعل ((وهي تناظر العنود عشان تقهرها ((
العنود : لحظه ..
ريم : وش تبين انتي الحين ..
العنود تاخذ جوالها ..
العنود : الوو ..
فواز : هلا ..
العنود : حبيبي اخووي .. قلبي انت ..
فواز : استغفر الله .. اخلصي وش تبين .. انتي ما تحبين من الله ..
العنود : حرام عليك والله انا كذا ..
فواز : اخلصي اخلصي .. وش تبين ..
العنود : ابي اطلع معهم ..
فواز : منهم ..
العنود : ابي اطلع مع مشعل وهدوول وريم ورنا ..
فواز : يعني واحد بيطلع مع بنته وحرمته واخته .. انتي وش لك فيهم .
العنود : لحوووول .. الحين وشلون يعني ..
فواز عرف ان ريم بترووح : طيب بس اذا راح مشاري رحت ..
العنود : يا لبى قلب اخووي .. ايه الله يخليك قل لمشاري حاول فيه ..
فواز : طيب طيب ..
بعد نص ساعه ..
فيصل : الحين الكل بيرووح ..
فواز : الظاهر كل البنات بيروحون .. ورا ما تروح انت وحرمتك ..
فيصل : لا خل حرمتي ترتاح توها راجعه من الحرم مصليه التراويح .. ما تحمل مشوار طلعتين ..
فواز : ايه خلاص يله مع السلامه ..
طلع فواز وفيصل كلم على نجلاء ..
فيصل : هلا والله ..
نجلاء سمعت صوت فيصل وتذكرت ساره .. بس طنشت الوضع : هلا فيك ..
فيصل : وشلونك الحين ..؟؟
نجلاء: انا الحمد لله تمام .. بس فيصل خلنا نروح معهم ..
فيصل : لا لا لا لا ..
نجلاء : فيصل تكفى ..
فيصل : لا تحاولين نجلاء ..
نجلاء : يا ربيه ..
فيصل : طيب كل البنات راحوا ..
نجلاء : باقي رغد ونوف ..
فيصل : طيب ترا بجي لك .. قولي لهم يطلعون عن الغرفه ..
نجلاء : وشلون البنات ..
فيصل يبتسم : ما علي منهم انا .. قولي لهم يطلعون ..
نجلاء : ان شاء الله .
سكرت نجلاء من فيصل والتفتت على رغد ونوف اللي كانوا يسولفون بهمس
نجلاء: لو سمحتوا ممكن تطلعون لان فيصل بيجي الحين ..
رغد بعناد : لا ماراح نطلع مو على كيفك..واذا الغرفه غرفتك تعالي تحكمي...
نجلاء : طيب وش فيك تردين كذا انا قلت بأدب ...وفيصل هو الي قاله انا قلت له انكم فيه وقالي قوليلهم اني بجي
نوف : طلعه ماراح نطلع والي عندك سويه...
نجلاء عصبت وسمعت صوت فيصل يناديها
فيصل من برا: نجوووووووووووول ..
طلعت له وهي معصبه وباين انها معصبه
فيصل حس فيها : وش فيك..؟؟
نجلاء : لا ولاشي بس رغد عييت تطلع من الغرفه.. خلاص انا بجلس هنا وانت رح لشقه الثانيه
فيصل : اقول تعالي هناك معاي مافي احد..
نجلاء : لا وين اخاف يجي احد من العيال صعبه...
فيصل يمسك ايدها : اقوول امشي بس.. انا مشتاق لك موووووووووووووووت وابيك تجين معاي
نجلاء وهي مستحيه منه : وانا بعد
فيصل: انتي ايش ..
نجلاء تقصر صوتها : مشتاقه لك مووووووووووووت ...
فيصل : يابعد قلبي انتي..يالله معاي ..
في مركز مكه ..
مشاري : ابوك متهني وناطلك يا هالنشبه علي ..
هدوول تناظره ببرائه ما تدري هو وش يقول ..
فواز : ههههههههه شفت عاد ... رح ود بنته له .. خرب عليهم الرومانسيه اللي هم عايشين فيها
مشاري : حرام . حرام ..
فواز : ما شاء الله قمت المشاعر المرهفه .. وش حرام حرام .. والله انه حلال . مهيب بنته ...
مشاري : هقوتك اجل اروح واعطيه اياها ..
فواز : وش بعد ايه ..
مشى مشاري وشافته ريم ..
ريم : هييييييه هييييه انت وش بتسوي
فواز يناظرها ويبتسم يدري انها بعفويه تتكلم
مشاري : وش تبين انتي الحين .. ؟؟
ريم : حرام عليك هذولي معاريس خلهم شووي مع بعض ..
مشاري : اقول فارقي تكفين ..
ريم : يا هووووه وقف ...
مشاري : لا لا والله انا منيب معطيه بنته بس برفع ضغطه ..
***************************
رنا تلتفت : وين هدوله ..
مشعل يناظرها ويبتسم : هدووله مع مشاري ..
رنا : بروح اجيبها بتهبل به ..
مشعل مسكها مع يدها : وين بتروحين .. تعالي ..
رنا : بروح اجيب هدوول ..
مشعل : لا تعالي خليك معي نسولف شوي .. وهدوول مع عمها .. مهيب مع غريب ..
رنا استحت وودها تسحب يدها من يد مشعل : طيب ..
مشعل : يله سولفي علي
رنا مستحيه ما تدري وش تقول حاولت تسحب يدها من مشعل بس مشعل ضغط عليها يعني ما فيه امل
مشعل يبتسم لها وغمز
رنا انهبلت يا ربيه وربي مهوب صاحي اصلا شكلنا غلط الناس يتسوقون وحنا واقفين على جنب
مشعل يضحك على شكلها : وش فيك ؟!
رنا تحاول تسحب يدها : ممكن ؟..
مشعل رحمها وترك يدها : وش فيك يعني كل ذا حيا ترا عرسنا بعد اقل من اسبوعين .
رنا استحت زياده خلاص انا بروح لهم ما اقعد معه اليوم الفيوز طاقه عنده
مشعل : اقول عيوني
رنا لا لا يا ربي ارحمني.. مشعل وربي قلبي ما يستحمل هذا كله ..يا حبني لك والله يا ليت اقدر اقولك اني احبك
رنا وهي ميته حيا: هلا
مشعل يبتسم لانه يدري انها استحت بس يحبها اذا استحت : وين تبين نسافر
رنا يا ربيه فيه احد يسأل هالسؤال وش اسوي فيه ذا : على راحتك حب ....
استوعبت هي وش كانت بتقول ..
مشعل وهو يبتسم ابتسامه طيرت قلب رنا : كمليها ..
رنا نزلت راسها من الحيا .. الله يقطعني انا وش هببت وش قلت
مشعل : رنا عشان خاطري كمليها ..
رنا بصوت بعد الويل يطلع : استحي ..
مشعل : معليش قوليها مره وحده بس ..
رنا : ترا معاد تسمع غيرها
مشعل في نفسه وهو على كيفك اوريك انتي بس اصبري علي بعد الزواج وتشوفين : ايه خلاص معليش
رنا احسن انا جبتها لنفسي : على راحتك ..............حبيبي
مشعل من جد اعجبته الكلمه على لسان رنا ووده تعيدها مره وثنتين وثلاث بس هو عارف انها ما راح تعيدها
مشعل : الله ما اقدر انا قلبي بيوقف
مشاري اللي كان جاي وسمع اخر كلمتين من مشعل بدون قصد طبعا
مشاري : اووه سلامات وش فيه قلبك .. اصبر اصبر (ويطلع جواله من جيبه ) اصبر خلنا ندق على الاسعاف لا تموت وين اجيب لي اخو منه وبنتك ذي من يمسكها
مشعل اللي كان مطير عيونه في مشاري : من متى وانت هنا
مشاري : رايق انت ترا خلنا نشوف حل لقلبك ذا اللي بيوقف
رنا ميته من الحيا تبي تبعد بس مشاري في وجهها من جهه ومشعل من جهه
مشعل : لحظه لحظه انت الحين يقالك تستخف دمك
مشاري وهو يقرب من مشعل بحيث محد يسمع هو وش بيقول : ابي اتزوج
مشعل سمعه ومات من الضحك ..
مشاري : مضحكه انا لك
مشعل : لا بس انت تو تتمصخر علي .. الحين دورك
مشاري : لا والله مشعل اكلمك جد ..
مشعل : ابوك انا .. وش اسوي لك طيب ..
مشاري : كلم ابوي معي ..
مشعل : مالي دخل انا ..
مشاري عصب : طيب طيب والله اليوم بقول لابوي قدام الكل.. وان ما خطبت اليوم ما اكون مشاري ..
مشعل يمسك ضحكته عشان ما يعصب مشاري زياده : نشوف وش بتسوي ..
مشاري : خذ بنتك .. ويالله بنرجع للشقه ...
مشعل : حاضر يبه اوامر ثانيه ..
مشاري يسوي نفسه زعلان : لا تكلمني انت ..ويالله بروح اخطب تعال معي ..
رنا طبعا اللي سمعت الكلام ومستغربه من بيخطب مشاري وليش متحمس ابسال مشعل بس اخاف يقول وش هالملقوفه
*****************
مشاري رجع لفواز اللي كان ينتظره
مشاري : وين البنات
فواز : داخل المحل .. وش تبي بهم ؟.
مشاري : بنرجع ..
فواز اللي ما بعد مل من ريم : وش نرجع .. وش فيك مقروص ..
مشاري : خلاص بنرجع الحين .. وبكره نطلع مره ثانيه ..
قالوا للبنات وطبعا عصبوا ..
في شقة الشباب نجلاء وفيصل جالسين بالغرفه اللي يقعدون فيها الشباب
فيصل كان منسدح على السرير ونجلاء جالسه جنبه ..
نجلاء : فيصل خليني ارجع للشقه ..
فيصل : وليش ؟؟
نجلاء : ابوي وعمي نايمين .. ومحمد وفهد وراشد على وشك ويجون .. وفواز ومشاري بيجون بعد شوي
فيصل : فهد والعيال مهوب جاين الجين بيجون بعد صلاة القيام وفواز ومشاري ما بعد كملوا ساعه من طلعوا
يعني مهوب جايين الحين
نجلاء : اوووه ما شاء الله عليك حافظ التوقيت ..
فيصل : افا عليك .. اكيد ..
نجلاء : طيب مو معقوله يعني بجلس محبوسه كذا .. ابي اطلع .. ابي اتمشى
فيصل : من عيوني .. بكره امشيك ..
نجلاء ابتسمت : جد ..
فيصل : اكيد جد .. انا قد وعدتك واوفيت بوعدي
نجلاء : لا ..
فيصل : خلاص اجل ..
نجلاء : بس ..
فيصل يقطع كلامها : وشو بعد .. بتقولين ابي البنات معي
نجلاء : ههههههههههه لا بس كنت ابي اسالك متى .. ظهر .. او عصر او مغرب
فيصل : اللي تبين ..
نجلاء: شكرا ..
فيصل : ولوو .. كم عندي من نجلاء انا ..
بعد ما رجع مشاري من برا ... جلس يفكر يا ربيه الحين انا ابي اخطب .. بس صعبه كذا من الباب للطاقه اقولهم ابي اعرس ... يا ربيه يا مشعل مو معطيني وجه ابد .. ابي احكي مع احد .. وش هالحال اللي محد راضي يكلمني ...جلس يفكر .... يا ربيه مين ....ايووووه ريموووه .. كيف غابت عن بالي ....ودق علطول عليها .
