رواية حلم ألم أمل بقلمي أحلام النجوم

هل روايتي حلم ألم أمل جميله لتعرض في منتدي مهم كمنتدي عبير


  • مجموع المصوتين
    1
الفصل العاشر

إبتسام بدت عزف بكل احساس
والنوته تعرفونها اغنية سيلين ديون وهي نوتة مرة مررررة نايس
والكل خاش جو معها
بدر يناظر ريتاج ومبتسم وهي مستحية

أماني فكرت وقررت تقول لريتاج تساعدها تخلي طلال يحبها وماتدري إنه هيمان فيها

مني كانت منزلة عيونها وماتبي تناظر احمد

وأحمد يسمع لعزف إبتسام يموت علي عزفها تلامس مشاعره ووجدانه ورفع عيونه وشاف مني تناظر ايدينها وفنفسه " ليش أفكر فيك طول الوقت ابي افهم بس " بدل عيونه ويحاول يهرب من وجود مني بعقله
أسامة فنفسه " يوم نروح حق المزرعة اشوف فرصة اكلم فيها هديل احبها وموب قادر ماعترف بحبي لها اخاف تروح من إيديني "
إبتسام تعزف ومغمضة عيونها وتفكر فمحمد " شقاعد تسوي ألحين . ياليت تكون فكرت لو مرة فني وتذكرتني لو بلحظة عابرة "

كملت عزف ونزلت كمانها والكل صفق بقوووة لها : أحلي أحلللللللللي ياهووووووو.

إبتسام ضحكت : ههههه مشكوررررررين.

بالمانيا بغرفة محمد بالضبط
محمد صار له شهر ماسمع صوتها او سمع اخبارها يبي يسأل أسماء عشانها تكلمها بس مايدري وش تقول عنه بس اليوم الشوق ذابحه ولازم يسمع لو بس صوتها او كلمة منها يروي عطشه فاراح عند اسماء بغرفتها ودق عليها الباب

اسماء لاهية بالاتوب : مين ؟

محمد : انا اخوك افتحي

اسماء : حياك الله تفضل ...الباب مفتوح
محمد دخل : شقاعدة تسوين ؟

اسماء : ابد بس اتفرج علي لاتوب ،بغيت شي؟
محمد متوتر : انزين كنت ابي أسالك عن بسمة وصحتها

اسماء بشك : بس !

محمد يصرف : وش اللي بس البنت مريضة عندي وحبت اتطمن علي العملية
اسماء تبي تقهره عشاها تدري ان اخوها يمكن يحب ابتسام : انزين هي كويسة وانا اكلمها كل يومين وتسلم عليك وعلي امي وابوي
محمد " يارب وش هالبنت " وقعد جنبها : انزين كلميها خلينا نتطمن

اسماء وفيها الضحكة : لا مابي ترا كلمتها بس امس وبعدين الوقت عندهم اكيد تأخر

محمد عصب" بتذبحني هالبنت " : لا تأخر ولا شي الساعة عندهم الحين 10 بالضبط فقومي خلينا نتطمن عليها

اسماء بخبث : انزين انا بدق عليها وانت كلمها انا موب فاضية الحين
محمد عاجبه اقتراح اخته بس وش يقول حق ابتسام : لا انت كلميها وانا اسمع وسأليها عن صحتها
اسماء تبيه يفقد الامل منها : اذا تبي تكلمها كلمها واذا ماتبي فانت حر وكاهو الموبايل قدامك

محمد بتوتر : انزين اتصلي عليها وعطيني الموبايل

إتصلت اسماء بموبايل ابتسام
عند إبتسام قامت وراحت جابت لهم المثلجات وزعت عليهم

اماني : بسوم موبايلك يرن

ابسام : غريبه مين !؟

اماني تقرا الاسم وبغرابة : سمسم !!!!

العيال ضحكوا
ريتاج : هههه منهي هاذي ههه سمسم ؟!

إبتسام بفرح : عطيني اياه هي اسماء

اماني بوناسه : كلميها ولما تكملين عطيني الموبايل
إبتسام مشت وبوناسة : اوكيه ...ترد

فارس واللقافة وخاصة بنت : منهي هاذي اسماء ؟
ريتاج : ربيعتنا من المانيا تعرفت عليها ابتسام وعرفتنا عليها
بدر عرفها وتموا يسولفون وأماني لحقت إبتسام لقافة وتبي تكلم أسماء
ابتسام ترد علي اسماء بصراخ وفرح : هلا والله وغلا بها الرقم وصاحبة الرقم
محمد حس برجفة بقلبه اللي صار يدق بسرعة وتلعثم ماقدر يقول شي

ابتسام : اسوم الو وينك ؟

محمد بوناسة " واخيرا سمعت صوتك ياقلبي " : احم احم انا محمد مو اسماء
إبتسام تلعثمت وفهت : هااااه

محمد غمض عيونه وبصوت هادي : الوو بسمة
إبتسام قلبها ينبض وغمضت عيونها " بسمة... شكثر مشتاقة لها من لسانك " وبصوت خجول : هلا دكتور شخبارك ؟

محمد بفرح عشانه وأخيرا سمع صوتها : انا بخير دامك بخير ؟ شلون صحتك والعملية

إبتسام بهدوء وتوتر : الحمد لله انا الحين احسن واجد وكأني مب بمريضة مكثور الخير

محمد بوناسه : انزين بس لاتعبي نفسك اوكي وترا هذا واجبي

ابتسام تبي تستوعب إنها تسولف معه بعد شهر غياب " ليش تكره السعودية " : اوكيه
وسكتوا اثنينهم
محمد ماحب الصمت بيفضح نبضات قلبه : اذا إجينا بتستقبلونا ؟

ابتسام بفرح " بتجي " : حياكم الله
محمد ميت لين يشوفها : ابشرى بعد شهر بالضبط نكون هناك
ابتسام بوناسة " إنشالله يارب إنشالله " بعفوية : إنشالله أستقبلك بالمطار ..." ياريبة شقايله انا "
محمد مات فرح من كلامها : أنزين انشالله بس لو مو تكونين بالمطار ترا ارجع بنفس الطيارة

ابتسام ميته حيا من كلامها وبصوت اقرب للهمس : ان شاء الله اكون فيه انا وعمي

محمد نبض قلبه من همسها وبهمس : زين ..وسكت وإبتسام بعد بس مشاعرهم تتكلم وتهمس وتصرخ

محمد يسمع صوت تنفسها " أحبك متي أشوفك علمني حبيبي "

إبتسام منزلة عيونها بحيا وكانه قدامها وسمعت كلامه وتسمع لنبضات قلبها الضعيف اللي يدق بقوة لصوت لعيون لهمس لنظرات لوجود محمد جنبها او بعيد عنها

اسماء كانت تسمع وتشوف اخوها وسعادته الواضحة وتضحك عليه بس يوم قال انهم بيروحون بعد شهر وقفت وراحت له : عطني عطني الموبايل
محمد مبتسم بحزن " يكفني سمعت صوتك اليوم " : يله بسمة أشوفك بخير وكاهي اسماء معك
ابتسام ارتاحت عشانه بسكر بس إيش بيفكها من اسماء وأماني لي واقفة معها وتتسمع عليها : وانت بخير

محمد عطاها الموبايل وطلع بسرعة عشانه يدري عن اسماء وتعليقاتها

اسماء تكلم ابتسام : لا والله فليتها علي الاخر مع اخوي

ابتسام تبي تصرفها وأماني بعد لي تناظرها بشك : لا أبد وش دعوة وكاهي أماني تبي تكلمك .وعطت اماني الموبايل وراحت عنهم بسرعة
اسماء : الووووووو أماني

أماني : هلا والله شفت عاد
أسماء بقهر : حتي سلام ماسلمت

أماني بخبث: شلون تبيها تسلم وعلموها ضيعها الالماني
أسماء : ههههههه حلوة نيو نيم حقه عجبني وترا حتي الالماني علي قولتك ضاعت علومه
أماني: ههههههههه اعجبك انا بس وش نسوي معهم ؟
اسماء: رومنسيات وغرام وحنا نتفرج خلينا نهبل فيهم لين يطلع لهم قرون

