اشتغلت في مقهى/بقلمي

قصة كاملة - رواية كامله جميلة للكاتبه ارسال إلى Twitter ارسال إلى facebook
  1. رايفن
    24-03-2020, 05:12 PM

    اشتغلت في مقهى/بقلمي

    اشتغلت في مقهى/بقلمي


    فتاه في السادسه عشر من عمرها ،،تقتل والدتها أمام اعينها،،وبعد العديد من المحاولات،تستطيع الهروب من والدها المتوحش ،فتطر للعمل في مقهى يوجد داخل احد المدارس ولكن المدرسه.....!!!!

    {مٓقهى الذكريات الفٓريده}

    السلام عليكم ورحمه الله وبركاته.

    {البدايه}.

    جده  1:30

    حاسه شوي ويغمى عليها من شده الالم : خلاااص حرام عليك.

    بحاله سكر ومب حاس بنفسه : تكلمي من الي كان معك أمس.

    شجون : سعد.

    ابو شجون : انا مب قلت لك هاذا لا يدخل البيت.

    شجون : بس هو بمثابة اخوي.

    ابو شجون صرخ : وبعد ترادد قليله الادب.

    شجون حست أن روحها بتطلع من شده الضرب : خلاص.

    ابو شجون : جوليييييي جوليييييي.

    جولي مربيه البيت : ن...،شهقت بقوه ،شجوووون دم.

    ابو شجون : جولي جيبي مفتاح هالغرفه ولا اشوف احد يدخل لها .

    جولي : ........

    ابو شجون بصرخه هزت القصر : جوللللي

    جولي هزت راسها بخوف،وراحت ركض
    وهو خرج من الغرفه يتمايل يمين ويسار.

    ............................

    شجون/١٦سنه، جمالها من النوع الناعم والنادر العجيب ،بيضه مثل بياض الثلج،وخدها مشربه بالون الوردي ،عيونها تذبح ،وسااع ورموشها طوال.مكحله  ولونهااا غرييب زيتي على عسلي مايل للأخضر المهم اللون غريييب بس يسحر،فيها غموض عجيب ،وفي صوتهاا بحه تجنن ،مريضه بالسكر ،انسانه صريحه وجريئه لأبعد حد،كل شي في الدنيا الا كرامتها والناس الي تحبهم.شخصيه قياديه ،ماتحب أحد يأمرها ابد ،واعند منها مافيه..

    صالح/ابو شجون ،له بنيه عريضه تخليك تخاف منه تلقائيا،انسان حقير خبيث نذل همه الفلوس راعي شرب ومخدرات ،وشغله كله من تحت لتحت،وعائلته من أغنى اغنياء السعوديه،ومحد يعرف أنه بنته شجون حيه الى جولي مربيه البيت وسعد ولد جيرانهم...


    رايفــن..
    __________________

                                                      USA
    اميركا
    سان فرانسيسكو
    7:30

    ماجد : مهند تجي معنا.

    مهند : وين؟

    ماجد : البحيره.

    مهند : والله مقدر بسوي اليوم بث مباشر.

    ماجد : خلاص نأجلها يوم ثاني ،اي صح ترا توته مريضه

    مهند بخوف على أخته الصغيره : شفيها

    ماجد : حرارتها مرتفعه.

    مهند : بروح لها..

    ..............................

    ماجد/24سنه،الاخ الاكبر،جميل جمال عربي،اخذ من امه الامريكيه العيون الزرق بس،ويشبه أبوه ينطبق عليه مثل اتق شر الحليم اذا غضب،يعتبر ام واب لأخوانه،ابوه توفى من وهو صغير،وامه مفقوده من بعد ولاده أخته الصغيره بسنتين....

    وعد وشهد/19سنه ،توأم لكن ابد ما يتشابهون،كل شي فيهم يختلف،
    وعد هبله تحب الهبال والوناسه،
    شهد مثقفه تحب تقرأ كتب ذكيه وهادئه،
    والأثنين ملامحهم تذبح.

    مهند/18سنه وسيييييييم ،اخذ كل ملامح امه ،مشهور انستقرام،فيه شويه غرور،يهمه المظهر الخارجي،مزاجي مرات بارد ومايعطي وجه ومرات فله ،عيونه حاده ولونها زرق .

    تالا/13سنه،دلوعه البيت،كل طلباتها أوامر،من اجمل الشخصيات في الروايه،عصبيييييه ونسخه من امها بكل شي.


    رايفــن...
    __________________

                                            KSA

    الرياض
    3:00

    بدر : خلاص حصل خير ،يله مع السلامه،

    ابو محمد : بدر،انت الحين تدور عليهم.

    بدر تنهد : ولبكره.

    ابو محمد : بدر انا خطبت لك .

    بدر قاطعه : يبه

    ابو محمد بحده ألزمت كل من في المجلس بالسكوت : عاجبك وضعك هاذا ،لك ١٢سنه تدور عليهم ياولدي تزوج وربي يعوضك

    ابو مؤيد يوم شاف النقاش احتد اشر للشباب بالخروج وماهي ثواني حتى فضى المجلس ،ومابقى فيه غير الإخوان الأربع مع الجد..

    فارس :  شسالفه شفيكم جالسين هنا؟

    سعود : قاعدين يتكلمون بموضوع واضح مهم،وطردونا.

    فارس تربع معهم : اي وش الموضوع؟

    راكان : ماندري بس واضح الموضوع يخص عمي بدر.

    اياد وعرق اللقافه عنده بدأ يشتغل : انت اخوه اكيد تعرف وش الموضوع.

    ريان : ايه صادق.

    مشعل : اذا طلع اسألوه،يمكن مايبي احد يعرف

    داخل المجلس..

    ابو محمد : اسمع يابدر ،لك سنه وحده تدور عليهم اذا مالقيتهم راح تملك على بنت مساعد"مساعد صديقه"

    بدر بأستسلام : طيب..

    ...........................

    الجد/عبد العزيز أو ابو محمد
    الجده/شيخه أو ام محمد

    ولدهم الاول.

    محمد/ابو سعود ٥٥سنه.
    اشواق/ام سعود٤٩سنه.

    عيالهم

    سعود وتركي/توام26سنه ،فيهم شبه خفيف،
    سعود ملامحه حلوه ،اسمر سمار عربي،عيونه بني غامق ،معضل،وعصبي مرررره،يشتغل في شركه أبوه ..
    تركي،وسيم عيونه عسلي فااتح ،معضل،دكتور نفسي .

    فارس/23سنه اخر سنه جامعه ,كل همه في الحياه الوناسه ،مغزلجي درجه اولى ..

    نهى/19سنه ،خبله ومصرقعه ويعتبرونها عيال عمها وحده من اخواتهم ،مطيحه ميانه مع الكل ،يعني البنت عربجيه،"ماالومها عايشه وسط خمس عيال "..

    ريان/18سنه ،اخر همه الدراسه ،يحب يهتم بشكله وسييم وعيونه عسليه ،يحب بنت عمه مشاعل وهي مب داريه عنه..

    الولد الثاني.

    عبدالله/ابو راكان.50سنه زوجته توفت وبعد ثمان سنوات تزوج.
    خوله/زوجته 37سنه

    عيال عبدالله

    جواهر/26سنه متزوجه من خارج العيله.عندها بنت (لمار 7سنوات)"طبعا مالها دور كبير في الروايه".

