توبه من الكوفيرات توبه .......؟

اجمل نكت مضحكة - اضحك على سوالف الشباب والبنات ارسال إلى Twitter ارسال إلى facebook
  1. مغرزه بكعبها
    28-07-2007, 03:22 AM

    توبه من الكوفيرات توبه .......؟

    توبه من الكوفيرات توبه .......؟


    قصه فللللله
    هذي قصه بنت عمتي مع الكوفيرة اللي عند بيتهم وان شاء الله تعجبكم



    في يوم من الايام النحسه





    فتحوا مشغل جديد وكان للأسف قريب من بيتنا
    قالت امي بنروح نشوف شغلهم كانه حلو نتعامل معهم
    ومن لقافتي الزايده
    قلت يمه خليها مره وحده نروح لها يوم الشبكه مو شبكة الإتصالات
    شبكه يعني يوم الملكه<-((لولولولوليش مباركين عرس الا.....))


    لحظه لحظه


    ياشين الرجه لحد يرقص مو شبكتي شبكة بنت خالي أنا توني على العرس
    المهم جاء الموعد و
    رحت للمشغل وتفاجأت من صغر المكان كأنه قوطي ويمكن اصغر
    ((الله يخارجنا))
    قالت أمي خليها تبدا فيك
    وانا على نياتي وافقت وبكل سرورعلى طوول دربيت راسي<-((راضعه الدلاخه))
    مادريت اني اول ضحيه

    قالت الكوفيره: أهلين وسهلين نورتوا شو بدكون في عنا بدكير منكير..إلخ
    وأنا أقول في نفسي لا لا لا شكلها كوفيرتن منتازه
    قالت أمي بنتي تبي إستشوار
    جلست عالكرسي والإبتسامه تعلو خشتي من قوة الابتسامه جاني
    شد عضلي في وجهي



    المهم جابت الفازلين

    قلت أكيد بدهن يديها!!
    ماوعيت الا وهي تلطخ شوشتي

    ثمن شغلت الاستشوار ومست أم القذله لدرجة اني سمعت صوت الشعره يوم إنقطعت ومغطت جبهتي من قوة المغطه طلعت كتابه على جبهتي(وصلت حدك الأتماني)
    مو بس الجبهه حتى عويناتي وصلت أذني<-معركه


    واللي عانيت منه بجد إن الاستشوار يلعن أمه حار وبنت اللذين ترصه في راسي لين شبت في جمتي
    حسيت إن مخي من الحراره ساح وطلع مع إذني
    ولا بعد الكوفيره متحمسه تسحب راسي مره يمين ومره يساره وكل شوي كامختني طرررخ بالفرشه وأنا أي أح أإح أي ومازالت تلطخ من الفازلين يوم توهقت قالت
    شعرك أصير=قصير
    ومو متساوي
    وأصلا أنا قاصه قصة الفراوله وهي شكلها ماتعرف الا الكاريه<--كح كح فيه أقدم
    وأنا ساكته ابيها بس تخلص
    يوم خلصت وتمشط شوشتي عفوا قصدي لزقت شوشتي على جبهتي صرت كني زيديه
    ومن الفقش الزايد تقول بتجنني



    وأقولها مشكوره وأنا في نفسي أقول((على ترراب يابنت الكلب)) بس أبي اطلع بأي طريقه قبل ماتصلع بي
    قسم بالله خانقتني العبره وأحاول ابلعها وابتسم والدمعه مدقره



    واروح البيت كعابي وادخل على خواتي تسدحوا من الضحك ورحت أخذت مكعبات ثلج وحطيتها على راسي ابي ابرد على جمتي المسكينه وبسبب هذي الكوفيره الخايسه جتني حاله نفسيه من الأستشوار أحيانا" اسمع صوت المكنسه وانهبل أحسبه الاستشوار
    وتقديرا لحالتي قرروا هلي إستعمال مكنسة الخوص بدال الكرهبائيه قصدي الكربهائيه يووووه ترا بطقني لو مانطقتها صح
    الكه كه كه كهربائيه

    بس عالأقل سالفتي أهون من سالفة أمي قسم بالله كل ماأذكرها افطس ضحك
    راحت لمشغل نفس الشي أول مره تجربه
    كان عندها مناسبة زواج
    المهم هالكوفيره استلمت امي ومعطت شعرها لين قالت العيد باتسر
    يقالها بتسوي تسريحتن صاحيه وماخلت توتسه مدري بنسه
    الا وغزتها في راس امي
    ملعونة الجدف
    وامي استغربت انها ماحطت حشوه لأن التسريحه رفع لازم هالحشوه عشان تصير التسريحه منفوخه وحلوه
    أمي ماقالت شي وخلتها على راحتها يوم خلصت ناظرت امي المرايه وتلمح ذيك الفرقه في راسها من طولها تقول طريق الأفلاج
    وتدور التسريحه مابانت لأنها مرصوعه
    وتطرطع عليها أمي قالت: وش ذا تلعبين علي
    وش بلا تسريحتي مرصوعه أنا ابيها متفوخه
    قالت الكوفيره وهي معصبه
    بينوا بي سا تمو طن طاع
    الترجمه
    خليها شوي وبتنتفخ<-صلخه قويه
    قالت امي وش اللي شوي وبتنتفخ لايكون حاطه فيها بكينج بودر<-شبت فيها
    ههههههه عاشت امي غسلت شراع هالفلبينيه ويا وجهها كنه نسافة ددسن هعهعهعه الله يرجني أعرف اذب ياحلو ذباتي وياحلوي حلواه امواه تراني أحبني<-بتطول حالتك
    لا بلف يمين
    كخخخخ<-ماكله لحم قطو
    ماتلاحظون انكم فليتوها يالله أرقدوا ماله داعي أتفلت عليكم ويروح بعد التفلت ضحايا .
    وبعد هالمعاناة مع الكوفيرا
    حرمت اروح لها مرتن اخرا
    اصلن كرهتها من كل قلبي
    وان شاء الله تكون عضه وعبرة
    للكل عشان مايروحون أي كوفيرا
    ودمتم سالمين ياحلوين
  2. شمس
    28-07-2007, 03:34 AM

    توبه من الكوفيرات توبه .......؟


    ههههههههههههههههههههههههههههههههههههههههه
    ههههههههههههههههههههههههههههههههههههههههههههه

    شو ها القصه تموت من الضحك بس في الاول والاخير بعد شنسوي مالنا الى الكوفيره

    مشكوووووووووووووووووره
  3. مغرزه بكعبها
    28-07-2007, 03:46 AM

    توبه من الكوفيرات توبه .......؟


    تسلمين شمس حببتي

    عادهذا للي صار

    اتعلمي حببتي وستغني عنهن
  4. ***دندونه HANAA***
    28-07-2007, 05:03 AM

    توبه من الكوفيرات توبه .......؟


    ياحرام المعاناه وراك وراك

    بالمشغل والسوق و و ووووو
  5. مغرزه بكعبها
    28-07-2007, 05:25 AM

    توبه من الكوفيرات توبه .......؟


    ايه واله

    شكل احد معطيني عين

    تسلمين حببتي