ريم : هلا والله وغلا باخوي العزيز الحبيب .. الطيب الغالي ..
مشاري : ههههههههههه اعووذ بالله كرهة نفسي ..
ريم : لا لا افا بس ...
مشاري : يا شيخه طيري ... وعن الهرج الفاضي ...
ريم : مالت عليك منت كفوو ... جالسه من الصبح احكي وامدح .. جاملني على الاقل وامدح ..
العنود اللي سمعت ريم تتكلم وقربت منها تبي تعرف من تكلم ...
العنود بهمس وهي تخبط ريم : ريم من تكلمين ..
ريم : وش دخلك انتي ...
العنود صوتها يعلي : عن المصاله قوولي ..
ريم : منيب قايله .. فارقي عن وجهي ..
العنود : يا قليلة الادب ... هذا كلام تقولينه لي..
ريم طنشتها ورجعت لمشاري .. : ايووه وش تقوول انت ...
مشاري : لا لا ه .. زين ذكرتي ان فيه احد معك بالجوال . . روحي كملي سوالف ..
ريم : مدري عنها هالملقوفه الا تبي تعرف من اكلم ..
مشاري ابتسم : مين ..؟؟
ريم : بعد انت وش هاللقافه ..
مشاري: احسن منيب قايل لك اجل ليش داق ..
ريم : اخلص علي .. ليه داق ..
مشاري ابتسم : انا بخطب ..
ريم مطيره عيوونها : نعم ؟؟
مشاري : ابي اخطب ..
ريم للحين مو مستوعبه : لحظه .. لحظه ... تتكلم جد .؟؟ .. والا تعطيني على قد عقلي ..
مشاري : لا والله صادق ..
ريم ابتسمت : ومنهي تعيست الحظ .. اقصد سعيدت الحظ
العنود رجعت تخبط ريم وبهمس : ريمووه وتبن ... وش السالفه .
ريم : اصبري .. اصبري . شي لا يصدق ..
العنود : مين طيب ... حطي سبيكر ...
ريم : طيب .. (وحطت سبيكر ) ..
مشاري : وين رحتي انتي ..
ريم : معك .. بس قولي من هالعروس .
العنود مطيره عيونه وش عرووسه ..
مشاري : عن اللقافه .. العرووس احلى من القمر ..
ريم : مشاري يله عاد .. قولي مين .
مشاري : اسمحي لي . ما طرا اني بقول ... يله مع السلامه ..
ريم : لحظه وتبن ..
بس مشاري ما عطاها وجه وسكر بوجهها ..
ريم معصبه : الخايس الحقير المعفن ..
العنود اللي للحين مو مصقه اللي تسمعه .. : ريم ..
ريم : نعم انتي بعد ..
العنود وهي تتكلم وتفكر : من تتوقعين البنت ذي ..
ريم تفكر معها : والله مدري .. بس من وين عرفها هو ..
العنود بقهر : لا زم نعرف منهي ..
ريم : تعالي نسال نجلاء ..
اليوم الثاني العصر في شقة الرجال الكل كان جالس .. ويسولفون .. ومشعل وفيصل متحمسن مع مسلسله تاريخيه بالتلفزيون
مشاري جالس ويناظرهم ما يدري وشلون يفتح معهم الموضوع .. يا ربيه بس انا لازم بفتحه .. بس يمكن لو اكلم ابوي قبل احسن .. لا لا لو كلمته
قبل يمكن يسكتني ويقول ما فيه عرس الحين .. لكن لو قلت عند الكل ان شاءالله مهوب قايل شي ..
مشاري : احم .. احم ..
ابو راشد التفت عليه ..
مشاري : ابيكم في موضوع ..
ابو فهد : خير يا ولدي تكلم ..
مشاري : يبه انا ابي اتزوج ..
ابو فهد وابو راشد صاروا يناظرون بعض مستغربين طلب مشاري ..
فواز اللي وقف : نعم .. نعم .. خيانه هذي ..
مشاري اللي كان متوتر ومهوب فاضي لمزح فواز .. عشان كذا طنشه والتفت على ابوه وعمه
مشاري : هاه يبه وش رايك ..
ابو راشد : والله هذي الساعه المباركه يوم انك بتكمل نص دينك وبتعرس ..
ابو فهد : الله يوفق يا ولد .. والله اللي كبرت وبتعرس .. وعسى الله يوفقك لبنت الحلال الصالحه اللي تسعدك ..
ابو راشد : بس عاد انت يا مشاري عروستك علي ..
مشاري لا يا ربي وش بقوله الحين .. لا يبه تكفى لا تخرب علي ..
ابو راشد ويلتفت على اخووه : مناب لا قين اخير من بناتك ..
مشاري اللي بدون شعور قال : العنود ..
مشعل اللي كان متظاهر انه يشوف المسلسله ويسمع كل كلمه وضحك على مشاري ..
ابو فهد : والله ما بنلقى احسن من مشاري للعنود .. بس عاد لازم نشاور البنت وامها واخوانها ..
مشاري لا شعوريا التفت على فواز ..
فواز يضحك : يبه عادي اقول رايي ...
ابو فهد : اسمعك .
فواز قلب جد : يبه .. هذا زواج ومو لعبه مو معقوله ان حنا بنزوج بنتنا وحنا ما سالنا عن اللي خاطبها
ابو فهد والكل يناظر فواز وهم مستغربين من كلامه حتى مشعل وفيصل التفتوا .وراشد ومحمد وفهد اللي كانوا بعيد
شدهم كلام فواز ..
فواز يلتفت على مشاري يبتسم : بس مشاري .. لو نلف الرياض ما نلقى مثله .. يا بختها والله اختي يوم بتاخذك ..
مشاري قام وخبطه مع صدره وفواز ميت من الضحك ..
مشاري : انا اعلمك وشلون مره ثانيه تطيح قلبي ..
فواز : يعني انا معك 24 ساعه وشلون بسال عنك .. من اسال عنك يعني .. وانا اكثر من يجلس معك ههههههههه
مشاري : عاد والله ما جا في بالي افكر
فواز : ايه عشان مره ثانيه تفكر ..
عند الحريم بعد العشاء .. كلهم مجتمعين الحريم والبنات لان اليوم محد منهم راح للحرم يصلي التراويح
الرجال بس هم اللي راحوا .. طبعا فهد بلغ امه عن خطبة مشاري للعنود .. وام فهد قالت للمى تقول للعنود
عشان تفهمها ..
لمى تقوم : العنود تعالي ابيك ..
العنود : لمى لازم الحين مالي خلق ..
ام راشد تناظرها وتبتسم والعنود ترد لها الابتسامه وهي مسغربه
لمى : العنود قومي الحين ابيك ..
قامت والعنود ومشت معها لحد ما وصلت لغرفة البنات
جلست لمى على السرير والعنود جنبها ..
العنود : شكلك مطوله ..
لمى بدون مقدمات : العنود مشاري خطبك ..
وسكتت عشان تشوف ردت فعلها
العنود وقفت من الصدمه معقوله لا لا ما اصدق .. هو امس قال لريم .ايه ايه والله قال لريم انه بيخطب وحده حلوه
ومثل القمر .. انا لا لا مستحيل اكيد هو امس كان يمزح ما يقصدني ..بس هو يحبني .. طيب واذا حبني يعني
انا ما احبه .. واكرهه بعد .. لا لا ما اكرهه .. يا ربيه برفضه واللي يصير يصير انا ما ارتاح معاه
العنود وهي تناظر لمى : ابي افكر
انصدمت من نفسها ليش قلت كذا غبيه غبيه غبيه .. انا قلت لا مهوب بفكر
العنود : لحظه لمى ..
لمى وهي قايمه بتطلع : فكري واستخيري .. وشوفي وعلميني وش بتقررين ..
طلعت لمى وخلت العنود في صراع مع نفسها هي تقول شي بس ترجع تخالف نفسها و تقول العكس ...
دخلوا عليها ريم ونجلاء .... وصاروا يناظرونها بنص عين ..
ريم : اقول نجيل .
نجلاء رافعه حواجبها : ومين نجيل ذي بعد
ريم وهي تناظر العنود وتوجه كلامها لنجلاء : ما سمعتي عن شي صاير هنا ..
نجلاء اللي فاهمه على ريم : وشهوو هالشي ..
ريم : هو ما دريتي ..؟؟..
نجلاء : لا .. ما دريت ..((وتلتفت للعنود )) العنود وشهوو هالشي ..
العنود اللي كانت مستحيه .. وبنفس الوقت معصبه منهم .. ودها تقوم وتذبحهم ...
ريم : خليها خليها .... ((وتبتسم بخبث (( يمكن مستحيه ..
العنود وقفت معصبه : هين يا ريمووه .. اشووف فيك يوم قوولي امين ..
نجلاء وهي ماسكه ضحكتها ورافعه يديها : امين ..
ريم : خير خير خير خير ... جالسه على قلبك انا .. بنات اخر زمن ..
العنود : اعصابك يالكبيره ...
ريم : الكلام معك ضايع ... ((وقامت بتطلع ((
العنود : الا اقووووووول .... فواز اخوووي يسلم عليكم ..
ريم اللي وقفت .. يا رببيه يا قلب ريم يسلم علي ... ..
مشت ريم عشان تبين للعنود انها مو مهتمه ..
نجلاء واقفه بينهم وتحس انها ضايعه .. ما تدري وش السالفه .. بس تحس ان الوضع فيه ان ..
نجلاء : اوووف وش سالفتكم ..
العنود تبتسم : سلامة قلبك ..
نجلاء : اروح اكلم فيصل ابرك لي منكم ..
خذت جوالها وكلمة على فيصل ..
فيصل : هلا والله وغلا ..
نجلاء : هلابك ..
فيصل : اخبارك ..
نجلاء :الحمد لله .. ((سكتت شووي )) .. اقوول فيصل ..
فيصل : عيون فيصل انتي ..
نجلاء : ابي اطلع ..
فيصل : بس ..
نجلاء ابتسمت : بس ..
فيصل : انتي تامرين امر .. يله البسي عبايتك .. انتظرك ..
نجلاء فرحانه : باللهي ... الحين ...
فيصل يستهبل : لا غيرت رايي ما فيه طلعه ..
نجلاء مكشره : لا عاد ... وشو ما فيه طلعه ...
فيصل مسوي نفسه معصب : هونت خلاص ..
نجلاء : اووووووف وش هالحاله ...
فيصل : نعم وشو عيدي .. عيدي ..
نجلاء وهي منقهره منه :فيصل ماتسوى علي هاطلعه ..
فيصل : بنات أخر زمن ... يله اطلعي انا عند باب الشقه ..
نجلاء : منيب طالعه ..
فيصل يضحك: يله عاد اطلعي .. وشو منيب طالعه ..
نجلاء : ايه عشان افرح تقولي هونت ... منيب ..
فيصل : بتطلعين والا دخلت اطلعك بطريقتي ..
نجلاء ماسكه ضحكتها : لا عاد ... وشهي هالطريقه ..
فيصل : خلاص بدخل اعلمك وشهي ..
نجلاء تصرخ : لا لا لا تكفى .. خلاص طلعت ..
فيصل يبي يرفع ضغطها : لا لا خلاص دخلت ..
نجلاء وقفت .: امانه .. باللهي دخلت ..
فيصل : ههههههههههههه .. وربي منتيب صاحيه .. يله اطلعي ..
نجلاء تبتسم : ان شاء الله .. ثواني وجايه لك.....
 