    نواف/٢٤سنه اسمر،فله ويحب الاكشن ،كل وقته مروق ،يحب يلعب كوره ،وهو في نادي كوره..

    مشاعل/١٥سنه،هي ونهى اذا اجتمعوا البيت ينقلب ،تكره حركات البنات والمكياج،قاصه شعرها بوي،وجميييييييله،اكثر وحده متأثره من موت امها وتكره زوجه ابوها لسبب.

    نادر/8سنوات ،من الزوجه الثانيه،يحب اخوانه ،شعره طويييل يوصل لبدايه كتفه،وللحين عنده لدغه في حرف الراء..

    الولد الثالث.

    حمد/ابو مؤيد49سنه
    حصه/ام مؤيد45سنه

    عيالهم

    مؤيد/27سنه ،وسييييم وعنده جرح في حواجبه زايد من جماله ،دكتوور واعقل واحد من عيال عمه.

    اياد/23سنه ،روحه مرحه ،وسييم مثل اخوه،في قانونه مافي الزعل مكان.صديق فارس الروح بالروح

    جواهر /21سنه،جمييله تحب الرسم وهوايات كثيره ،شعرهااا طويييل بني ،عيونها عسليه،

    روان/19سنه،وجهها كيوووت إلي يشوفها يقول بنت 16سنه ،صديقه نهى الروح بالروح.

    البنت الاولى.

    انوار/40سنه ،ارمله ماسكه اداره مدارس العيله لقسم البنات.

    بناتها

    نجود/21سنه ،من اجمل بنات العيله ،جمالها يذبحح،هادئه ابداا مب اجتماعيه،تطبق في المستشفى الي يشتغل فيها مؤيد وتركي،وتصير اخت احلام من الرضاعة،يعني تفتش على مؤيد واياد.

    جود/15سنه،تحب الموضه والمكياج وكل يوم طالعه بشي جديد

    البنت الثانيه.

    نور (متوفيه)

    الولد الرابع.

    بدر/39سنه،ماسك اداره مدارس العيله لقسم الاولاد،،عياله وزوجته مفقودين من12سنه.

    الولد الخامس والاخير.

    مشعل/27سنه ،وسيم شخصيته قويه،له هيبه وسط الناس مثل اخوانه،


    رايفــن..

    _______________________

    (مقتطفات من البارت الثاني)

    ........ : والله طيحتي قلبي على بالي بتقتلي أحد

    ----------------
    ......... : رباهم وكبرهم وبعد خمس سنين توفى سالم بحادث سياره

    ---------------

    نوقف هنا


    الهم صلي وسلم على سيدنا محمد.
    من مواضيع رايفن : (::) اشتغلت في مقهى/بقلمي
  2. رايفن
    04-04-2020, 09:53 PM

    رد: اشتغلت في مقهى/بقلمي

    اشتغلت في مقهى/بقلمي


    {اشتغلت في مقهى}

    السلام عليكم ورحمه الله وبركاته ..

    {نور}..

    جده 3:33

    برد... هدوء...ظلام...
    جالسه في زاويه الغرفه
    وجسمها متورم من الضرب..
    في نفس هذا اليوم قتلت والدتها

    "قبل سبع سنين"

    ام شجون : انا ماراح اسكت لك هذا اخوي ،ولا اقولك انا بروح ابلغ الشرطه بكل شي سويته ،وقبل كل شي طلقني..

    ابو شجون : الي قدر يقتل اولاد اخوك يقدر يقتلك،فأجلسي هنا ولا اسمع ،لك صوت..

    ام شجون بصوت بالكاد ينسمع ودموعها منهمره على خدها : تهددني بالقتل ياصالح،انا تهددني..

    ابو شجون : اهددك ،واهدد عشر من امثالك..

    ام شجون : شجون ماما تعالي معي بنروح من هالبيت..

    ابو شجون بصوته الخشن : البنت مالها خرجه من هالبيت

    ام شجون : طيب ياصالح بيننا المحاكم،،وعندي كل الادله الي تقدر تدخلك السجن مؤبد..
    ،ولفت تبي تخرج

    ابو شجون خاف لا تفضح شغل ١٥سنه فقال : وانتي واثقه انك حتخرجي ،من هنا عايشه

    ،وبالفعل كانت اخر لحظات نور على هالدنيا
    ورحلت روحها الى بارئها..

    لكن ابد مافارق ذاكرتها منظر امها وهي تموت قدامها

    ،آه باخذ حقك وحقي يايمه قريب

    قطع حبل تفكيرها صوت
    صوت الباب وهو ينفتح ،وتدخل منه مربيه البيت

    "يازينك ياجولي محد يفكر فيني غيرك"
    جولي راحت لها بسرعه وجلست عند راسها

    جولي برجفه من الخوف : انسه شجون انتي بخير ؟ انسه شجون انتي بتسمعيني؟.

    شجون بصوتها المبحوح : ا ا انا بخير..

    جولي : الاستاذ سعد عند الباب

    شجون : قله يدخل "" طبعا تلاحظون لغه شجون العربيه مكسره وبتعرفون السبب قريب""

    سعد وهوا يدخل من الباب ،شهق بقوه ،وتكلم بلهجته الجداويه : اييش سوى بيكي كمان،،قومي دحيين نروح المستشفى،

    شجون : لا،،لو شافني راح يقتلني.

    سعد بدون مايسمع لها : جولي روحي جيبي عبايه سريييع..

    شجون عيونها بدت تتقفل : سعد ابي انام..

    سعد : شووج ،خليك معي شوووج ،،جوليي وين العبايه..

    ______________________

    الرياض
    بقصر عبد العزيز آل........

    في المجلس الاول جالسين الحريم مع نجود واحلام
    وفي المجلس الثاني جالسين الرجال ومعهم البنات ..

    "البنات بس يتحجبون على عيال عمهم <<مايستحون على وجههم

    ابو محمد : شفيكم ساكتين؟

    نهى بحماس مبالغ : بيفتح مهند ،بعد خمس دقايق لايف انستقرام
    ،وبيقول قصه حياته وكيف تخطى الصعوبات والعوائق وكيف كافح في طريق الاعداء.

    ابو محمد : ومين ذا؟

    مشاعل : الله يسلمك،،هذا واحد سعودي بس شكله امريكي،دايم ينزل مقاطع انسنقرام وهو يغني وصوته مرا حلو

    نهى : بس للأسف هو عايش في امريكا ويتكلم انجليزي
    يعني مافي امل ن

    روان قاطعتها : بدأ بدأ اسكتوا
    فجأه كلهم سكتو

    اما بجهه الشباب
    اياد وسعود وتركي ومؤيد ومشعل جالسين يسولفون
    ونواف وريان وفارس يلعبون كوره

    في النص ابو محمد يسولف مع اولاده
    هاذا حالهم كل جمعه..

    ام محمد ناظرت يسارها شافت البنات كلهم على جوالاتهم
    فأخذت السكين الي بجنب صحن الفواكه وقطعت سلك النت

    البنات مع بعض : لااا

    مشاعل شوي وتبكي : ليش جدتي

    ام محمد : انا قلت اي واحد يدخل هالبيت مايمسك جواله صح ولا لأ

    روان ودمعتها في عينها : اي بس اليوم البث حق مهند

    نهى : وبيقول قصه حياته ،وكيف تخطى الصعوبات والعوائق وكيف كافح في طريق الاعداء..