اماني: انا لها هالعاشقة

اسماء : وانا علي العاشق

وضحكو ثنتينهم وسكروا من بعض

أسماء لحقت محمد وحصلته قفل الباب وتدق عليه بقوة : حميييد حمييييد

محمد : اوووف الحمد لله حسبت حسابي
أسماء عصبت : جااااك يالدوب هذا جزاي تسكر بوجهي الباب
محمد ورا الباب : خير شعندك مشغول ...روحي عني

أسماء تكتفت : اجل بعد شهر نروح حق السعودية
محمد عصب ويصرف : اسماء غرفتك يله مشغول ماتسمعين

أسماء مبتسمة : مشغول بمين بالسعودية او بنت السعودية
محمد إبتسم بوجع ورفع راسه يناظر السقف " أحب بنت السعودية إيش هالقدر " تنهد بقوة ومارد عليها

أسماء عصبت وتستهبل : الووو الوو جاك إنت علي الخط

محمد عصب : اخر مرة اسمع جاك هذا روحي عني ماتسمعين
أسماء ماسكة ضحكتها : ناكر الخبز والملح والعشرة ...

محمد إبتسم : تصبحين علي خير يالكريمة

أسماء ضحكت : وإنت من اهل الخير ياعاشق بسمة
محمد صرخ : أسماااااااااااااء

أسماء فطست ضحك ورجعت لغرفتها ومحمد رجع اللاتوب ومررة مرررة مبسوط
&&&&&&&&&&

أماني لحقت إبتسام بس هي تركت الكل ورجعت جوا للحريم ولحقتها مني
أماني تقعد جنب ريتاج وبهمس : كانت تكلم الدكتور

ريتاج نطت فزت ولفت لها بسرعة : إحلفي

أماني : والله قومي أعلمك عن شي
ريتاج ماصدقت خبر وقامت بسرعة وأستأذنوا من العيال وبعدوا عنهم

ريتاج برجة : علمني علمني شصاير شقال شقالت قولي قولي

أماني ترفع ضغطها : نسيت شصاير معهم

ريتاج تكتفت وبغضب : اماني عن النذالة
ضحكت اماني وقالت لها شسمعت وريتاج ميتة فرح ومقررة تطلع قرووون لإبتسام ولحقوها بسرعة جوا قبله أماني قالت لريتاج عن طلال وريتاج طلعت ريحتها بالاول وبس بالاخير إتفقوا يساعدون بعض ريتاج تجمع بين أماني وطلال وأماني تجمع بين ريتاج وبدر ^^^ مهبل مو هههه
العيال قاموا يدخلون المجلس وأحمد اخذ كمان إبتسام عشانها نسته ولحق البنات جوا

أماني وريتاج يوم دخلوا حصلوا إبتسام مع إم بدر وام أسامة
ريتاج تغمز لها وترفع وتنزل حاجب
إبتسام عصبت "الدوبة قالت لها أماني النذلة ...مايتركون الانسان يفرح شوي ...ياااااااناس قدروا وضعي كنت أسولف معه "
أماني تقعد جنبها وتهمس : اجل شهر يجي يخطبك
إبتسام عصبت وقامت : خالتي امي اجيب لكم ايس كريم
أم أسامة : زين

ريتاج تتوعد هي واماني وإبتسام سفهتهم وراحت للمطبخ

مني راحت حق غرفة إبتسام عشانها حطت موبايلها يشحن هناك
أحمد دخل ورقي الدرج يجيب موبايله ويحط كمان إبتسام بغرفتها

عند مني كانت متسدحه علي سرير ابتسام من فترة وتفكر في احمد وماتدري ليش هي تفكر فيه او حتي ليش تبي تفهم نظراته لها" هو انسان مرة غريب الاطوار ماتدري بويش يفكر وليش كان يطالعني بذيك الطريقة وش مغزاها أوف انا ليش قاعدة افكر فيه قومي غسلي وخلك من ذاك المغرور "

وقامت فسخت عبايتها وحجابها ودخلت الحمام ( الله يكرمكم)

احمد دخل غرفة ابتسام وشاف العباية والحجاب مرمين علي السرير وقال اكيد حق بسوم حط الكمان بمكانه ولف يبي يطلع بس جمد مكانه يوم شاف مني بتنورة واصلة اسفل الركبة بشوية وبلون الزهر ومخصره عليها بحزام وبدي أبيض طالع مع التنورة شي فوق الخيال ورفع عينه شاف شعرها الطويل الاسود المنثور علي كتافها لي زايدها بياض ونعومة حق بشرتها وصار يناظر بعيونها بنظرات اعجاب وماقدر يشيل عيونه عنها ماينلام مني تسحر اللي ماينسحر

مني بعد ماغسلت وطلعت شاف احمد يحط الكمان ومعطيها ظهره جمدت مكانها وماقدرت تتحرك وقالت فنفسها وش جابه مايدري اني فيه
أحمد " وش هذا الملاك الواقف قدامي " وكمل يناظرها وماتحرك خطوة

مني " هذا مجنون مضيع له شي بوجهي يتحرك انا بلا عباية وحجاب "

قالت بغضب : الله مستانس قدامك فلم تناظره وكملت بسخرية : تبي بوب كرون

أحمد صحي من افكاره " هالمغرورة مستحيل تتغير " : فلم رعب ان مادرتي

مني وقف شعر راسها من كلامه واشرت بإيدها: اطلع برا ياللي ماتستحي
احمد بغضب : اولا هذا بيتي وثانيا فسخنا الحيا ياقليلة الحيا

مني بقهر وغضب وكارهة نفسها واحمد: اذلف وجهك النحس عني او والله ترا بصرخ وبقول انك تتحرش فيني

احمد اشتعلت النار بقلبه من كلامها وراح صوابها : تعدلين كلامك او بعدله لك ...وبعدين مافيه بالدنيا الا البقرة عشان أتحرش فيها

مني بتنفجر وحاسة نفسها حقيرة دام تسولف معه : انت احقر واحد شفته اذلف عني يلا
احمد قرب صوبها ومسكها من خصرها ورفعها ولزقها بالجدار وقال بغضب ووجهه مرة قريب لها ومايفصل عنهم شي : انت جد بلا اخلاق وانت هي الحقيرة

مني كانت تتألم عشانه ضاغط بيدينه علي خصرها وبصعوبة وعزة نفس: وخر عني .. وبعدت وجهها عنه بقرف

احمد والغضب لي فيه يزيد ورفع يده ومسك وجهها ولفه صوبه وناظر عيونها : وين القوة والغرور اللي كانوا قبل شوي

مني صار كلش فيها يتألم وجهها لي ماسكه بإيد وبطنها لي ضاغط عليه بإيد وبصوت متالم : توخر علي او بجمعهم عليك
احمد بسخرية : اصرخي واجمعيهم عشانك اخر وحدة تأثر فيني

مني بقرف: وانت اكثر شخص أكرهه .....قالت بغضب وحطت عيونها بعيونه : أكرهك
احمد عصب من كلامها " هاذي هي ياللي كنت مفهي فيها قبل شوي " : شعور متبادل ياست بس عهدا ونذرا علي بخليك تحترقين بعشقي وانا أحمد ولد ابوي
مني ضحكت بسخرية شهالوعد اللي ماله محل من الاعراب : هههههههه وقالت بغضب : لو تموت انت اخر شخص افكر فيه

أحمد تنرفز من كلامها وصار يضغط عليها اكثر واكثر حتي سمع كلمة اه منها وقال : وعد لك مثل ماخليت جسمك يتألم وخليتك تتأوهين بخلي روحك تتألم عهدا علي ... ورماها بقوة علي الجدار وترك وجهها لي صار احمر من الالم وتحرك بيطلع

