أنا باكتب لك أبيات وشعر لاجل تقرينه

الشعر, قصيدة , شعراء, القصايد ارسال إلى Twitter ارسال إلى facebook
  1. رماد القناع
    09-05-2005, 01:11 AM

    أنا باكتب لك أبيات وشعر لاجل تقرينه

    أنا باكتب لك أبيات وشعر لاجل تقرينه


    ________________________________________


    أنا باكتب لك أبيات وشعر لاجل تقرينه
    وباشرح لك عن احلام وشيء ما هو بمشروح
    وبابعث لك رسايل شوق ودرب ابغاك تمشينه
    رسمته من زمان أحلم ولي غاية ولي مصلوح
    جناه القلب من حسك ووده ليك تدنينه
    بقلب أبيض أنا جيتك وباب للأمل مفتوح
    وكل مناه لي عندك وزود أكثر تعشقينه
    تسوقين الوفا بعده شذى عطر وورود تفوح
    نذر عمره يباك أنتي من أول لاخر سنينه
    عطاك أجمل مواعيده وكل الشوق لك مطروح
    رهين لنظرة عيونك وغرة ليل تبدينه
    وحتى نظرة عيونه نذرها لك بقايا روح
    وأنا من بين كل الناس وبي فرق تعرفينه
    فطين وفعل له مبدا. وشكلي في العرب مملوح
    ولي حظ مع السالين وشيء لك تودينه
    أخصك به ولا غيرك . على سري أحب ابوح
    وليلي صار لك مهدور . على كيفك إتمضينه
    عطيتك كل ما عندي وصار لحضرتك مسموح
    وذكر اسمك على لساني مثل ما أنتي تحبينه
    خفيف ومنه كل اسم يغار لنبرته ويروح
    وأنا ودي كثير أعطيك وحالي لو تبيعينه
    وأنا كل الغلا باهديك وبابني لك قصر وصروح
    واحبك دوم وانا أدري وش اللي ما تريدينه
    زمان راح لايرجع وحب ضايع ومذبوح
    تقاسين الألم مثلي ولا أدري ليش تخفينه
    تعذبتي وقاسيتي وحبي وحده المفضوح
    ترى لولا الحيا والله أعرفك كان تفشينه
    بعبرة عين دفاقة وصوت بالشقا مبحوح
    وقلتي في الملا بامشي وبان اللي تعانينه
    وخطيتي بدم أحمر وقلب نازف ومجروح
    أنا ما عاد لي بالشوق ولا وقته ولا حينه
    وبانسى كل لحظة شوق ووقت باكي وينوح
    وعفتي كل ما في الحب ولا عادك إطرينه
    ولمتي كل وقت زل. ولكن الزلل مدموح
    ترى الدنيا يخالطها حلا يمكن تذمينه
    وترى ما في الهوى قلب يضحي ما هو بممدوح



    تحت ظلال الزيزفون
  2. دمعة جريحه
    09-05-2005, 05:43 PM

    أنا باكتب لك أبيات وشعر لاجل تقرينه


    ابيات رائعه000
    صح لسانك نتظر جديدك
  3. رماد القناع
    09-05-2005, 10:50 PM

    أنا باكتب لك أبيات وشعر لاجل تقرينه


    تسلمي مناير على مرورك اللطيف


    تحت ظلال الزيزفون
  4. الصقرالمصرى
    06-01-2007, 08:02 PM

    رد : ابيات اتمنى تعجبكم

    أنا باكتب لك أبيات وشعر لاجل تقرينه


    مسكور بحر على هذه الابيات الجميله التى تفيض بالحب والحنان
  5. الصقرالمصرى
    06-01-2007, 08:03 PM

    رد : ابيات اتمنى تعجبكم

    أنا باكتب لك أبيات وشعر لاجل تقرينه


    مشكور*