تتعب الدنيا لجل تاخذ غلاك

تتعب الدنيا لجل تاخذ غلاك ...~...







x.png





من سكنت بقلبي .. والغلا هو غلاك
من عرفتك ،، وقلبي مايبي لك
بديل ..
اعشقك لو قسيت .. اعشقك ماكفاك
ماسكن وسط قلبي ،، قبل حبك
خليل ..





x.png




تعبت من (كيف حالك) لاتنشدني
بس أنت وشلون قلبك يابعد حالي
قل لي وش أخبار حبك لي .. وتسعدني
من خلقت الحب والغالي من الغالي
بجيك كلي مثل ماكنت عاهدني
واقول احبك معك .. واحبك لحالي
خذني لدنياك عني .. لين تبعدني
ماودي إني معك .. واطري على بالي .!!




x.png




تموت بخاطري بعض السوالف والظروف سيوف،،
و أنا في داخلي شي ×ما يطري على بالك×
تمنيتك عن عيوني على حد النظر و الشوف،،
أغمض وأفتح أهدابي ((ألقاني قبالك))




x.png





انا قررت اعيش الحب حالة صمت وأهنابه
سمحلي ماسمحلي هو له اعذاره ولي عذري
تعبت من الحكي والبوح والتلميح ماجابه
فهمني مافهمني ماأسأله مايسأله صبري
بحبه واعشقه واطريه لو من ورى بابه
ذبحني يابشر واغليه ليته بالغلا يدري
يغيب وله بقلبي شوق اكبر منه ويزهى به
حضوره غايتي ومناي اضمه قبل لايسري



x.png




في قلبي شي بقوله ،، وابي تسمعني للأخر
انا كل لحظه لك أوله ،، تعب قلبي وهو صابر
ابتقرب انا لديناك
وتصير عيونك اوطاني
واعيش احلى العمر وياك
وانسى بجنبك احزاني
ياكل مناي ،، وهنا دنياي
ابتهرب من احزاني .. وأعيش بقربك ازماني
وكل ماينتهي عمري بحبك ،، ينولد ثاني ..




x.png




قالوا تحب ؟
وقلت انا القلب راضي
اعيش كل العمر اهواه واغليه ..
قالوا العقل ؟
قلت انا العقل قاضي
ياما حكم له وانا راضي واداريه ..
يازين من يهوى وهو كان راضي
يلمس لضى الجمره ولا خاف تكويه




x.png




مجبور أحبك...كيف ما أكون مجبور،،
و أنت الذي تفرض علي احترامك...
حبك ملكني حيل بالعرض والطول،،
و كل المشاعر ذايبة في غرامك...
إحساسي المرهف غدا فيك مشغول،،
و ينزف خفوقي من سبايب سهامك...




x.png




اختفيت وما اختفى الا وجودك
ياحبيبي باقي مع ذكرك غلاك
اختفيت وماجرح قلبي صدودك
واعرف انا مافيه بقلبي سواك
لو تغيب ويندثر حلمي بعهودك
مايجي الشك في قليبي من هواك
ايه احبك واعشقك لأبعد حدودك
وتتعب الدنيا لجل تاخذ غلاك




x.png




أغليك من قلبي ومن روحي أغليك،،
وأفراح قلبي تكتمل في ملاقاك...
كلك حلا سبحان منهو مسويك،،
يا مجملك في عين قلبي ومحلاك...
زود على حسنك طبوع تحليك...
تفرقك عن هذا وهذا وهذاك




x.png





(الحب) كلمة تجمع قلوب ودروب
محتاجها قلبي وقلبك يبيها
غنيتها لعيونك السود بأسلوب
لو هي على أبيات الغزل ما انتهينا
غنيتها دبكه وعرضه ومسحوب
غني معي وان جاز لك موليها
تدرين انا شفتك نصيب ومكتوب
فرحة عمر تستأذنك تفرحيها




x.png




يا رفيق الخير منك ما اشتكيت
غاليا قدرك وعندي ما تهون
ع الوفا باقي وعهدي ما نسيت
والوفي هيهات يا خلي يخون
لا حشا والله عنكم ما سليت
منزلك عالي و تفداك العيون




x.png




يستاهلك قلبي وتستاهل أكثر
ياحافظ حبه على مر الأزمان
لك ينحني بالحب قلبي ويفخر
الود لأهل الود لو كان ما كان



x.png




مابقى في عيوني الا دمعتين
لو يجفن كيف انا ببكي عليك
الفراق اللي ذبحنا من سنين
مايبي يرحل او يرسلني اليك
والعمر يمضي وعذبني الحنين
ساكن بعيني وما اقدر اجيك
اسمع الاهات في قلبي الحزين
واسمع جروح الزمن
تسأل عليك !!؟




x.png




خلك مع اللي تحبه لو تباطيته
واضحك لدنياك مهما الحظ حاربها
عذبات الأرواح فرق الحي عن ميته
وصروف الأقدار رب الكون كاتبها
لاتشكي الهم للي بيوم مريته
واصبر ولو نامت الدمعه بحاجبها




x.png




إبتسم لون المسا منك وعرفتك
جيت مثل البدر في صدر الليالي ..
ايه شفت الحب بعيونك وشفتك
وأذكر انك جيت ضيف ورحت غالي ..
وأذكرك مثل الورود ولا قطفتك
وأذكر ان المر دونك وانت حالي ..
واتخيل كل ما مني وصفتك
كيف أخذت الملح كله وانت حالي ..




x.png



أشتاق لك والقلب ما هو بيديني
أنت الحبيب ومالنا غيرك أحباب
عن حب غيرك تايب من سنيني
ولاشك قلبي عن غلاك "أنت" ما تاب
غلاك بالدنيا ترى مبتليني
لا غاب زولك كل شي غاب



x.png




كل السوالف تجيب اسمك ولو صدفة
كل الشوارع توقّّف بي على بابك..
واهرب عن الناس لاخر ركن في غرفة..
وألقاك بالروح..وأهدابي على اهدابك.
هناك اعيش الغرام اللي لقى حتفه
هناك اذوق العذاب اللي من اسبابك




x.png



ان كان تعذيبي يسرك ويرضيك
عطني عذاب وخذ بداله سعاده
اهجر على كيفك وزود بتحديك
ونا بدال الهجر (أحبك) زياده
ولك مني ابكي كل ماحل طاريك
لين البكا يصبح مع الوقت عاده



x.png




أجي مشتاق تسبقني مسافاتي
أعني نفسي للي دوم مشقيها
بعد عمري ولو زادت خساراتي
حياتي بعدك ماعدت انا أبيها
دموع العين تشرح لك معاناتي
على طيفك عيوني صرت أسليها




x.png

منقول
 
اخي شمعة امل
يعطيك العافيه على النقل
كلمات قمة بالروعه
ويسلم ذوقك الراقي
تقبل مرووري
 
ان كان تعذيبي يسرك ويرضيك
عطني عذاب وخذ بداله سعاده
اهجر على كيفك وزود بتحديك
ونا بدال الهجر (أحبك) زياده
ولك مني ابكي كل ماحل طاريك
لين البكا يصبح مع الوقت عاده

يسلمووو على المسجات

الله يعطيك العافيه

تحيتي لكم
 
عودة
أعلى