مني طاحت علي الارض من رميته لها بس جمعت كل قوتها وقالت : اكرهك يالنذل

أحمد كان يبي يرجع لها ويضربها بس ماهو لي بيضرب حرمة وندم يوم فقد اعصابه وقرب صوبها لي خلاه يستقوي علي حرمة وهو مو من طبعه وطلع من عندها " تكرهك وانت بدورك اكرها واياك ثم اياك تفكر فلحظة فيها ذيك كومة جدار غرور وتكبر "

عند الحريم
ام بدر : سهي قومي خلي مني تجي عشان نروح
سهي : ابشري ... وراحت
ام اسامة : ليش تو الناس

ام بدر : لا وش تو الناس والحين قريب من نص الليل

ام اسامة : خلي البنات لسا ما شبعوا من بعض

ام بدر : هههه لو عليهم يسكنون بس مثل ماإنت عارفة اليوم اخر يوم بالامتحانات واكيد أماني تعبانه

أماني : صدق يمه تعبانه حدي

ريتاج : خليك نامي عندي

أماني : لا بغير يوم ادري معك مافي نوم

ريتاج: ههههه بخليك تنومين لا تخافين
أماني تستهبل : لا ياقلبي لا تحاولين

ريتاج تقهرها : اريح منك

عند سهي كانت تدور مني وشافت احمد طلع من غرفة ابتسام هو قريب ينفجر
سهي بهدوء : احمد ماشفت مني ؟

احمد وكأنه بركان انفجر من طاريها : لا تجبين اسمها قدامي فاهمة ....وراح كمل طريقه
سهي خافت هذي اول مرة يصرخ عليها : سوري ماقصدت بس ليش معصب ...وشافته راح ه

فكملت طريقها عند غرفة ابتسام وشافت مني تلبس عبايتها " مني ليش فيه وليش فاسخة عبايتها واحمد ليش كان معصب ليكون تشاجروا مني تكره احمد "

سهي : مني انت بخير ؟
مني اغترعت بس يوم شافت سهي تطمنت ورجعت تلبس عبايتها وتعدل حجابها : ايه ليش السؤال !؟

سهي بخوف : ابد بس كأني شفت احمد طالع من عندك .... هو سو لك شيء ماهوب زين ؟
مني ناظرتها بغضب : يخس يمس شعرة مني بس هو جا وحط الكمان وراح ومكان يدرى اني انا موجودة وعطيته كلمة تعلمه حدوده

سهي إقتعنت عشانها تدري عن مني تكره احمد وسكتت

مني بتهديد : يا ويلك لو اسمع كلمة ترا بذبحك

سهي : انت دايم الدوم تناقرينه بلا سبب ...ترا احمد زين

مني : لاتجبين طاريه فاهمة وثاني مرة لا تدافعين عليه ويلا خلينا ننزل نروح مابي اقعد دقيقة زايدة بهذا البيت
سهي سكتت هي تخاف من مني بس تدفع عمرها لين تعرف وش بينهم
احمد راح حق غرفته وخبط الباب وسكره بقوة " هاذي هي لي تفكر ليل نهار فيها هاذي هي بس وعد يا مني لخليك تنسين حليب امك وانا احمد ولد عبد الله "

عند الشباب.

فارس كان يسولف مع اسامة : صدق بتروحون النادي من صباح الله
اسامة بقلة حلية : ايه اصر وماحبيت اكسر بخاطره لانك تدري مابقوم من النوم الا علي التسع الصبح هو يبيني سبعة الصبح
فارس : ههههههههه خليه يغيرك شوي ويأخي احسن تعدل جسمك

اسامة انقهر: جسمي مثل اجسام ابطال السنيما يالبالون ترا مو اول مرة اروح النادي بس ماحبيت ابكر له
فارس : ادري انك باباي قبل السبانخ ...وفقع ضحك مع بدر

اسامة واصل حده : بعينك يالدب اقول بدر جسمي حلو مب ؟

بدر يهبل فيه : قال لك فارس
أسامة عصب : بديييييييييييير
بدر ضحك : هههههههه لا ابد من قاله بس انا مأحب أروح النادي المساء هذا هو السبب
اسامة بفخر : شفت يافروس شلون

فارس : فروس بعينك وبعدين هو قال لك هاالكلام بيلعب بعقلك

بدر : لا صدقني ابد بس انا حبيت تروح معي وبعدين احنا نروح بس بكرة والباقي لما نرجع من المزرعة
اسامة تذكر انهم بيروح كلهم وإستانس : انزين بس بكرة ابيك تجي تودني عشاني لو اسوق سبع الصبح يمكن اروح فيها
بدر : ههههههههه ابشر عندك علي الوقت بس يوم ادق اطلع فاهم

اسامه : ههههه لا تخاف بحاول اصحي بالوقت
بدر : لا تحاول اصحي فاهم
فارس : ههههه وعد يابدر انك تنطره يوم كامل
اسامة : لا لا تخاف انا قدها

بدر : وش قدها ما قدها كل اللي ابيه تقوم الساعة سبعة الا ربع
اسامة : هههههه ماعليه تحمست بزايدة ولا تفكر بشي علي الوقت
ابو بدر : اسامة ياوليدي قل للحريم نبي نروح
اسامة قام من طلب عمه : ابشر طال عمرك ....وراح للحريم وقال لهم

فارس يكلم بدر : يعجبني اسامة شلون يغترع من ابوي ههههههه
ابو بدر بحزم : وانت للحين جالس وتسولف قم بسك بربرة

فارس فز وقام بسرعة : حاضر هذاني قمت
بدر ضحك علي اخوه : هههههههه وانت بعد تعجبني يالجبان
ابو بدر : حتي انت لازم دعوة او شنو

بدر فز من مكانه : السموحة يبه مانتبهت

أبو بدر وابو اسامة ضحكوا اثنينهم عليهم لانهم سمعوا شقالو علي اسامة

بدر وفارس ناظروا بعض مستغربين وسكتوا
ابو اسامة : ههههههه هزؤتهم

ابو بدر : اعجبك انا

وبعدها راح كل واحد علي بيته

*****
 
الفصل الحادي عشر

بعد الغداء
ببيت أبو بدر كانوا كلهم بالصالة يتقهون ويشربون شاهي ويتحلون بالحلا ويسولفون ورن التليفون

أماني : مني قومي.. شوفي مين

مني قامت علي طول وراحت حق التليفون وردت كان بيت عمها
مني : الوووووو

إبتسام : هلا منوش شلونك شخبارك ؟

مني عصبت : منوش بعينك وأخباري كانت زينة بس الحين أنقلبت

إبتسام : هههههه شبيت فيني مثل النار .....سوري شخبارك ياقلبي
مني ضحكت : هههههه خبلة علي طول صدقتي إنو عصبت ....مزاح بس إيش ترتيباتك إنت والملسونة ريتاجوه حق الطلعة للمزرعة ؟
إبتسام بحماس : ولا أحلي وترا ريتاج تبي سوبر ماركت تخاونها انا مهوب فاضية
مني فرحت : اوكيه أكيد نروح
إبتسام فرحت : اوكيه قولي حق أماني وتجهزوا ...اقول
مني : سمي
إبتسام : عمي ابو بدر فيه ؟
مني : ايوه تحتاجينه
إبتسام : إيه قولي حق أماني تجي تكلم ريتاج وانا اتجهز وأجيكم الحين
مني : حياك ...اماني اماني ريتاج علي الخط
أماني راحت لها وأخذت منها التليفون وتكلمت بصراخ : هلاهلا والله وغلا
إبتسام راحت تلبس
وريتاج بعدت السماعة عنها : وجع يوجعك يالدوبة فقعت طبلت إذني

أماني : ههههههه تستاهلين يالبطة
ريتاج عصبت بعربجية : إسمعني يابنت الناس تراني متصلة اقول لك تجهزي أنا طالعة حق السوبر ماركت أشتري شبس وحلاوة وغيرها اذ تبين حياك الله واذ ماتبين الله لا يجيبك

أماني بنفس اسلوبها : انطمي لابارك الله فيك وأكيد بروح ويله تعالي أخذني معك

ريتاج كشرت : تجهزي وتعالي مالي خلق مشاوير
أماني إبتسمت وبهمس : بدر فيه

ريتاج فزت وباسلوب : وش دعوة بالاصل إبتسام تحتاج عمي دقايق ونكون فيه
أماني فطست ضحك : هههههههههه أكثر شخص يعرف مصلحته