الجزء السادس والثلاثون

بدون فصل - جزء كامل

راحت نجلاء مع فيصل للمطعم يشربون قهوة .. جلست نجلاء تطالع
فيصل وتسرح .. حس فيصل انها سرحانة بموضوع سارة ..
فيصل : نجولي .. وين سرحانة ....... اكيد فيني هههههههههههههههه
نجلاء : اكيد ياقلبي .. وناظرت فوق وتنهدت .. حمرت عيونها
ودمعت .. ناظرها فيصل وحظنها ... زادت صياحها ..
فيصل: نجلاء ..ترى انتي اغلى وحدة عندي بالدنيا .. انا مايهمني
اللي في بطنك .. مايهمني الا انتي ياقلبي ..
نجلاء: بعد مامسحت دموعها .. ياقلبي يافيصل والله اني احبك مووووت
... حاولت تلطف الجو... بس يافيصل اخاف اذا جاء البيبي تنساني
ههههههههههههههههههه
فيصل : لا ياشيخة .. اخاف انتي تلتهين فيه وتنسيني ههههههههههههههه
نجلاء : انا انسى روحي ولا انساك..
جاء فيصل وباسها مع راسها وحظنها...
في الغرفة ... جلست العنود تسرح .. انا وش قلت لها .. اففففف
ياليتني وافقت .. بس هو بعد ماقالي شيء ... هو يحبني اكيد
بس ودي اقهره .. قاهرني مرة.. ماني مصدقة .. مشاري يخطبني
جلست تبكي .. ماتدري وش تسوي .. خايفة..فرحانة.. متألمة..
واخيرا .. طلعت من الغرفة ...
عند الرجال
ابوفهد وابو راشد : وين فيصل .. ماشفناه ..
فواز: راح مع زوجتة يمشيها .. مزعجينا ذولا كل شوي طالعين
ابوفهد: ياولد عيب عليك .. خلهم يتمشون.. قم صب الشاهي لنا
وقام وصب لهم الشاهي ...
مشاري كان جالس ويفكر ..
قام فواز وقال : مشاري ياخي وش تفكر انت .. ياخي ماتبيك
ذبحتنا كل يوم لازق فينا ...
طارت عيون مشاري ..
مشاري :ترى والله لا اذبحك .. اسكت تكفى اللي فيني كافيني
فواز: يؤ يؤ .. احلى يالتفكير الرهيب ههههههههههههه
عاد تصدق يامشاري .. اختي ماهي لاقية احسن منك ..
انبسط مشاري وابتسم ..
فواز: بس عندها شروط .. طارت عيون مشاري..
فواز: لا تطير عيونك لا الحين افقعها هههههههههههههه .. انت اسمع الشرط .. وبعدين فكر ...
مشاري : وشو شرطها .. وترى رئبتي سدادة(( باللهجة المصرية ))
فواز : تستخف دمك انت ووجهك .. الحين اسمع الشرط وبعدين تفلسف
مشاري : طيب وشو الشرط ؟
فواز: شرطها تقول انك تحترمني وتخليك معاي زي الالف ههههههههه
وتجيبلي .. اي شيء اطلبه .. حتى لو موية هههههههههههههههه وتهمز رجولي وراسي كل يوم هههههههههههههه
مشاري : بس ها الشرط .. غالي والطلب رخيص ...
قام مشاري ورمى عليه المسندة وطاحت على الشاهي .. قاموا الرجال
يهاوشون .. ياعيال اعقلوا ..
فواز : كذا يعني .. ترمي علي المخدة ياتعبان؟ ياخي ترى اللي اوله شرط اخره نور .. نور ولا ياسر القحطاني ههههههههههههههه
مشاري : يابردك .. ترى ان ماسكت لا والله تجيك البيالة
فواز : الحين اقولك تحترمني وتلبي طلباتي .. تقولي تجيك البيالة .. ترى اقول للعنود تهون عنك ..
مشاري : لحووووول .. (( وجاء بيقوم)) ومسكه فواز من يده ..
فواز : ياخي وش فيك انت .. متوتر .. شكلك ذابحك التفكير .. اقول بس
خلنا نطلع برى وش رايك ...
مشاري : مالي خلقك تكفى...
فواز : اخص يالرومانسي هههههههههههههههههههه .. ترى اقنعها
واخليها ماتوافق عليك هههههههههههههههه...
مشاري: حاضر طال عمرك قدامي ياخالي ... فواز ميت من الضحك عليه...
نجلاء... تحاول تقول لفيصل .. لكنها مترددة .. فيصل حبيبي ودي اقولك
شيء مشغل بالي ...
فيصل : ماعاش اللي يشغل بالك .. حس فيصل انها بتقوله ..
نجلاء : فيصل .. انت تحبني ..مهما كانت الظروف مراح تتخلا عني..
فيصل : وش ها الكلام ياقلبي .. مستحيل اتنازل عنك ابد ابد .. والله لو على رقبتي ياقلبي ... انبسطت نجلاء من كلام فيصل وارتاحت كثير
حس فيصل انها مبسوطة .. استغل الفرصة وقال : نجولي .. مشغلك شيء؟! .. ودك تقولين لي شيء .. خافت نجلاء .. سكتت .. ماعرفت تقول شيء ... دق التلفون على فيصل .. طالع فيصل الرقم ولقاه مشاري .. الو .. هلا مشاري ..
مشاري : هلا فيصل .. اقول وينكم فيه ؟!..
فيصل : ونتم بس ماتتركون الواحد يتهنى بزوجتة .. وعصب فيصل ..
مشاري : ههههههههههه اقول بس وينكم فيه نبي نجيكم انا وفواز..
فيصل : بعد وفواز معاك .. والله واجتمعتوا ... اول خلني استشير اختك
توافق ولا لا ... وحط السبيكر .. فيصل .. هذا مشاري وفواز يبون يجون
وش رايك توافقين ولا لا ..وغمزلها فيصل .. يقولها قولي لا ...
نجلاء : هلا مشاري ..
مشاري : هلا نجلاء .. اشوف صارت قضية جيتنا .. اقول بس نبي نجيكم .. يالله دقايق وحنا عندكم ...
نجلاء : اول استاذن من فيصل ..
مشاري : وشو وشو .. وعصب ... (وفيصل ميت ضحك) ..
فيصل : اقول خلاص لا يكثر بس .. تعالوا يالله ..
مشاري : اقول تكفى ... يالله مع السلامة ...
راحت العنود عند ريم ... ولقتها لحالها ...عرفت ريم ان العنود تبيها وحيرانة ...
ريم: ياهلا وغلا بخطيبة اخوي ... ناظرتها العنود ودمعت عيونها...
ريم : وش فيك يالعنود .. ترى ابقولك شيء .. انتي الف من يتمناك .. ماشاء الله جمال وسنع وكل المواصفات فيك .. واخوي .. ما اختارك .. الا هو عارفك زين .. ومشاري يالعنود .. طيب مرة .. وشهادتي مجروحة فيه ... لاني اخته .. بس حتى انتي اختي واكثر .. لكن هو رجل .. يعتمد عليه .. بكل شيء .. فكري زين ...
سكتت العنود .. ماعرفت وش تقول .. حست فيها ريم..
ريم : تكلمي يالعنود قولي اي شيء ..
العنود : مدري والله وش اقول .. اخاف من المستقبل ..
ريم : كلنا ماندري وش المستقبل .. بس ان شاء الله خير لنا .. والله يعطينا على قدر نياتنا ...

بالطريق مشاري وفواز يسولفون مع بعض ..
مشاري: مدري والله يافواز .. اخاف العنود ماتوافق ..
فواز: ياليت ماتوافق هههههههههههههههههه
مشاري: فواز تراني مالي خلق بالمزح .. انطم احسلك..
فواز: يعني ما اسولف ياخي .. ترى يامشاري انت كلن يتمناك
بس .. لايكبراسك علينا ..ههههههههههه .. وانا متأكد انها بتوافق انشاء الله .. بس انت هدي الامور وكل شيء بوقته حلو ...
مشاري: ياخي مدري عجزت .. لازم افكر.. والله كل اليوم وانا ماني على بعضي.. هواجيس توديني وتجيبني ..
فواز: طيب ياخي خل سواق يوديك بالمشاوير ههههههههههههههههه
قام مشاري وصفقة على جبهته الين ماطيرت عقاله ..ومالت السيارة على اليمين .. وبغى يصدم..
فواز: اقول وقف وقف بس.. ماني رايح معاك .. الشغلة تفكير وتصفيق ..وسواقه زي وجهك .. اقول وقف بس ..
مشاري : اقول اسكت لا الحين اتوطى ببطنك..
فواز: تصدق عاد .. اني راحمك .. ادري والله الموضوع شاغل بالك.. لكن كلها بتهون ان شاء الله..
مشاري : تهقا ؟
فواز : اقولك قل ان شاء الله وصل صلاة الاستخارة وشف نفسيتك
مشاري : ياخي صليت مرتين .. بس .. مدري .. ماني حاس بشيء
كل تفكيري فيها .. انها توافق ولا لا ..
فواز : اقول تعرف تصلي الاستخارة .. ولا والله ماتدري وين الله حاطك
مشاري : اقول اسكت لا والله يجيك الكف ..(ورفع يده )
فواز : لا لا شكلك من جد رايح فيها ..
مشاري : اقول قفل على الموضوع .. وصلناهم..

فيصل : مدري وش عندهم ها النشبة .. مايخلون الواحد ياخذ راحته..
نجلاء : عادي خلهم يوسعون صدورهم معانا .. وهي تضحك
فيصل : اقول ترى ابقوم واخليهم لك..
نجلاء : يؤ .. وشفيك .. تراني امزح ياقلبي
فيصل : وانا عاد اقدر اخليك لحالك مع ها الوحوش .. وهو يضحك
نجلاء ودها تستغل الفرصة قبل لايجون .. وسرحت ..
فيصل : ياسلام ياحظ اللي ماخذ عقلك
نجلاء : انت اللي ماخذ عقلي
فيصل : ياحبنيلك .. (نزلت راسها واستحت)
فيصل : جو الشباب

