123

أخاف الله يعذبني

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. دمعة جريحه
      11-05-2005, 11:36 AM

      أخاف الله يعذبني

      أخاف الله يعذبني


      يابنت أرجوك أنا مأقدر كفاني ماضي الغلطات
      أخاف الله يعذبني وأنا خواف يابنيه
      واخاف ابساعه اللذه يجينا هادم اللذات
      ويأخذ من حشى جوفي بقايا روحي الحيه
      أنا ليه ثمان اسنين وأنا مدمن على الشهوات
      ديار الفسق حاستها مواطي تحت رجليه
      عيوني من كبر همي تخلط الدم والعبرات
      مسيل الدمع من عيني حفر بالخد ماريه
      صحيح إنك جميله بس تبنا من هوى الزينات
      تركنا الحب غصب وطوع للعين الشقاويه
      يابنت أنتي على بالك أبأخذ من بنات الشات
      أجل مجنون أنا يابنت أشيل العقل بيديه
      ترى أكبر شيء يربطني معك جوال ابو شاشات
      وهاتف ينقل أشواقي على نبرات سلكيه
      وترى كل العلوم اللي عطيتك بالهوى كذبات
      وحتى دمعتي يوم الفراق الصعب كذبيه
      هذاك اليوم ماهلت عيوني لجلك الدمعات
      لأن الدمع ماينثر بقصه حب وهميه
      أنا أضحك معك واضحك منك وعليك أكثر الضحكات
      كأني بالهوى جني يعبي راس جنيه
      وأنا ماني بخكري يلبس القمصان والشرتات
      ويفرح قلبه المسكين إذا حب الدوينيه
      أنا من لابة أروت ضمايا سيوفها الغزوات
      خلايا جسمنا عاشت على دم القبيليه
      ودهنتي شعرك الاسود بألوان من الصبغات
      وعيت تقبل الصبغه ملامحك الخليجيه
      وحشرتي ردفك المسكين بالبنطال والجنزات
      خلاقين تصنعها مزاجات اليهوديه
      عشاني ميت في ثغرك الأحمر أبو لمعات
      تحسبيني أبرضخ لك لأن إشفاك ورديه
      ورب الكون مأرضى فيك لو إنك شيخة الحلوات
      وإذا صمل علي العلم أكب ارض السعوديه
      يابنت الناس عزك في سواد يستر العورات
      وعزي في شماغ أحمر وثوب أبيض وطاقيه
      سعوديين نفخر في عبايات السعوديات
      نغض الطرف إجلال إذا شفنا السعوديه
      وخليجيين نفخر في عبايات الخليجيات
      نغض الطرف إجلال إذا شفنا الخليجيه


      قصيده لشاعر سعودي ( )

      بصراحع عجبتني حبيت انقلها لكم
      اختكم منوره
      250*300 Second
    2. خاطف القلوب
      11-05-2005, 12:40 PM

      ][®][^][®][عزي في شماغ أحمـر وثـوب أبيـض وطاقيـه ][®][^][®][

      أخاف الله يعذبني





      مشكورة

      على النقل الرائع



    3. الساحر الجميل
      11-05-2005, 01:18 PM

      أخاف الله يعذبني


      رغم انى براجع مستشفى العيون
      عشان اركب نضارة زى اللى عند جدتى ( ابو كعب )

      لكن القصيدة جميلة وفيها عبر وحكم كثيرة
      ومنازعة النفس لهواها شى كبير وعظيم

      شكرا لك اختى مناير على نقل القصيدة الرائعة

      وفى انتظار المزيذ
    4. دمعة جريحه
      11-05-2005, 05:03 PM

      أخاف الله يعذبني


      خاطف القلوب00 اسعدت بمرورك

      الساحر الجميل** **الله يعينك

      اسعدت بحضورك ومرورك العذب

      تحيتي منوره
    5. عاشـــق الابـــداع
      12-05-2005, 04:13 AM

      أخاف الله يعذبني



      اختي الغاليه

      مناير

      صح لسانك

      مشكوووووووره على نقلك واختيارك الجميل

      انا في انتظار جديدك


      تقبلي تحياتي

      اخوك/عاشق الابداع
    6. سبتان
      12-05-2005, 04:32 AM

      أخاف الله يعذبني


      بداية أشكر الشاعر على الكلمات التي داعبة قلب كل ( خليجي )
      وأشكر الأخت مناير على الأختيار الجميل الذي يدل على شاعريتها أو تذوقها الشعر
      وأخالف ( ) فلا أرى أي تناقض في قصيدة الشاعر فالشاعر سيترك السعودية خوف من الوقوع في المحظور
      لا للبحث عن المحظور
      مع تحيات الف$$$$$$$$$$ارس
    7. دلوعة الرياض
      12-05-2005, 12:55 PM

      أخاف الله يعذبني


      ي ع ط ي ك ال ع ا ف ي ة

      بصراحة قصيدة جميلة وان دلت على شيء فهي تدل على ذوقك الراقي
    8. عاشقة البنفسج
      14-05-2005, 03:53 PM

      أخاف الله يعذبني






      أختي العزيزة مناير


      أهنئك على هذا الجمال من الإبداع



      دعواتي لك بالمزيد والتقدم



    9. بنفسج العين
      16-05-2005, 04:37 PM

      أخاف الله يعذبني


      الله يعطيك العافية على ابداعك واختيارك لهذه القصيدة الرائعة وتدل على انك انسانة جميلة في داخلك اخلقية في مظهرك
    10. دمعة جريحه
      16-05-2005, 05:15 PM

      أخاف الله يعذبني


      بودكم زاد من بريق صفحتي00

      اسعدت بحضوركم العذب

      تحيتي منوره
    123