أنا باكتب لك أبيات وشعر لاجل تقرينه

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. رماد القناع
      09-05-2005, 01:11 AM

      أنا باكتب لك أبيات وشعر لاجل تقرينه

      أنا باكتب لك أبيات وشعر لاجل تقرينه


      ________________________________________


      أنا باكتب لك أبيات وشعر لاجل تقرينه
      وباشرح لك عن احلام وشيء ما هو بمشروح
      وبابعث لك رسايل شوق ودرب ابغاك تمشينه
      رسمته من زمان أحلم ولي غاية ولي مصلوح
      جناه القلب من حسك ووده ليك تدنينه
      بقلب أبيض أنا جيتك وباب للأمل مفتوح
      وكل مناه لي عندك وزود أكثر تعشقينه
      تسوقين الوفا بعده شذى عطر وورود تفوح
      نذر عمره يباك أنتي من أول لاخر سنينه
      عطاك أجمل مواعيده وكل الشوق لك مطروح
      رهين لنظرة عيونك وغرة ليل تبدينه
      وحتى نظرة عيونه نذرها لك بقايا روح
      وأنا من بين كل الناس وبي فرق تعرفينه
      فطين وفعل له مبدا. وشكلي في العرب مملوح
      ولي حظ مع السالين وشيء لك تودينه
      أخصك به ولا غيرك . على سري أحب ابوح
      وليلي صار لك مهدور . على كيفك إتمضينه
      عطيتك كل ما عندي وصار لحضرتك مسموح
      وذكر اسمك على لساني مثل ما أنتي تحبينه
      خفيف ومنه كل اسم يغار لنبرته ويروح
      وأنا ودي كثير أعطيك وحالي لو تبيعينه
      وأنا كل الغلا باهديك وبابني لك قصر وصروح
      واحبك دوم وانا أدري وش اللي ما تريدينه
      زمان راح لايرجع وحب ضايع ومذبوح
      تقاسين الألم مثلي ولا أدري ليش تخفينه
      تعذبتي وقاسيتي وحبي وحده المفضوح
      ترى لولا الحيا والله أعرفك كان تفشينه
      بعبرة عين دفاقة وصوت بالشقا مبحوح
      وقلتي في الملا بامشي وبان اللي تعانينه
      وخطيتي بدم أحمر وقلب نازف ومجروح
      أنا ما عاد لي بالشوق ولا وقته ولا حينه
      وبانسى كل لحظة شوق ووقت باكي وينوح
      وعفتي كل ما في الحب ولا عادك إطرينه
      ولمتي كل وقت زل. ولكن الزلل مدموح
      ترى الدنيا يخالطها حلا يمكن تذمينه
      وترى ما في الهوى قلب يضحي ما هو بممدوح



      تحت ظلال الزيزفون
      250*300 Second
    2. دمعة جريحه
      09-05-2005, 05:43 PM

      أنا باكتب لك أبيات وشعر لاجل تقرينه


      ابيات رائعه000
      صح لسانك نتظر جديدك
    3. رماد القناع
      09-05-2005, 10:50 PM

      أنا باكتب لك أبيات وشعر لاجل تقرينه


      تسلمي مناير على مرورك اللطيف


      تحت ظلال الزيزفون
    4. الصقرالمصرى
      06-01-2007, 08:02 PM

      رد : ابيات اتمنى تعجبكم

      أنا باكتب لك أبيات وشعر لاجل تقرينه


      مسكور بحر على هذه الابيات الجميله التى تفيض بالحب والحنان
    5. الصقرالمصرى
      06-01-2007, 08:03 PM

      رد : ابيات اتمنى تعجبكم

      أنا باكتب لك أبيات وشعر لاجل تقرينه


      مشكور*