ريتاج سكرت الخط وركضت فوق تتكشخ قالت لها إبتسام يرحون مع بعض حق بيت عمهم وهي رفضت وبس فيه بدر

عند أماني من سكرت عليها " النذلة سكرت بوجهي هين اوريها ....هذا جزاي يوم قلت بدر فيه "

أماني : يمه ريتاج داقة عشان نروح حق السوبر ماركت نشتري اغراض للطلعة

ام بدر : أنزين يمة بس لاتتأخرون فاهمة

أماني : أنزين يمه
سهي تحمست: أماني بروح انا بعد
أماني : اوكيه قومي نتجهز ....مني ماتبين ؟
مني قامت وسهي بعد : إلا بروح

أبو بدر : منهو بيأخذكم
أماني : مادري بس أتوقعه السواق حقهم
أبو بدر تذكر شي ومني قالت إبتسام تحتاجه وبطريقها عنده : عندي مشوار ضروري تجهزوا اخذكم معي

أماني بوناسه : صدق داد ثواني بس ...وطارت سيده حق غرفتها

أبو بدر : هههههه دايم الدوم أقول لاتقولين داد بس ماتسمع
فارس يستهبل : بزر يايبه ماعليك منها
مني بتهديد : ترا بقول لها
فارس طلع لها لسانه : اعلي مابخيلك اركبيه ...وبعدين روحي تجهزي يله

مني : مالت عليك ...ولحقت سهي واماني
بدر كان ساكت راسه يصدع شوي وكان يبي يطلع بس يوم سمع ريتاج بتجي قعد ومسك راسه يوم إيجاه ألم قوي
ام بدر لاحظته : يمه يابدر فيك شي؟

بدر إبتسم لها : أبد يمه سلامتك شوي عوار راس اخذت بنادول بس مارضي يروح

أبو بدر : اقول يبه ماله داعي روحت الشركة روح خذ لك قيلولة ويروح عنك الصداع

بدر : ابد مايحتاج بس صداع خفيف علشاني قايم من صباح الله

فارس : ههههههه خلك قوي يالبطل ألام الراس ماقدرت عليها

بدر عصب : تركنا القوة لك ياسوبر مان وقم يله علي الشركة .
فارس كشر : وش شركته انا ماعرف في الشغل حبة

ابو بدر بمزح : قم ورح معه ويعلمك القبة

الكل ضحك
فارس قام : هههه إن شاء الله

عند إبتسام وصلت بيت عمها مع ريتاج ودقوا بروني
سمعوا صوت السيارة
أبو بدر : فارس رح دخل بنات عمك

فارس : ابشر ....وراح لبرا
وبدر رز حاله وعدل ثوبه وشماغه كان لابس اسود واحمر وطلع أمير بكبره

أماني كملت ونزلت عليهم هي وسهي ومني للحين تلبس
ودخلت عليهم إبتسام بعبايتها ونقابها وريتاج بعد بس كل وحدة بشكلها
البنتين : السلام عليكم
الكل رد عليهم السلام

ريتاج سلمت علي اماني وام بدر وناظرت بدر اللي تشقق من الوناسة يوم شافها
ر يتاج خقت ونزلت عيونها بسرعة " واااااو يهبل بالاسود والاحمر يذبح ناوي علي "
بدر يناظرها " إيش هالعيون تجلط خلني أحلل الدقايق " عدل نفسه زين وقابل ريتاج اللي حبت راس عمها وقعدت جنب إم بدر
أبو بدر بحنيته الابوية : يهلا يهلا بالغالية
إبتسام حبت راسه وقعدت جنبه : هلا بعم الغالية بشرني عن علومك انشالله بخير يالغالي
أبو بدر: بألف خير دامك بخير

إبتسام: انا بخير دامني شفت عم الغالية

أماني بغيرة : هاي أنت ماتشوفين سافطة علينا كلنا وماتسلمين

إبتسام تبي تقهرها ولزقت في عمها لي جلست جنبه : مين يحصل القمر ويناظر الشمس

أماني مدت الشبر شبرين : من زينك عاد

أم بدر : ههههه عاد بنت عمك يأماني وتعرفين غلاها عند أبوك

أبو بدر بخبث : عاد الغالية غالية بس مهوب كثرك ياقلبي

أم بدر أحمرت خدودها وماتت حيا من عيالها وهي تعرف أبو بدر أنزين يحب يخجلها
أبو بدر خربها أكثر : ترا ماكو شي ذبحني كثر هالخجل

الكل : ياهووووو حركات ياعبد العزيز

أم بدر دوروها ماتلاقوها ذابت في ارضها
فارس : يمه بسك عاد تراك ذابحةالوالد هههههههه

أم بدر ناظرت فارس بنص عين : أستحي تراني أمك

أماني وزادت العيار عليها : حبيب القلب ماينقال له أستحي علشان كلامه عسل
أم بدر : أستحي إنت بعد

أبو بدر رحم زوجته : ههههه بسكم يله ..أنا الوحيد اللي له الحق يتغزل فيها

إبتسام : ههههههه عمي تراك زدت عليها
فارس : هاذ عشمنا فيك أبوي ههههههه
أبو بدر : أي عشم الله يهداك هههههع

بدر يناظر ريتاج ويضحك
وريتاج من طاحت عينها بعينه غمز لها وهي فص ملح وذاب
أم بدر حبت تغيرالسالفة علشانها مرة مستحية: إبتسام يمه شلون الاهل؟!
إبتسام : بألف خير ياخالتي وأمي تسلم عليك
أم بدر : الله يسلمها ليش ماإجت معكم؟

إبتسام : تحضر حق طلعة المزرعة وتشوف الاشياء الناقصة

فارس تدخل : علي ذكر السالفة دنيتي أبي تطبخينا هناك

إبتسام تبي تقهره : لا واللي يعافيك فيه خدم وحشم

فارس : بسك نذالة ...بس ماقلتوا متي بنروح

أبو بدر : الفجر حتي نكون من صباح الله هناك ورح نقعد ثلاث اربع ايام
إبتسام تذكرت شي : أقول عمي سمعت أنك بتفاجئ أماني أن هي جابت درجة حلوة قل لنا وش هي المفاجأة

أماني ركزت كل أهتمامها علي أبوها : إيه يبه تكفي قول وش مفاجأتك حقي

أبو بدر بإبتسامة غريبة : مو الحين

أماني وصارت تتوسل فيه : الله يخليك قل

أبو بدر مصر علي رايه : لا يعني لا

إبسام ناظرت أماني بمعني تعلمي شلون وكلمت عمها وكأنها بزر وريتاج فعالمها الوردي ومسويه فيها هادية وبدر نسي اللي حوله ويناظرها بهيام : عمي نور دنيتي تهون عليك الغالية تاكلها اللقافة ليل نهار وأنت تقدر تريحها
أماني ناظرتها بتهديد بمعني ياويلك لو يقول لك وماتقولين

أبو بدر ضحك يعرف إبتسام تبي تجنن شوي أماني وريتاج وحب يقهر أماني أكثر ماهي محروقة : بقول لك بس تخلينه سر وماتعلمين أحد
إبتسام فرحت ولزقت فيه أكثر : أبشر طال عمرك وعد مابقول حق احد وقول وكلي أذان صاغية
أماني برطمت : اعتراض أعتراض

فارس بقهر : وأنا مؤيد للمعارضة

مني بغرور بعدت مانزلت عليهم : أي معارضة وأي تأيد ترا مهوب بمحكمة وإنت يأماني رح تشوفينها بوقتها

أماني ناظرتها بحقد : إنطمي يالطاوس
أبو بدر بفرح : وأنا رافض المعارضة .... وقرب من إبتسام وهمس في أذانها