    مشعل : والله يمه طيحتي قلبي على بالي بتنحري احد اليوم

    ام محمد عصبت : لا والله شايفني يهوديه ولا مختله ،،وعلى وين رايحين انتي وياها

    نهى : بروح دورات المياه(تكرمون)

    مشاعل : وانا بعد

    وراحو الحديقه وجلسوا يتابعوا البث

    _______________________

    USA

    سان فرانسسكو

    جالسين في الصاله
    هالجلسه فقدوها كثير.
    ماصارو يجلسون مع بعض
    كل واحد مشغول بدراسته وشغله.

    ماجد : اسمعوني زين شرايكم السنه ذي نحج.

    شهد : كيف يعني كلنا بنروح..

    ماجد : لا السنه ذي انا وانت ووعد،،والسنه الجايه انا ومهند

    مهند : طيب يمكن شسمه هذا

    ماجد : لا تخاف ماراح نرجع لهم ولي باعنا نبيعه..

    شهد : اوكي مافي وقت باقي على الحج ثلاث اسابيع

    ماجد : شفت لنا حمله كويسيه وبدور لنا على حجز

    ،،وعد تدخل الصاله وبهبالها المعتاد : هلا والله بأخوي القاطع،،لي زمان ماشفتك ،،والحين جيت بس عشان توته مرضت وحنا لنا الله ...

    ماجد : يعلم الله اني احبكم كلكم بس توته اخر العقود فلازم ندلعها

    وعد تناظر مهند : خلصت البث المباشر الي قلت بتسويه

    مهند : اي خلصته..بس انا قررت اعتزل

    كلهم بصدمه : لييييش؟؟

    مهند : الحمد لله اوضاعنا تعدلت.وصارت فوق الممتازه..يعني
    ماله داعي اكمل..

    وعد : بس هاذي موهبتك حراام

    مهند : ابي اتفرغ لدراستي..

    ماجد : هاذا الشي راجع لك ،،بس اذا كنت تحب هالمجال نصيحتي لك لا تتركه..

    مهند سكت ولا رد

    _________________

    السعوديه
    الرياض

    في قصر كببييير جدا
    لا يخلو من العزائم والولائم الكبيره ..

    جالس يدور في الصاله بشكل عشوائي.

    جهاد : طييب تخيل يرفضوني،،استغفر الله مو كأنهم طولوا

    اسامه : ياخي اجلس ماصار لك يومين من خطبتها ،،وبعدين من ذي المحششه الي حترفضك..

    جهاد : انت تسكت تذكر يوم خطبت كيف كان وضعك،،ولا يوم الشوفه،،خلني ساكت بس..

    (عائله جديده)

    ابراهيم/ابو طلال ،،طيب وحنون على عياله ،لكن دائم مشغغول،،زوجته توفت من ٩سنوات ويصير اخو ابو شجون..

    طلال/35سنه ،،متزوج بنت عمه وعنده بنت(جوري 7سنوات)

    اسامه/29سنه متزوج وعنده ولد(جواد1سنه)

    جهاد/27سنه وسيم وخققه ،خاطب.

    عبد المجيد/16سنه ،اولى ثانوي ،بأختصاار هو اجمل واحد في الروايه،وسسيم جذاب بسس باارد مايتكلم مع احد انطوائي
    له اربع سنوات على هالوضع،،ومحد يدري وش فيه.وهو من ابطال روايتي الاربع

    كرم/9سنوات،لسانه اطول منه تقول له كلمه يردها لك عشر وتصرفاته اكبر من عمره.

    (كل من في العيله عيونهم )



    __________________

    بقصر عبد العزيز آل......

    ابو سعود : السنه ذي بحج من يبي يحج معي.

    ابو راكان : انا وبدر ومشعل.

    ابو مؤيد : ودي السنه ذي احج بس عندي سفره شغل.

    ابو محمد : يعني ماراح تكون معنا العيد لأن احتمال نروح المزرعه

    ابو مؤيد : احتمال ارجع 11 او 12

    ابو محمد : كوي
    ماكمل كلمته الا نهى ومشاعل داخلين وعلامات الحزن على وجوههم.

    ام محمد : شفيكم؟؟

    مشاعل : ياقلبي عليه القصه مره مؤثره
    كل البنات شهقوا مع بعض ،،

    جود : ياخاينات

    روان : وش القصه..

    ريان : حمستوني ابي اعرف وش سالفته

    فارس : قد سمعت صوته مرررا يجنن

    نهى : بس قال قصه حياته وكيف تخطى الصعوبات والعوائق وكيف كافح في طريق الاعد

    ،،نهى سكتت لأنها سمعت باب المجلس ينفتح ويدخل منه بدر ووجهه واضح فيه الأرهاق والتعب وحالته حاله.

    ام محمد بحنان الام : تعال ياولدي الحين بيحطون العشاء

    بدر جلس بجنب اخوه مشعل

    نهى تكمل : طيب بقوول القصه بختصار قبل 12سنه كانو عايشين في السعوديه ،،في يوم ولاده اخته الصغيره طلع الاب يسجل معلومات البنت المهم طلع ولاا رجع مره ثانيه بعدها دخل رجال ونقل لهم خبر وفاه ابوهم .

    روان : كييييف مات؟؟

    فارس : اكيد حادث

    روان : بس هو ماخرج من المستشفى

    نهى : لحد يقاطعني.

    ريان : تفضلي ياست نهى.

    نهى : طبعا الأم انهارت ،اخذت مولودتها وعيالها وراحت لبيت اهل رجلها ،وصلت للبيت لقته رماد كللله محترق وبالصدفه شافت رساله عند الباب وكان محتواها،،،،السلام عليكم ورحمه الله وبركاته اسمعي يا الأمريكيه. من اليوم حنا مالنا دخل فيك ولابعيالك ونتمنى انك ماتدوري علينا،،،،،

    الرجال كانوا مستمعين لنهى من بدايه ماتكلمت فابمشاركه للحديث ،
    قال ابو سعود : حسبي الله عليهم شلون يرمون عيالهم كذا

    ابو راكان : للحين في ناس بالعقليه هاذي ..(مادرو انهم يسبون نفسهم)

    نهى : المهم سافرت لأمها في امريكا واستقبلتها الأم بكل حب
    بعد سنه توفت الجده وبعدها بسنه خرجت الام لشغلها ومعد رجعت فالحي الي كانوا ساكنين فيه كان نصه عرب فأخذهب واحد سعودي اسمه خليفه كان جارهم ويعتبرونه واحد من العائله.

    نهى تكمل : رباهم وكبرهم وبعد خمس سنين توفى خليفه بحادث سياره

    جود : ياقلبي مرا يحزن

    نهى : كان اكبر واحد عمره 18سنه وهو تقريبا عمره 12سنه ،،فأخوه الكبير كان في الصباح يروح مدرسته وطول الليل يشتغل عشان ماينامون اليل بدون اكل.وهو يوم شاف اخوه مضغوط مره صار يغني
    وقدر يفتح حساب انستقرام ،،،،وبس والله هاذي هي القصه

    بدر كان طول ماهو جالس يناظر ابوه بنظرات غريبه محد فاهمها
    فقال : الولد وش اسمه وكم عدد اخوانه؟؟

    نهى : اسمه مهند وعنده اخ كبير واختين اكبر منه توأم واخت صغيره

    بدر هنا زادت شكوكه فوقف

    ابو محمد : بدر ارجع مكانك.