جلسوا فيصل ونجلاء ومشاري وفواز يسولفون ... فجأة رن تلفون
مشاري .. طالع الجوال ... لقى رقم (سارة) .. ارتبك مشاري .. قام وطلع من عندهم .. وراح عند مدخل المطعم .. وقام يكلمها
سارة : هلا مجودي .. اشتقتلك موت ياقلبي
مشاري : هلا وغلا بسارة .. اكيد ندمتي وبتقولين لي منهي البنت
سارة : ياقلبي خلنا من ها الموضوع .. ابي اسمع اخبارك .. والله اشتقت لك كثير .. ومته بتجي .. خلاص تراني تعبت .. ما اقدر بدونك.. احسك مرة طيب .. واللي في قلبك على لسانك .. ياحبي لك
مشاري وهو معصب : مع السلامة
سارة : لحظة .. لحظة .. وش فيك معصب ياقلبي
مشاري وهو معصب : مشكورة .. بس بتقولين لي ولا والله ما اكلمك ..
سارة : حرام عليك يامجودي .. البنت محلفتني ولا اقدر اقولها
مشاري : لاني والله منقهر منها .. المفروض ماتسوي كذا .. خلاص هم متزوجين ويحبون بعض .. ونتي اللي بيكون على راسك ..
سارة : طيب وش اسوي .. ودي اساعدها بكل شيء ..
مشاري : الواحد مايساعد احد بالشيء الشين اللي يدمر حياة الناس ..
طيب افرضي .. انتي متزوجة وتحبين زوجتك .. واقوم ارسل بنت لزوجك .. تكلمة وتخرب بينكم .. وش راح تسوين ..
سارة : راح اذبحها ..يعني انت بتكون زوجي ياقلبي
مشاري : اكيد ياقلبي بتكونين زوجتي يا اغلا سارة
في ها اللحظة .. كان فواز جاي من عند نجلاء وفيصل ..وشاف مشاري .. وسمع كلمة (( اكيد ياقلبي بتكونين زوجتي يا اغلا سارة )) انصدم من اللي سمعه وجلس يسمع ..
سارة : والله من قلبك يامجودي ..
مشاري : اكيد من قلب ماجد ياعمري ..بس ابي اطلب منك طلب وتنفذينه لي اذا كنتي تحبيني ..
سارة : تفداك عيوني ..
مشاري : سارة .. ابي رقم البنت وانا اكلمها واخليها تقول اسمها واقنعها ماتسوي شيء لهم ..
سارة : ياقلبي خلنا من ها البنت ..
مشاري معصب : تبين تعطيني رقمها ولا راح تنسين مجودي
سارة : (( سكتت شوي وتفكر)) والله ياماجد انا اثق فيك مدري ليه واحس قلبك مرة طيب .. بس توعدني انك ماتقول اسمي قدامها ولا تجيب طاري الرقم جبته من وين ؟
مشاري : اوعدك ياقلبي ماراح اقولها منين جبت الرقم .. يالله عطيني الرقم بسرعة ..
سارة : وشفيك مستعجل .. لاتكون تبي تتعرف عليها .. ترى ياويلك
مشاري : يعني وش بتسوين فيني .. اكيد مافي احد بحياتي الا انتي يا سارة ياقلبي ..
سارة : تسلم لي ياعمري .. (( وعطته الرقم ))
مشاري : خلاص انا ابروح واكلمك بعدين
سارة : شف ياويلك لو تجيب اسمي او تقولها عني؟
مشاري : لاتخافين يالله مع السلامة
سارة : لحظة .. ماقلتلي وش اسوي بفيصل اللي يهددني بالصور؟
مشاري : انا اشوف واحلها .. واكيد فيصل ماراح يسوي شيء.. انا ما اعرفه لكن .. من كلامك هو ونجلاء يحبون بعض وحرام يخرب بيتهم بسبب صديقتك ... عموما يالله مع السلامة ..
 
وسكر السماعة ولقا فواز بوجهه ...وكان فواز معصب وجهه ومتفاجيء من اللي حصل ..
فواز (( وهو معصب )) : منهي سارة ذي اللي تكلمها؟؟ ومن فيصل ونجلاء ؟!
مشاري : ارتبك ولا عرف يتكلم .. هذي وحدة اعرفها ..قاطعه فواز
فواز : افا والله .. وتقول بعد هذي وحدة واعرفها .. والله ماتوقعتك كذا يامشاري .. اشوى ان الله بين حقيقتك لنا ..
مشاري : فواز .. اسمعني اقولك ..
فواز : لاتقولي ولا شيء .. اشوى ان اختي مابعد اخذتك يالخاين .. والمشكلة وانا معاك ماقد حسيت انك تكلم بنات .. لا وبعد بينكم حب..
مشاري (وهو معصب): فواز عن الغلط .. خلني اقولك..
فواز : لا وبعد تعرف الغلط من الصح .. تعرف تكذب بعد ..والمشكلة وش دخل اخوي فيصل ونجلاء بالموضوع .. لايكون فيصل يكلم بعد ؟
مشاري : لا لا .. لاتدخل فيصل بالموضوع .. تكفى
فواز : وشفيك خايف .. افا والله يامشاري .. طلعت ذيب وحنا ماندري ..والله طحت من عيني يالخاين ..
مشاري ك ترى ما اسمحلك تقول عني كذا .. انتي متري وش السالفة..
فواز : لا سالفة ولا هم يحزنون .. كل شيء بان وانفضح .. وانا تراني اول واحد بيعارض زواجك من اختي يالخاين ..

وترك فواز مشاري وهو معصب وطلع برى
مشاري : فواز .. فواز .. تعال يبن الحلال

وركب فواز تكسي وراح .. وجلس فواز يفكر .. ومنقهر من اللي حصل ... معقولة مشاري يسوي كذا ؟ وانا اخر من يدري ؟ ويبي يخطب اختي ويسوي نفسه انه طيب وكل شيء .. ماني مصدق .. ماني مصدق .. وش ابقول لاختي عن مشاري .. هو لعاب ؟ هو نذل ؟ ياويل قلبي ياوخيتي ..مدري وش اسوي .. كيف اقول لاختي عن مشاري ؟ كيف راح اقول للعنود عن فضايح مشاري ... الله يعينك يالعنود ... لكن ليه مشاري يسوي كذا ؟ انا اعرفه من زمان ولا قد سمعت او شكيت فيه بشيء ؟! اعرفه من يومنا صغار .. ليه يامشاري .. ((وطاحت دموع فواز)) لكن الحمد لله بان كل شيء.. وهذي اختي من لحمي ودمي واعز ماعندي .. ولازم تعرف عن ها الخاين اللي مايستاهلها .. وقطع عليه صوت راعي التكسي ويقوله انه وصل للشقة ..

رجع مشاري لفيصل ونجلاء .. وفيصل كان معصب
فيصل : وينكم فيه ساعة ونتم جالسين ولا كأننا موجودين.. جيتوا بس وخربتوا علينا الجلسة ..
مشاري : لا ابد مافي شيء بس هذا (( وتلعثم بالكلام)) وغمز لفيصل علشان يفهم ..هذا راعي الشقة يسألني الى مته بتجلسون ؟
فيصل (( عرف ان فيه شيء)) : طيب وين فواز ؟
مشاري : راح للشقة
فيصل : ليه؟ وش فيه ؟
مشاري: ابد مافيه شيء .. بس كلمه ابوه ويبيه
نجلاء : عسى مافيه شيء ؟
مشاري : لا والله مافيه الا العافية .. المهم بس ابي عصير بارد
فيصل : ههههههههههههه ماهمك الا بطنك
مشاري : اقول اطلبلي بس .. ولا ترى ابطلب اكل هههههههههههههه
فيصل : طيب طيب .. هههههههههههههه

وصل فواز للشقة .. وراح لشقة الحريم .. وسال عن العنود .. وقالوله انها بغرفتها تصلي .. رجع فواز وراح لغرفته .. وقابل ابوه .. وساله
ابو فهد : وينكم ؟ وين الباقين ؟
فواز: الحين بيجون ..
ابو فهد : ليه ماجوا معاك ؟
فواز: انا سبقتهم لاني حاس ان راسي يعورني ..
ابو فهد : سلامتك .. عسى مافيك شيء؟
فواز : لا يبه .. مافيني الا الخير .. بس حاس بتعب .. ابرتاح ويروح ان شاء الله..
ابو فهد : ان شاء الله يوليدي .. لا تتعب نفسك .. تسحر معانا ..
فواز : ان شاء الله

ودخل غرفته فواز .. ورمى نفسه على السرير .. وحس بدوخه .. وقام يفكر ..

راحت العنود رجعت غرفتها .. جلست تفكر ... وقامت وصلت ركعتين استخاره .. وقامت تدعي .. خلصت .. وحست بالراحة شوي .. قامت تفكر بمشاري .. فتحت الدفتر حقها وقامت تشوف وش كتبت
"اما مشاري ..كان رقصه فظيع ...صح مهوب احلى من رقص فيصل ..بس كان حلو ...وحتى وهو متلثم عيونه حلوه باللثمه ..يعني طالع رزه ..انا كنت اول مره اشوفه من قريب ..اعجبتني بعد حنيته علينا ...شكله مره طيب انا الصراحه ما اعرفه ..ما اعرف أي شي عنه ..غير انه ولد عمي ...بس اليوم ترك انطباع عندي ان شخصيته حلوه .."
وابتسمت ... وفتحت الصفحة اللي بعدها ...

" اليوم مشاري تاسف لي .. الصراحه رحمته كنت ابي اقوله خلاص ما صار شي ..وانت ولد عمي..بس كبريائي منعني ..انا عندي كرامه وما اقدر اقوله خلاص مشاري انا سامحتك ..لانه ضربني ..يعني هو صح يقهرني ..بس حتى ولو ما يستاهل اسووي فيه كذا وهو طيب .. انا ادري انه طيب...بس انا طنشته ومشيت ..بس هو مسك يدي..انا ما اعجبتني حركته ..وحتى هو شكله من دون قصد مسكها وبسرعه فكها بس ما ادري ليش انقهرت لمى فك يده "
وضحكت .. وكملت .. وفتحت الصفحة اللي بعدها ...
" نزلت له .. لقيته واقف عند المسبح ..رحت له ..بس هو شكل مزاجه زفت .التفت علي يحسبني فواز ...بس يوم لقاني العنود .. عصب .. قال لي فوق .. انا انقهرت منه وانا جايه اتاسف له كذا كذا يسوي فيني .. حتى لو هو ما يدري ما يكلمني كذا . ليش يا مشاري .. انت رجعت هدمت كل شي من اول وجديد .. رجعت على ورى عشان اروح فوق لانه قهرني نرفزني بس انا طحت وصارت مصيبه انكسرت رجلي.. جا مشاري عشان يساعدني .. بس انا رفضت لانه قاهرني . وانا ما احتاج مساعده منه ..بس الالم كان شديد ..عقلي يقولي خليه يساعدك ..وقلبي يقول لا لا ..لا تخلينه يقرب منك ....بعدها مشاري راح وتركني ..ورجع وفواز معه ."

وسكرت الدفتر .. وانبسطت مرة .. وصارت تبتسم .. وقررت انها تطلع من الغرفة.. سمعت صوت الباب يطق .. راحت تفتح .. لقت .. فواز على الباب ..
فواز : هلا باختي الغالية ..
العنود ( مستغربة ) : هلا وغلا .. وشفيك ؟
فواز : وشو وشفيني .. ابسولف مع اختي .. فيها شيء هههههههههه
العنود : لا بس غريبة جاي بها الوقت ؟
فواز : يعني تبيني اوقف على الباب .. ولا ادخل ؟
العنود : ههههههههههههه لا لا .. ادخل
ودخل فواز الغرفة .. وقالها تسكر الباب .. وسكرت الباب ..
 
الجزء السابع والثلاثون
الفصل الاول

طلعوا فيصل ونجلاء ومشاري من المطعم .. مشاري ركب السيارة لحالة .. واتصل على فواز .. ومارد فواز ... اتصل عليه عدة مرات .. ولا رد علية .. قام مشاري وكتب رسالة من جوالة :

فواز : هلا وغلا باحلى اخت بالدنيا
العنود: ههههههههههه وش عندك طايح تمديح فيني
فواز: اختي وادلعها .. فيها شيء ؟!
العنود: ايه هين .. اكيد فيه شيء .. انت ماتجي هنا وتحوس الا تبي شيء ههههههههههههههه
فواز : افا .. وليه كذا .. والله اني جاي اسلم عليك واشوف وش اخبارك..واسألك عن مشاري ؟
العنود(بعد ما استحت ونزلت راسها) : والله ما ادري وش اقول .. لكن مشاري .. عاقل ورزين .. وصديق اخوي بعد ههههههههههههههه
سكت فواز .. وقام يناظر فوق .. وهو مرة متألم ..
فواز: اكيد انتي مرتاحة من الموضوع ؟ استخرتي ؟
العنود : قبل لا تدخل وانا توني مصلية .. والحمد لله مرتاحة شوي ..
قام فيصل واستغل فرصة ها الشوي ..
فواز: ليه شوي ؟ انتي حاسة بشيء ؟ انا والله بعد خايف عليك ..
العنود (بعد ماقطعت كلامه): خايف علي ؟!! ليه وش فيه ؟
ورن جوال فواز ... طالع الرقم ... لقاه مشاري يتصل عليه ... وحطه صامت ..
العنود ( بعد ما استغربت ): ليه مارديت على التلفون ؟
فواز : هذا مشاري .. ولاحق عليه ..
العنود (وهي مستحية وفرحانه): ليه ماترد عليه ..

