اسفه أنا في جيتي لك تسرعت

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. عــvib ــارف
      09-05-2005, 03:09 PM

      آسفه أنا في جيتي لك تسرعت

      اسفه أنا في جيتي لك تسرعت


      قصيده
      اعجبت بها نقلتها من هناك لكي لا تبقى وحيد
      لكي تروها ترون ابداع شاعريتها وشاعرتها





      اسفه أنا في جيتي لك تسرعت
      ظنيت ألاقي فيك شي فقدته
      كنت أحسبك مجروح مثلي تولعت
      جربت فرقى شخص قلبك وهبته
      كنت أحسبك من مر جرحك تجرعت
      حبيت فيك احساس طفل لمحته
      لوقلت اه بوسط روحي توجعت
      ولو شفت دمعاتك شعوري سكبته
      ولو تطلب عيوني أبد ما تمنعت
      وأعطيك قلبي لو بعد ماطلبته
      وصلت بك أعلى مكان وتربعت
      وفي قلب غيري يالغضي ماوصلته
      وأصبر على صدك وأشوفك تدلعت
      وأعطيك ود وما أظنك حسبته
      أذهلتني بطباعك اللي تطبعت
      حتى قصيدي فيك أبد ما فهمته
      لو كان غاياتك حروفي فأنا بعت
      وإفرح بجرح المشاعر اللي جرحته
      وأرجوك من صدك تراني تشبعت
      خلك مع اللي عاجبك أو عجبته
      يكفي قهر في جيتي لك تواضعت
      تركت غيرك لأجل عينك وبعته
      ياليتني عن حب مثلك ترفعت
      ياليت قلبي قبل أعرفك دفنته
      لكن ببعد دامني بك توهقت
      الله يرحم حبنا اللي ذبحته
      أنا شريت الود والحين أنا بعت
      وأنا عطيتك قلبي اللي قهرته
      في يوم جيتك أطلبك ود وأقنعت
      نفسي بإنك شخص عادي عرفته
      كمل حياتك مثل ما أنا توقعت
      تبقى أسير الماضي اللي فرضته
      ولا يحزنك إني جبانه وتراجعت
      حولك بدالي ألف شخص عجبته
      أما أنا لا يمكن أخضع ولا طعت
      يحرم علي أعطيك قلب خذلته
      بريحك من شوفتي يوم قاطعت
      إسلوبك اللي به تجامل كرهته
      غلطان يا المقفي أنا ما تتبعت
      غيري يتابع خطوتي ما تبعته
      ما ينحني راسي لو إني تقطعت
      وما هو بنا من لارميته لقطته
      وإن كان غرك حكي عذالي وطعت
      الله يعلم كيف قلبي سكنته
      اللي ملا قلبك علي وتسمعت
      خله يعوض شخص مثلي خسرته
      أنا بما فيه الكفايه تولعت
      واللي بقى من قلب فيني حرقته
      وإن شفتني صدفه بعينك تطلعت
      ذكرتني بإنسان غالي فقدته
      بأول لقا سلمته إحساسي وضعت
      غلطة حياتي يوم قلبي سلبته
      وأستسمحك فالبعد كاني تراجعت
      ما عاد بلقى فيك شي فقدته
      طبعك مثل غيرك وطبعي كما كنت
      أحب شخص ولا تركته...تركته


      منقول
      250*300 Second
    2. أريج
      09-05-2005, 05:26 PM

      اسفه أنا في جيتي لك تسرعت


      سلمت ايدك اخوي عارف علي نقلك الحلوووووووو تسلم كلك ذووق
    3. دمعة جريحه
      09-05-2005, 05:34 PM

      اسفه أنا في جيتي لك تسرعت


      صح لسانك يعطيك العافيه
    4. نزف خاطرة
      30-06-2007, 02:36 AM

      اسفه أنا في جيتي لك تسرعت


      كلمات غاية في الروووووووعة والجمال

      سلمت الايادي

      تحيتي
    5. بنت زآيد
      23-08-2008, 02:09 AM

      اسفه أنا في جيتي لك تسرعت


      صح لسان الشاعر

      قصيدة جملة

      يسلمووو على الطرح

      الله يعطيك العافيه

      تحيتي لكم
    6. ŜoǾo¢Яђ.
      19-08-2009, 05:15 PM

      اسفه أنا في جيتي لك تسرعت


      جونان
      تسلم يمينك ويمين شاعرها
      عوافي