ما وفيتي ..

الشعر, قصيدة , شعراء, القصايد ارسال إلى Twitter ارسال إلى facebook
  1. علي السلامي
    13-11-2020, 09:22 PM

    ما وفيتي ..

    ما وفيتي ..


    ما وفيتي يا حروف الكتابه واقلمي ..
    انكسر وسط السطور وصرخ بالشوق جوف ..
    ما بقى واللي بقى من ذخاير محزمي ..
    ثايرن وسط الحشا صوت حرفه آاه أوف ..
    قايلن للعاذلين اعتقوني واسلمي ..
    وش يفيد الهرج وش فود لو وش فود سوف ..
    راضين يا عاذلي وان سفك لجله دمي ..
    رامتن يا عاذلي فوق هام الحسن نوف ..
    الخطا بي تبتعد عن طريقه ياقدمي ..
    والمسيره يالقدم ازرت اللي راع قوف ..
    والقلم من رجفة الايد أخطا يافمي ..
    واللسان الصامتن اخرسه خوف الحيوف ..
    واخرسني بالحشا غصتن به تكلمي ..
    اعجزت فكرن عصنه تعابير الحروف ..
    مزرين عن وصف ريمن مثيرن منعمي ..
    ما حجب نوره عسام و غمام و لا كسوف ..
    كني في حزة غيابه ثقيل المغرمي ..
    ما لقى له بالشدايد معينن به يروف ..
    لقبلت كنّها النهار الوضي المفعمي ..
    تنبهر منها عيون وتصفق له كفوف ..
    في ضيا الشمس البهيه جلت ليلن عمي ..
    فاتنه يا صاحبي مجليه ضيم و حسوف ..
    طلته يا صاحبي لي سرور و مغنمي ..
    فرحتي في شوفة اللي كسب زين الوصوف ..
    مثلها فرحة بدو لا اقبل النو يهمي ..
    يرتوي فلبن شكا في غياباته حتوف ..
    يا قسا قلبك ضرم فيني نارن تحتمي ..
    والتغلي لافني من حماة الشوق لوف ..
    يا اسوف القلب يا كبر غلي و ألمي ..
    ليت قلبك اكتسا من ثياب الروف روف ..
    فاعذريني واسمعي حدثيني وافهمي ..
    بحرك العاتي محالن عبوره فوق طوف ..
    ما يجوز ولا يجوز و محالن احتمي ..
    والحشا يافاتنه ساتره بالكاد فوف ..
    انظري لي يالهنوف الجميله وارسمي ..
    في المحيا فرحتن علّ تروى العين شوف ..
    وانظري لا تنطقي خلي اقرا واعلمي ..
    وش يدور بداخلك شك فيني والا خوف ..
  2. الحلم
    14-11-2020, 05:50 AM

    رد: ما وفيتي ..

    ما وفيتي ..


    الله يعطيك العافية
    كلمات وقصيده جميله
    دوم التميز
    اجمل تحيه لك
  3. علي السلامي
    14-11-2020, 07:20 PM

    رد: ما وفيتي ..

    ما وفيتي ..


    اشكرك حفظك الله ..
  4. ج ـروح الـ ن ــدم
    19-11-2020, 03:42 PM

    رد: ما وفيتي ..

    ما وفيتي ..


    فرحتي في شوفة اللي كسب زين الوصوف ..
    مثلها فرحة بدو لا اقبل النو يهمي ..
    ...
    الله الله
    صح بوحك ونقش حروفك ..
    دمت ..