(الحظ والايام والصوره )

الشعر, قصيدة , شعراء, القصايد ارسال إلى Twitter ارسال إلى facebook
  1. غريب الدار
    01-07-2007, 01:11 PM

    (الحظ والايآم والصوره )

    (الحظ والايام والصوره )


    أحرق الصوره وتاخذني افكاري بعيد *** وتنهض العبره من العين ويطيح اجلدي
    لامتى والوعد مفهوق والدنيا وعيد *** لامتى والليل من غير صبح سرمدي
    لامتي نفسي تريد ونصيبي ما يريد *** لامتى والحظ يزحف والايام تعدي
    والله اني لو حسدت الشقي قبل السعيد *** ما بلاي الا عذابي وهمي ونكدي
    ودي افرح والحزن داخلي شرس وعنيد *** لايصد ولاقدرت امتنع منه بيدي
    كلما قلت انتهينا كفاية لاتزيد *** قال يامستعجل توني معك ابتدي
    لي سنه والحال واقف عندي ولاجديد *** تايه مادلني لاسهيل ولالجدي
    حاير بين الوسايل تفيد ولاماتفيد *** ومن مشى مايجهله مادري وين يغدي
    ماهقيت أني على فطنتي بارجع بليد *** يوم طاوعت المحبة من الحظ الردي
    شفت في عينه ملاك وشيطان مريد *** واحد وده يسالم والاخر معتدي
    لي سنة بس اتذكر سواليفه واعيد *** واشغل بها الناس واهذي بها في مرقدي
    كن عنده علم بالغيب يتركني وحيد *** اذكر انه مره قال تسلم يابعدي
    اذكر انه وقتها كان يسمع لي قصيد *** وكان ينشدني ولاعلمه وش مقصدي
    قال وش موقفك لو مات لك حب وليد *** تو ماتم السنة ياغلاي المبتدي
    تعتقد تبكي عيونك عليه وقلت اكيد *** كيف ماتبكي عيوني على موت ولدي
    كم تبيد احباب قلب وحبه مايبيد *** مثل نمر ابطى وقلبه على وضحا ندي
    كانت افراحي عضيدي وصارت لي ضديد *** ليتني صكيت باب اشتياقي وسهدي
    وقبل ترديد المراثي على روح الفقيد *** ليتني ريحت قلبي وفكري وجسدي
    اقلب الصفحة واقول احسن ابدا بالمفيد *** واحرق الصورة واقول استريح وارقدي
    وفي خيالي صورة تصهر القلب الحديد *** بس تحرقني ولاتحترق في موقدي
  2. الفتاة المسلمة
    01-07-2007, 03:13 PM

    (الحظ والايام والصوره )


    حلوه جدا
    ش
    ك
    ر
    ا

  3. عشق العين
    01-07-2007, 03:21 PM

    (الحظ والايام والصوره )


    ماشاء الله عليك غريب الدار
    الله يعطيك الف الف عافيه
    ماشاء الله عليك
    وان شاء الله كل ماتكتب
    خلينا نطالع كتاباتك الرائعه
    تقبل مروري
    اختك
    عشق العين