لوخسرتك ماخسرت العمر

لوخسرتك ماخسرت العمر.. والدنيا متاع
وأدري أني لو خسرتك ماخسرت.. إلا قليل



بس فكر زين تعرف من خسر فينا وضاع
وتعرف إنك لو تلف الأرض .. وتدور بديل



والله إن تبطي ولو لفيت كل البقاع
ولو تسوي وش تسوي ماأنت لاقي لي مثيل!



وين تلقى مثل شخصي شخص..وطباعي طباع
ووين تلقي مثل قلبي قلب .. أو مثلي خليل.؟



البشر واجد .. نعم .. لكن فرق الانطباع.!
يجعلك يمي تميل .. ويم غيري ماتميل....



يارفيقي .. انتبه .. واحسن إلي الاستماع..
للمواقف دور في كشف المزيف .. والأصيل..



وأنت ماقصرت فيني موقفك جداً شجاع..
طعنتك في الظهر كانت إثبات ودليل....



بيض الله وجهك اللي ساتره تحت القناع
ورايتك بيضا معاي وياعسى عمرك طويل...



يعني أعطيك الثقة وتردها ب"لوي"الذراع!!
ياخي ماشاء الله عليك أبدعت في رد الجميل..



مدري كيف أشكرك؟؟!
مدري كيف أرد الصاع صاع؟؟؟!!
كنت أحسب أنك عزيز النفس .. تطلع لي ذليل...



كم وأنا عييت أصدق فيك قدر المستطاع
من غبائي كنت أسكت وأعذرك .. وأثر الحصيل!!



جرح قلبٍ ميزته في كل يوم الاتساع..
ودمع عين" ينهمر من ضيقتي في كل ليل...



والله والله إني كنت أحبك حب .. وأتبعك إتباع..
كنت لجل أرضي غرورك بس ...أسوي المستحيل



كنت أعمى فيك .. لا.. لا .. ميت للنخاع..
كنت مدري كيف ؟ لكن كنت صادق معك حيل...



كنت أمارس في غرامي لك سياسة الانصياع
وكنت لاغي معك فكرة أعتزل او أستقيل....



اندفعت بكل مافيني .. وسوء الاندفاع...
يجبر الإنسان أحياناً.. يفكر بالرحيل...



صدمتي فيك إنت .. خلتني أفكر باقتناع..
إن قتل النفس راحة لو أنا كنت القتيل...



انفجر راسي من التفكير.. وازداد الصداع
كيف أنا بفتك من جروحك ودوشة "قال قيل"



صرت سيرة في حلوق الناس.. وتالي هالضياع
" انتحر ؟ معقول ! يالله وش هذا الغليل..



رحمتك يارب لامن ضاقت امنحني وساع..
أنت حسبي في الزمان الجاير ونعم الوكيل...



لا غدى "مستقبلي والماضي" أطراف النزاع..
وصفحة الماضي سواد وشئ من هذا القبيل...



فلازم انسى لجل أنهي بداخلي هذا الصراع..
ولازم أتقوى .. عشان أحقق النصر الجليل...



وطالما إن الهجوم أفضل وسيلة للدفاع...
مستحيل أرضخ لو أن الحمل ياربعي ثقيل...



والبخيل اللي نساني واشتري فيني... وباع...
يذلف .. الله لا يرده .. والله بجرحي كفيل...



وإن سأل عني وجاكم بعد فترة انقطاع!!!
علموه أني نسيته بس أنا ماني بخيل....



طالما كان السبب في قوتي .. قبل الوداع...
بلغوه أقل شئ بخالص الشكر الجزيل

قصيدة عجبتني وحبيت انقلها لكم

اتمنى تعجبكم
 
ما أجمل الكلمات عندما تكون موجهة إلى أجمل إنسانة في قلب المرء
إنسانة أحبها قلبه ولايستطيع العيش بدونها


& مجهوله الحياه &
ماذا عساني ان اقول امام هذا السيل الجارف

من الحروف الراقيه

والابداع المتصل والمتناسق

كلمات رائعة واحساس ومشاعر متفجرة

اسلوب تنحني كل جوارحي ومشاعري وحروفي اعجابا بك وبتميزك الباهر ..
فعلاً حرفك راقي
لك أرق التحيه​
 
ما أجمل الكلمات عندما تكون موجهة إلى أجمل إنسانة في قلب المرء
إنسانة أحبها قلبه ولايستطيع العيش بدونها


& مجهوله الحياه &
ماذا عساني ان اقول امام هذا السيل الجارف

من الحروف الراقيه

والابداع المتصل والمتناسق

كلمات رائعة واحساس ومشاعر متفجرة

اسلوب تنحني كل جوارحي ومشاعري وحروفي اعجابا بك وبتميزك الباهر ..
فعلاً حرفك راقي
لك أرق التحيه​


يسلموووووووو على كلامك الشفاف كلك ذووووووق ومررروووررك الاروع يارررووع انسان بدنيا:y:

:aa:عطرة صفحتي بكلماتك الرائعه :aa:

:a::a:تحياتي لك ياعسل:a::a:
 
عودة
أعلى