أضحك مع غزل عجوزه وشايب

مغازلة بين شايب وعجوز
أحبائي الكرام هذه أبيات كتبتها للتسلية فقط
امل أن تقضوا معها وقتاً ممتعاً

الشايب:a:

تدرين أنا وأنتي يقولون شيّاب * نغازل بعض ما ندري أنا كبرنا
أنا وصلت تسعين وتوني بعد شاب * وأنتي وصلتي للميه ياقمرنا
ودي بشوفك ياقمر من ورى الباب * وخايف من السواق يكشف أمرنا
أبن الحرام وده يضربن بمشعاب * وشغّالتك تنافخ علي ياقهرنا
إلا إن حصلّي بوستك طب الأطباب * من مبسمك طعم العسل به سكرنا

العجوز:a:

ياليتني دارسه وأرسل لك كتاب * وأحرّقه بالنار حتى تعذرنا
يأبن الحلال ماعاد فيني ولا ناب * طاحت أسناني خايف لا تغدرنا
اليوم قبل باكر تجي البيت خطّاب * عجّل عليّ يالعود خلّص صبرنا
يالعود أنا خايفه تكون بس كذّاب * تنحاش عنّي لين خلّص تمرنا
وأنا في قلبي واهج النار شبّاب * يالله عسى نهرك يطفّي جمرنا

الشايب:n:

إن جاء السنا في أبشري بكل ماطاب * مثل الجمل يابنت تشوفي جهدنا
وإذا أنتهى المفعول عودك كل تراب * ماهيب لزمه عاد نكسّر ركبنا

العجوز

أجل تغازلني وكذا نبتل أحباب * ماضرنا من يوم ربي خلقنا
29 / 7 / 1428ه
 
حلوووووووووووووووووووووه
صح السانك وربي روووووووعه
اللهم ارحمنا اذا صرنا الى ما صارواليه
هالشياب
ههههههههههه
 
حلوووووووووووووووووووووه
صح السانك وربي روووووووعه
اللهم ارحمنا اذا صرنا الى ما صارواليه
هالشياب
ههههههههههه

صح بدنك أخوي الأصيل الله يحلّي أيامك حبيبي
الروعه والجمال تكتمل بإعجابك يالطيب الغالي
أخوك
سعد
 
ابو عبدالله
رائع والاروع ماسطرت من كلمات جميله
ابو عبدالله ليش ياخوي طحت بالشيبان (مساكين) تراهم اهل الحب من جد
نبي قصيده في بنات هاليومين اللي الوحده تحسب الحب مثل الاندومي سريع في سريع (مافيه صبر)
طبعا مو كل البنات
وتقبل مروري المتواضع
 
عودة
أعلى