1234567

ديوان الشاعر عبدالمغني معيض العيلي

المواضيع الأدبية التي لا تندرج ضمن باقي الأقسام ارسال إلى Twitter ارسال إلى facebook
  1. عبدالمعني العيلي
    09-04-2020, 01:29 AM

    ديوان الشاعر عبدالمغني معيض العيلي

    ديوان الشاعر عبدالمغني معيض العيلي


    يافقر مالك من ورآنا محاصيل
    يومك تلاحقنا وتطرد ورااانا
    من عصر جدي اللي رحل ليا ذَا الجيل
    وانته ملازمنا ودايم معااااااانا
    رح للرجال أهل الرتب والمداخيل
    اللي دراهمهم تلحف حدااانا
    اللي تصر القرش وتزود الكيل
    اللي ليا جات المواقف توانا
    لا جاهم المحتاج مزنوق بالحيل
    قامت تعذر له وصد ونخانا
    وحنا عرب وفلوسنا مثل ماقيل
    يادوبها يادوب تقضي عشانا
    لكن واللي انشا مزون المخاييل
    انه يبشر بالسعد من نصانا
    ابيوتنا للضيف دايم مداهيل
    والجار يحشم والخوي في حمانا
    ولا علينا من هروج المهابيل
    اللي تكثر هرجها في قفانا
    أهل الحكي ومروّجين الاقاويل
    والله ماتسوى خطوةً من خطانا
    حنا رياجيل ونعز الرياجيل
    وحنا نجمل ونحشم من دعانا
    مير الفقر ساس العنا والبهاذيل
    ياما وياما حدنا واحتدانا
    يافقر قلي لا متى الجور والميل
    قد ايش تحدانا وتبحث خفانا
    القل عاقبنا وحنا مشاكيل
    ندان لجل اضيوفنا وقصرانا
    نصبر عَل ضيم الدهر والغرابيل
    واهم شي إنَّا نكرم لحانا
    ولا نهين انفوسنا عند دعبيل
    الله عن امثاله رفع مستوانا
  2. عبدالمعني العيلي
    09-04-2020, 01:30 AM

    رد: ديوان الشاعر عبدالمغني معيض العيلي

    ديوان الشاعر عبدالمغني معيض العيلي


    لي ثلاث اسنين يالربع في غربه وتييه
    تايهً مابين الاحلام واكثار الشفوف
    مرتبك وعاتب الحض وشره عليه
    اه ياحضي ووقتي ويابعض الصدوف
    مابغيت احد نفسي عل شي مابيه
    مير بعض احيان يحداك وقتك والضروف
    كم تعبت وكم تعنيت ياحضي وليه
    التعب في بعض الاوقات ماهو بمخلوف
    الخلف فاللي جميع الخلايق ترتجيه
    مطعم الانسان من جوع مومن كل خوف
    والعرب ماهم سوى ياهل الراي الوجيه
    احدً تندى كفوفه وحد بارد كفوف
    الكفو يوم اتنصاه ووقف وانتخيه
    اول استقباله الكيف الاشقر والخروف
    والردي لن جيت ابنصاه وابوقف عليه
    قال والله ثم والله ويا شين الحلوف
    والبخيل وراعي المصلحه تبت يديه
    وعن عطا بعض المخاليق لي نفسً عيوف
    الرفيق الطيب اعنا لمثله واشتريه
    بالوفى ماينشرا بالميات وبالالوف
    والرفيق الحاسد الفاسد النذل السفيه
    ايعقب ويصد ولا على وجهه حسوف
    شاعر ورجال لي فعلي وعقلي نبيه
    لي اذن تسمع وتوحي ولي عينً تشوف
    الله اللي اعطاني العقل والقلب النزيه
    والله اللي اعطاني الشعر والراس الشغوف
    انحت البيت المميز وحبكه وانتقيه
    شاعرً مرهي وحوف القصايد حوف حوف
    وشاعرً متردد الله يرحم والديه
    لا يقف فوق المنابر ولا بين الصفوف
    قبل لا ينغر ويقول خلوها وهيه
    يدحم الشعار ولا بلاش امن الوقوف
    وانا يوم احضر. مبي لا ريال اولا جنيه
    ولا ابي شهره اناااا عند الاجواد امعروف
    ودي اكسب قوم الافعال بيضان الوجيه
    وودي اكسب فالنشاما جميله ومعروف
    وأنا عندي قايمة مدح والعلم احتميه
    احدً فيه مسجل وحد عمد امحذوف
    وان دعاني راعي الطيب يبشر بي وجيه
    ماني راعي قولة اصبر وبا افكر واشوف
  3. عبدالمعني العيلي
    09-04-2020, 01:35 AM