ورن جوال فواز مرة ثانية .. ولا رد عليه
العنود : وراك ماترد عليه .. وهي مستغربه !!
فواز : اتركينا من المكالمة .. وش كنا نقول ؟ ايه انا مدري خايف من شيء .. ومادامك اختي .. لازم اتأكد منه ..
العنود (وهي مستغربه): تتأكد من ايش ؟ مو انت صديقة وتعرفه زين؟
فواز : انا عارف .. بس ولوا .. هذا زواج مو لعب ..
العنود : وش قصدك لعب ؟ تراك خوفتني ..
فواز : والله مدري يالعنود .. براسي شيء ولازم تعرفين بكل شيء .. وانا ما اقدر اسكت .. انتي اختي واغلى ماعندي بالدنيا ..

وجت رسالة على جوال فواز .. لكن طنشها ولا فتحها .. استغربت العنود من تصرف فواز .. مارد على الجوال .. ولا طالع الرسالة ..
العنود : فواز .. تراك اشغلت بالي .. وش فيك .. امانة تقولي وش صاير
فواز : والله مدري وش اقولك .. لكن خليني اتأكد زين .. واقولك السالفة
العنود : وش ها الخرابيط .. بتقولي يعني بتقولي .. ترى اللي فيني كافيني .. مشاري فيه شيء ؟! صارله شيء ؟!
فواز : ياليت فيه شيء .. استغفر الله .. (( وقامت العنود من مكانها ))
العنود : فواز .. واللي يرحم والدينك .. قلي ..
فواز : اليوم اكتشفت شيء بمشاري .. وابي اتأكد هو صحيح ولا لا..
العنود (وهي معصبة ): يابردك .. بتقولي ولا لا؟!
فواز : مدري وش اقولك .. انا اليوم اكتشفت انه يكلم بنات .. وانا ماني متاكد من ها الشيء .. لاني عارف مشاري مو من النوع اللي يكلم .. بس سمعته يكلم بنت .. والمشكلة محد قالي .. انا بنفسي سمعته ..
وجلست العنود .. تشاهق من الصياح .. كأن الخبر جاء صاعقة على قلبها .. وسكتت فجأة ..
العنود : ومن هي ذي البنت ؟! وش تبيبه ؟!
فواز : والله ما ادري من هي ؟! بس المشكلة ان فيصل ونجلاء داخلين بالموضوع ..
العنود : وشوا .. ؟!!!
فواز : الحين انتي اهديء شوي .. وخلينا انتفاهم
العنود : انتفاهم على ايش !! وش دخل فيصل ونجلاء بالموضوع
فواز : مدري والله ..

وجلس فواز يتذكر مكالمة مشاري للبنت ....
"مشاري : هلا والله ...
ساره : هلابك والله ..
مشاري : اخبارك ..
ساره : تمام بعد ما سمعت صوتك .. ..انت اخبارك ...
مشاري : وشلون ما اكون بخير وانا اسمع صوتك ..
فواز اللي كان جنب مشاري كان يسمعه مستغرب من يكلم مشاري ..
ساره : وينك فيه الحين ..
مشاري : ابد ابي امشي لمكه ..
ساره : يوه كل اللي احبهم بيمشون لمكه ..
مشاري : مين يعني غيري بعد بيمشي ..
ساره : صديقتي ..
مشاري اكيد هي بس عاد مين .: صدق ..
ساره : ايه والله
مشاري والله يا نجلاء اللي حاقده عليك وحده تقرب لك : وش اسمها ..
ساره : لا منيب قايله ..
مشاري : ههههههههه ليش يعني تغارين ..
ساره : اكيد يا قلبي انا اغار عليك من كل شي ..
مشاري : ما اقدر انا وشلون بنوم الليل اليوم ..
ساره : هههههههههه
مشاري : دووم ان شاء هالضحكه ..
ساره : تسلم يا قلبي وياك ان شاء الله
فواز ينغز مشاري ...يعني وش السالفه ..
مشاري يناظر : اصبر شوي يا اخي ...
ساره : وش فيك ..
مشاري : لا ابد بس الشباب يقولون يله بنمشي ..
ساره : خلاص يا قلبي ما اطول عليك .. بس تكفى لا تنساني اول ما توصل كلم علي..
مشاري : حاضر من عيوني الثنتين ...
ساره : يله طيب باي ..
مشاري : مع السلامه ..
فواز : وش عندك ...
مشاري : ابد مشكله صغيره .. وحلها عند ذا البنت ..
فواز : وشو مشكلته .. محتاج شي تبي شي..
مشاري : لا لا ... بس واحد اعرفه ... ذي مدري وش مسويه بزوجته .. وصارت بينهم مشاكل وكذا عاد انا ابي اعرف من هالبنت السبب اللي خلاها تسوي كذا عرفت
فواز : ايه اشووا بعد احسبك تغازل من وراي ...
مشاري : انا اغازل .. عز الله ما عرفتني اجل ..
فواز : لا بس والله منتب سهل من وين تعلمت تصف هالحكي الحلوو ..
مشاري يتنهد : الحياة تعلم وانا اخووك ..
فواز : وشوو لا يكون حبيت ذا البنت اللي تكلم عليها ..
مشاري : هذا الناقص بعد .. يله امش تاخرنا .."

قام فواز وعلى طول قراء رسالة مشاري :

"فواز انا ادري انك زعلان علي .. بس انت ماخليت فرصة لي اشرح لك وش اللي صاير .. تكفى يافواز .. تراك عزيز وغالي عندي .. ويشهد الله علي اني ما اكلم احد ابد ابد .. وقسم بالله وانا في اطهر بقاع الارض .. اني ما اكلم احد .. بس هذي سالفة طويلة .. تذكر يوم اكلم البنت هذيك .. ويوم تقول عسى ماحبيتها ... وقلت لك .. لا فيه مشكلة بين زوجة وزوجها... ترى الموضوع يخص اختي نجلاء واخوك فيصل .. خلني اشرح لك اذا جيت البيت .. بس تكفى اوعدني انك ماتقول للعنود شيء ..انا كلها ربع ساعة وجايك .. ولا تخرب الموضوع طلبتك "
وانصدم فواز يوم عرف الحقيقة..
العنود : هيه.. هيه .. وين رحت ..
فواز : هاه .. لا مافي شيء .. خليني اشوف الموضوع
العنود : فواز .. تكفى .. علمني تراك خوفتني وضيقت صدري
فواز : لا يالعنود .. لاتخافين .. ولا يضيق صدرك .. الموضوع ان شاء الله بينحل .. بس انا فهمت غلط .. وراح اصحح كل شيء ..
العنود : منتب رايح .. اللين تقولي وش السالفة ؟!
فواز : لحوووول .. اقولك خليني اشوف وش السالفة .. ونتي تطمني ولا كأن سمعتي شيء مني ..
العنود : يعني اللي سمعته عن مشاري مو صحيح ؟
فواز : ان شاء الله انه غلط .. بس تطمني
العنود : ان شاء الله .. طمني الله يطمن قلبك .. وانا حاسة ان مشاري مرة طيب ولا فيه ها الحركات ..
فواز : اكيد ان شاء الله ..
 
الجزء السابع والثلاثون


الفصل الثاني




طلع فواز من عند العنود ... وجلست العنود تفكر بالموضوع .. وخافت عليهم لانها متأكدة ان مشاري مو لعاب ومو راعي مكالمات ... وفواز يخاف علي .. ويحب يتطمن علي .. انا واثقة من مشاري انه مو راعي ها المواضيع ..



ركبوا فيصل ونجلاء السيارة .. وراحوا للشقة
نجلاء : فيصل
فيصل : عيون فيصل ..
نجلاء بخجل : تسلم ياقلبي .. فيصل وش فيه فواز ومشاري .. عسى مافيهم شي ..
فيصل : لا لا .. مافيهم الا العافية .. بس تلقينهم متهاوشين على شيء مسوينة مقلب هههههههههههههه .. وتعرفينهم دايم يسوون مقالب ..
نجلاء : ههههههههههه بس ليه فواز يروح .. ولا يقولنا شيء ؟
فيصل : هاه .. مدري عنه .. هذي عادته .. المهم بس كيفك وكيف اللي في بطنك ياقلبي ..
نجلاء : الحمد لله كلنا بخير (وهي خجلانة ومنزلة راسها )
فيصل : والله احبك يانجلاء .. وانتي اهلي ودنيتي كلها ..

نجلاء : من قلبك يافيصل ها الكلام ..
فيصل .. وعرف انها خايفة من البنت : اكيد من قلبي وكلي
نجلاء : الله يخليك لي ياعمري .. وانا بعد احبك
فيصل : قوليها مرة ثانية .. ماسمعتها
نجلاء : الا سمعتها
فيصل : علشان خاطري قوليها مرة ثانية
نجلاء : بس مرة وحدة ...
فيصل : طيب مرة وحدة هههههههههههه
نجلاء : احبك احبك احبك احبك ياعمري ... الله لايحرمنا من بعض
فيصل : يؤ يؤ .. صارت اربع مرات ... ههههههههههه
نجلاء : ترى ابسحبهم هههههههههههههه
فيصل : لا لا .. خلاص خليهم هههههههههههههه امين يارب ويخليك لي
نجلاء وهي مستحية : امين






في شقة الرجال .. جالسين ابو راشد وابو فهد يسولفون .. دخل عليهم مشاري .. وسلم عليهم .. وكان ضايق صدره ... ولاحظ عليه ابو فهد
ابو فهد : وين فيصل والباقين ؟ وشفيك ؟
مشاري : مافيني شيء ياعمي ... الحين بيجون .. هذاهم وراي...
ابو راشد : وين فواز ؟
مشاري : هاه .. فواز ماجاكم ؟ يمكن جوى عند الحريم ...



وراح مشاري للغرفة ... وجلس لحالة ... يفكر باللي صار .. كيف يافواز تشك بصديقك .. انت الوحيد اللي تعرفني .. وانت الوحدي اللي تعرف كل شيء عني ... كيف يافواز كيف ... ياما سهرنا مع بعض وضحكنا مع بعض ولعبنا مع بعض ... كيف تشك فيني .. طيب انتظر اشرحلك كل شيء .. ليه تتركني ... عسى يافواز ماقلت للعنود .. عسى العنود ماعرفت شيء ... والله احب العنود .. حرام عليكم ياناس .. انا ماسويت شيء .. احبك يالعنود .. احبك .. احبك ...


وبعد فترة دخل فواز للغرفة ولقى مشاري جالس وسرحان ...
ونتبه مشاري ان فواز موجود ... والمشكلة مايعرفون يتفاهمون بالهدوء .. دائما يدخلون بالموضوع على طول بدون مقدمات ..