    بدر : يبه تكفى خلني اروح ماسمعتها نفس التواريخ وكل شي.ييه انا رايح ادور على عيالي ..

    ابو محمد : طيب بعد الحج..

    بدر تنهد : طيب

    __________________

    جده
    وفي المستشفى
    وبعد ماخلصو من تحقيق الشرطه.

    شجون : سعد ابوي يبي يزوجني

    سعد بصدمه : من جدك

    شجون بأبتسامه ذابله : I'm serious

    سعد وكل شياطين الدنيا تجمعت فوق راسه : هاذا المتخلف شلون يبي يزوجك في هالعمر وانت اصلا مابل.............

    شجون : ادري وعشان كذا خلنا ننفذ الخطه بسرعه.

    سعد : بس الدراسه لسه باقي لها

    شجون : What's the solutio

    سعد : ايش رايك نهرب

    شجون : احنا هربنا كثير وكل مره يقدر يجيبنا في اقل من يوم .

    سعد : لا تخافي هاذي المره بنروح الصحراء ،،بس انت متأكده من قرارك

    شجون : متأكده وبقوه

    سعد : طيب على صلاه الفجر راح امرك ،انت تأكدي ان ابوك نام وأنزلي على طول ،ولا تنسي تاخذي بطاقتك..

    شجون : طيب.

    سعد : للمره الألف اسألك انتي متأكده من الي بتسويه .

    شجون نزلت راسها ،ودها تطلع الي بداخلها حزن كبير مايعلم بيه الا ربي : سعد بليز لا تسألني مره ثانيه.

    سعد : بس انت عارفه حكم المتشبهين من النساء بالرجال.

    شجون : مجبوره ،هو دمر حياه اشخاص كثير وأولهم اخوك ..

    سعد تنهد من هاذي الذكرى : طيب بعد مانمسك هذاك الخسيس وين راح تروحين..

    شجون : راح اروح عند اهل امي.اتذكرهم طيبيين حيييل خالي بدر وولده ومهند وأشخاص كثيرين ماأنساهم

    سعد ناظر في عيونها : وليش ماتروحين لأعمامك.

    شجون : اخاف يحقدوا علي عشان الي بسويه في

    سعد قاطعها : ماتوقع..

    _____________________

    سعد/22سنه ،مايقرب لشجون ،بس يصير جارهم.

    جولي/32سنه ،لبنانيه ،مربيه البيت مع شجون من وهي صغيره ..

    ..............................
    من مواضيع رايفن : (::) اشتغلت في مقهى/بقلمي
  3. رايفن
    11-05-2020, 07:33 PM

    رد: اشتغلت في مقهى/بقلمي

    اشتغلت في مقهى/بقلمي


    السلام عليكم ورحمه الله وبركاته

    الجزء الثالت من

    {اشتغلت في مقهى}
    .
    .
    .
    [ نور 2 ]
    .

    الرياض
    قصر الجد

    وبمجرد ماخرجت الجده حتى التفت لأبوه

    ابو مؤيد : يبه من اول كنت ابي افاتحك بموضوع بس ماكنت ابي امي تسمع

    ابو محمد عقد حواجبه : وش الموضوع؟ وليش ماتبي امك تسمع

    ابومؤيد : عائله ال.......خطبوا احلام لولدهم جهاد،ومثل ماتعرف في مثل هاليوم من السنه توفت نور فخفت ترجع لها حالتها..

    ابو محمد : ووش كان رد احلام

    ابو مؤيد : ماردت علي للحين..

    ابو راكان : سمعت ان صالح هالسنه رجع من بريطانيا

    ابو سعود : بس انا مستغرب صار لنور وبنتها شجون سبع سنوات متوفين وصالح للحين مافكر في الزواج ولا بولد يرفع بيه اسمه

    ابو محمد : هذا الشي راجع له.

    ___________________

     
    _____________

    جده

    على الساعه 5 الفجر ..

    ناظرت نظره اخيره للبيت او القصر الي ولدت فيه
    اخذت كل الاغراض الي تحتاجها
    وودعت جولي الي من ولدت على هالحياه وهي معها
    وقادتها رجلها لغرفه امها ،كانت الغرفه نظيفه شافت صوره لأمها على التسريحه حضنتها بأقوى ماتملك وأخذتها ، فتحت الدرج الاول شافت بطاقه استغربت منها بس حست انها تأخرت على سعد حطت البطاقه في جيبها ونزلت بسرعه ،
    ركبت سياره سعد الفاخــــره..

    ،السلام عليكم

    سعد : وعليكم السلام

    شجون : بسرعه حررك سمعت صوته وانا نازله
    واول ماتحركت السياره لفت وناظرت القصر ونزلت دمعه من عينها

    سعد : دحين بنروح نقص شعرك

    شجون ماكنت معه كانت تتأمل البطاقه

    سعد بستغراب : ايش هذا ؟

    شجون : اتوقع هاذي بطاقه الصراف حقت ماما .،اي صح مر على السوق مامعي ولا قطعت ملابس.وابي اقص شعري قصه كوريه

    سعد : نشتري لك ملابس اولاد مره وحده

    على الساعه 11:00.ص

    وصلوا مكان واضح سكانه قليل والمنطقه شبه صحراويه ،
    وبعد مادخلو بيت صغير ،شجون وقفت قدام سعد

    :ايش رايك بلوكي الجديد( كان شعرها بوي بس طول  فقصته زياده ولبست ملابس اولاد ) القصه فوق

    سعد ناظر فيها من فوق لتحت وقال : شوفي انتي توك صغيره فملامحك ،،الأنوثيه لسى ماطلعت يعني شكلك ظابط بس المشكله في وجهك

    شجون بخوف : وش فيه وجهي

    سعد : لون شفايفك ولون بشرتك فاتح بزياده والحمره الي على خدك يعني اكيد بيشكون

    شجون : امم طيب وش سميتني

    سعد : الياس

    شجون : يع ايش هاذا الاسم

    سعد : ليش ايش تبغي ؟

    شجون : وليام او جاك او جين

    سعد : يابنت الناس في السعوديه ماعندهم هادي الأسامي،،، وبعدين انت ليش تحبي اسم وليام ..

    شجون : تعودت كانو في بريطانيا يسموني وليام ،،المهم ابي كلب

    سعد تفاجأ : كلب!

    شجون : اي كلب ويكون من نوع جولدن ريتريفر

    سعد : وش الطاري..

    شجون : من وانا صغيره احلم يكون عندي كلب ويوم كنت في بريطانيا كان ممنوع اقتناء الحيوانات..

    سعد : طيب يمكن ممنوع

    شجون : بلييييييز

    سعد مايقدر يرفض لها طلب : ابشري ياقلبي

    شجون : شكرا شكرا والله اني احبك

    سعد جاته رساله وفتحها على طول قراها ثم قال : اسمعي انتي راح تكوني في الثانوي وانا في الجامعه الي بجنب الثانوي على طول ..راح تسكني في مبنى الطلاب لأن مبنى العمال مليان ومافي ولا غرفه،،،،اسم المقهى الي حتشتغلي فيه مقهى الذكريات الفريده ..راح،،تكوني نادله راح يبدأ شغلك يوم 20وطيارتنا للرياض 15
    كذا كل شي واضح

    شجون : احس اني خفت ،،يعني انا وانت ماراح نكون مع بعض .

