12345678910

ديوان الشاعرة عابرة سبيل

ديوان قصائد الشاعر - ديوان قصائد الشاعره ارسال إلى Twitter ارسال إلى facebook
  1. *مزون شمر*
    01-02-2010, 02:37 PM

    ديوان الشاعرة عابرة سبيل


    يسألوني



    يسألوني عابره وين الجديد
    والاجابه ضايقه فيني ملل

    راحت ايام السعاده والقصيد
    عشتها بين التكانه والجهل

    كنت اروض شارد الحرف العنيد
    ماعسرني لو بغيته في عجل

    فيه اصور لوعة الحب الاكيد
    ومنه(اشكل) ماحوى قلبي غزل

    ومعه (اسافر) عن معاناتي بعيد
    ولأجل حبه ماشحني من زعل

    احضنه (فرحة) طفل في يوم عيد
    واسكنه (روض) الخزاما والنفل

    واحتويته ليت لي (قلب ) بليد
    ماعرف (فرق) الجزاله والهزل

    والنهايه مابقى عندي جديد
    واعذروني صارت ايامي ملل
  2. *مزون شمر*
    01-02-2010, 02:38 PM

    ديوان الشاعرة عابرة سبيل


    العيد باكر


    العيد باكر أسعد الله ممساك
    والله مدري وين خد جلسته

    وين انت ياللي عيدنا في محياك
    كف القدر من ضيقة الخلق بسته

    من يوم ما لوحت لي كف يمناك
    لليوم دمعي بالخفا ما حبسته

    ومن يوم ماذوقتني حر فرقاك
    والياس زرعه في حياتي غرسته

    شريت لي ثوب علي شان لقياك
    والثوب راحت موضته مالبسته

    وشريت عطر ما زهاني يلياك
    أربع سنين بعلبته مالمسته

    ودفتر قصيد كل يوم يترجاك
    مافيه يوم ماسهرت ودرسته
  3. *مزون شمر*
    01-02-2010, 02:39 PM

    ديوان الشاعرة عابرة سبيل


    حان الوداع


    حان الفراق .. وتم توديع غالين
    قسوة زمن وظروف ماهي رحومه

    وحاولت ابدل موقف العسر باللين
    وأبين قدامه جسور ظلومه

    و أعاتبه وأنقد على دمعة العين
    وانا - حشا لله - ماني ألومه

    و أقول هذا حال كل المحبين
    وهذا الفراق اللي تجينا علومه

    ومسكت نفسي كن ماصاير شين
    أخشى على خلي يشقق هدومه

    ثم قلت وش تنطر حبيبي لهالحين؟
    أثر ايديني ماسكات كمومه ؟؟؟؟
  4. *مزون شمر*
    01-02-2010, 02:40 PM

    ديوان الشاعرة عابرة سبيل


    هيا تغزل




    كل ماتصل فيك صبح وليل تشكي لي
    من عوج الاوضاع والدنيا ومتاعبها

    مليت يا صاحبي مابيك تحكي لي
    هالأسطوانه أنا مليت مطربها

    حتى خيالك بتال الليل ياتي لي
    جروح وعيون معقوده حواجبها

    عيشتني بعالم ماهو على جيلي
    زهرة شبابي حرام انك تخربها

    ياما هجرتك ولا كملت ترحيلي
    حبايب ما تعبر عن حبايبها

    حبيبتك ما تحمل هالبهاذيلي
    إضحك معاها ولاطفها ولاعبها

    هيا تغزل وغن وزيد تدليلي
    البنت ياحبها للي يداعبها

    قلي وش رايك بفستاني ومنديلي؟
    الوانهن تعجبك .. أو مانت راغبها؟

    وقلي وش رايك بعقدي مع خلاخيلي؟
    وشف قذلتي يوم قصينا ذوايبها

    وقلي وش رايك بأطباعي وأقاويلي
    لاحظ عليها وغيرها وشطبها

    خل بيننا انقاش وعلوم وتعاليلي
    وامر على البنت وان حبيت طالبها

    يامدمن الهم كافي دمع بالليلي
    بكره تشبع من الدنيا ومصايبها

    دنياك والله .. ماتسوى التزاعيلي
    حتى ولاهيب كفو الي يعاتبها
  5. *مزون شمر*
    01-02-2010, 02:41 PM

