شروق الشمس ..

الشعر, قصيدة , شعراء, القصايد ارسال إلى Twitter ارسال إلى facebook
  1. علي السلامي
    14-11-2020, 07:18 PM

    شروق الشمس ..

    شروق الشمس ..


    شروق الشمس غطّته الغمامه،،
    غمامة حرف عتّم منها يومه،،
    نشوف النوض في ضلع و تهامه،،
    ولا هو هل يا غيثك غيومه،،
    عسى من هو غيابه لي غرامه،،
    تجود العين منّه بالمروفه،،
    واذا هو صد عنّا باهتمامه،،
    رفعنا راية الحسره حسوفه،،
    اثاري الوقت من دونه ندامه،،
    و اثاري النفس من دونه كتومه،،
    اشوفه باخلن حتى سلامه،،
    ولا هو ذا البخل منها سلومه،،
    يقول القلب يا هاجر على مه،،
    تعذبني تحملني كلوفه،،
    وانا نبضي يعبر عن غرامه،،
    بنفسن عن هوى غيرك عيوفه،،
    يجي بك من خلقنا من عدامه،،
    وانا داري ترى نفسك حلومه،،
    يفزّ القلب للغالي مقامه،،
    يغنّي شوق في ساعة قدومه،،
    لحونن له تسجع به حمامه،،
    على غصنن تراقص به قطوفه،،
    يجاوبها حشن يشكي هيامه،،
    معاليقه بكت من به شغوفه،،
    عصي الدمع يفقدها الصرامه،،
    اذا قلبه خلا رفقة كلومه،،
    هناة الوقت طالبك ابتسامه،،
    تجي للروح من روحن بسومه،،
    عسى يا من على راسي عمامه،،
    اشوفك يا دوا عينن تشوفه،،
    تمثّل لي جماله في كلامه،،
    و عذبني تغليه و عزوفه،،
    خطينا يا قسين في ملامه،،
    مزوح و من مزح من هو يلومه،،
    يضيق الصدر لا منّه ودامه،،
    تضايق ما صفا البال و علومه،،
    عسى اللي ناش جوه بالعسامه،،
    يزول و يا عسى تسمح ظروفه،،
    يجي بالنور يجلاها العتامه،،
    محيّن كنّه النور بوصوفه،،
    زعيم الورد في عطر و فخامه،،
    اريج العطر من بنة نسومه،،
    نحيل الخصر في حسنن و قامه،،
    ثقيل الحمل في مشيه و قومه،،
    جديله كنّه الليل و ظلامه،،
    تدلّا لين ما غطا ردوفه،،
    وصيفه بدر في ليلة تمامه،،
    لحون الناي من نغمة حروفه،،
    رموشه في خطيره يا سهامه،،
    يحال و ما خطت قلبن سهومه،،
    سألته باللذي يرفا انامه،،
    يشيل اللي كسا قلبي همومه،،
    فقير الحظ ما حلل صيامه،،
    يصوم الدهر و يقاسي ظروفه،،
    يعيش الوقت في غيهب ظلامه،،
    يشوف اللي مناته ما تشوفه،،
  2. الحلم
    14-11-2020, 09:11 PM

    رد: شروق الشمس ..

    شروق الشمس ..


    الله يعطيك العافية
    ياريت تكتب بقلمي اذا هي الأبيات
    لك

    الله يعطيك العافيه
    بالتوفيق
    اجمل تحيه لك
  3. علي السلامي
    15-11-2020, 12:09 AM

    رد: شروق الشمس ..

    شروق الشمس ..


    اشكرك حفظك الله وفعلا الابيات لي وانسى دائما اني اكتب بقلمي فشكرا لك على التنبيه ..