    سعد : الدوام من الساعه ثمنيه الصباح الى ٣العصر والساعات الباقيه من اليوم نقدر نطلع ونسوي المهمات الي علينا ..

    شجون : خلاص اوكي..

    __________________________

    مر اسبوع على ابطال الروايه وفي الاسبوع هاذا

    احلام وافقت على جهاد وحددو الملكه

    ابو شجون سافر وما درى ان شجون انحاشت..

    مهند اعتزل الشهره وبدأ يهتم بدراسته اكثر

    ____________________
    الجمعه ٢٥\١١

    الرياض
    .
    .
    طلال : تتوقعون راح نرجع جده

    اسامه انا ابي ارجع ياخي جده لها جو غير

    تهاني زوجه اسامه الي كانت من الرياض ، مثلت العصبيه : ليه وش فيها الرياض؟؟

    اسامه : ماقلنا فيها شي بس تعودت على جده

    خالد : اتوقع بعد زواجي راح نرجع

    طلال: طيب حرمتك يمكن تبي تكون جنب اهلها

    خالد : بترجع معي ورجلها فوق رقبتها

    اسامه : ايه هين وهي لو قالت لك "يقلد صوت بنت" خلوديي بليز ابي اكون جنب اهلي نشوفك اليوم الثاني متبري من جده

    الكل : ههههههههههههههههههه

    خالد : سخيف

    جالس في زاويه الصاله يناظرهم والبرود يحيطه،،لهدرجه مايحسون فيني انا اتعذب ،اتمنى اموت في اليوم الف مره ،بس كلعاده ابوي في شغله اخواني كلهم مشغولين في حياتهم الخاصه ولا كأننا عيله وحده ..

    طلال : عبد المجيد تبي شاهي

    عبد المجيد رفع نضره له ببرود ولا قال شي

    طلال ماهتم ورجع يسولف ..

    عبد المجيد شد بأقوى ماعنده على الجوال الي حس انه راح يتفتت بين ايدينه
    وقف وراح على غرفته ،
    سكر الباب  وتسند عليه '' يايمه محتاجك الحين لي اربع سنوات احاول اتخطى الي صارلي بس طبعاً مستحيل لا اهل يوقفون معي ولا اصحاب ولا جيران
    ههههه حتى بلقيس الي حبيتها طلعت خاينه

    حاول ينام بس جلس يتسائل ،لو شجون كانت حيه لكانت راح توقف جنبه.

    ____________________

    مطار سان فرانسيسكو

    في ايده اليمين شنطه سفر وفي ايده اليسار، الجوال والمحفظه،

    :اعتمد عليك

    مهند :ماجد لا تخاف الحين انا كبير

    ماجد : تأكد انك مقفل الباب قبل ماتنومون ولا تفتحوا لأحد،، وتوته في عيونك

    مهند:انشاء الله

    وبعد كل الأوامر والتحذيرات الي أعطاها ماجد لمهند، "كان فعلاً ماجد ماخذ دور الأب لأخوانه"

    ، ودعوا بعض وكان الوداع صعب نوعاً ما،، لأول مره من تركوهم اهل ابوهم يتفرقو

    مهند لف على تالا :توته يله نروح البيـ،، توته ليش تبكين

    تالا:لا ابي اروح معهم

    مهند مسك ايدها:توته هم اسبوعين ويرجعوا..

    وبعد محاولات،، رجعوا البيت
    تالا على طول راحت غرفتها،،،، اما مهند فصخ جزمته وانسدح على الكنبه،، وماحس بنفسه إلى وهو نايم،،

    على الساعه تسع،، هبطت الطياره المليانه  بالحجاج
    على اراضي السعوديه..

    وعد:وااو

    شهد:ذالحين ذي هي السعوديه.

    ماجد:تغيرت مرررره

    ___________________

    بريطانيا..

    صالح(ابو شجون) :راح ازوجك البنت،، تحمل منها بعدها تطلقها.

    ابو عبد الرحيم اتكا على عصاه:وليش اطلقها تقعد معي

    صالح ابتسم ابسامه مليانه حقاره وخباثه،، مادام السالفه فيها فلوس اكيد راح يوافق : طيب الملكه بعد يومين..

    _____________

    قصر الجد

    الكل اليوم مجتمعين عشان يودعون، ابوسعود وابو راكان ومشعل وبدر الي رايحين يحجوا

    ،،، بعد العشاء
    دخلوا البنات برجه مجلس الرجال

    ابو محمد عصب:وانتم ماودكم تتغطون أصغر  وحده عمرها 16وتناقزون كنكم مجانين،،،، من بعد هاليوم المجلس ذا ماتطبونه اذا عيال عمكم هنا،،، سامعين

    نهى تجلس:ايه ايه انشاء الله

    ابو محمد وجه كلامه لمشعل ومؤيد:وانتو ماتبون تتزوجون؟

    مشعل:قريب قريب

    ابومحمد لمؤيد:وانت

    مؤيد:والله ياجدي مالقيت الي تناسبني

    ابو محمد:شوف بنات اعمامك كل وحده تقول الزين عندي

    مؤيد ناظر البنات،،، إلى فوق الثانيه ولي تناقز ولي فمها كله شكلاته،، رجع نظره لجده ولا قدر يتكلم

    والشباب ميتين ضحك على شكله،،

    روان تربعت:اقول ياخوي وش رايك اخطب لك وحده من صديقاتي

    ابو محمد:اي فكره

    مؤيد حط ايدينه على راسه:ياويلي ويلاه

    روان:يله من تبي فهده ولا ساره

    مؤيد وقف  اخذ جواله حط المفاتيح بجيب الجينز
    وقال:يله ياجماعه انا استأذن عندي عمليه مهمه الحين،، وخرج بسرعه لأنه يعرف جده لو دخلت فكره راسه يسويها يعني يسويها...

    الجد قاعد يفكر وكأنه افتقد صوت شخص مهم
    :وين مشاعل

    جود:من اليوم وهي منفسه وزعلانه

    ابو محمد عدل جلسته بخوف اكثر وحده يحبها من احفاده :وش فيها؟؟

    روان اعطت جود نظره:لا تخاف ياجدو بس شكلها زعلانه لأن عمي عبدالله بيسافر اليوم.،،،وهي رح تجلس لوحدها في البيت،،

    ابو محمد طلب من ابو راكان ان مشاعل تجلس عنده الين مايرجع واكيد ابو راكان وافق

    (القصر عايشين فيه ابو محمد وام محمد وبدر من اختفو عياله ومشعل الي عزابي للحين والعمه.انوار وبناتها جود ونجود،،، اما ابو سعود وعياله بيتهم جنب بيت الجد وكذالك ابو مؤيد ماعدا ابوراكان الي ساكن في حي غير بطلب من زوجته)

    جالسه في غرفه جود لابسه سماعات بس مب مشغله شي،، الأخلاق زفت والفسيه اتش،،، حسبي الله بقعد مع شرشبيل لوحدي(زوجه ابوها تسميها شرشبيل)

    رفعت كم البلوفر وبانت علامه الملعقه الي امس حمتها على النار وتــش على جسمها،،، نزلت دمعه من عينها مسحتها بقوه نزلت الكم،،،، وفي ذي الحظه دخلو نهى وروان وجود الغرفه 

    جود نقززت عند مشاعل و صرخت:مششااااعل بتقعدين معي

    مشاعل :ياتبن اذني ابيها

    جود:اوه سوري على بالي تسمعين شي

    مشاعل نزلت السماعات :الحين وش قلتي

    جود: رح تقعدين هنا معي

    مشاعل:من قال

    جود ياحمار انا ماأسألك انا اقولك جدي طلب من ابوك تجلسي هنا وابوك وافق

    مشاعل فرحت من كل قلبها بس مابينت :حماس

    نهى شاركتهم السرير الكبير
    وروان جلست على كرسي التسريحه

    نهى: تخيلو تخيلو قبل امس جو اصحاب ريان عندنا البيت

    روان:كيف شكلهم عيال من

    مشاعل:حلوين؟؟ اهرجي

    جود:كم هم.