    رد: ديوان الشاعر عبدالمغني معيض العيلي

    ديوان الشاعر عبدالمغني معيض العيلي


    ي رب تدمح خطاي وتغفر اذنوبي
    انت القدير البصير وبيدك الدبره
    ي رب تستر علي وتستر اعيوبي
    من قبل ضيق الضمير ونثرة العبره
    ضاقت علي الفجوج وضاقت ادروبي
    وصارت علي الحياه اضيق من الابره
    اعصير لاهب نسناس الهواء صوبي
    الليل ظلم وقرص الشمس في دبره
    اضيق ضيقة جنوبي فاقد اجنوبي
    اليا لفاه داره وعرض عل قبره
    وينكسر خاطري ويضيق بي ثوبي
    وليا انكسر خاطري م قدر عل جبره
    ياقلب توك تتوب ودوبك ودوبي
    شوف العبر وعتبر لا تصبح العبره
    وانتي يانفسي عن ادروب الهواء توبي
    بكره حساب وندم والذنب ياكبره
    اهم الاهم ماقصر في ماجوبي
    قدني من اضروف وقتي خبرتي خبره
    ورفيقي اللي سلوبه وافق اسلوبي
    من وين ماساق رجله شبري ابشبره
    عذروبي القل لو ماهو بعذروبي
    راعي المواقيف صامد مانفذ صبره
    انا عن اهل الوفى ماينقصر نوبي
    اتعب واجاهد لو ان ايامنا غبره
    ورزقي وتوفيقي ومالي ومطلوبي
    عند الذي بيده التوفيق والدبره
  4. عبدالمعني العيلي
    09-04-2020, 01:37 AM

    رد: ديوان الشاعر عبدالمغني معيض العيلي

    ديوان الشاعر عبدالمغني معيض العيلي


    الا يابحر جيتك ونا ضايق ومبهوت
    وعنيت لك رجلي وعنيت لك ساقي
    انا ي بحر ماجيت ابي الدر والياقوت
    ولا جيت لك ضامي ولا جيت لك ساقي
    وانا ي بحر يوم اتنهت واجر الصوت
    تراها سبايب واحدً ضيق اخلاقي
    جفاني وكنه في يديه العمر والموت
    لو ان العمر والموت بيدين خلاقي
    لكنه تسلط فوق قلبي وشاته شوت
    بعد خمني ولتمني بعثر اوراقي
    وصار ايتلعبي مثل لعبة الريموت
    وخذ عقلي وفكري وسيطر على الباقي
    ونا مغرمً فيه وكلامي عليه اثبوت
    احنه واحبه حب من صادق اعماقي
    نحيل الخصر والشفه اللي سواة التوت
    حلي الوجه والوصف والمستوى الراقي
    ليا من سرا ليلي وسجو هل البيلوت
    يسريني اله الحب والوله واشواقي
    ونا اللي سهرت الليل يوم العباد اخفوت
    ونا اللي عل عهدي ووعدي وميثاقي
    وراح هجرني وحتقرني وفات الفوت
    وضاقت عليه الارض وسترخص افراقي
    وجيتك ونا ي بحر متضايق ومبهوت
    وعنيت لك رجلي وعنيت لك ساقي
    ونا ي بحر ماجيت ابي الدر والياقوت
    لكن جيت اوسع خاطري من بعد ضاقي
  5. عبدالمعني العيلي
    09-04-2020, 01:38 AM

