قصيدة منصور الغازي يخطب فيها رغد بنت صدام حسين

الموضوعات العامه التي لاتندرج تحت أي قسم من أقسام المنتدى
  • ارسال إلى Twitter
  • ارسال إلى facebook
  • ارسال إلى google plus
    1. ..المستشآر..
      23-06-2007, 03:19 AM

      قصيدة منصور الغازي يخطب فيها رغد بنت صدام حسين

      قصيدة منصور الغازي يخطب فيها رغد بنت صدام حسين


      الشاعر منصور الغازي العتيبي يخطب رغد بنت صدام حسين ويرسل لها قصيدة

      استطاع الشاعر السعودي منصور الشيباني العتيبي المعروف( منصور الغازي) الوصول بقصيدته إلى رغد صدام حسين وذالك عن طريق سيدة أعمال عراقية تمت بصلة قرابة مع ساجدة والدة رغد صدام حسين وهي تقيم في دولة الإمارات العربية المتحدة .

      وهي شاعرة وتجمعها معرفة بالشاعر منصور الغازي منذ زمن طويل واستطاع عن طريقها الوصول إلى رغد صدام بعد ارساله القصيدة إلى وزارة الخارجية الأردنية باسمة مرفقا أرقام هواتفه وذالك ما ذكرته صحيفة الوطن الأردنية واكده مقطع البلوتوث اللذي جمع الشاعر منصور ورغد وهشام العودة احد منسوبي وزارة الخارجية الأردنية .

      وقامت مجلة شخصيات السعودية والتي يرأسها شخصية مهمة وبارزة في المملكة العربية السعودية بأخذ لقاء مع الشاعر ومعرف قصة اللقاء وهي الان في الأسواق في هذا العدد

      لن أطيل عليكم ولكم القصيدة تشرح لكم التفاصيل



      ألا وهني من ثبت على صدره رغد صدام
      خذاها بالحلال و سنة التوحيد وكتابه

      خذاها مبهم الغاية خذاها مابلاه اعلام
      خذاها منفردا بطيب اعروق الساس ونسابه

      خذاها بنت ذاك اللي رفع رأس العرب بوسام
      خذاها مهرة تصهل وبنت حصان يغزا به

      خذاها ما ثنى رجله يسوق الخطوة القدام
      تقدم يوم قالت تم ايموت ايعيش يحيا به

      وانا اللي مستعد اقدم لو ازعل معظم الحكام
      أسوق الها المهر لو رأس تون ابلير ترضابه

      مبي غيره ولو قالو عليك امن البنات ازحام
      مبيهن لو بهن زين و بنات شيوخ من لابه

      ابي رغد هاذيك اللي اتشاهد لحظة الإعدام
      تبسم يوم أبوها يقدم للموت ما هابه

      تبادله العياد ابلحظه الموقف يجيه الهام
      تبادله الوداع أبصوت تفخر يوم تبدابه

      اتقول افداك يا يابه يا بو عدي يالمقدام
      عليك البيض يالصامد بدون اقناع واعصابه

      عشت بين العرب حاكم متت يا والدي عزام
      عسى ها الكون لك فدوه جميع الناس واحزابه

      قويه باس من باس تلازمه الشموخ إلزام
      عليها من نعاطيسه كرات الدم تسعابه

      أبيها وأفصح الغاية لابي سمعه ولا هندام
      ولا يلزم جمال ولا عليها اقصور جذابه

      ابي منها ثلاثه بس وكل اغلام يفوق اغلام
      ابي من جدهم حنكه ومني هيبة اعتابه

      ابي في حضنها يرقد حفيد المعجزة وينام
      وابي عن جده اتسولف قبل مينام يسهابه

      ابيه ان نام يحلم به و تكثر زخة الاحلام
      وشوف الصبح في طبعه ردود افعال تشابه

      ابي يكبر على ذكره و يتبع سيرته بحكام
      ابي نفس الشجاع اللي سعيد الغرب بغيابه

      ابيهم للعروبه في ردي الموقف سند وحزام
      ابيهم بفطمون اللي علينا كشر انيابه

      بوصيهم ثلاثتهم سياسة جدهم صدام
      ابحق الغراب لو مابه خيانه جذت اطنابه

      ابا الاول يحوف الكم سلالة بوش والاقزام
      يذكرهم حصاد ارواح اهل تكريت واقرابه

      ابيه اليا انتخت بغداد انا خت الفارس الجزام
      يقول ايو الله اختي لعنبو من يرخص اترابه

