12

قصه عربجي في الشات

اجمل نكت مضحكة - اضحك على سوالف الشباب والبنات ارسال إلى Twitter ارسال إلى facebook
  1. احلى بنووته
    08-08-2007, 03:44 AM

    قصه عربجي في الشات

    قصه عربجي في الشات


    اهلين فيكم جبت لكم قصه

    روعه وخطيره بس خيالييه شوي <<<يعني يابنات لاتصدقون

    وتسون مثلها هع هع
    ++اخليكم مع القصه بس ابي ردود حلوه منكم..++

    يقول الشاب ..



    انا ياطويلين العمر شاب داج هاج لا شغله ولا مشغله..سمعت عن شي اسمه نت وشات


    وبنات قلت خل ادخل هالعالم واشوف.. طبعا اول شي تعلمته الشات والماسنجر والحركات هذي..


    ادمنت على الشات على الفاضي ..والله يعلم اني ماكنت ادخله عشان البنات بس اني تعرفت لي على شلة


    شباب ينحطون على الجرح يبرى .. كناندخل كل يوم سوالف وضحك وذب على هالبنيات ..ومره من المرات لفت انتباهي نك جديد معنا .. ما كان نك ولد كانت بنت .. اسلوبها ماكان يدل على انها


    جديده على الشات يعني لها خبره وداخله بقوه معنا حش وتهزيئ ..




    الشهاده لله كانت خفيفة دم موتتنا ضحك .. كنا بمقهى انا والعيال وماتسمع الا ضحكنا .. اللي صار اني


    تهاوشت انا وياها وكان لسانها طويل بس ماكانت تقل أدبها يعني تذب وتتطنز .. والحقيقه سكتتنا كلنا ..


    انا بديت بس احتري اللحظه اللي تدخل فيها هالبنت ..ضحكنا بس نتهاوش بس كنت انبسط على هالحال..


    ماكنت احب حركات البنات وقلة الحياء والمصخره حقتهم ..هذي كانت نوع ثاني تدخل تتهاوش وتضحك وتطلع..


    يوم بعد يوم صرت اتحمس للدخله عشانها واحتريها بالساعات لين تدخل .. الين مره كنت داخل وانا معصب


    كان ايام اختبارات ونتيجتي زفت..دخلت ومثل دايم بدت هي تتحرش وانا منيب ناقص .. بديت اغلط عليها


    والبنت على طولة لسانها بس زي ماقلت لكم محترمه مايطلع منهالغلط .. حست اني زودتها وطلعت من الشات


    انا تحسفت على اللي سويته ..حسيت اني بنهبل لو مالقيتها دورتها بس عجزت ألقاها ..وكان فيه صديقاتها


    قلت لهم ابي ايميلها ومارضوا يعطوني اياه..


    دخلت من بكرا احتريها واشوى دخلت .. واكلمهاومطنشتني بالعامه .. كبيره بحقي انها تسفهني وعند


    الشباب.. رحت لها برايفت اعتذر واقولها اني غلطت بحقك بس كانت لي ظروفي وانا اسف.. والبنت نفس الشي


    ماردت علي حتى برايفت .. بعدين ردت على بالعامه وقالت لي وش تبي؟ ..قلت لها ابي ريال .. قالت حسافه


    عليك .. هنا على انها ردت علي باسلوب جاف بس ارتحت انها ردت ولا زعلت..


    شوي شوي بديت احس اني اميل لها واحب اسولف معها على ان السوالف كلهامطاقات زي ماقلت لكم..


    قلت لها مره ابي ايميلك عشان ارسلك ايميلات مع القروب حقي.. قالت تبي الايميل ولا تبي تحتك ؟ بنت اللذين


    دايم ردودها قويه .. قلت لهابكيفك ماتبين انتي حره .. قالت اكيد حره اجل عبده عندك؟ انا ارتفع ضغطي


    وقلت والله لا اجيب ايميلها لو على جثتي.. وفكرت وشلون اوصله .. جت ببالي فكرة اني ادخل بنك بنت ..


