ردية بين بوش الصغير واحمدي نجاد

الشعر, قصيدة , شعراء, القصايد ارسال إلى Twitter ارسال إلى facebook
  1. الحزينA
    27-07-2007, 08:17 AM

    ردية بين بوش الصغير واحمدي نجاد

    ردية بين بوش الصغير واحمدي نجاد


    ردية بين بوش الصغير واحمدي نجاد
    --------------------------------------------------------------------------------
    سلام عليكم .,
    محاورة اعجبتني بين الرئيس الامريكي / بوش الصغير .. ورئيس جمهورية إيران .,
    بوش
    سلام من ريس مريكا قايد الجيش الكبير....لاوالله ألا قايد الشرق الوسط مع غربها
    لاتحتزم يا أحمد نجادي وإسمع لشور الشوير....امريكيا وجيوشها .. محد تمنى حربها
    أحمد نجاد
    يامرحبا من راس كسرى تاصل لبوش الصغير....والهيمنة والسيطره من صاحبك ياقربها
    لولا المخافه صابتك ماأرسلت لي توني بلير....وأهل المحازم تحتزم .. لامن تبين كربها
    بوش
    دام البقا واللي بقا .. تقرير في خط المسير....نبا نسير لجيشكم .. وإنكان صامل سربها
    ماسر كسرى دولته .. يوم إعتزا عمر وعمير....ويش أنت خابر فالسنين الماضيات وعربها
    احمد نجاد
    إيران لامنك بغيت الشر .. شر مستطير....منته معود يالصليبي .. لين تونس ضربها
    حنا نشبب خيلنا .. وأنتم تربون الحمير....خل السنين الماضيه .. والحاضرات أشر بها
    بوش
    أهل العراق إمنازعتها .. خلتك حبة شعير....وحنا بطشنا دارها .. لكن دربك دربها
    حنا صنعنا الطايرة وأنته تعلمت المطير....وإنكان لك حيله بعدها يالخميني ... طربها
    احمد نجاد
    العام مرتك السحابه .. وسط دارك يالخطير....ثم أرثعت فيكم .. والا ياطيب من ناحربها
    ياخرب لاتقعد تطامر .. ينقطع سلك الحرير....ولا تستوي شقر الحرار الصارمه مع خربها
    بوش
    وراك دونت التعازي .. في ملفات السفير....ساعة تولمنا .. وقلنا يالعميل أبشربها
    حنا نسوي لك عصير ولا تبا شرب العصير....هالحين كاسات البصل هات البصل وإعصربها
    احمد نجاد
    هذي سياسات الدول فالوقت الاول والاخير....ماني لحالي والدول .. قامت تدلي ثربها
    حاسب حسابي ماعليه من قليل ومن كثير....لاجا الوعد في موعده يسراك ينقص شربها
    بوش
    اللي مزين حالكم .. علم ( السقيفه والغدير )....وعلوم ماودي تشوف إصلاحها .. تبطر بها
    يالفارسي محد فزع لك .. غير بشار وسمير....واللي تحكك فالخشب .. جرب تناحي جربها
    احمد نجاد
    أثرك عدو معتبر .. تضحك على العظم الكسير....واللي مأثر ديننا .. دينك بعد مثربها
    كثر الكلام وقلته .. ماجاب شر وزاد خير....خل الهروج السامجة والصاملات إقصربها
  2. *مزون شمر*
    27-07-2007, 11:06 AM

    ردية بين بوش الصغير واحمدي نجاد


    نقل رائع
    يعطيك العافيه اخووي
    تقبل مرووري
  3. حبيب الامس
    27-07-2007, 03:09 PM

    ردية بين بوش الصغير واحمدي نجاد


    كلمات رائعه و مناظره اروع