    نهى:بنات يهبلوون يطيحون الطير من السما عددهم خمس واحد له فك يخقق؛؛ وواحد عيونه رماديه وواحد شعره كذا نازل على عيونه اقول لكم كل واحد احلى من الثاني

    روان: كان صورتيهم يازق

    ياحبهم لذي السوالف

    __________________


    جده

    في ايده اليسار الكلب الي وعد شجون يشتريه لها،، جابيدخل بس جاه اتصال من ولد عمه وصديقه، براء

    براء بعجله: شوفولكم اقرب طياره للرياض

    سعد:ليه ايش فيه

    براء:صالح بعد يومين حيكون في جده

    سعد : طيب،، بنروح بالطياره الخاصه

    براء:لا عمي مسافر بيها،، اتوقع اليوم في رحله للرياض

    سعد : طيب بشوف،، يله سلام..

    براء : سلام

    سعد قفل،، ودخل البيت الي بالنسبه له صغير،،، شاف شجون نايمه في الصاله بهدوء وسكينه وواضح التعب بيها وكأن لها سنه ماذاقت طعم النوم،، وفجأه شافها تتحرك بسرعه وكأنها تحلم بكابوس،، قرب منها وصار يضرب خدها بخفه
    :شجون قومي

    شجون الي نومها خفيف :همم

    سعد:ابي اقولك شي

    شجون جلست وشافت الكلب قربت منه شالته وصارت تلعب معه :مرا حـــــــلوو كيوت سعد شكرا شكرا مدري شلون اشكرك..

    سعد من يوم ماعرفها ماقد شافها مبسوطه كذا"ياحياتي تفرح من اقل شي : اعتبري هادي هديه ميلادك،، يله ايش تبغي اسمه

    شجون: وش رايك في روي

    سعد: خلاص طيب روي روي، المهم بقولك شي

    شجون: ايش؟؟؟

    سعد: راح نسافر  اليوم الرياض

    شجون: اليــــوم

    (انشاء الله ظبطت لهجتهم)

    ___________________

    انتهى البارت ❤️

    الهم صلي على محمد.
    من مواضيع رايفن : (::) اشتغلت في مقهى/بقلمي
  4. ناصرمنصور
    17-06-2020, 08:13 AM

    رد: اشتغلت في مقهى/بقلمي

    اشتغلت في مقهى/بقلمي


    بقلمك بدايه جميله
    شكرا لك واهنيك
  5. رايفن
    20-07-2020, 01:24 AM

    رد: اشتغلت في مقهى/بقلمي

    اشتغلت في مقهى/بقلمي




    السلام عليكم



    الجزء الرابع من

    {اشتغلت في مقهى}
    .
    .
    .
    .
    {أبـريـاء.}

    ٢٠٠٧/١/٢

    في اجازه منتصف الفصلين
    وثاني ايام السنه الجديده.

    ليه ماتلعب معي؟؟، وتلعب بس مع ولد عمها، من زينه يوم تلعب معه، وراح جلس على وحده من كراسي حديقه القصر..
    .

    شجون مسكت ايد عبد المجيد وقالت بنبره طفوليه : تعال نقول لذا
    يلعب معنا، واشرت على مهند

    عبدالمجيد:تبي تلعب معنا؟؟

    مهند: اييه

    شجون:تيب انا بعد وانتو اهربو والي امسكه بيكون عليه الدور

    ريان خرج ومعه مشاعل وجود:ابي العب معكم

    مشاعل وجود:حتا حنا

    شجون:يله،، وبدت تعد وانتشرو في حديقه القصر الكبيره

    صالح بصوت مرتفع عشان تسمعه:شجـــون بابا تعالي سلمي على خوالك

    شجون : كملو لعب وانا بجي بعد سوي

    ___________________

    لبيك اللهم لبيك لبيك لا شريك لك لبيك

    هبت رياح الحج لتحمل معها أجمل صور البر

    الرياض

    ابتسم وهو يشوف المتصل،،

    :هلاا بالمعرس ها وصلت المطار

    :لا ماطلعت من الفندق، بس تراني زعلان منك لييه ماجيت العرس كيف اعز اخوياي مايجي زواجي

    عبد المجيد:  ماقدر اسافر جده اخوي بيملك قريب وبعدين لو قلت بأسافر جده اكيد ابوي بيسأل ليه

    سلطان : عادي قول له بروح عرس صديق لي



    مجيد: خخخخ بس ابوي وناعرفه

    سلطان :المهم ترا بجي الرياض

    عبد المجيد : شعندك في الرياض؟

    سلطان : ماعندي شي بس ابي اسلم عليك وفي نفس اليوم بروح على ماليزيا

    مجيد : من جدك؟

    سلطان : اكيد يعني اكذب؟ وبعدين انت الغالي كيف ماجي واسلم عليك ونا بجلس هناك اكثر من شهرين

    عبد المجيد ارتسمت شبه ابتسامه على وجهه : خلاص طيب بس متى رحلتك؟

    سلطان:بعد نص ساعه

    مجيد:ماشاء الله وللحين جالس ولا قاعد تسولف بعد

    سلطان:معليك معك الامير سلطان الي يختصر طريق ساعه ونص في نص ساعه المهم وش خطتك اليوم لاتقولي جالس في البيت مثل كل مرره ياخي اطلع رفه عن نفسك اخرج عن جو الاكتئاب الي انت عايش فيه..

    مجيد :بسم الله شفيك اكلتني،، لا بطلع اكمل اثاث غرفتي وبرجع

    سلطان:لا ياشيخ احلف

    مجيد:والله

    سلطان: اقول  فارق بس انت الكلام معك ضايع

    وقفل في وجهه....