إبتسام : ههههههههههههههههههههههههه هه أحلي هدية وأماني رح تشكرك طول حياتها
الكل استغرب من ضحك إبتسام
أبو بدر : صدق أنزين لما نرجع من المزرعة رح أخذك تختارين واحد حلو ويكون من مستوي أماني
أماني ناظرت أبوها وإبتسام بشك : أقول بسوم ترا قهقهتك دخلت الشك فيني أتمني بس مايكون حيوان عشانه ابوي وأعرفه عدل

أبو بدر يمثل الزعل : أفا عليك انا أجيب حيوان حق أمونتي

أماني : ياليت يبه ياليت

إبتسام مابعدت كملت ضحك علي الهدية : هههههه لاتحاتين موب حيوان وبعدين ماسمعت عمي شنو قال أنا بنفسي بختار لك
أماني بخيبة أمل : وهذا اللي قهرني ومرعبني دام السالفة فيها إنت أقول علي الهدية السلام
ريتاج نطقت اخيرا وإشتغلت اللقافة : اماني ترا الضحك حق إبتسام له أسبابه ولزومها نعرفها

الكل ضحك علي كلامها
أماني: ههههه زين شقال كونان
ريتاج تستهبل: نتحري الهدية قبل زين

فارس واماني : علم وينفذ
بدر ومني وإبتسام : ههههههههههه جنود كتيبه اللقافة

أبو بدر: ههههه صادقين

أماني تطنز : يبه شرايك تأخذ مني تختار لي الهدية إبتسام ماتعرف للذوق
إبتسام بزعل : أفا عليك يابنت العم بس مارح أقول شي الحين كلش بوقته حلو
فارس يتمصلح راح وجلس علي الكنب جنب إبتسام : بسوم دنيتي تكفين أنا ولد عمك وأخوك قولي لي تكفين يام قلب حنون

إبتسام تهز راسها بالنفي : نو وي impossible

فارس وكأنه بزر : تكفين ابله

إبتسام : فروس ماسمعت تراني وعدت عمي وبسمة عبد الله إن وعدت وفت
فارس بقهر وقام عنها : عاد إنت ووعودك يله يابدر قم نروح الشركة لأني بروح حق طلال دق علي قبل الغدا مادري وش عنده
قام بدر وشق الخشة لريتاج وهي بعد إبتسمت له تحت اللثمة وطلع مع فارس للشركة

واماني وإبتسام وريتاج ومني وسهي طلعوا بالجمس مع ابو بدر وصلهم حق السوبر ماركت وصاهم يقعدون فيه لين يرجع هو وإبتسام ويرجعون كلهم للبيت
وراح هو وإبتسام حق ناس يعرفهم بس هو وإبتسام
&&&&&&&&&&&&&&

فارس اول ماطلع مع بدر مسوي فيها حازم : بديير ثاني مرة قصر نظرك

بدر إبتسم وفهم قصده : وش نظره ؟؟

فارس معصب : علابالك اطرش بالزفة او شنو

بدر مسكه من ظهره : إمشي وإنت ساكت مالك شغل فني فهمت

فارس ماسك ضحكته مثل البزر عند بدر : البنت إختي تذكر زين

بدر يطنز : إحلف بقوة وأصدق ....قل قسم إنها إختك
فارس وقف وتكتف وعينه بعين بدر : هيه إنت ماتفهم او شنو
بدر يقلده وتكتف وإبتسم إبتسامة تذبح وغمز له : انا احب إختك علمني إيش بتسوي
فارس ماسك ضحكته غصب : أذبحك بليلة مافيها ضوا قمر

بدر عصب : فارس عن شقاوتك مالي خلق لها ابد تدري زين إنو راسي يصدع

فارس ضحك :ههههههههه اجل ياعنترة زمانك تحب بنت العم عبلة اقصد ريتاج

بدر ضحك ومسك راسه : ههههههه اتوقع إنت شرايك
فارس يتفلسف : إسمع زين ترا الحب مب شي سهل وبعدين هي إختي وإذا تلعب بذيلك أذبحك

بدر : ههههه اخلص علينا يارسطو العصر وخلينا نروح حق الشغل
فارس بجد : بدر من جدك تحبها

بدر بإبتسامة حلوة : إيه اتوقع ماتفارق خيالي أبد
فارس إبتسم " ياليت عسي تتزوجها وتقعد علي طول بالمملكة " : زين دام كذا إخطبها وانا اعطيها لك

بدر ضحك :ههههههه مكثور الخير ياخوي بس الحين سكر السالفة ولاعاد تجيب سيرتها او تلمح لشي قدام الاهل لين أقرر فاهم

فارس : فاهم بس لاتتأخر علينا نبي نشوف عيالك يالحبيب دامك تقول تحبها
بدر : ههههه تحرك
فارس : قول أمين يالخبل
بدر من كل قلب : أمين يارب وعيالك بعد
فارس : مو الحين مو قبل مالاقي وحدة تسوي فني مثل ماسوت ريتاج فيك

بدر بسخرية : ههههه ماكو وحدة تحب وتتزوج واحد بحالتك
فارس بقهر : وليه انشالله قالو عني وحش وانا مادري !!!!!!!!
بدر: ههههه أزود يالحبيب بس الحين علي المكتب يله ...وركبوا سيارتهم ومشوا حق الشركة وبدر يعلم فارس مبادئ الشغل

إبتسام اول ماوصلت هي وعمها حق بيت ناس ينقال لهم بيت ابو سلطان وهو بحي فقير من الاحياء الفقيرة بمنطقة الرياض


نزلوا من السيارة وابو بدر مشى لورا وفتح صندوق السيارة فيها اغراض حق الناس
إبتسام نزلت وبغت تمشي وتساعد عمها بس عقدت حواجبها وهي تشوف شخص تعرفه زين يطلع من عندهم وتمت واقفة وتناظره ومنصدمة شلون يعرف الناس
الولد طلع من باب الحوش وشاف سيارة قدامه وإنصدم وطير عيونه وبصوت واطي : عمي ابو بدر !!!؟؟
إبتسام تناظره وتبي تستوعب " من وين يعرفهم ....إيش جابه لهم "

الولد لف بوجهه بسرعة قبل ليشوفه ابو بدر ومشي بسرعة صوب إبتسام وإنصدم من الحرمة اللي واقفة وتناظره وكانها تعرفه
إبتسام تناظره وأكبر علامة إستفهام علي راسها وبصوت هادي بس سمع الولد : رائد !!!!؟؟؟

رائد إنصدم وقف قلبه " تعرفني البنت !!!؟؟؟ "
ابو بدر لاهي يطلع الاغراض : يبه تعالي ساعدني
رائد خاف ورفع سبابته وأشر بلا لها وبمعني لاتقولين له عني
إبتسام رمشت بعيونها وهزت راسها بإيه وبصوت هادي : زين ...ولفت ومشت حق عمها
رائد تنفس ولف بسرعة ومشي حق سيارته وسمع صوت بزر من اهل ابو سلطان يصرخ : إبتسام إبتسااااااام
لف بشويش وشاف إبتسام تقعد وتفتح إيدينها والولد الصغير يرتمي بحضنها وعطته لعبة سيارة ريموت

رائد إبتسم وركب سيارته وكلم نفسه : إسمها إبتسام لتكون بنت عمي ابو بدر ...بس من وين تعرفني ...او اقول إيش جاب عمي حق أهل عبد الرحمان.... من وين يعرفهم ...يمكن يزروهم ويعرف اخو عبد الرحمان ابو سلطان ...بس سلطان قال كلام خطير معقول عمي ابو بدر سمع حقيقية موت خويه
شاف أبو بدر يدخل وإبتسام وراه ولفت تناظره

رائد رفع إيده وحطها علي صدره بمعني مشكورة

إبتسام هزت راسها بإيه وإبتسمت له تحت لثمتها ولحقت أبو بدر جوا حق ناس لهم ماضي مشترك مع ابو بدر ..ماضي اليم حق ابو بدر مهام يحاول ينساه ويهرب منه يحصله قدامه
رائد شغل سيارته وتحرك يبتعد وعقله مع ابو بدر وإبتسام ..لازم يشوف إبتسام ويسألها من وين تعرفه ويسألها ابو بدر سمع الحقيقية ...ويسأل سلطان عن الكلام اللي قاله صح او كذب
إبتسام قعدت شوي عندهم وسلمت علي فجر وهي صديقتها بالجامعة وسولفت شوي معها وسألتها عن رائد وقالت لها فجر خوي سلطان وإبتسام مأقتنعت الخوف بملامح رائد يوم شاف أبو بدر يقول إنه يعرف الماضي وعلاقته بسلطان ومساعدته المادية لهم تبرهن هالشي ...