    ديوان الشاعرة عابرة سبيل


    سنين


    سنين مامرت علومه عليه
    لا علم لا طاري ولا من مكاتيب

    سنين في صبري وحالي رديه
    بين المحاتى وانتظاري وتعذيب

    لا ليل .... لا فرحه.... لادنيا هنيه
    يعلم بحالي واحد يعلم الغيب

    انا ان تحريت اتصاله عليه
    دقات قلبي ضربها ينفض الجيب

    ولو دندنت أساوري في يديه
    اضم انا الهاتف واهل التراحيب

    ابا انطره وابقى بعده وفيه
    وارفض على شانه جميع الخواطيب
  6. *مزون شمر*
    01-02-2010, 02:41 PM

    ديوان الشاعرة عابرة سبيل


    شعري جنوني أرائي



    مسافرة مسافرة وجمعت أنا أشيائي
    بروح أدور لي أرض غير مأهوله

    أفكاري مبعثرة والمشي عشوائي
    والدرب مخطور والأحلام مشلوله

    بروح أمارس جنوني واقتل أعبائي
    مابي خوي يخاويني بهالجوله

    بحمل معايه صراحه وقول تلقائي
    وقصة موادع وقطعة قلب منزوله

    وشعري وجنوني وفلسفتي مع أرائي
    بطلق لها عنانها وتقول منقوله

    في رحتي مستعده أفقد أعضائي
    دامني أمنت فيها صرت مسؤوله

    مليت وأنا أنظعن بالظهر واستائي
    ماقلت لو مرة هالطعن وشهوله

    مليت أكفر أخطاء ماهي أخطائي
    وادري براع الخطا وأقول منهوله

    في رقبتي قلادة وهي سبة إيذائي
    من قبل لا ولد وهي بالعنق مغلوله

    محتاجه للنفس من ضيقة أحشائي
    واشوف مفتاح قيدي مقدر أطوله
  7. *مزون شمر*
    01-02-2010, 02:46 PM

    ديوان الشاعرة عابرة سبيل


    يادنياي



    جيت بكتب عن شقا عمري قصيده
    مير عيا القول لا ياقف معي

    شاف همي والمعاناة الشديده
    أكبر من القول وحروف النعي

    هاك يا دنياي عمري ما أريده
    إضربيني واقسميني واجمعي

    أي نعم ماني بهالدنيا سعيده
    من نهار ولادتي وهمي معي

    عشت محزونه وملتاعه وشريده
    وياكبر شي تخبيه اضلعي

    مابي بين الناس تبكين و وحيده
    وان هجع طرف البشر ماتهجعي

    إما موتة حق أو إيدي بأيده
    هيه..يارحمة إلهي..أسرعي
  8. *مزون شمر*
    01-02-2010, 02:46 PM

    ديوان الشاعرة عابرة سبيل


    الصدفه


    مشيت بالزحمه مع الناس بالسوق
    ولا ادري من اللي طق كتفي بمسباح

    أدرج النظرات من تحت لافوق
    وشهقت مثل اللي تواجه بالأشباح

    غايب ثمان سنين والقلب محروق
    أتلى العهد به تو ماشاربه لاح

    واليوم عندي ناحل بين عروق
    وعوارض على اصفر الوجه واجراح

    والله يا دمع تحدر من الموق
    إنه على الموطى من العين لا طاح

    يقولون لاتزعل من البعد ياشوق
    وانا كما اللي قاضي من جراح
  9. *مزون شمر*
    01-02-2010, 02:47 PM

    ديوان الشاعرة عابرة سبيل


    في مفرق الدربين



    قال الوداع وقلت لالاولالا
    أنا معك في عهد الإخلاص مابقت

    دنق علي وقال مامن مجالا
    وقنعت يوم إني بالأسباب حققت

    وسكت ماعندي نقاش وجدالا
    ذقت العذاب اللي له العام ماذقت

    سكت ما املك حيلة واحتيالا
    إلا ليا منه بكى حيل..دنقت

    ولكن عطا خله بقايا حلاله
    وفي مفرق الدربين غرب وشرقت

    ومن الله الوالي طلبت الدخاله
    دخيلة الله كان للبعد ما طقت
  10. *مزون شمر*
    01-02-2010, 02:48 PM

    ديوان الشاعرة عابرة سبيل


    مهرة الشوق



    جيتك من الفرحة على مهرة الشوق
    تسبقني الخطوة على الدرب قدام

    جيتك ولا ابالي ولو يطلع العوق
    جيتك وانا شوقي موزعني اقسام

    لا..لاتهمك ناس ماتعرف الذوق
    يسرون تال الليل والصبح صيام

    ياعم لا منطق ولافيه منطوق
    بعها تراني..بايعتها للاعدام

    إخذ الرطب قول النخل يثمر عذوق
    خيب رجا اللي يرتجونه من العام

    واضرب على الكايد ان ماجات برفوق
    مليت انا وياك من عد الأيام
12345678910