      يهز ابسيفه الكرسي يتل اموسقه بحطام
      يقول انه خلف جدي وانا اللي منكم اولابه

      تمركز واسمه الحاكم على الطاعه ولد خصام
      يرد الدار عقب العار علم بغداد علا به

      يجدد بالوفا عهد علاقه بين شرق و شام
      عضيد الجار له مقدار حريص الذيب لذيابه

      عزيز للعرب عزه حشيم لا لفوه احشام
      عقوبه للعميل ايموت سم الداب دابه

      وبا الثاني فتى الاقص ى يعوض ماخذاه اعوام
      تصيح اعلى المأذن بالله اكبر لاتمثنا به

      يشب النار فوق النار و يدفن با لنحور اسهام
      يحط الرعب بقلوب اليهود ويقفل ابوابه

      ابي صدر العرب يطوي مسافه عاشها منصام
      ابيه ايفوز بالتحرير و نصر القدس يهنا به

      و با الثالث تحت يمنى مليكي خادم الاسلام
      عظيم الامه القايد ابو متعب فخرنا به

      هذاك اللي ليا حامت اخصومه دون دارة حام
      كفخ صقر العروبه دون شعبه يفتل اشنابه

      ليا بادر يعبر عن قراره في رؤوس اقلام
      يكفي هيبته جالس و كلن يحسب احسابه

      و انا في حب ابو عابد حرم اني اهيم هيام
      اقبل صورته و اطلق حفظه اللة لحبابه

      ابيه أيكون له خادم تحت امره رفيع الهام
      ايقبل كفه اليمنى اوامر سم و مجابه

      ابي يحرص على شوفه يحط الزام عقب الزام
      ابيه يصير لو ربع الزعيم اللي يحفوا به

      و هاذي منتهى الغايه ولاكن قبل اقول اختام
      ابرسل خط برقيه يعد اللي نوينا به

      بدزه عاجل و سري عليه من اليمين ارقام
      بيانه جمله تبغا الستيمه يمسك اعصابه

      بجي يا عاهل الاردن تحراني خلال ايام
      نسوق لك المواتر من جنوب الدار خطابه

      تحراني عسى ربي يجنبني حبر و ابهام
      اما اني جيتكم طالب أوني ضعت بطلابه





      وقد ردت على قصيدتة رغد صدام في هذا الموضوع
      https://v.3bir.net/55821/
      250*300 Second
    2. العاشق الكتوم
      23-06-2007, 03:25 AM

      قصيدة منصور الغازي يخطب فيها رغد بنت صدام حسين


      لو صدام لسه حيى كان دفنه وهو حى
    3. جنان عبدالله
      23-06-2007, 11:38 AM

      قصيدة منصور الغازي يخطب فيها رغد بنت صدام حسين


      كلمات القصيدة حلوة
      وعبرت عن مشاعره
      وان استمعت للقصيدة
      لايعني انها تشاركه مشاعره نحوها
      وهي شخصية جديرة بلاعجاب
      0
      لكن لرغد صدام حسين
      مسئولية تربية أولادها
      ولاننسى حبها الكبير
      لزوجها حسين كامل
      ولا اعتقد انها بحاجة لزوج
      لانها في حما جلالة الملك
      عبد الله حفظه الله
      شكرا لك

    4. رمـ الغلآ ـش
      23-06-2007, 03:50 PM

      قصيدة منصور الغازي يخطب فيها رغد بنت صدام حسين


      مشكووور اخوي المستشار
      ويعطيك الف عافيه
      احترامي وتقديري لك خيوو
    5. أخر طموحاتي
      23-06-2007, 04:00 PM

      قصيدة منصور الغازي يخطب فيها رغد بنت صدام حسين


      صح لسانه ولسانك
      يعطيك العافية أخوي
      تحياتي لك بالتوفيق
    6. طيور مهاجره
      23-06-2007, 10:43 PM

      قصيدة منصور الغازي يخطب فيها رغد بنت صدام حسين


      مشكووووووووووور على الموضوع
      الله يعافيك يارب
      دمتم سالمين
    7. وردة بغداد
      02-02-2009, 12:27 AM

      قصيدة منصور الغازي يخطب فيها رغد بنت صدام حسين


      حلو