هم كانوا ناس أغنياء بس سؤء تسير ابو سلطان لمراثه من ابوه أفلسهم عكس أخوه اللي كبر شغله

ورجعت مع عمها حق السوبر ماركت وفي راسها تعرف شلون رائد يزور ناس ماحد يعرف بوجودهم غيرها هي وابو بدر حتي إم بدر اللي هم اهلها بيت عمها ماتعرف بوجودهم بالرياض

Sent from my PGN515 using 3bir mobile app
 
الفصل الثاني عشر

عند الشباب فارس وطلال كانو بالمول
فارس بخوف : ياخوي وش ناوي عليه
طلال حامل شي يغرع : وعد أخليهم يهجون من المزرعة كلهم ولاعاد تشوف الا غبرتهم بس إنت خلك قوي وساعدني
فارس تحمس للفكرة الجهنمية ب راس طلال : موافق بس وش نسوي!؟

طلال والشرر يطلع من عيونه : بقول لك بس خليه بينا والتنفيذ بكرة بالليل بالمزرعة إن شالله
فارس بحماس : أوكي متفقين

بعد ماتفقوا علي خطتهم اللي رح تطيح قلوب أبطالنا رجعو علي بيتهم وينامون شوي لاجل يتحركون من الفجر
عند الفجر ناخذ لفة علي كل بيت من بيوت ابطالنا
بيت أبو بدر

أماني واقفة اسفل الدرج و تصارخ : يلا ترانا متأخرين وأكيد بيت عمي سبقونا
أم بدر : بشويش ترا عندنا جيرانا وأكيد هجوا من ضجتك

أماني برطمت : ماعلي منهم بس تعجلوا شوي مابي احد يوصل قبلنا
مني نازلة الدرج بهدوء وتعدل فعبايتها وحجابها وأماني وصلت معها : وبعدين لي يوصل يوصل عشان المزرعة بمكانها ومارح تتحرك
أماني ناظرتها بنص عين : أنا مروقة علي هذا الصباح الحلو فماله داعي غرورك الزايد يهبلني فإنطمي أحسن

ببيت أبو أسامة
أم اسامة للخدم : مانسينا شئ
الخدامة : لا مام كل شي في ..
ا إبتسام تتزحلق عل درابزين الدرج اللي كله رخام : صباح الخير علي أحلي أم بالكون
أم أسامة بخوف: صباح النور بس بشويش لاتطحين

إبتسام ملت البيت بالضحك وبدلع: هههههههه نو مام مافيه فوبيا و خوف معتاده الحين
أم أسامة فرحت للفرحها : هههههه الله يحميكي يله ابوك وإخوانك ينتظرونا وريتاج بعد ....وراحوا لبرا وركبوا بسيارتهم ( نسيت أقول إن سامر مارح يروح عشانه مشغول لإمتحان تغير الجامعة لي بعد يومين )

بيت أبو طلال

طلال بصارخ : هديل فرح يله تأخرنا

هديل : جاينا جاينا

يزيد النعاس غالبه ويبي يرجع ينام : وش فيك؟ وليه كل هالحماس ؟لاتكون ناوي علي بلوة !!!!!
طلال بخبث : لا يالحبيب اناو البلاوي ماعاد يجمعنا شي

يزيد بثقة : مأظن انو الحبيب يسمح بحبيبه بالسهولة بس ماعليه يذوب الثلج ويبان المرج
طلال بإنكار : ههههههه انا الحين بريئ يالفيلسوف
فرح بصدمة : انت البرئ !!! أجل علي البراءة السلام
هديل : ههههه البراءة صارت مرفوعة الحين لسماء بسب ط
أبو طلال : بسكم الحين ويله مشينا
بيت أبو مصعب

مصعب : راشد جبت الكرات

راشد : ايه كرة السلة وكرة القدم
مصعب :أنزين وين التوأم

ندي ومدي : كملنا يلا
مصعب : كم مرة قلت كل وحدة تتكلم بحالها

ندي ومدي : انشالله المرة الجاية
راشد : ههههه سير سير ماكو فايدة منهم

مصعب ماسك راسه : صدق ماكو فايدة

أم مصعب : ترا ابوكم بالسيارة من زمان
مصعب : أنزين يمه جايين

بيت ابو فهد
فهد ركب بالسيارة وطلب من ابوه يسوق وهو حط راسه ونام ونوف نفس حالته

ركبوا أبطالنا بسيارتهم وأتجهوا للمزرعة لي تلم شملهم لإيام وترجع تفرقهم بس ياترا هل بتكون رحلة حلوة لكل واحد فيهم وتكون فيها مواقف تنغرس بذاكرة أبطالنا هل بيكون فيها الفرح والحزن بنفس الوقت خلنا نشوف او أقول نقرا ^^^ هههه فاضية انا
كانت سيارة أسامة جمس كبيرة فكانت كل عايلته موجودة هو كان يسوق وأبوه جنبه ومن وراه كانت أمه وأحمد وأمين وإبتسام وريتاج باخر مرتبة

ج تسولف وتضحك

وإبتسام حطت راسها علي الشباك وتناظر الطريق " رايحة له برجلني شلون قلت ابي المزرعة ..بدي قلبي ينبض بس مارح اقربه أبد ...محمد ليتك فيه معي وتحمني منه "

ريتاج ملت : بسوم سولفي طفشت بروحي

إبتسام بتعب : روحي عني مالي خلقك أبد
ريتاج : اوووووووووووووف
أم أسامة بحنية وهى تلف لورا : يمه فيك شي ؟ حاسة بألم ؟

إبتسام : لا يمه أنا بخير ماله داعي تخافين
أم أسامةبخوف عليها : أنزين بس ليش ساكته ؟

إبتسام إبتسمت : ريتاج تكفي

أم أسامة إبتسمت : ابدن ...ريتاج بروحها ماتكفي سولفي إنت وهي مب ريتاج
ريتاج فرحت : ايوه يمه ترا عندي إخت مو البنت الوحيدة عشان ابربر بروحي
الكل ضحك

إبتسام رحمتها : ههههههه انا ابي اروح حق نوف اكيد طفشانة مثلك وإنت دقي لإماني وخليها تجي عندك تسولفين معها

ريتاج ستانست : صدق فكرة ...وبعدين اريح منك روحي حق دلوعة نويف..... واتصلت علي أماني وإبتسام دقت علي نوف
عند أماني كانت بسيارة أبوها لي يسوق وجنبه أمها وراه هي وجنبها سهي وجنب سهي مني أما بدرفكان بسيارة فارس لي يسوق ومعهم ي

أماني : أوف طفشانة سولفوا وش فيكم
مني كانت تبي تنام شوي لانه باقي لهم ساعة ونص لين يوصلون : أماني أي سوالف الله يهداك بهذا الوقت نامي أرتاحي شوي قدامك اليوم بحاله لسوالف

أماني أخذت موبايلها تدق علي ريتاج وتكلم مني : الشرهة مو عليك علي انا اللي ودي أسولف معك ...ودق موبايلها بأسم ريتاج

أماني بفرح : هلا هلا توني كنت بتصل عليك
ريتاج : هههه طفشانة مو

أماني : إلا أبو الطفش إنت وش تسوين
ريتاج: يعني وش بسوي تعالي عندي وخلينا نتفرج علي مجلة فاشن جايبتها للضرورة ونسولف بعد