    _

    رغم فارق العمر الكبير بينهم
    الا انهم مثل الاخوان وأكثر

    _____________________

    قصر الجد
    الكل مشغول بتجهيزات ملكه احلام الي بعد الحج
    على طول

    بجناح اَالبنات وتحديداً غرفه جود

    انواع الطرب

    نجود دخلت الغرفه ورفعت حاجبها وتكلمت بعصبيه : لايشيخ احلفي انت وهي

    مشاعل مرت من جنبها وهي تهز رقبتها :  ماقلتلي بالذمة ماشتقتلي يابعد عمري وهلي

    جود تكمل الاغنيه : ارجع ابييييييييك

    نجود فصلت السماعه وقالت بهدوء: طيب احترموا على الاقل ان اليوم ليله عرفه

    شهقو مع بعض : الليله

    نجود لفت؛: اي، بنروح بعد شوي البيت القديم عشان
    الترميم اذا بتجون خمس دقايق وبنحرك،، وخرجت من الغرفه

    نهى : الحين ليه ماعادو بناء القصر اول ماانتهى الحريق

    روان تلبس عبايتها: اسألي جدي

    مشاعل: ماعلينا الحين بنروح مع من

    نهى : شدراني انا بس انشاء الله مع فارس او اياد
    الباقي كلهم نفسيه

    ___________________________

    مطار الملك عبدالعزيز الدولي

    في المواقف

    سعد مسح على شعرها وقال بحنيه : من اللحظه ذي تعاملي على انك ولد طيب؟

    شجون: طيب

    نزلت من السياره وهي متوتره راح تبدأ رحله جديده بحياتها وماتعرف عنها شي اطلاقاً
    هل راح تكون اسهل من الي مرت به؟؟
    ولا كالعاده
    ولي خايفه منه اكثر انها راح تعيش بوسط عيال ثانويه
    ماتعرف عنهم شي

    بس كل ماتذكرت امها قلبها يطغى عليه الحقد
    وودها تشرب من دم السافل الي قتل امها بكل بروده

    نص ساعه واقلعت الطياره المتوجه للرياض ومودعه اراضي جده.

    واول ماصارت الطياره بالهوا تنفست براحه واطمئنان

    ماحسته طول فترت مكوثها في جده غمضت عيونها وهي موقنه ومتأكده انها راح تكون نهايتين ومالها ثالث


    ____________________________

    USA

    #مهند

    بعد ماوصل اخته لمدرستها

    جلس يفطر، وانتظر صديقه

    حتى يمره ويروحون للمدرسه مع بعض مثل كل يوم

    . سمع صوت دق على الباب

    رفع صوته حتى يسمعه الطرف الثاني خلف الباب

    : عزوز الباب مفتوح ادخل مافي احد

    عبد العزيز : السلام.،،، وسكت يوم شاف مهند بملابسه

    :قول والله، ترا انت يوم من الايام بتجلطني

    مهند ابتسم : معليك تعال افطر بس

    عبد العزيز : لا بالعافيه توني مفطر اي صج ماعرفت وش صار

    مهند : وش صار

    عزوز : ذاك الفرنسي الغبي عرفته؟

    مهند : اي ذاك المغرور مدري شايف نفسه على ايش

    عزوز : الي يسمعك الحين يقول انت قمه التواضع

    مهند ضحك : اي اخلص شفيه

    عزوز : سرق خويتك الجديده

    مهند شال الصحن وبعدم اهتمام : بس على بالي عندك شي كبير، فكه منها ال#### ام ######

    عزور مات ضحك على تعليقات مهند

    مهند : وقلبي ذا مافيه الا حب الطفوله

    عزوز : ياحب الطفوله ذي الي مجننتك

    مهند باله راح بعيد : تتوقع الحين هي وش تسوي صف كم

    عزوز : شيعرفني انا بعد،
    ماعلينا، الحين قول لي انت اكيد بتذبح الغبي ذاك انا الصراحه من زمان ودي اتهاوش معه

    مهند : اكييد بلعن خيره عشان يعرف كيف ياخذ شي مو له

    عزوز : تتوقع بيداوم اليوم؟

    مهند : داوم ما داوم والنعمه لصيده ، انت بس اصبر علي
    ولف ورقى غرفته يغير ملابسه

    وبالنسبه لعبد العزيز فكان متعود على البيت واهله لأنه صديق مهند من الصغر

    ____________________________

    نهى وروان مع بعض وبنفس نبره الصوت : مشااعل بسرعه امشي

    نهى : ترا شوي وبنرجع البيت

    مشاعل تتحسس الصندوق المغبر : اسبقوني وبجي بعد شوي

    ___________________________

    نروح لصالح في المملكة المتحده الي كان في مطار لندن وينتظر رحلته المتجهه للسعوديه

    صالح : اسمعني زين انا اليوم بروح للرياض اسلم على اخوي واليوم الي بعده برجع لجده ابي اشوف البيت يلق وجهز البنت
    كلامي مفهوم

    واحد من رجاله : انشاء الله طال عمرك ِ

    قفل صالح في وجهه وراح بسرعه بعد ماسمع النداء الأخير

    _______________________________

    USA

    مهند : عزوز وطي على الاغاني

    عزوز الي منطرب مع الاغنيه رفع على الصوت اكثر : بس والله كذا عنااااااد

    مهند : طيب غير الاغنيه القديمه ذي

    عزوز : مع نفسك

    عزوز لف عليه : شفيك ساكت وش تفكر به اعترف؟

    مهند : افكر بالمسجد الي بيصلون فيه علينا ياحيوااان لاتسرع ترا لاحقين على المدرسه

    عزوز: والله ياطويل العمر درجاتي كلها ضاعت والسببب انت من كثر ماتتأخر والحين راحت علينا الحصه الاولى

    مهند : احسن الحصه الاولى دايم تكون كريهة

    عزوز وقف في مواقف المدرسه : انزل بس انزل ترا السنه الجايه بتكون اخر سنه لك ان ماشديت حيلك وتركت عنك سوالف البنات والمهاوشات وذا الخرابيط والله لعلم اخوك
    وبعدين ياطويل العمر وش بيصير؟؟ الثقه الي بينه وبينك تنعدم

    (ادري ان كلكم انصدمتوا من شخصيه  مهند)

    مهند نزل من السياره وسحب شنطته وبدأ التجمهر الي متعودين عليه كمل طريقه مع عبد العزيز بدون مايعطيهم اي اهميه : ياخي انت عندك انفصام شخصيه قبل شوي
    يله نتهاوش مع ذاك ونجلد ام امه والحين تهددني،، ياولد انت صاحي؟

    عزوز : لاوالله منجد خلاص السنه الجايه اخر سنه لنا وهي الي بتغير حياتنا

    مهند : خلاص ذي المره اخر هوشه

    عزوز تحمس : يله نروح نفك وجهه

    مهند في نفسه : هههههه اي والله انفصام شخصيه _____________________________

    زفرت بقوه بعد ماهبطت الطياره على اراضي الرياض
    الي كانت في ذاك الوقت من السنه شديده الحراره وكل يومين تهب عليها موجات الغبار الي مرات تغطي لون السما

    سعد : يلا توكلنا

    شجون : يله

    ،، ونزلو من الطياره

    شجون دقت سعد وبصوت واطي : من ذاك الي سلمت عليه

    سعد: ذا الامير سلطان بن بدر .كان امس زواجه على بنت عمي والحين مثل ماتشوفين بيسافر شهر العسل

    شجون : شهر عسل هنا بالرياض في ذا الحر؟

    سعد : اكيد لا

    شجون : اجل وش عنده في الرياض؟

    سعد : اكيد عنده كم شغله بيخلصها وبيمشي لأنه قال طيارته بعد ساعتين

    شجون : طيب  روي متى بيوصل؟

    سعد : بكره

    شجون : طيب الـ.....

    سعد قاطعها : ماتحسين ان اسألتك كثيره؟

    شجون دفته : انقلع بس،، ترا فضول

    سعد يمسح محل الضربه بألم : وفوق ذا متوحشه

    شجون ضحكت : ترا افتخر بذا الشي.

