البارحه كني بدنيا السعاده

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. عاشـــق الابـــداع
      05-05-2005, 03:08 AM

      البارحه كني بدنيا السعاده

      البارحه كني بدنيا السعاده


      البارحه كني بدنيا السعاده

      واليوم كني داخل السجن مسجون

      والبارحه ما هي لدنياي عاده

      واليوم عادي ضايق الصدر محزون

      والبارحه كن الفرح لي وساده

      واضحك على اللي باخر الليل يبكون

      والبارحه ليلي تبدل سواده

      الليل في جيت حبيبي بلى لون

      حبيبي اللي ما عرف وش مراده

      جاني يقول انه من الغدر مطعون

      تقول مدري حظ و الا قراده

      بعد الوفاء ليه الحبايب يخونون

      قلت أسمع الموضوع منك بركاده

      قولي وش اللي صار يا نور هالكون

      قالت صراحه كنت احبه زياده

      ما كنت أظن الناس مثلي يحبون

      شفته غريب وصار قلبي بلاده

      هو الوحيد اللي على قلبي يمون

      وصارت له أفكاري عبيد(ن) وساده

      صار لحياتي روح والعيني جفون

      واليوم يسهرني و يهنا رقاده

      وشلون ينساني وانا كنت اله عون

      قلت اصبري قالت مامنه استفاده

      الصبر مر واخره يمكن جنون

      وسكت مدري خوف والا بلاده

      وسمعت في صوت الحزن أعذب الحون

      وبكيت مدري حزن من شان غاده

      والا على شخص(ن) بها حيل مفتون

      شخص(ن) جعلها ساكنه في فؤاده

      اخفى غلاها خايف الناس يدرون

      هذاك أنا واهي النحر و القلاده

      هذاك انا واهي البحر خوف وظنون

      هذاك انا واهي الحريق ورماده

      هذاك انا واهي الطريق اه وشلون

      منها عرفت ان الهوى حرب إباده

      ومنها عرفت ان البشر صعب يعطون

      وعرفت حزن الزرع لقبل حصاده

      وعرفت ليه الورد للشوك ممنون

      وعرفت وش بعد الربيع وبراده

      وعرفت وش فيها السماء دايم مزون

      لكن جهلت الليل يا شهرزاده

      و جهلت ليه الحب بالحزن مقرون

      وقلت اسمعي يا قوت قلبي و زاده

      اخذي كلامي كان لك فكر وعيون

      حبيبك اللي قام يكثر عناده

      إنسيه واهل الحب يا صعب ينسون

      انسيه لو طول بقلبك قعاده

      خطا وكل الناس يا بنت يخطون

      الحب نهر و ذكرياتك مداده

      واهو مع الايام في قلبك يهون

      وقالت امانه روح سرعه وناده

      قله يجي واللي يبي مني يكون
      250*300 Second
    2. دلوعة الرياض
      05-05-2005, 05:19 PM

      البارحه كني بدنيا السعاده


      حلقت كما الطير في سماء قصيدتك

      وأبهرتني أحرفها التي كانت كرذاذ المطر على قلب قارئها

      سلمت يمينك

      ودمت برعاية من الله

      أختك : دلوعة الرياض
    3. عاشـــق الابـــداع
      09-05-2005, 05:39 AM

      البارحه كني بدنيا السعاده


      اختي الغاليه

      دلوعة الرياض

      يسعدني ويشرفني مرورك الدائم الذي ينير كتاباتي

      دمتي في رعاية الله وحفظه

      تقبلوا تحياتي وتقديري

      اخوكم/ عاشق الابداع
    4. أريج
      09-05-2005, 05:22 PM

      البارحه كني بدنيا السعاده


      تسلم ايدك عاشق الابداع على نقلك او كلك ذوووق
    5. الشقردي
      10-07-2007, 09:01 PM

      البارحه كني بدنيا السعاده


      البارحه عيني سهيره والتنام

      ولاتعرف النوم الذي تعرفونه

      مما شقها علمها بنومها ايام

      وقلبي من الهاجوس لحن لحونه

      بسباب غروا طلعته لي بلحالام

      واصحي واقول اجنون والا جنونه

      حبه بلاني ياصحيبي من العام

      والا تذكر غير نظرت عيونه

      من نضرت اعيونه وانا عايش اوهام

      اوهام قلبا ماتحقق ضنونه
      وهذه ترى حالي من الام لالام

      والا ضنها تشفى وتبرى بدونه



      ارجو ان تنال على اعجا بكم اخوكم ::اشقردي
    6. عابر^سبيل
      10-07-2007, 10:11 PM

      البارحه كني بدنيا السعاده


      يعطيك العافيه يا اخوي على هذه القصيدة وتستوجب الرد وكذلك إبداء إعجابي بها شخصيا

      ابيات في قمة الجمال والروعه ونطلب المزيد منك لنستزيد.

      وشكرا
    7. الشقردي
      13-07-2007, 06:37 PM

      درب الخطأ

      البارحه كني بدنيا السعاده


      بسم الله الرحمن الرحيم

      قصيده من نوع خاطره كتبتها عندما رئيت احد الشباب يعجب بجمال الاطفال ويعشقه

      كعشق الفتيات..........

      ويلاه من شياء شفته بالعيان
      شياء يشيب راس منهو يشوفه
      شياء غريب ولا ثبت فيه برهان
      دورة مثله ولا لقيت لوصوفه
      شفت الولد مرغوب بالحب يافلان
      وتذكربه اوصوفا ذليله اوصوفه
      تذكربه اخدوده كما قشر رمان
      وسنونه بصف السريه اصفوفه
      أوجيههم فيها براده وخذلان
      أتقول عوجات البلاوي تحوفه
      يالله يالي خالق الانس والجان
      يالي وضعت البيت حتى نطوفه
      تجعلنا من باب رحمك غفران
      وتعز انفسنا عن اللي نشوفه

      أرجو ان تنال على اعجابكم &&أخوكم الشقردي&&&&&&&&&&&&&
    8. ملكة فلسطين
      14-07-2007, 12:20 AM

      البارحه كني بدنيا السعاده


      كلمات رائعة
      الله يعطيك العافية
      تحياتي