أغنم شبابك دام عندك مقدره

الشعر, قصيدة , شعراء, القصايد ارسال إلى Twitter ارسال إلى facebook
  1. غريب الدار
    02-07-2007, 01:49 PM

    أغنم شبابك دام عندك مقدره

    أغنم شبابك دام عندك مقدره



    يالله يامحيي الهشيم البالي *** ياناعش بالماء يباس العود
    ياباسط ارضه ومحصي خلقه *** ويا سامك عرشه بلا عامود
    سبحان من يعلم دبيب الذره *** تحت الصخور وبالليالي السود
    يالله أنا طالبك تغفر زلتي *** عفوك عظيم والذنوب رجود
    مسكين يامن ضيعته دنيته *** يعمل لغير الله وهو مجحود
    ضيع مماشيه وضيع دينه *** وجحد فضايل ربه المعبود
    الله وأكبر كيف ينسى خالقه *** ويتبع طريق دربها مسدود
    لاقل دين الرجل قلت شيمته *** ماعاد يدرى العيب والمنقود
    أن مات هذا لاغضبك موته *** للمجتمع مامن حياته فود
    مادام وسم المعصية في وجهه *** مهما عمل مايبلغ المقصود
    واشوف ناس لاتزال بغفله *** حي بصرها والعقول رقود
    من طول املها والطمع بالدنيا *** تعطي بعد عشر السنين وعود
    لاخير في الدنيا وفي طامع فيها *** من طاعها ماقيل له محمود
    توهقك كم ليلة بافراحها *** وعقب الفرح ترجع عليك ردود
    ياضاحك باللي من عيبه *** ضحكك على نفسك هو الموكود
    ابشرك بالضعف عقب القوه *** وابشرك بالنقص عقب الزود
    نهايتك مثل البداية يافتى *** من التراب وللتراب تعود
    لو منزلك باحسن بيوت عاليه *** مالك عن القبر الهيام صدود
    وعقب اللحم تصبح عظامك *** في مظلم يمشي عليها الدود
    لو ينظرك صاحبك هج وقفى *** هجيج صيد نايشه بارود
    يفزع من اللي شاهده في حالتك *** شوف العظام بلا لحم وجلود
    ويوم الوعد يتلى عليك كتابك *** خير تراه او حظك المقرود
    لو قلت بجحد كل اللي سويته *** جوارحك تنطق عليك شهود
    اغنم شبابك دام عندك مقدره *** لاتحسبن عصر الشباب يعود
    وارجع لربك واطلبه يغفر لك *** دام المغفره حبلها ممدود
    ستين حول هي نهاية قوتك *** ومن بعدها كلش عليك يكود
    أما عفا الله زلتك وذنوبك *** والا خرجت من العفو مطرود
  2. عشق العين
    02-07-2007, 01:58 PM

    أغنم شبابك دام عندك مقدره


    مشكور اخوي
    غريب الدار
    الله يعطيك العافيه
    دمت بود
    اختك
    عشق العين