أماني بوناسة : ياي ثواني بس وين بسووم

ريتاج تستهبل : بالمنفي وين يعني
أماني فقعت ضحك وفهمت قصدها " بعالمها " بصراخ : يبه وقف وقف أبي أروح حق سيارة عمي

أبو بدر وقف سيارته بقوة وفحط فيها وأغترع من صراخ أماني : يبه في شي؟؟ شصاير!!
أم بدر أغترعت وحطت إيدها علي قلبها عشانها كانت نايمة : وش فيه.... وش صاير !؟
أماني ماتت ضحك عليهم

مني بخوف : يالهبلة ترا كنا بنروح فيها بسب صارخك

أبو بدر ناظرها بغضب : أماني إيش ذا الصراخ !؟

أماني تفشلت: أسفة يبة تحمست بس وبعدين وقفتك لانو ريتاج تبيني أروح لها
أم بدر تهدي الوضع : ماصر شي يابو بدر جات سليمة .. يله أماني أنزلي

الكل لاحظ توقف أبو بدر الرهيب وأغترعوا ووقفوا سيارتهم

فارس وقف سيارته ونزل علي طول وراح لابوه : يبه إنت بخير.. صاير شي !؟

أبو بدر : ولا شي بس أماني تبي تروح حق بنت عمك
فارس براحة : أنزين بس إذا كنت تعبان أسوق مكانك وبدر يسوق عني

أبو بدر : لا ياوليدي أنا بخير مايحتاج
فارس : أنزين يبه

بدر بخوف : فارس إستوي شي؟
فارس رفع إيده لبدر وطلال وزوج عمته : لا ماصار شي تطمون

أماني نزلت وراحت سيارة عمها لي كانت جنب سيارة طلال وإبتسام بدورها راحت حق نوف سيارة خالها

طلال فز قلبه يوم شاف أماني تمر من عنده وإبتسم لها

أماني وقف قلبها من إبتسامته لي تذوب الحجر وإبتسمت له بدورها
طلال ضاعت علومه وقرر إنه لازم يقول لها عن مشاعره

أماني ركبت سيارة عمها وهي شاقة الخشة : كود مورنين هاو أر يو ؟
الكل : وعليكم السلام
أماني : هههههه سوري نسيت عمي
أبو أسامة : كيفها أمونة وكيف الحماس حقها

أماني: 100\100 خبرني عن علومك ياعمي

أبو أسامة : طيب بس وش أستوى مع أبوك

أماني توهقت : ماكو شي بس وقف بسرعة
أبو أسامة : الحمد لله غرعنا

أسامة: أماني ليش جاية حتي هني لاحقتنا
أماني : أسمعني يأسامة مابي هواش لإني مرة مستانسة خلينا لما نوصل حق المزرعة ونتهاوش وبعدين أنتبه علي الطريق ماعليك مني

أحمد : هههههه انطم يأسامة لإن بنت عمك معنوياتها مليون
أسامة : حتي أنا مرة فرحان ومابي تنسد نفسيتي

أم أسامة: أقول أثنينكم أسكتوا وخلوا بنت عمكم براحتها مع أختكم

أماني بنصر : مشكورة خالتي الله يخليك إنت ألاحلي وألاغلي
أمين: ههههه المصالح وماتسوي
أماني تتمصلح : لا يخالتي صدق أنت عسل ماعليك من أمينوه

أم أسامة شاقة الخشة : هههههههه مشكورة يابنتي وخذي راحتك ترا السيارة سيارتك

أسامة : أحم أحم ترا أنا موجود والسيارة حقي

أبو أسامة : احم احم ماإسمع وش قلت!!!
أسامة توهق : اقول حق عبد الله الصالح
أبو أسامة بابتسامة نصر : عبالي شي ولاشي

ريتاج: هههههه أسامة أنبلع لسانك

أسامة بغضب : إنطمي أحسن لك
الكل فقع ضحك عليه

أماني بهمس لريتاج : رتووج انا بموت لو شفتيه كان يناظرني ومبتسم ^^^ أماني قالت لريتاج عن طلااااال ( تذكير )

ريتاج تمثل الغباء عشان تقهرها : منهو لي مبتسم لك !!!!؟؟؟

أماني بقهر : رتوج يله عاد بلا سماجة....ترا موصلة معي من أسامة
ريتاج:ههه خبلة
أماني : لاتخليني اوقف وأنزل الحين
ريتاج : لا ماله داعي تراه بس مزاح

أماني بحالمية : أقول كنت بذوب بأرضي
ريتاج أجتها حالة الضحك : ههههه أنزين ليش ماتذوبن الحين وأحطك في الفريزير هههههههه
أماني ميتة قهر : يلا عاد

ريتاج تضحك : ههههههه نكتة حلوة مو

أماني صرخت : رتوووووج

ريتاج بجد مفاجئ وتقلد إبتسام : أماني إذا صدق تبينه ثقلي شوي وش تبينه يقول باعية نفسها
أماني خاشة جو : أي ثقل الله يهداك
ريتاج بأمر أماني إختها الصغيرة وبعدين تعرف حركات طلال مع البنات وماتبي أماني تنجرح مشاعرها ويكون طلال مايحبها : إذا تبينه أسمعني ولاتخالفيني

أماني وتبي تتشبث بأي خيط أمل : حاضر إنت بس تأمري .... الا وين المجلة
ريتاج بخبث : هي مجلة ازياء حق الشباب مو البنات
أماني : واو وناسة هاتي هاتي
وصارو يناظرون ويضحكون علي هذا وذاك.. ولبس هذا وستايل وزين ذاك ومالوا السيارة ضحك وسوالف * هههه رح تقولون مايستحون ويخافون الله وأماني وريتاج يحبون يقزون لعيال قز*
أسامة ماسك راسه بإيد وحدة والثانية يسوق فيها : رتوج أماني بس ترا راسي بصدع منكم ثنتينكم

أحمد بهدوء : بسكم الحين صار لكم ساعة وانت وهي تتكلمون مامليتوا حشى مو بنات

أماني : أوف خلونا براحتنا ترا ملينا من الطريق اللي ماوده يخلص

ريتاج: صدق ...أقول أسامة كم باقي لنا ؟
أسامة : شوي بس والحين إرتاحوا شوي عن البربرة ترا لسان حق كل وحدة فيكم وده بالانعاش

ريتاج رحمته عشانه تعب هو يسوق : هههههه رحمتك ورحمة لساني بعد
أماني تموت عناد بأسامة : لو مو عمي وخالتي فيه كان ماسكتت

أحمد تدخل قبل لا يبدى الصراع الازلي بين أسامة وأماني : مشكورة يابنت العم علي التفهم وهارد لك انشالله بالأفراح

أماني : ههههه خلك دايم الدوم معتدل

أحمد : " قلت أبي أسكتها مسكة خط " وبحزم : أماني وبعدين

أماني خافت : هههههه توبه توبة

وبعد نصف ساعة وصلوا للمزرعة كانت مرة كبيرة وفيها فيلتين الاولي حق الجد الله يرحمه وهي مسكرة الحين والثانية بناها أبو بدر وأخوه أبو أسامة بعد ممات الجد وكان فيها أسطبل حق الخيل وزريبة حق الخرفان والغنم وكان فيها بركة حق البط وكان فيها مسبح كبير ومرة حلو وجنبه ملحق حلو وفيه صالة فيها كل انواع الالعاب وفيها أشجار وبساتين حق الفاكية والخضر وكان فيها ملعب لكرة القدم والسلة كانت مرة حلوة جنة الله بارضه
الكل نزل وكان تعبان من الطريق وقرروا يرتاحون شوي إلا ريتاج وأماني من يوم نزلوا من السيارة ركضوا علي طول يشوفون المزرعة لي صار لهم أكثر من ثلاث سنين ماشافوها

