مابين ابو رمش على الخد خادر=وشهب الوجيه اللي تقل تطلبك دين

الشعر, قصيدة , شعراء, القصايد ارسال إلى Twitter ارسال إلى facebook
  1. AAAAالشمري
    27-06-2007, 03:55 PM

    مابين ابو رمش على الخد خادر=وشهب الوجيه اللي تقل تطلبك دين

    مابين ابو رمش على الخد خادر=وشهب الوجيه اللي تقل تطلبك دين


    بسم الله الرحمن الرحيم
    السلام عليكم ورحمة الله وبركاته




    ***





    ***




    ***



    مابين ابو رمش على الخد خادر=وشهب الوجيه اللي تقل تطلبك دين

    يلعب بي الهاجس ولا زلت صابر=حتى تصير العين في خاطري غين

    (شاعر).. ولكن عندي الفكر (شاغر)=أسرح مع الهوجاس.. والاسئلة وين

    لكن ترى ماسهرت بيض المحاجر=إلا بفكر يشبه لجيش حطين

    الشعر يصبح بعض الأحيان فاجر = ينسج بعقلك من هجوس المجانين

    الشعر يدني بك لبعض المخاطر=وأحيان يدني بك لعرش السلاطين

    وانا لو إني ما أحبس الخواطر=يموج بي فكري على الزين والشين

    انا ولد ادم ... ولي ند كافر=كيده بدمي جاري بالشرايين

    حلف ليغويني لو إني مكابر=مادامني أجوف ومخلوق من طين

    إما أصير لرب الألباب شاكر=وإلا أبليس .. ببعض الأفكار يغوين

    فياللي تمنى إنك تصير.. شاعر=الشعر سيف له نصاب وحدين

    إن كان ماعندك من العقل زاجر=تراك تلعب في حدود السكاكين

    تاجر بلا ميزان ماهو بتاجر=والشاعر الناجح.. بعقله ميازين

    إما تبوح بطيبات النوادر=وإلا ترا بالصمت عبره وتمكين

    إما قصيد به تطيب المحابر=وإلا إترك الحبر لهل العلم والدين

    إما قصيد يستحق المنابر=وإلا نخليها لوعظ المصلين

    الفرق ماهو بالجمر والمباخر=الفرق.. جود العود يأهل الدياوين

    خل المظاهر وإلتفت للمخابر=ومن جمع الثنتين زين على زين

    بالحق بادر .. وبالخطأ لا تبادر=الصمت فن و يتقنونه قليلين

    الصادر إحذر لا يفوق المصادر=الله عطاك لسان وعينين وإذنين

    راقب زمانك بين ماضي وحاضر=يعطيك درسه بين عبره وتلقين

    وأنا مع الايات .. والكون ساهر=إبداع خلق .. وعفو رب .. وقوانين

    الأرض يسقيها من الله ماطرياما تصير الارض مثل البساتين

    وإن غاب ماها يصبح الكون غابر=تجف الارض ويصبح الخلق وجلين

    ثم يستغيثون اللي على الغوث قادر=من لامهم.. لأستسقوا الله ذليلين

    يدعون يامنزل تبارك وغافر=أسق البلاد .. أسق العباد المقلين

    جفاف الأرض .. لطالب الغوث عاذر=والذل لله رفعة بالموازين

    مار البلا لاصار لك نصف هاجر=هذا الجفاف اللي يذل العزيزين

    مابين أبو رمش على الخد خادر=وشهب الوجيه.. وجملة بين قوسين

    (جفاف الارض ولا جفاف المشاعر=لو تستغيث لخاطرك صرت مسكين)


    الشاعرفالح ناهي الشمري





    والحمد لله رب العالمين
  2. مجهولة الحياه
    27-06-2007, 04:09 PM

    مابين ابو رمش على الخد خادر=وشهب الوجيه اللي تقل تطلبك دين


    مشكوووور على ذوووووق لاختيار تلك الكلمات الرائعه لقد ابدعت

    تحياتي لك
  3. AAAAالشمري
    27-06-2007, 08:21 PM

    مابين ابو رمش على الخد خادر=وشهب الوجيه اللي تقل تطلبك دين


    الف شكر لك اختي مجهولة الحياة على المرور الطيب
    عطرتي الابيات
    تحياتي