    رد: ديوان الشاعر عبدالمغني معيض العيلي

    ديوان الشاعر عبدالمغني معيض العيلي


    اعطوني الموتر وخلوني اسوق
    وانا بوجه صوب ديرة حبيبي
    اللي ذبحني عمد بالصد والبوق
    وتجاهل الحب وتجاهل نديبي
    ياما وياما دجت في داخل السوق
    ونا م عندي قرش في وسط جيبي
    ماغير من حبه ومن جمرة الشوق
    اقول يمكن فالبلد يلتقي بي
    والله احبه حب صادق وماثوق
    وخاف حبه ي عرب ينتحي بي
    عديت من شانه ثمانين شاهوق
    وزعلت من شانه بعيد وقريبي
    وعفت العرب والخوه وصرت مصفوق
    دايم لحالي كني الا غريبي
    من شافني قال بك ذا صايبه عوق
    ولا مريض ولا لقاله طبيبي
    مايدري اني تهت في حب مخلوق
    مخلوق لله العجب والعجيبي
    عليه قلبي بين الاضلاع محروق
    ياشيب عيني منه ياشيب شيبي
    طيفه معي في كل مانام وفوق
    ماغاب لو كل الحبايب تغيبي
    حتى وانا اهرج للرياجيل برفوق
    يطري علي بين العرب ويغدي بي
    سيطر وخل جسمي افتوق وفتوق
    لو ماهو خلي قلت هذا حريبي
    م عاد فيني صبر وحساس وشفوق
    متعذبً في واحدً مادري بي
    ماعاد فيها كل مطرود ملحوق
    هذا هو اللي غرني من صحيبي
    كم لي وانا اطرد فيه وتوق وتوق
    ولا جنيت الا العنا والحكي بي
    واليوم ناوي الطرقه ونظرتي فوق
    خل الزمان ايجيب ماهو يجيبي
    اعطوني الموتر وخلوني اسوق
    وانا بوجه صوب ديرة حبيبي
    اما وردت الجمه وذقتها ذوق
    ولا عرفت انه مهو من نصيبي
  6. عبدالمعني العيلي
    09-04-2020, 01:38 AM

    رد: ديوان الشاعر عبدالمغني معيض العيلي

    ديوان الشاعر عبدالمغني معيض العيلي


    لي فالشعر ياهل القصيد اربع اسنين
    منها استفدت وفدت وخذت وعطيت
    ثلاث منها في قصيد الميادين
    والرابعه. فوق المناير تعليت
    ان قالها الله يااااكعام المعادين
    اني لا ثبت راية الشعر تثبيت
    حتى لو ان العمر واحد وعشرين
    البيت من شعري عن اربع مية بيت
    تبا تبا تركد عيال. الشياطين
    أليا تعليت. المنابر وغنيت
    مارحت اغرد في تويتر. ببيتين
    ولا قلت ياجمهور سوولي رتويت
    لاواالله الا جيت قدم السلاطين
    وجملت ربعي فالمحافل ووفيت
    وليا دعوني الطيبين الميامين
    عيب ً علي ان كان عنهم تخليت
  7. عبدالمعني العيلي
    09-04-2020, 01:39 AM

    رد: ديوان الشاعر عبدالمغني معيض العيلي

    ديوان الشاعر عبدالمغني معيض العيلي


    لا ياللطيف الا اعشقك واتمناك
    وزعل اللي. يزعلك وتحداه
    وشتاق لك في كل الاوقات وهواك
    شوقً يسوق الروح والقلب لقصاه
    حتى يدي تشتاق لمصافح ايداك
    وحتى عيوني تشفي ال شوفك اشفاه
    يا. بري حالي بري لا مر طرياك
    ونا مابين الربع يابريي برياه
    اخاف. اهل الدمع وجيب ذكراك
    وينكشف سري وسدي وما اخفاه
    من زود حبك لا زعلت اترضاك
    وغيرك. ليا منه زعل ماترضاه
    حتى. ونا زعلان لا قبل محياك
    انسى الزعل ونسى العتب والمحاكاه
    بالمختصر لا شفت زولك ولاماك
    كني ملكت الكون بربع زواياااااه
    سبحان من حلا وصوفك وسواك
    كلك جمال من اسفل الجسم لعلاه
    بصبر. ولن طال العمر رايح القاك
    واسوي معك اللي محد قبل سواه
    بس المفارق لا تطريه انفداك
    في ذمتي معك انت ماقواه ماقواه
  8. عبدالمعني العيلي
    09-04-2020, 01:41 AM