مشاري : جابك الله .. عسى ماخربت علي كل شيء وقلت للعنود؟
فواز : ايه خربت عيك وماخليتها تبيك .. هاه وش عندك بعد ؟
مشاري : فواز .. عن المزح .. انت منت عارف القصة .. ومشكلتك رحت وماخليتني افهمك بكل شيء .. انت ليه كذا تسوي ؟ ياخي حرام عليك اللي تسويه .. اصبر وخلني اشرح لك كل شيء .. مو تروح وتخليني معصب ومدري وش اقول ...
فواز : عاد تصدق يامشاري .. انا تسرعت ونسيت القصة اللي كنت تسوية .. بس اللي خلاني اشك .. وش دخل فيصل ونجلاء بالموضوع ؟
مشاري : هذي سالفة طويلة .. ونت الله يهديك على طول ماخليت لي فرصة اتكلم !!
فواز : فرصة تتكلم في ايش ؟
مشاري : بموضوع فيصل ونجلاء .. وبعدين ياخي كيف تشك فيني اني اكلم بنت .. ونت عارفني زين اني ماني راعي بنات ولا لعب ولا شيء ؟

فواز : والله انك صادق .. وانا اسف .. ويوم شفت المسج منك تذكرت كل شيء .. بس اللي محيرني وشككني اسم فيصل ونجلاء داخلين بالوضوع
مشاري : بس المفروض ماتشك فيني بسرعة .. ونت عارفني ماني راعي ها المكالمات .. وحنا مع بعض من زمان ..
فواز : والله عارف .. وفعلا اخطيت بحقك .. وانت ماشاء الله عليك اخلاقك اكبر من ها الاشياء .. بس تعرف هذي اختي ويوم شفتك تكلم بالتلفون وبنت .. شكيت بالموضوع .. ومشكلتي اعصب بسرعة .. اذا شفت الغلط ..
مشاري : حتى لو شفت شيء غلط .. انت اول اعرف مني السالفة وبعدين احكم .. مو على طول تعصب وتروح !!
فواز : ياخي خلاص عاد تراك مصختها ... ههههههههههههههه
مشاري : ايه ابمصخها معاك .. غلطت ولازم تصحح غلطتك ..
فواز : الله الله ... يعني وش تبيني اسوي اذبح نفسي هههههههههههه
مشاري : لا لا .. عسى ماقلت للعنود بالسالفة عني ؟
فواز : تبي الصراحة ..
مشاري : ايه ياخي قلي بسرعة ...
فواز : ايه قلتلها و...
مشاري قاطعه ومعصب : وشوا ؟ حرام عليك ياخي تخرب علي ؟ انا جالس انتظر الرد .. وقسم بالله ما انام بالليل جالس افكر .. وتجي انت وتخرب كل شيء ... حرام عليك يافواز .. حرام عليك ..
فواز : شف سالفة العنود خلها علي .. انا طمنتها بعد ماشفت المسج .. وهي تثق فيني .. وانا قلتلها انك منت حق ها الحركات .. وهي ترى تشوفك انك رجال وعارفة كل شيء عنك .. وهي والله دافعت عنك .. وقالت انك منت راعي ها الحركات ..
مشاري : اشوى ... متاكد انها فهمت اني ماني راعي ها الحركات؟
فواز : قلتلك ايه ... لاتخاف
مشاري : عسى ماقلتلها عن كل شيء .. اقصد عن فيصل ونجلاء ؟
فواز : تبي الصراحة .. ايه قلتلها .. بس ماتدري وش السالفة ؟
مشاري : واللي يرحم والديك .. لاتقولها عنهم ...
فواز : وش فيك .. عسى مافي شيء ؟
مشاري : اقولك قلها اول شيء .. وبعدين اقولك السالفة كلها ..
فواز : ان شاء الله .. بس مو ها الحين .. بكرة ان شاء الله
مشاري : لا .. ابيك الحين تروح تقولها ..
فواز : يا انت نشبة .. ماصار ذا زواج ههههههههههههههههه
مشاري : فواز .. ترى اللي فيني كافيني .. انا ما انام الليل تقولي بكرة
فواز : طيب طيب .. الحين ابروح اقولها .. ههههههههه .. تعال وش اقولها عن نجلاء وفيصل .. اول قلي وانا اشوف وش اتصرف!!
مشاري : انا ابقولك الموضوع بس لحد يدري عنه الا انا ونت .. وعد ؟
فواز : خلاص تم .. وعد ان شاء الله ...
مشاري : تذكر سالفة البنت اللي كلمتني ونت جنبي .. وقلتلك هذي سالفة واحد وزوجتة .. وتحاول تفرق بينهم ؟
فواز : ايه اتذكرها .. لاتقول انهم فيصل ونجلاء ؟
مشاري : ايه .. وحدة تكلم نجلاء .. وتحاول تخرب عليها فيصل ..
فواز : طيب وش تبي ها البنت من نجلاء وفيصل ؟
مشاري : تبي تخرب .. شكلها تبي فيصل .. وماهي عارفة وش تسوي .. وقامت وتكلم نجلاء علشان نجلاء تشك بفيصل .. هاه فهمت السالفة؟
فواز وهو معصب : ايه فهمتها .. اقول عطني رقمها والله لا اوريك فيها
مشاري : لا لا .. انا مسوي خطة وان شاء الله اكشفها ..
فواز : وشي الخطة ؟
مشاري : مو الحين اقولك .. خلها بعدين .. بس اهم شيء الحين رح طمن العنود .. ولا تقولها اي شيء عن السالفة .. علشان مابي احد يعرف ..
فواز : ان شاء الله راح اقولها ...

وسمعوا صوت الرجال ينادونهم ...


مشاري : الا اقول يافواز .. وش رايك نقول للرجال نروح لجده ونعيد فيها ؟
فواز : والله فكرة حلوة ... خلاص تم .. وعلى فكرة تراني اسف على كل شي .. ادري انك ماتسوي ها الحركات .. وانت اخو وعزيز والله بس عاد لا يكبر راسك علينها هههههههههههههههههه وقام وحضنه ..
مشاري : الا كبر راسي ... اقول رح سولي السحور هههههههههههه
فواز : اقول ... ترى ما اروح للعنود ههههههههههه
مشاري : لا لا خلاص ... اقول قم قدامي يالله ههههههههههه
فواز : وشو .. وين اروح ( يستغفل )
مشاري : فواز ... اقول لك رح للعنود ..
فواز : وليه اروح للعنود ؟
مشاري : لحول ولا قوه .. تبي تروح ولا وشلون !!
فواز : ايه صح نسيت هههههههههههههههههههه خلاص خلاص ابروح لها .. انت بس هدي نفسك وكل شيء بيصير زين .. وهي تراها تبيك ..
مشاري : والله .. تقولها جد !!
فواز : ايه والله .. من كلامها .. باين انها تحبك ..
مشاري : الحمد لله والله انك طمنتني .. يالله رح تكفى بسرعة
فواز : طيب ياخي لا تدف هههههههههههههه


وراحوا للرجال ..

ابو راشد : وينكم ؟ لي ساعة اناديكم ؟ وش عندكم ؟
مشاري : والله يايبة .. جالسين انا وفواز نفكر .. وقلنا وراه مانروح لجده نعيد فيها ؟
فواز : لا ياعمي انا ماقلت شيء .. هو اللي قال هههههههههههه
مشاري : فواز .. لاتجيك المركى الحين ..
فواز : ههههههههههه خلاص خلاص .. الا ياعمي وش رايكم نروح ونعيد فيذاك ؟
ابو فهد : والله فكرة زينة .. هاه وش رايك يابو راشد ؟
ابو راشد : والله ميهب شينة .. بس خل نقول للحريم ..
فواز : الحريم خلوههم علي .. هم موافقين ..
ابو فهد : ماشاء الله وضامن موافقتهم بعد .. ههههههههههههه
فواز : بالنسبة لام فهد ضامنها .. لكن ام راشد على مشاري هههههههه
مشاري : خلاص ابروح اقولها الحين


وراحوا العيال يقولون للحريم .. ووافقوا .. والبنات فرحوا ..
وقرروا يروحون لجده اخر يوم من رمضان ..





فواز : العنود .. ابيك بموضع .. تعالي للغرفة ..
العنود : طيب .. بس خلني اقول للبنات يطلعون .. لان الغرف مليانة ..
فواز : طيب ...

وراحوا للغرفة .. وجلس فواز وهو مبتسم .. والعنود مستغربة ..
فواز : ترى الموضوع اللي قلته لك عن مشاري وعن البنت اللي كلمها .. صار غلط فيه .. و ..
العنود قطعت كلامه : وشو غلط ؟ مافهمت وش تقول .. امانه يافواز تقولي الحقيقة .. حتى لو هي شينة ..
فواز : طيب اصبري خليني اقولك السالفة .. كان فيه واحد من زملاءه عنده مشكلة بينه وبين زوجته .. وكانت وحده تخرب عليهم .. المهم ان مشاري كان واسطة خير بينهم .. ويحاول يصلح الموضوع ..
العنود : فواز وش ها الكلام .. طيب وفيصل ونجلاء وش دخلهم بالموضوع
 
فواز : لا لا .. انا فهمت غلط .. احسب الموضوع يخصهم .. وطلع يخص ناس ثانين ..
العنود : فواز .. فيه شيء ولا لا ؟ فيه شيء عن مشاري ؟ قلي تراني اختك .. تكفى يافواز ..
فواز : العنود .. لو فيه شيء يمسك والله ما ارضاه عليك ابد .. وتراك اختي قبل كل شيء .. صحيح اني غلطت واخطيت بحق مشاري .. لاني مافهمت الموضوع زين .. بس بعد ماسولفت معاه وذكرني بالسالفة من زمان .. تذكرت وصدقته ..
العنود : مشاري كلمك عن السالفة ؟
فواز : ايه ..
العنود : مته؟
فواز : من شوي .. وفهمت منه كل شيء .. وصدقيني ترى مشاري اعرفه زين .. بس انا لعب فيني الشيطان وصدقته .. مشاري يالعنود مو راعي ها الحركات .. انا عارف اخلاقياته .. ولا عمره يفكر بها الاشياء .. تراه رجال ويعتمد عليه بكل شيء ..
العنود : فواز .. انا عارف انك صديق مشاري من زمان .. بس ولو حتى لو فيه شيء شين .. لازم تقولي .. وهذا زواج مو لعبه ...
فواز : انا عارف .. وعارف زين مشاري .. بس مدري ليه تسرعت وحكمت عليه .. وهو مظلوم ...
العنود : انا عارف مشاري وعارف اخلاقه .. بس انت يوم قلتلي والله خفت .. لانك اقرب واحد له ... وتعرفه زين ...
فواز : وهو رجال .. وكل الصفات الزينة فيه ...

جلست العنود تفكر بكلام فواز عن مشاري .. وانبسطت .. وحست انها ارتاحت شوي ..

