12

بنت الاصايل

الشعر, قصيدة , شعراء, القصايد ارسال إلى Twitter ارسال إلى facebook
  1. الأصيل
    13-07-2007, 08:16 PM

    بنت الاصايل

    بنت الاصايل


    السلام عليكم ياحبه
    قصيده قرأتها وأعجبتني أتمنى تنال استحسانكم




    انا غرامي بنت من يذبح الحيل=بنت اللذي للطيب يسكن دياره

    راعي الدلال الصفر والبن والهيل=فكاكه الانشاب ماهي عياره

    كم شيخ قومن طاح في عجت الخيل=بسيوفهم ينزف وتبكي صغاره

    واخوانها صقورن تحدى الرجاجيل=والكل منهم محتكم في قراره

    وعمانها وقت الملاقا حلاحيل=لاشفتهم قلت إشبلاهم سكاره

    ماهم سكاره شرب وإلا مهابيل=من فعلهم هابت اسود ونماره

    عدوهم لو راح وابعد تراحيل=لابد ماهم يفجعونه بغاره

    وخوالها بالطيب يشهد لهم جيل=يوم الفقر والجوع حط اعتباره

    بمراحهم لاجيت شفت التهاويل=تقول هذا إمراح قصب وجزاره

    وامن الرحم تضرب عليهم تماثيل=وبيت الرحم معروف واضح مساره

    لاجيت ابوصف زينها شي ماقيل=قلبي عليها هايم في مداره

    ام العيون الناعسات المظاليل=بانفاسها عطرن يزيد انتشاره

    وجه القمر.. لازار نورة مع الليل=نور الفجر.. لاوالله شمس بنهاره

    ماكنها إلا بالسما نجمة سهيل=شعلة تعلت.. لاوربي مناره

    إليا مشت تاقف جنود واساطيل=هي سيدة للبيض تاج الاماره

    كل الجمال يتوج براسها كليل=بدويتن لاقيل زاد افتخاره

    ماهي بشر حورية إتبيد الحيل=وبشفاتها لون الجمر بحمراره

    عريبة الجدين تبعد عن الميل=ولادوجت في سوق شرق وفناره

    ولاسمعوا الجيران صوت التعاليل=ولاقالت تؤبرني ابيلي استماره

    ولاتلبس البنطال مثل المداخيل=ولاقطت البرقع وقالت حضاره

    ملبوسها ستر وحجاب القناديل=فيها الحيا معروف بسم الطهاره

    بنت الاصايل للظروف المقابيل=تصبر على بلواك يوم إنفقاره

    وجدي عليها وجد من ينطر السيل= وده يشوف الارض زايد خضاره

    لولا الامل نرسم معاناتنا ويل=واحلامنا تنزف الم في مساره

    انا غرامي بنت ذيب الرجاجيل=بنت اللذي للطيب شباب ناره
  2. نزف خاطرة
    14-07-2007, 03:23 AM

    بنت الاصايل


    الاصيل


    بالله عليك اخي

    ماذا ننتظر من قلمك غير كل ما هو راقي وجميل في النقل والبوح

    وجمال حرفك وحسك سيبقى له الاثر الرائع في قلوبنا

    دمت اخي ودام نبض قلبك وقلمك ,,,

    تحيتي
  3. شاعر الزمان
    14-07-2007, 04:28 AM

    بنت الاصايل


    كلمات رائعة ومعنا اجمل الله يعطيك الف عافية على هذه القصيدة المميزة

    ننتضر جديدك
    تحياتي
  4. °¨¨™¤¦DAREDEVIL¦¤™¨¨°
    14-07-2007, 11:20 AM

    بنت الاصايل


    كلمات رائعة ومعنا اجمل
  5. راكان الفلبين
    14-07-2007, 05:10 PM

    بنت الاصايل


    صح لسانك
    كلمات روووعه
    في قمه ابداع
    تحياتي لك
  6. الحلم المفقود
    15-07-2007, 12:59 PM

    بنت الاصايل


    وقفة شامخه في رحاب المشاعر والابداع...

    الذي يرتدي هذه الكمات الغارقه في بهائها ..

    والمتفردة بعذوبتها واختلافها ..

    هنا تحاصر الكلمات وتغلف كل حرف بروعة إحساسك..

    ليكون جزءا جوهريا ..

    من عالم ينساب ضياؤه..

    بسلاسة لا تشبه سواها ..

    الاصيل

    لقلمك ومشاعرك

    روعة وجمال

    هنيئا لك بها

    وهنيئا لنا بهذه الاطلالة الفارهه

    دام نبضك

    تحياتي
  7. جنان عبدالله
    16-07-2007, 02:25 PM

    بنت الاصايل


    استمتعت صراحة
    بكلمات تتغنى
    باصالة المراة العربية
    اصيل
    ننتظر منك كل ماهو جميل
  8. *مزون شمر*
    28-09-2007, 07:14 PM

    بنت الاصايل


    شاعرنا الأصيل
    صح السانك و السان الشاعر
    قصيدة في قمة الرووعه
    ونقل رائع و مميز
    واختيار موفق
    لاعدمناك ولا عدمنا روعة حضوورك
  9. الطير الفلسطيني
    28-09-2007, 08:10 PM

    بنت الاصايل



    انك رائع
    ومرهف الإحساس والمشاعر
    يعطيك العافية اخوي
    على كلامك الحلو
    والطيب اللي يدل على
    شخصيتك الطيبة
    وشرالبلية مايضحك
    كلنا في الهوا سوا
    تقبل مروري المتواضع امام ابداعك
    وتقبل خالص تحياتي
  10. الراقص تحت المطر
    28-09-2007, 11:05 PM

    بنت الاصايل


    صح السانك تسلم ايدك وربي يزيدك
12