بدريه ( مصافحه اولى )

بدريه ( مصافحه اولى )

اذا ماعجبكم الشعر احذفوها من حقكم ونا راضي



دمعة العشاق لو يبخل بها الرجالي = ماتزيده غير فخر وعزه وجاهيه

ياحمد.دمعي عزيز يشمت العذالي = بس.والله مابخلنا به علا بدريه

يوم قالت لي فمان الله في جوالي = سالت دموعي! ودقت بعدها بشويه

ثم قالت .انت تبكي؟قلت لا يالغالي = دمعة مرت علا عين الشقى جبريه

كيف اقاومها وهي غصبا علي تبرا لي = تندفق من موق عيني والمواجع ليه

وانت تسقيني مرار وتشرب من الحالي = مالك قلبي ولا لك ياحبيبي جيه

تدري اني جيت امول وابدع الموالي = ثم نسيت الشاعر وغنيت ياموليه

جعل يسقى يوم كنا يالغضي جهالي = مانعرف الحب.ولا دلة العصريه

مانعرف الا التراب ونرسم التمثالي = المواتر عود والافلام كرتونيه

دالهين من الجمل.والحمل.والجمالي = ودالهين من الدراسه .واحفظ الالفيه

ودالهين من القبايل ياعريب الخالي = ودالهين من العيون اللي بلاها فيه

طحت من نظراتها ويلاه واعزالي = ارفع المعلوق تلقى في الحشا ماريه

اسمحو لي .ودي اوصف واخاف اقوالي = ماتوفيها ولا تنفع لها موليه

اوصف البسمات .والغمزات.عال العالي = بديها وافي. واحب انوارها الغازيه

لقبلت في ذمتي خايف لقول اهلالي = ولدبرت كنها من الليل الغلس مطليه

الشعر كنه على ردفينها شلالي = ماتفرق بين هذيه ولا هذيه

والعيون مكحلات والرموش اظلالي = مابقى الا اقول هاتو عزبتي في الفيه

والخشم سيف صقيل ماسكه خيالي = ركبه ربي وزين خلقة النشميه

والمبيسم وش اقول؟انت اتعرف لطفالي = بعظهم يشرب .حمر .ثم (يلبس الطاقيه)

لا بصم في شفتينه قلت ياحلالي = والله ان ؟تيا ؟ شفايفها معه عاريه

(والبرد شوفه) فداه الحال قبل المالي = كنه اليا من تلعثم ينطق العبريه

والمعنق كنه معنق غزال سالي = والتفت ثم شاف ذيب حالته مرثيه

والنهود مركزات كنها الفنجالي = مالمسها الا الحرير ويده المحميه

ضامر سرجوفها مابه ولا مثقالي = اشهد ان الخصر لين من ليان الحيه

والردوف مزبرات والفخوذ اثقالي = يستغير الثوب طيه من وراها طيه

كنه ايقول امشي الحالش وانا في حالي = انجزم قلبي وانا والله ما بيديه

غير نظرات العباد وشين حظ وفالي = وهرجة من واحد له في كلامه نيه

فوق ساقين بوصفها واقول اجلالي = مدمجات.مبرمات.والقدم مبريه

لا مشت بين العرب يضرب بها الامثالي = كامله والكامل الله ورده البريه

لو تجي في دولة الحكام صارت والي = تنتزع عرش الحكم .بالخطه المخفيه

لو مخاف انها تناقصني حذفت اعقالي = للقوام اللي اعروقه كلها (نجديه




تحت ظلال الزيزفون
 
عودة
أعلى