    وسويتها ودخلت وكانت هي داخله ..وجلسنا نسولف على اساس اني بنت.. وقلت لها اني حبيتك احس انك صديقتي


    لزوم حركات البنات طبعا .. قالت تسلمين ..قلت لها انا هيفاء ممكن ايميلك عشان اسولف معك لاني مادخل


    شات كثير قالت لي طيب وعطتني ايميلها ..انا هنا حسيت اني مسوي انجاز ..اخذت الايميل وحفظته عندي


    ويوم دخلت الشات رحت لها برايفت قلت هاه ماودك تعطيني ايميلك ؟قالت بالجنه ..قلت طيب يا (...)<=كتبت


    ايميلها .. قالت وش تبين ياهيفاء؟ انا يوم قالتهاضحكت ضحك لاشعوري .. اعجبتني سرعة بديهتها وتصريفها


    اني قفطتها ..وبدت تصرف اني عارفه انه انت وانا محجر لها بالحكي.. اللي صار اني اضفتها..


    كل ماجت اون لاين اروح احارشها وهواش ومطاقات وظف وجهك وانقلعي وغيره من حكي العرابجه ..حتى والله


    ياشباب اني بديت اشك انها ولد بس صديقاتها كانوا معنا بالشات ويدرسون معها وهذالاثبات الوحيد..

    ومرت الايام والاحظ البنت ما قامت تدخل ولله ان الدنيا ظاقت علي وصرت طفشان من الدنيا

    وكل تفكيري فهاذي البنت ومر اسبوع وانا كل يوم نفس اليوم اقعد استناهها ليل ونهار ومره من الايام دخلت صديقتها الشات وانا صراحتن استحيت اسالها عنها لاني مابيني وبينها علاقه

    واضطريت اني اسال صديقتها عنها قلت لها :لو تسمحين انا ابي اعرف صديقتك الي دايم تدخل الشات

    قالتلي فلانه... قلت ايه نعم قالت ولله البنت مقطوع النت عندهم وما تقدر تدخل قلتلها طيب مشكوره
    اختي ..
    قامت البنت قالت لي انا عندي حل علشان تقدر تكلمها وانا من فرحتي انهبلت وقلتله تكفيين

    يرحم والدينك ولله انا ما اقدر اعيش من دون ما اكلمها طلعت البنت مطاقه معها ولقت فرصه انها

    تطيح فيها وقالتلي خلاص انا بعطيك رقمها وانت عاد عليك الباقي قلتلها علي الدنيا كلها بس تكفيين عطيني اياه

    والبنت ما قصرت وعطتني الرقم ونا من فرحتي لقت التلفون وقعت ادقدق لين ردت علي البنت ولله ان صوتها يرد الروح

    البنت:الو

    انا تقلب لساني ما قمت اعرف وش اقول قمت اخربط

    قلت:ا الو

    البنت : نعم مين معي

    قلت :فلان

    البنت :فلان ميين انا ما اعرفك ونشالله ما اعرفك

    قلت :لا بس انا اعرفك

    البنت :تعرفني ؟؟

    قلت : ايه انا الي معاك فشات

    البنت :وانت حظرتك من وين لك رقمي

    قلت : طرق خاصه حبيبتي

    البنت :حبيبتك فبطنك ان شالله

    قلت : بطنييييييييي وش دخل بطني يبنت الناس

    البنت : اقول يلا اذلف من وجهي

    وسكرت الخط فوجهي وانا حلفت اني ما اخليها ومرت الايام على هاذي الحاله

    ومره من الايام انا فقدت الامل انها تعطيني وجه ام حق وجه ونقطعت عنها فتره اسبوع اسبوعيين شهر شهرين الى الى .................... ......اخره

    وقررت اني انساها ونسا كل شي وبلفعل نسيتها

    ومره وانا فسا ابع نومه رن تلفوني بس للاسف انا ما مسحت رقمه من عندي ومسميها قلبي
    وشوف الرقم وانا مو مصدق ورد على التلفون الى القا اختي تقولي تعال انا بشارع لحالي السواق ابن الذينا راح عنييييييييي
    قلت :وانتي من اي جوال داقه

    ساره: وش دخلك انت انت بس تعال ويصير خير

    قلت : منب جاي لين تقولين لي

    ساره :من جوال صديقتي

    قلت: صاروخ عندك

    ونط من الفراش ولقط مفتاح السياره واهممم شي قبل ما لقطت المفتاح تزيينت ولبست وتعطرت ورحت


    ساره:خذي جوالك

    البنت :اخذت الجوال ولا تشوف الرقم طلع رقم الولد الي معاها فشات البنتت نزت وقالت :منب راكبه مكم لو اييييش

