اوبريت مشرق الشمس - فيصل اليامي

ديوان الشاعر فيصل اليامي
  • ارسال إلى Twitter
  • ارسال إلى facebook
  • ارسال إلى google plus
    1. vb2007
      28-07-2007, 11:46 AM

      اوبريت مشرق الشمس - فيصل اليامي

      اوبريت مشرق الشمس - فيصل اليامي


      يسرنا ان نقدم لكم الاوبريت الخاص بمهرجان صيف المنطقة الشرقية والذي حمل اسم ( مشرق الشمس ) حيث كتب كلماته الشاعر الرائع فيصل اليامي ولحنه المحلن والمطرب لشاب فيصل الراشد وقام بغناءه المطربين عباس ابراهيم وراشد الفارس .

      كلمات الاوبريت تقول :



      كل يحب ارضه وذا حق مشروع ***** وحب الوطن مخلوق فينا طبيعه

      عشق طبيعي ماهو بعشق مصنوع ***** بالعكس يامرنا وحنا نطيعه

      وانا دياري من لفاها نسى الجوع ***** الخير فيها صار نهج وشريعه

      اقول انا سعودي ولي راس مرفوع ***** والقى مكاني دايما بالطليعه






      اوبريت مشرق الشمس - فيصل اليامي
      صورة من الاوبريت








      حكامنا شالوا جميع الفوارق ***** شعب ونحس انا نمثل حكومات

      لا صار بعض الناس بالهم غارق***** تلقى الفرح فينا يغطي المساحات

      في ضل ابو متعب رفعنا البيارق***** قايد ويفرق عن جميع القيادات

      ونشوف سلطان العطا صبح شارق***** مايعرف الا خذ .. ما قد نطق هات


      اوبريت مشرق الشمس - فيصل اليامي
      صورة من الاوبريت





      لي حبيبيه لو بسولف عنها واسهرها ***** وش بقول ووش بخلي .. ياهي احلى بنيه

      وان بديت اول غلاها مادري وين اخرها***** اول الاحساس منها وهي بعد تاليه

      كل ما سافرت عنها دايم اتذكرها ***** وروحي تغني لقلبي : اه يالشرقيه





      اوبريت مشرق الشمس - فيصل اليامي
      صورة من الاوبريت





      لا جابك الحظ للدمام ***** انسى متاعبك وهمومك

      فيها اتحقق لك الاحلام ***** غازل بحرها وعش يومك

      مانلام في حبها مانلام ***** اعشق هواها ولا الومك



      * * *



      ومن الخبر اقطف افراحك ***** خل اخر البسمه اولها

      وفي جوها ضمد جراحك***** تلقى العسل في مناحلها

      من طيبها ثغرها ضاحك ***** تعال بس انت وازهلها




      * * *



      ارض الحسا من يساويها ***** تمرها والعقل مذهول

      التمر عاشق لأراضيها ***** والغيم فعيونها مشغول

      الله ياطيب اهاليها ***** الفعل منهم يساوي القول



      * * *



      تاريخها مثل حاضرها ***** متسيده بأول وتالي

      ام الصناعات سخرها ***** للدار رب السما العالي

      تسبي عقل من يناظرها ***** ياجبيلنا يالغلا الغالي



      * * *


      على صدى نهمة اليامال ***** يمرها الشوق ساريها

      تاريخها مدرسة اجيال ***** والطيب يملى حواريها

      الضيق لو صال فيك وجال ***** مر القطيف ونواحيها


      * * *



      حورية جات تتثنى ***** منها الغنادير مقهوره

      للخير فيها كذا معنى ***** خيرات ماهي بمحصوره

      مجبور في حبها اتغنى ***** ياروحي يا راس تنوره



      اوبريت مشرق الشمس - فيصل اليامي
      صورة من الاوبريت




      قد قالها الراحل .. زعيم المهمات
      ثم رددوها الناس جيل ورى جيل

      (حنا هل العوجا ولابه مراوات
      شرب المصايب مثل شرب الفناجيل )

      يادار يادار الكرم والمروات
      ما بعد صبح المجد يالمملكه ليل

      ارقي بنا يادار روس الطويلات
      وارقي بقايدنا على قمة سهيل

      دونك نبيع الروح شعب وقيادات
      دونك يادار اخوان نوره رجاجيل

      لجلك تموت ارواح .. وترز رايات
      والويل للخاين وللطامع الويل

      ولجلك يابوتركي تهون الصعيبات
      مسطرين المجد بالسيف والخيل

      يامحمد اللي فعلك اسس روايات
      عن مجدك الماضي ومجد المقابيل


      اوبريت مشرق الشمس - فيصل اليامي
      صورة من الاوبريت


      فيصل اليامي ....كاتب الاوبريت .. وفيصل الراشد ملحنه
      250*300 Second
    2. شيخة قلبه
      04-11-2009, 08:49 PM

      اوبريت مشرق الشمس - فيصل اليامي


      يسلمووو
    3. طير القوافي
      13-09-2010, 01:57 PM

      رد: اوبريت مشرق الشمس - فيصل اليامي

      اوبريت مشرق الشمس - فيصل اليامي


      ماشاء الله
      اوبريت مذهل وابداع

      صح لسانه
    4. Abdul Rahman
      15-09-2010, 01:37 PM

      رد: اوبريت مشرق الشمس - فيصل اليامي

      اوبريت مشرق الشمس - فيصل اليامي


      يعطيك العافيه ..


      تحياتي ..
    5. المريسي
      09-09-2015, 01:27 PM

      رد: اوبريت مشرق الشمس - فيصل اليامي

      اوبريت مشرق الشمس - فيصل اليامي


      شكرا عالكلمات

      تحياتي