    رد: ديوان الشاعر عبدالمغني معيض العيلي

    ديوان الشاعر عبدالمغني معيض العيلي


    البارحه صدري من الضيق مكبوت
    حتى من الضيقه عكست اتجاهي
    اجاذب الونات وجاذب الصوت
    علمً عليه اشهود ماهو بواهي
    غرتني الدنيا وطاحت لي اكروت
    بين الكبر والغطرسه والتظاهي
    قضيت وقتي بين تكوه وبيلوت
    وشعر وقصيد وهات براد شاهي
    اركض ورا الايام والفكر مشتوت
    واخطي واجاهر بالخطايا وباهي
    ولا انتبهت الا بعد فايت الفوت
    بعد الحسايف ورتكاب النواهي
    والوقت مثل السيف والعمر موقوت
    والموت فالمرصاد والعبد ساهي
    اليوم انا تايب عن الذنب بقنوت
    توه صحى عقلي وفاق انتباهي
    يالله يامنجي نبيك من الحوت
    يالآمر الناهي عل كل ناهي
    رفعت لك يدي في عزم وثبوت
    ابيك تقبل توبتي يالاهي
    وعوذ بك من كل فتنه وطاغوت
    ومن الجهل والموقف الاشتباهي
    وش عاد عذري منك في حزة الموت
    اليا انقضى عمري في لعب وتلاهي
  9. عبدالمعني العيلي
    09-04-2020, 01:42 AM

    رد: ديوان الشاعر عبدالمغني معيض العيلي

    ديوان الشاعر عبدالمغني معيض العيلي


    المهره. اللي قرة العين شوفها
    م طيب طبايعها وماطيب وصوفها
    اليا اسمعت صوتي توقف وتستعد
    توقف لجل عيني وتثبت وقوفها
    بيديه اعسفها وسهله مسهله
    صعبه عل غيري وصعبً عسوفها
    الا علي اف ذمتي وش حنانها
    ترخي. مناكبها وترخي ردوفها
    ونا حرام اني لا وقف قبالها
    يوم المعارك والجيوش وسيوفها
    وقفت. شجاع يبعد القوم عنها
    محدً من العدوان قادر يحوفها
    ماني. مجنب عن غلاها وحبها
    لو تكثر اعداها وتكثر حسوفها
    ابستعن. بالله ربي وبطلبه
    بكفيني الدنيا وكثرت صدوفها
    يابنت. ياللي لبسك الزين والحلا
    عليك كل الناس زادت شفوفها
    بالزين والعفه وبالستر فارقه
    ماهي بوحده كل واحد يطوفها
    تحداني اضروفي عن الوصل واللقاء
    وتحداها عن درب المواصل ضروفها
    ي بري حالي بري من فاته البرا
    ياا لوف قلبي لوف لوفً يلوفها
    لوف المحاله يوم تطوا وتنطوي
    عل مقابلها ولمست كفوفها
    اشوفها ايوالله الشوف منيتي
    يحرم على كل العشاشيق شوفها
  10. عبدالمعني العيلي
    09-04-2020, 01:43 AM

    رد: ديوان الشاعر عبدالمغني معيض العيلي

    ديوان الشاعر عبدالمغني معيض العيلي


    ياماخذً قلبي على كل الاحباب
    عليك امان الله لا تقطع نصيبه
    من يوم شافك فك لك فالحشا باب
    واستقبلك من حبه وزود. طيبه
    ان حس قربك فاق من همه وطاب
    وان راحت عني ضاع مثل الذهيبه
    احبك و من لامني فيك نصاب
    لو شاف زينك قال وش هالمصيبه
    ياتل قلبي تل. وعجابه اعجاب
    في نظرتك في بسمتك ياحبيبه
    الحب بلوى والامل. خاب ماصاب
    والحض متردي وربي حسيبه
    واللي يبا زين الحلايااا والاهداب
    الزين غالي والفقر مايجيبه
    واللي شباب وباقي اليوم ماشاب
    ان حب يوم السبت الااحد شيبه
1234567