فواز : احم احم .. تراني موجود ههههههههههههههه ترى ابحش بمشاري ههههههههههههههه
العنود مستحية : فواز عن الضحك ...
فواز : الله يوفقكم يارب دنيا واخره .. والله تستاهلون لبعض .. منتي ملاحظة .. صاير ابوك على غفله ههههههههههههههه
العنود : ايه ملاحظة تقل جاي تنتظر مني الرد ههههههههههههه
فواز : اقول ترى ابطلع واقوله انك رفضتي ...
العنود وبعد تفكير : ايه قله ونت تخوفني انت وجهك ...
فواز : طيب طيب .. يالله اشوفك ... وقام ..
العنود : تعال وين قمت..
فواز : انا وين قمت ؟ ههههههههههه ولا قصدك لاتقوله هههههههههههههههههههههه
العنود : فواز ترى والله المخدة براسك ...
فواز : لا وبعد والمخدة .. انتم وش قصتكم بالمخدات ههههههههههه
مرة انتي ومرة مشاري ههههههههههه
العنود : ههههههههههههههه ليه هو يقول نفس الشيء ( وبقلبها تقول ياحبي له )
فواز : ايه يقول نفس الشي ( يقلدها بالكلام) هههههههههه
العنود : يادب ... ههههههههههههه وقامت تلحقة بالغرفة ...
فواز : يابنت اصبري ههههههههههههههه تراكم ذبحتوني ..
العنود : ههههههههههههههههههه احسن ..
فواز : الله يوفقك.. والله انكم لايقين لبعض ..
العنود وهي مستحية : اقول تسحرتوا ولا لا ؟
فواز : احلى ... تصريفه ... ههههههههههههههه لا ماتسحرنا .. الحين ابروح لهم .. تبين اقول شيء لمشاري ههههههههههههه
العنود بعد مضربته بالمخدة : يادب .....اقول مشاري معاكم ..
فواز : قصدك مشاري تسحر ولا لا ههههههههههههه لا ماتسحر
العنود وهي منزلة راسها : يالله طيب رح تسحر وبالعافية عليك
فواز : بالعافية علي انا ولا لمشاري ههههههههههههههه
وقامت العنود تلاحق فواز تبي تضربه .. بالمخدة .. بس فواز طلع قبل لا تمسكة ..

ورجعت العنود وهي مرة مبسوطة .. وحست براحة .. وجلست تفكر بمشاري ..


طلع فواز .. وهو يفكر باخته .. الله يوفقك يارب .. وان شاء الله راح تنبسطين مع مشاري ... وانا واثق ان مشاري يستاهلك ..




هدوول : بابا صحيح بنلوح لجده
مشعل : ايه ياقلبي بنروح كلنا لجده ..
هدوول : طيب مته بنلوح ... مته مته ..
مشعل : اخر رمضان ياقلبي ...
هدووول : ومته اخر رضمان (رمضان) ...
مشعل وهو كاتم ضحكته : يعني بعد خمسة ايام .. وين ماما رنا
هدوول : ماما هينا .. ماما رنا بابا يبيك ...
وجت رنا تاخذ التلفون ...
رنا : وهي مستحية .. هلا مشعل ..
مشعل : هلا بها الصوت .. كيفك ياقلبي
رنا : بخير الله يسلمك .. انت كيفك ..
مشعل : انا بخير دامك بخير ياعمري ... ترى بنروح لجده ان شاء الله ..
هدوول وهي تصارخ : بابا ابيك تشتريلي مايوه ابي اسبح بالبحل ( البحر)
مشعل : هههههههههه قوليلها خلاص ابشتريلك مايوهين
رنا : هدوول بابا يقول ابشتريلك مايوهين ...
فرحت هدوول وقامت تصرخ وتغني من الفرح .. هيييييييييييه بابا بيستليلي مايوهين ( بيشتري لي )
مشعل : رنا .. ماتبين شيء مني ..
رنا : سلامتك يالغا...
مشعل : ايه ايه قوليها تكفين
رنا : ......
مشعل : رنا عاد يالله قوليها
رنا : يالغالي .. واستحت مرة
مشعل : ياقلبي على ها الكلام .. تسلمين لي يالغالية .. مع السلامة ياقلبي
رنا : مع السلامة ..


الساعة الحين 4 العصر .. والبنات كلهم موجودين بالمطبخ ..
ريم و رغد ورنا ونجلاء والعنود جالسين يسوون الاكل..


العنود : نجلاء .. ورى ماتروحين وترتاحين بالغرفة ..
نجلاء : والله مليت .. ودي اجلس معاكم واساعدكم ..
العنود : بس كذا راح تتعبين ...
نجلاء : لا ان شاء الله ماني تعبانة ...
ريم : اقول خليها بس تساعدنا ههههههههههههه
نجلاء تناظرها وهي تضحك : اقول بس الله يزوجك ونرتاح منك يارب
ريم وهي تفكر بفواز : ياليت ...
نجلاء : وجع .. ماصدقتي هههههههههههههه
ريم استحت ...
رنا : يالله يابنات سويتوا الشوربة ..
رغد : ايه الشوربة على النار .. طيب والحلى من بيسويه ..
رنا : الحلى خلوه علي ... ابسوي لكم لقيمات وكل شيء ..
نجلاء : ياحظ زوجك فيك .. والله مشهورة بالحلى ..
رنا وهي مستحية : يادبة اسكتي تراك فشلتيني ..
ريم : اقول رنا تقل منتي متزوجة مشعل .. اقول ترى زواجكم قرب يعني تعودي على كذا هههههههههههههههه
رنا : ايه والله قرب وانا ماسويت شيء .. الله يعين بس ..
نجلاء : لاتخافين .. راح نساعدك بكل شيء ..
رنا : تسلمون والله ... الله يخليكم لي ..
ريم : انا خلوا علي الحلويات ههههههههههههههه ..
رنا : ونتي بس همك الحلويات ههههههههه انا ابسويها ..
ريم : طيب اساعدك ..
رغد : اقول وانا وش تبوني اسوي الحين ..
رنا : قطعي البصل والطماط الله لايهينك ..
رغد : الا ذا عاد .. ماطيق ريحته هههههههههههه
رنا : طيب قطعي الطماط وانا ابقطع البصل .. امري لله ههههههههه
ريم : سويتوا القهوه والشاهي ..
نجلاء : لا تونا .. نخليه قبل الاذان بشوي..
ريم : طيب ابسوي لكم اكلة تجنن .. فتوشيني بالدجاج ...
نجلاء : احلى يافتوشيني .. ومن وين تعلمتيها..
ريم : الله يخلي الكتب هههههههههههههه بس لاتضحكون علي .. اول مرة راح اسويه ..
رنا : طيب انتي ابتدي فيها ترى مافي وقت ..
ريم : طيب ساعدوني..
رغد : انا اساعدك ياريم ..
نجلاء : انا ابسوي السنبوسة ..
رنا : اخاف تتعبين يانجلاء ..
نجلاء : لا ان شاء الله ..
رنا : هوو ... نسينا الشوربة .. يالله انا ابسويها ..
نجلاء : مشاء الله عليك يارنا كل شيء بتسوينه .. يحظ مشعل فيك ..
رنا وهي مستحية : خلاص عاد يانجلاء .. ترى ابطلع ...
نجلاء : لا لا .. خلاص خلاص .. ههههههههههههههه


وجلسوا يطبخون ويسولفون .. وجاء وقت المغرب .. وكانت السفرة جاهزة بالقهوه والتمر عند الرجال .. واذن المغرب وافطروا .. وبعدين راحوا يصلون المغرب بالحرم .. ورجعوا .. ولقوا السفرة جاهزة بالاكل


فواز : شكل السفرة اليوم مليانة وش السالفة...
مشاري : يقولون ان البنات اليوم مستلمين المطبخ..
فيصل : وبعد نجلاء ياقلبي مسوية السنبوسة ...
فواز : ياخي ذبحتنا بنجلاء خلها تسوي كل يوم اكلة ...
فيصل وهو معصب : ياخي حرام عليك البنت حامل ....
فواز : طيب وهي اول وحدة تحمل بالدنيا ... كلن يحمل ويطبخ
فيصل : اقول اسكت بس ....
فواز : ياخي وشفيك عصبت ههههههههههههه تراني امزح ...
مشاري : والفتوشيني مسويتها ريم ..والله ياهو لذيذ
فواز انبسط ومد يده بياخذ من الفتوشيني : والله يهو لذيذ ..
مشاري : انت اكلته علشان تقول لذيذ هههههههههه
فواز : ياخي وش فيك علي .. شكلة زين ههههههههههههه
ابو راشد : ونتم ماتعرفون تسكتون عند الاكل ؟
ابو فهد : ايه والله دائما مناقر ها العيال ...
ابوراشد : الا ماحجزتوا سكن بجده ؟
فيصل : الا حجزنا ويالله لقينا .. اخذنا فلتين على البحر ..
فواز : وين هي فيه ؟
فيصل : في ابحر
ابوفهد : عسى بس وسيعة وتكفينا؟
فيصل : ايه يبه كبيرة .. وكل وحدة دورين و فيها اربع غرف وصالة ومجالس مع مسبحها .. وحدة للحريم ووحدة للرجال وهو اساسا مجمع فلل على البحر ..
فواز : اهم شي عسى فيها جتسكي ..
مشاري : ايه والله عسى فيها ..
فيصل : اقولكم على البحر تقولون عسى فيها هههههههههههه فيها كل شيء .. مرسى ومطاعم على البحر ..
فواز : اقول وش رايكم بس نجلس الين اخر الاجازة ..
مشعل وهو معصب : اقول وش رايك تسكت بس ..
 
فواز : ههههههههههه طيب اجل زواجك للصيف ..
مشعل : اقول ماني ماجله ولا شيء .. انت اجلس لحالك هنا ...
مشاري : الا ياخي اجله وخلنا نفل امها بالبحر ..
مشعل بعد ما ارتفع ضغطة : اقولكم ماني ماجله .. تفهمون انتم

الكل ماتوا من الضحك عليه ..
فيصل : ونت ياخي تحط راسك براسهم ..
فواز : يؤ يؤ .. ونت شايفنا بزارين الحين.. الرجال وجالسين نقنعه يأجل زواجه .. مافيها شيء ..
فيصل : والله فكرة حلوة ..
مشعل : اقول اشوفك صرت معاهم !!!
فيصل وهو ميت ضحك : ياخي اعصابك لايطق عرق منك .. هههههههههههههههههههه كل ذا ماتبي تصبر هههههههههه
مشعل : اقول وش رايك بس نخلي نجلاء ترجع للرياض علشانها حامل
فيصل : وشوا .. كل شيء ولا نجلاء .. رجلي برجلها ..
مشعل وهو يضحك : وراك عصبت ههههههههههههه
مشاري : اقول فواز .. وش رايك نسوي جدول وش راح نسوي هناك
فواز : قال جدول قال .. (تراني ماخذها من المحتار) هههههههههههه ايه والله .. بس تعال .. وشو الجدول ... كل يوم بالبحر هههههههههههههه
مشاري : ياتعبان اقولك يعني نسبح الين المغرب .. وبالليل جلسات على البحر ..
فواز : افا عليك .. انت بس خلنا نروح هناك .. وراح تشوف البسطة..


خلصوا الرجال من العشاء .. وجلسوا يشربون الشاهي عند التلفزيون ... وجالسين يشوفون طاش ماطاش ..

مشاري : اقول ماتلاحظون بدت تصير سخيفة الحلقات ..
فواز : ايه والله .. بس وش يسوون .. مافي احد يألف لهم القصص ..
مشاري : طيب على الاقل يعطونا قصص واقعية ..
فواز : ياخي على الاقل احسن برنامج الواحد يشوفه برمضان .. احسن من بعض المسلسلات .. وترى بعض الحلقات واقعية ..
مشاري : عاد في هذي صدقت ..




عند الحريم .. كلهم مجتمعين على العشاء وجالسين ياكلون ..