    ساره :ليه

    البنت : اخوك الي يبي يجي صح

    ساره:ايه

    البنت :علشان كذا مني رايحه

    ساره :فكه علشان ما تظيقين علي اقعدي هنا وستنس من يجك

    البنت:سوييير لا تخليني لحالي

    ساره:مافي حل غير انك تجين معي

    البنت :طيييييب

    وصل اخو ساره

    البنت يوم شافت اخو صديقتها شوي وتموت من جماله

    اخو ساره: هلا ولله بظيوف

    قامت ساره وطقت اخوها مع راسه :استح على وجهك ويلا امش

    والبنت فسياره شوي وتنفجر ون الصياح

    والولد : يرفع مرايت السياره ويغمزلها بعيونه

    وهي تكشر له بعيونها

    من الخوف قالت:سا ره شوفي اخوك

    قام اخوها يفطس من الظحك عليها وهي العبره بوجهها

    وراحو وصلو البنت البيتها ويوم انزلت البنت قمت اشرله بيدي باي

    والبنت ما نتبهت لعبايتها صطت الباب على العبايه

    ومشيت الى اسمع صراخ بنت واختي تقولي وققفففففففففف نوف علقت

    قلت :نوف من نوف ؟

    انا امشي ولا سمت كلام اختي لييين انقطعت عبايت البنت وصفقتني اختي ذاك الكف

    ما تفهم ياحمار قاعد تسحب نوف وراك
    اسحبها؟وينها
    يوم نزلت اختي وانا قاعد فسياره وش ينزلني خلني اقز وبس

    وناظر ذاك الجمال شعر وبياض وعيون انا مقدرت اتمالك نفسي ونزلت لها طيران

    وقلتها :اسف

    قالت : انقلع يا تبننن قطعت رجليني الله يقطع مصارينك

    قمت ولا حظت ان البنت رجله انكسرت ما لقيت حل الى اني اشيلها قمت وقلتلها:قومي

    قالت : ويين بتعلقني بلكفر مره ثانيه لا مابي

    قلت:وين يبنت الحلال اعلقك بلكفر لو بغيت اعلق بلكفر ما علقتك انتي قلقت البقره الي جمبك

    ساره : وش قصدك

    قلت: وش تبين انتي احد كلمك

    ساره :ايه

    قلت : انتي بقره

    ساره :لا

    قلت : اجل انثبري وسكتي

    قلتلها ما في حل الى اني اشيلك

    لاني ملاحظ ان الاصابه قويه

    البنت ما لقت حل وافقت

    قامت وشلتها وركبتها قدام

    ساره : ها اي انا قدام

    قلت : اقول انثبري ورا لا ويخب عليك المفروض اركبك فشنطه

    ساره:

    والمهم رحت للمستشفى وديتها لطبيب وقالي الطبيب انا رجلها مكسوره فعلا

    والمهم عالجوها وصلتها للبيت
    ولله اني ما انام الليل كل الليل افكر فيها

    ومن بكرا سالت اختي عن احوال البنت
    ساره:ولله اخذت اجازه من المدرسه وانا ان شالله بروحلها اليوم العصر