    سعد بحركه سريعه سحب شجون وعيونه متوسعه من الي شافه
    .... انا اليوم ميت ميت

    شجون جت بتتكلم بس سعد اشر على هذاك الي واقف بكل هيبه ووراه حارسين

    اول ماشافته دقات قلبها بدت تتسارع شدت على بطنها من الالم (مغص الاختبارات ذاك عرفتوه؟؟)
    اول شي خطر في بالها ان صالح عرف عن هروبها وجا هنا بنفسه بس عشان يذبحها

    صوتها مرتجف وماتذكر في ذاك كيف الحروف طلعت من جوفها : سعد خلنا نطلع من هنا

    سعد : (مافي رد)

    شجون دموعها بدت تطيح على وجهها وحست في ذاك الوقت ان كل العلم تسمع دقات قلبها كانت خايفه مره ترجع لعذابها وألامها وهذا اصلاً اذا خلاها تطلع من ذا المطار حيه : س سعد سعد بلييز

    سعد وكأنه صح من غفلته وبدأ يستوعب كل الي يصير حوله
    نزل راسه وسحب شجون معه ومشى من قدام كتله الجمود
    حس وقتها التوتر بدأ يخف منه حتى تكلم الرجال الي ورا صالح : هي انت

    سعد طاح قلبه ببطنه وبدون لايلتفت : انا

    الرجال: اي لو سمحت تعرف وين بوابه 4

    سعد كان يحس بأرتجاف شجون :لا

    صالح تنرفز من الي قدامه، كيف مايلتفت لي ونا اكلمه بس تمالك اعصابه ومشى وخلفه حراسه الي وين مايروح يكونوا معاه

    شجون بس شافت صالح تحرك حتى طاحت على الارض منهاره ومن بين شهقاتها :سعد انا مابي مابي برجع جده انسى الخطه وانسى كل شي ابي ارجع جده ان ا خا ي يف ه

    سعد مسكها من كتفها : شجون قومي نطلع من هنا بسرعه كذا انتي تلفتين انتباه وانتباه الناس وشي بدأنا فيه ماراح نتركه

    _

    السياره تمشي،، والصمت هو الشي الوحيد الي تسمعه في السياره

    شجون من البكاء والتعب نامت

    سعد كان قلبه يتقطع على الطفله الي بجنبه ولي كانت اكبر
    أحلامها عيله تأتويها اب يكون سند لها، ام تحس بحنانها،، وقتها رح تكون اسعد شخص في العالم..

    _______________________________

    الرياض

    #عبد_المجيد

    رمى نفسه على السرير بتعب بعد ما انتهى من غرفته (رغم ان القصر كبير وله جناح كامل لكنه اختار غرفه صغيره مررره بنهايه الممر في الدور الثاني وطلب من ابوه ان هو الي يأثثها، ماكان فيها شي مميز، الأبيض والاسود هي هاذي الالوان الوحيده الي تشوفها بالغرفه)




    قام بكسل بعد ماشاف رساله سلطان ، مسك شعره بربطه الشعر الي دايم تكون في ايده

    غير ملابسه ونزل

    شاف في الصاله صالح 

    عكس طريقة بسرعه قبل مايلاحظونه وخرج من الباب الثاني

    ''    صح انه عمي لكن سبحان الله مااطيقه ولا ادانيه  "

    ________________________

    #سعد_شجون

    تتأمل المدرسه الخاليه من الطلاب بهدوء ابد ماتخيلتها بذا الكبر في اكثر من مبنى لكن الي جذبها مبنين ضخمه يربطهم جسر من زجاج

    (سكن الطلاب، وسكن العمال)

    قالت بنبهار : ذي ثانويه ولا جامعه؟؟

    سعد ابتسم : توك ماشفتي الجامعه،، الصف ذا فيه ابتدائية للعيال ومتوسط  ومكتب الأداره وثانوية وجامعه،، ووراها نفس الشي بس للبنات

    شجون : طيب ماتحس انهم شوي مبالغين بحجمها؟

    سعد : لازم يسونها كبيره المدارس ذي الطلاب يجونها من كل الدول،، سكت وتوه يتذكر شي مهم راح عن باله

    :صوتك

    شجون تأففت : شفيه صوتي

    سعد: تبي تفضحينا انتي؟ لازم صوتك يكون خشن او قريب من الاولاد

    شجون : ونا شدراني كيف اصوات العيال

    سعد : صوتك مبحوح بس ثقلي  الصوت شوي وصدقيني بيزبط

    شجون  بعد عده محاولات :  احمم كذا زين؟

    سعد ابتسم برضا وكملوا طريقهم للأداره

    ____________

    في قصر ابراهيم بن راشد آل......

    ابراهيم لصالح : مافكرت بالزواج؟

    صالح في نفسه بلاك ماتدري اني تزوجت ثلاث مرات وعندي ولدين

    : لاياخوي انا كرهت الزواج وسيرته من بعد موت الغاليه نور

    كل من في الغرفه : الله يرحمها

    صالح يغير السالفه: وينه عبد المجيد ترا من زمان ما شفت الولد ذا

    طلال : كرم نادي عبد المجيد

    كرم رفع  جسده عن الكنبه الي منسدح عليها وجالس يلعب بجواله.

    : مالي خلق اقوم

    جهاد بحده : كرم

    كرم تأفف : عبد المجيد خرج من المغرب

    الثلاث ناظروا بعض بستغراب وتجاهلوا الموضوع

    صالح بعد سادس مكالمه من شخص مجهول : يله ياخوي انا استأذنك طيارتي مابقى لها شي

    ابو طلال : يله توصل بالسلامة

    صالح اول ماخرج رجع اتصل عليه نفس الرقم

    : يا

    صالح قاطع كلامه وبعصبيه مبالغ فيها : هاا شفي انا لما مارد على جوالي يعني مشغول مشغوووول

    : انا اسف طال عمرك  بس كنت بعطيك خبر ان البنت مختفيه

    صالح نبرته زادت حده : مختفيه!  ونتوا وين كنتوا فيه؟،

    : كنا في م

    صالح صرخ عليه : شوف لي كل الرحلات اليوم

    : شفتها في رحله لسعد ولد آدم متوجهه للرياض لكن ماكان فيه اسم البنت ابداً

    صالح :اف يالسعد ذا ماتجي المشاكل الا من وراه كان قتلته من زمان

    قفل الخط وطلع سكين من جيبه مده للولد الي وراه (عمره حوالي ١٩ سنه كان توه مبتدئ مهعم)

    : ابيك تخلص اليوم على سعد، وإذا  كملت ارسل لي راسه في صندوق عشان اتأكد

    ارتجفت ايده وبخوف : ابشر طال عمرك، بس بعدها ينتهي كل شي؟؟

    صالح : اي ايه

    وفي نفسه : بنت الكلبه مالقت تنحاش الا ذا الاسبوع

    توجه على طول للمطار بعد ماكلم كل رجاله يبدئون بالبحث

    ____________

    انتهى البارت

    أطول جزء اكتبه كتعويض للغيبه المفاجأه

    .
    .

    اعطوني توقعاتكم
    .
    .

    ______________________



    الهم هب لنا من لدنك الشفاء ورفع عنا البلاء واحفظ بلادنا من كل سوء...











    من مواضيع رايفن : (::) اشتغلت في مقهى/بقلمي

الكلمات الدلالية لهذا الموضوع