ريم : اقول كولوا من الفتوشيني ..
ام راشد : ومن اللي مسويته منكم ..
نجلاء : ماتشوفين تقول كولوا منه هههههههههههه
ريم : ايه اكيد انا .. عسى بس عجب الرجال ..
نجلاء تناظر ريم : اكيد عجبهم ههههههههههههه
ريم وهي تناظر نجلاء ومستحية : اشوى ..
رنا : هاه عسى عجبكم الاكل ..
ام فهد : الله يعافيكم يابنات والله يهبل الاكل ..
رنا : بالعافية عليكم ..
العنود : الا ماتدرون وش راح يسوون في جده ..
نجلاء : الا ... فيصل حجز فلتين بالكباين اللي على البحر ..
ريم : وناسة .. يعني نبي نفلها ...
العنود : اشوى يعني بناخذ راحتنا ...
نجلاء : ايه اكيد .. وحدة للرجال ووحدة لنا .. وفيهم مسبح لكل وحدة
ريم : اهم شيء فيها جتسكي .. نبي نلعب لين مانقول بس ..
العنود : ايه والله ودنا نلعب ..
نجلاء : اكيد فيها جتسكي هههههههههههههه
رنا : طيب مته بنروح لجده ؟
نجلاء : اعتقد 28 رمضان .. يعني قبل العيد بيومين ..
ريم : وناسة .. يعني بنلحق رمضان هناك ههههههههههه
العنود : يعني وش رايك بنلحق شعبان هنا ههههههههههههههه
ريم : عنوووودوه ... ترى اذا ماسكتي ... ياويلك ..
العنود : يعني وش بتسوين انتي وجهك هههههههههههههه
ريم : ابد اكلم مشاري .. واقوله انك تستخفين دمك ..
العنود : قوليله .. ماهمني .. هو يعرفني .. ( وانتبهت انها تتكلم قدامهم كلهم ) .. واستحت وحمر وجهها ..
ريم : اشوفك سكتي ههههههههههههههه
العنود : ريم ترى والله بالصحن ..
ريم : يؤ يؤ .. الشغلة صحون ههههههههههههههه طيب طيب خلاص
رنا : وشفيكم ؟
ريم : عاد انتي اسكتي الحين لا يجيك اكثر ... ترى مشعل هون بالعيد يتزوج يقول ابجلس بجده وابستانس ههههههههههههه
رنا : ياطول لسانك طولاه ههههههههههههههههه
ام راشد : يبنات وشفيكم الله يهديكم ...
رنا : مافي شيء ياخالتي .. البنات يمزحون ههههههههه
ام راشد : اها .. اشوى ..
نجلاء : الا يبنات وش رايكم نخطط للروحة ؟
العنود : ايه والله ودي ننبسط مرة .. ودي اروح للاسواق واروح للمطاعم .. يقولون مطاعمهم مرة زينة ...
رنا : ايه والله انا ابي السوق .. ودي اتقضا ..
ريم : ونتم بس ماهمكم الا السوق .. انا ابي اجلس على البحر والعب الين ما اقول بس ههههههههههه
رنا : طيب ماقلنا شيء ... نروح للسوق بالليل او الظهر ..
نجلاء : بالليل اخاف تكون زحمة .. العالم بيتقضون للعيد ..
رنا : ايه والله .. اجل نخليها العصر ..



خلصوا من الاكل .. وراحوا يتقهوون ويشربون شاهي عند التلفزيون


العنود : الله يعافيك ياريم حطيها على طاش ماطاش الاصلي ...
ريم : تكفين .. تراه مو زين .. طاش ماطاش اللي بالام بي سي احسن ..
رنا : ايه والله ... احسن ..





وجاء 28 رمضان .. والكل مشغول بالشنط وتنزيلها تحت .. علشان يركبونها بالسيارات ... وكانت الساعة 10 بالليل بعد ماصلوا التراويح قرروا يروحون لجده ...

فواز : الو ... مشاري حط سبيكر ابي اسولف معاكم ..
مشاري : ياخي وش تبي انت... توني شايفك هههههههههههههه
والعنود ميته ضحك وهي تسمع صوت مشاري

فواز : اقول حط السبيكر ابي اضحك .. طفشان من اللي معاي .. فيصل مغير يغازل نجلاء .. ولا كأني فيه ههههههههههههههه
فيصل : اقول .. ورى ماتروح معاهم وتريحنا ..
فواز : مشاري فيه مكان عندكم ..
مشاري : لا ... زحمة عندنا .. هههههههههههههههه
فواز : شفت مافي مكان
ريم طبعا ودها بفواز يجي معاهم ...
فيصل : اقول مشاري .. حطوه فوق واربطوه .. ههههههههههه
مشاري : اخاف يطير من الهوا ء هههههههههههههههههههههه
فواز : ايه صح تراني معصقل ههههههههههههههه الا يامشاري عساك مبسوط .. بعد ماسولفنا ذيك المرة ... وفتحنا قلوبنا لبعض هههههههههه
مشاري : مبسوط وبس ... الا متشقق ... ههههههههههههه
فواز : اقول الرجال تراه هون مايبيك ... ههههههههههههههه
مشاري : اقول ورى ماتعقل ... المشكلة ماعندي مخدة .. ولا كان رميتها عليك ... هههههههههههههههه
العنود حست انهم يقصدونها ... وجالسة تسمع مشاري ...
فواز : اقول تراكم ذبحتونا بالمخدات هههههههههههههههه
وتذكرت العنود قصة المخدة وضحكت ....
مشاري : اقول عسى الرجال عرف كل شيء ...
فواز وهو يتجيهل : وشو الرجال .. وعرف عن ايش ؟
مشاري : السالفة اللي قلتها لك ( وهو على نياته مايدري وش السالفة)
فواز : ياخي فهمني .. ترى فيصل ونجلاء والعنود مايعرفون السالفة .. وعادي خلها فرييييييييييي ههههههههههههههه
مشاري وهو معصب : اقول كيف الحال بس ...
العنود ميته ضحك .. ومبسوطة بكلام مشاري ..
فواز : ايه صح تذكرت .. ايه ايه .. كل شيء تمام .. انبسط ياخي من قدك .. لا تخاف صاير ابو انا ههههههههههههههه
مشاري وهو مبسوط مرة : اشوى الله يطمنك ..
فيصل : ايه تطمن يامشاري كل شيء زين ... هههههههههههههه
فواز : اقول فيصل انت عارف السالفة .. ؟
فيصل : ايه مو الرجال يسلم على مشاري ( طبعا هو مايدري وش السالفة )
مشاري : اقول فيصل ... انتبه بس لمرتك .. ههههههههههههه
فيصل : اقول تراها بعيوني ..
نجلاء مبسوطة من الكلام ...
فواز : اقول ورى ماتوقفون ونشرب الشاهي على الطريق هههههههههه
فيصل : اقول ترى المشوار ساعة وحنا واصلين ان شاء الله ...
مشاري : فواز وشرايك نسوق ؟
فواز : ايه .. ودي اسوق ..
فيصل : اقول ورى مانزلكم وترجعون على رجولكم هههههههههههه
فواز : هههههههههههههههههه اقول من غيرنا انا ومشاري ترى ماتسوى الرحلة ...
ريم جالسة تسمع صوت فواز .. وتقول بقلبها ايه والله بدونك الدنيا ماتسوى شيء ياعمري ..
فيصل : اقول ايه بس ..
مشاري: ياخي ترانا بريئين ههههههههههههههه
فيصل : اما بريئيين كثروا منها ههههههههههههههه
مشاري : فواز فواز ...
فواز : هلا هلا .. ارسل ..
مشاري : نبيك تغني كفى طلبتك ...
فيصل : ترى اذا غنى ابوقف .. هههههههههههههه
فواز : اجل ابغني علشان توقف ونشرب الشاهي هههههههههههه

وقام فواز وغنى لهم اغنية لوئل كفوري .. واول مرة يغنيها
وكان يقصد فيها ريم ...




بحبّك انا كتير يا حبيبي ضلك طل علي
وعّيني بكير، أغمرني ولمسلي إيديّ
نسيني بين إيديك انا شو مشتاق عليك
يا حبيبي خلّي قلبي خلّي يحملنا ونطير

وينك يا حبيبي إشتقتلك كتير
إرجع تشوفك حبيبي ما توقعت يصير
تفكرتك نسيني وما بدك تحكيني
يا سارق حنيني

بحبّك انا كتير يا حبيبي ضلك طل علي
وعّيني بكير، أغمرني ولمسلي إيديّ
نسيني بين إيديك انا شو مشتاق عليك
يا حبيبي خلّي قلبي خلّي يحملنا ونطير


حبّك بعدو باقي ومش ممكن إنساك
وما بيقدر ع فراقي وانا إلي بهواك
إرجعلي وضلّك حدي انا غيرك ما بدّي,
لا غيرك ما بدييي أه

بحبّك انا كتير يا حبيبي ضلك طل علي
وعّيني بكير، أغمرني ولمسلي إيديّ،
نسيني بين إيديك انا شو مشتاق عليك
يا حبيبي خلّي قلبي خلّي يحملنا ونطير


بحبّك انا كتير اه
أغمرني ولمسلي إيديّ
نسيني بين إيديك انا شو مشتاق عليك
يا حبيبي خلي قلبي خلي يحملنا ونطير




وانبسطت ريم مرة مرة .. وحتى انا احبك يافواز يابعد الدنيا كلها .. والله اني مشتاقة لك ..


مشاري : احلى يالبناني هههههههههههههههه
فيصل : اقول ماشاء الله قلبت لبناني وش السالفة ههههههههههههههه
فواز : احم احم .. وش اسوي لازم اعاصر الاحداث والمستجدات
مشاري : قال مستجدات قال هههههههههههههههههههه
فواز : ياخي وشفيك انت ماخذ الكلمة من المحتار هههههههههههههه عاداك بعد انت هههههههههه
مشاري : ومن هو ذا بعد ...
فواز : هذا واحد والله اني احبه .. ودايم متحملنا بقصتنا ..
مشاري : اقول بس خله يتحملنا وش وراه بعد هههههههههههه تونا ماخلصت قصتنا .. وراه مستعجل هههههههههههههه
فواز : والله مدري عنه ههههههههههه يقول الاعضاء مستعجلين وودهم نخلص القصة هههههههههه قلت له لا ياخي مو على كيفهم خلهم بس ينطقون ..... الا اذا ودهم نخلص .. عاد هذا شيء ثاني ههههههههههههه المهم بس يالله سلم لي على الجميع ..



وصلوا لجده ... ودخلو للمجمع .. وراحوا للفلتين .. وكانت فلة الحريم عبارة عن صالة كبيرة .. تطل على المسبح والبحر .. وارضيتها رخام .. والشباك حقها كبير مرة .. وصاير منظرها حلو مرة .. وعلى الجنب فيه مجلس كبير مفتوح على الصالة .. وسفرة اكل فخمة وكبيرة .. وحمام للضيوف .. ومطبخ كبير .. وفوق بالدور الثاني .. اربع غرف نوم وكل غرفة بحمامها .. وصالة كبيرة مفتوحة وتطل على تحت .. وفيها مطبخ صغير ... وفلة الرجال جنبهم .. ونفس الشيء .. وكل الفلل تطل على البحر .. وعلى الممر اللي على البحر .. وبرى فية مطاعم .. وجلسات مرة حلوة .. وفيه مرسى كبير .. داخل البحر .. والممر اللي على البحر يمر بكل الفلل اللي موجود بالمجمع ... والمجمع فيه 20 فلة .. وكلها مليانة ..
 
عودة
أعلى