    قلت :خلاص انا بوصلك وبروح ازور ابوها وتاسف منه

    ورحت وصلت اختي للمدرسه وقبل لا ارجع للبيت مريت محل عطورات وشتريت عطر نسائي

    ورجعت للبيت وكملت نومي

    وجا وقت طلوع الطلاب رحت ومريت اختي من المدرسه

    ساره: اقول وش الكييس ذا

    قلت:خلي الكيس لا الخك بعطر

    ساره :ايييه عطر لميين لحبيبت القلب

    سوسه اعقلي احسلك

    وحنا فطريق دق تلفو اختي ساره

    ساره : الو

    نوف: وهي تصيح الو

    ساره:هلا نوف وش فيك

    نوره:ساره انا بالمستشفى الحين وانا احس اني ما اقدر اتحرك

    ساره :طيب طيب هذاني جايه

    ولما رحنا للمستشفى سالت الدكتور عن نوف قالي : للاسف نوف اصبحت معوقه

    وانا فذيك الحظه ما قدرت اتمالك نفسي ونفجرت بصياح والوم نفسي على كل الي صار

    وقعت 3 اسابيع لا اكل ولا اشرب لاني انا السبب في تعوق نوف

    وما لقيت حل الى اني اروح وا خطبها من ابوها

    ورحت واخذتلي دش وتلبست وتعطرت واخذت اللعطر الي اشتريته لها

    وبلفعل رحت لبيت نوف وطقيت باب بيتهم ونا ارجف رجف مب صاحي

    فتحلي ابو نوف الباب

    قلت :السلا عليكم
    ابو نوف:وعليكم السلام تفضل انت مو غريب البيت بيتك

    قلت :تسلم ولله
    ودخلني ابو نوف للمجلس وقالي دقايق اتنا راجع

    ورجع ومعاه القهوه والتمر الله يوفقه ان شالله

    قلت:ولله انا جايك بموضوع مهم
    ابو نوف:تفضل
    قلت :ولله انا جاي اطلب ايد نوف
    ابو نوف ما صدق طار من الفرحه وقال:هاذي الساعه المباركه
    ابو نوف :انا ماوافق بس لازم اخذ راي البنت
    وراح ابو نوف وكلمها
    وانا قاعد على اعصابي
    وفجاه تدخل نوف مع ابوها
    ولله ان الكرسي الي قاعده عليه ما همني انا من اول ما كلمتها وهي داخله قلبي
    ابو نوف:نوف موافقه وانت طبعن مو اول مره تشوفها
    نوف من الحيا طلعت من الغرفه وهي طايره من الفرحه
    ابو نوف:ياولدي انت متاكد من هاذا القرار
    قلت :ولله يا خال ان الكرسي الي قاعده عليه ما شكل علي انا ابي نوف مابي غيرها
    ابو نوف:الله يوفقكم
    قلت :طيب يالخال ممكن ادخل عليها شوي
    ابو نوف :بس هذا ابشر تفضل
    ورحت ودخلت عليها وطلع ابوها وخلانا لحالنا
    نوف :ليش جيت تخطبني ؟
    قلت :نوف انا احبك وما اقدر اعيش بدونك ولله اني ما انام الليل كل الليل افكر فيك
    ولو انا ما احبك كان ما جيت وخطبتك هاذا اكبر دليل اني احبك
    وقمت وعطيتا العطر وبستها مع راسها ومشيت
    وجا اليوم المتظر يوم عرسي
    ونا طاير من الفرحه وطبعن مخلصين الترتيبات كلها
    ويوم الدخله دخلت عليها وانا مبتسم لها
    وفجاه قالتلي وقف فمكانك !
    انا خفت وش القصه
    قلتلها ليه؟
    قالت وقف فمكانك
    ولا ما ادري الى ونا اشوفها تحاول توقف وتفاجئت انها قدرت توقف
    وروح وظمها وانا مايت من الصياح
    ++
    يقلع ابو الحب اللي كذ1


    احلى فلم هندي 000
    هههههههههههههههههههه يا الله ابي اشوف عجبتكم ..؟؟

    بانتظار الردود


    منقول


    تحياتي ... احلى بنوته
  2. بنوته مملوحه
    08-08-2007, 04:29 AM

    قصه عربجي في الشات


    القصه مره روعه> يسلمو>
  3. احلى بنووته
    08-08-2007, 06:03 AM

    قصه عربجي في الشات


    مشكووووووووووووووووووره اختي على مرورك الرائع

    نورتي الصفحه

    تحياتي .. احلى بنووته
  4. بنت زآيد
    08-08-2007, 11:39 AM

    قصه عربجي في الشات


    هههههههههههههههههه

    قصه وايد حلووووووووه ...

    مشكورة والله يعطيج الف عافيه ...

    تحياتي...
  5. احلى بنووته
    08-08-2007, 04:26 PM

    قصه عربجي في الشات


    الله يعافيك

    نورتي الصفحه بوجودك فيها وردك الاكثر من رائع

    تحياتي,,احلى بنووته
  6. وفيت وبسببهم بكيت
    08-08-2007, 04:56 PM

    قصه عربجي في الشات


    قصتك روعة
    تسلمي حبيبتي
  7. احلى بنووته
    08-08-2007, 05:25 PM

    قصه عربجي في الشات


    مشكوووووور ع المرور الرائع

    تحياتي,,
    احلى بنووته
  8. the_silent2
    08-08-2007, 08:37 PM

    قصه عربجي في الشات


    ههههههههههههههههه القصه مره روعه ويعطيك ألف عافيه ويسلموا وزين انك ماسويتي مثل صموته .. تحياتي : the_silent2
  9. احلى بنووته
    08-08-2007, 11:49 PM

    قصه عربجي في الشات


    هههههههههههههههههههههههههههههههههههههههه

    the _sailent2
    &
    رحال

    مشكورين ع المروووووووور وحتى انا مبسوطه لأني ما صرت مثل صمت الليالي

    تحياتي,,, احلى بنووته
  10. هيلدا
    09-08-2007, 12:08 AM

    قصه عربجي في الشات


    ههههههههههههههههههههههههههههه بس والله حلوووة
12