أماني وهي تركض : يله رتوج إلحقني
ريتاج بصراخ : يالدوبة لحقني إنت
أسامة بصراخ : وين الهمة يالمراجيح
ريتاج بفرح وصراخ : إستكشاف المزرعة ...إبتسام تعالي
إبتسام ضحكت ولحقتهم وسحبت نوف معها
أم أسامة بخوف عليها عشانها تركض : يمه إبتسام تعالو إرتاحوا الحين وبعدين سو اللي تبون
ريتاج بعدت عنهم شوي : بسك خوف يمه بتكون زينه
إبتسام وقفت ركض ولفت ورفعت إيدها لها : لاتخافين يمه انا زينه
أم أسامة ماحبت تثقل عليها : زين ريتاج إهتمي لها
ريتاج بصراخ : بعيوني يالغالية تطمني
أسامة : مهابيل
الكل كان يناظرهم وفرحان للحماس اللي فيهم
طلال وعيونه مطيرها فأماني اللي اختفت : ياحلوها وياحلو صوتها وضحكتها بس
يزيد يناظره بشك : منهو هاذي اللي صرت عنتر عشانها
طلال مانتبه له انه كان واقف معه وقال يضيع السالفة : من فيه غير بسوم ...ماتشوف إنها بخير وتقدر تركض
يزيد بشك: أشو عبالي بنت عمها أماني
طلال : أقول عن الكلام الفاضي وساعدني ندخل الاغراض مع الخدم
أما عند بدر فكان نفس حالة طلال مفهي فريتاج " تهبلين يالمرجوجة خلني احلل ايام المزرعة علي صوتك ضحكات الحلوة "
أحمد ناظر مني اللي كانت تسلم علي فرح وهديل بفرحة كبيرة وإبتسامتها الحلوة لي أول مرة يشوفها وإبتسم غصب عنه بس إختفت يوم ناظرته مني بقرف وإشمئزار و كأنه حثالة وحس بالدم يغلي بعروقه ناظرها بدوره بنفس النظرة وأحتقرها أكثر عن قبل.
مني حست نفسها حشرة قدام نظراته فقالت فنفسها " مأكون مني إن ماخليتك تعتذر عن كل تصرف ماهوب زين بحقي "
بس أسامة كان غير كانت نفسيته مرة تمام لإنو وأخيرا شاف هدولة قلبه بعد مدة وكان يناظرها بس بدل نظرة عيونه يوم طاحت عينه في عينها اللي خلي هديل تستحي وتمشي داخل مع البنات وتتحطم نفسيته عشانه فكر انها سفهته مثل عادتها وماحس بالتوتر اللي يصير لها يوم تشوفه ماتقدر تستجيب لشي وتموت من الخجل
دخلوا العيال للمجلس يستريحون ويفطورن لانهم مافطروا وبعدها يقررون وش يسون
الرجاجيل دخلوا في إجتماع عن الشغل
أبو بدر :شلون سوق المقاولات يابو مصعب
أبو مصعب رز حاله وعامل فيها " ولا افهم مني " : مثل ماهو الربح والخسارة هالايام مرافقينا بس أحنا قدها
أبو فهد : صدق صاير الواحد مايعرف كسب أو خسر بس يبالها شوية فطنة مثل ماعندي انك تعامل الأجانب لازم تكون ذكي بزايده
أبو أسامة : لا إنت يابو فهد خطير والصراحة ينخاف منك
أبو بدر : لازم ياخوي الشغل مافيه رحمة أبد
أبو فهد نفخ ريشه بزيادة وبغرور : أنا ماحب احد يشاركني بسوق التصدير علشانك يابو أسامة إن إنت رحمتهم أكلو العيش حقك
أبو مصعب : الشغل يباله بس العين الحمراء
وبعد شوي جابو الفطور وافطروا كلهم إلا نوف وإبتسام اللي كانوا يتفرجون علي الاشياء الجديدة بالمزرعة وبعد ماتعبول قرروا يرتاحون شوي تحت ظل شجرة كبيرة
إبتسام كانت رافعة راسها للسماء وتفكر فماضيها بهذا المكان كانت ساندة نفسها للشجرة
نوف كانت ساكتة وحاطه راسها علي فخذ إبتسام وتفكر تسأل إبتسام عن اللي صاير بألمانيا معها
نوف بصوت هامس : بسوم تكلمي ليش ساكته
إبتسام تنفست بعمق وقالت بحزن : إيش تبين أقول
نوف حست فيها : بسوم ادري أنزين شكثر متغيرة يوم رجعتي من ألمانيا فقولي إيش بقلبك
إبتسام بهدوء وتمسح علي راس نوف: قبل أمس كلمني موبايل
نوف فزت : جد شقال لك
إبتسام تناظر بعيد : سال عن العملية
نوف فرحت : الله وناسة يفكر في صحتك
إبتسام بقهر : عشانه دكتور يانوف دكتور
نوف قامت وناظرتها : بسووم شفيك شتبينه يقول لك
إبتسام وكل حزن الدنيا بعيونها : مابيه يقول شي كل اللي أبيه يوخر عن عقلي
نوف رحمتها " إبتسام تحبه من جد " : إبتسام أحس الرجال يحبك
إبتسام إبتسمت بوجع ودمعة من عيونها نزلت وسكتت
نوف غرقت عيونها دموع إبتسام مرة رقيقة ومرة حساسة وإذا قالت الدكتور مايحبها فهو جد مايحبها وحطت إيدها علي إيد إبتسام
إبتسام ببحة وعلي طول تكلمت : يوم كنت بألمانيا كان كل يوم يجني ويتطمن علي يدخل غرفتي عشرة مرات باليوم وفر لي كل اللي احتاجه حسسني إني بفندق مب بمستشفي عندي ممرضة خاصة فني وغرفة كبيرة ومجهزة من كل شي حتي الدش
نوف تسمع لها
إبتسام تكمل وتكابر دموعها وصوت القهر والوجع داخلها : إهتمامه فني وحرصه علي خلوني افكر طول اليوم فيه ..فيه هو وبس ...يوم اشوف إبتسامته ونظراته لي افرح احس الوجع يروح عني يوم يمسك إيدي ويتحسس نبضي ..مرت ايام وكل يوم اشوفه فيه احبه واتعلق فيه لين إختفي ..يوم كامل مادخل غرفتي قلت مشغول او يمكن يوم إجازته ..بس كان يزورني حتي بيوم إجازته
نوف إستغربت : وين راح
إبتسام نزلت عيونها وهي تتذكر ذيك الايام اللي شالت الغشاوة عن عيونها وبصوت هادي : إختفي اليوم اللي بعده معتادة افتح عيوني اشوفه واقف ويناظرني ومبتسم يتطمن علي ويروح يسوي شغله ..بس يومها فتحت عيوني وماحصلته مرت الدقايق والساعات ومادخل ..سالت الممرضة قالت إنو فيه ..قلت فنفسي يكمل شغله ويجني بس خاب ظني ...ومر يوم ثلاث ومالمحت طيفه او سمعت صوته وشفت إبتسامته زراتني اسماء وسالتها عنه قالت إنه كل يوم بالمستشفي حزنت حست بقلبي ينتفض إنتظرته لثنتين الصبح
نوف رحمتها كانت تسولف والوجع واضح بصوتها
إبتسام غمضت عيونها وتنهدت بعمق : صباح اليوم الرابع فتحت عيوني اشوفه بس ماحصلته يومها دمعت عيوني وعرفت إني أعشقه ( قالتها من قلب) سكتت وقت ونوف ماقالت كلمة
إبتسام بلعت ريقتها والعبرة خنقتها : أخذت ورقة وقلم ورسمته مثل ماشفته أول يوم واقف بباب مكتبه وكتبت له إنه أهلي وناسي وانو أنا ببلد غريب وابيه يهتم فني
نوف إبتسمت بحنيه : أخذتيها له
إبتسام هزت راسها وكلمت : طلعت من غرفتي وأخذت الرسمة معي وجريت المغذي معي والالم يزيد علي ممنوع أمشي وأصعد الدرج بس انا عندت وتركت المصعد ورقيت الدرج حق مكتبه ..وحصلت السكريترية فيه وفتحت لي الباب ودخلتني داخل وقعدت أنتظره
نوف بهدوء : شفتيه
إبتسام : بعد ساعة والالم ينهش فني والعرق تصبب مني سمعت أحد يفتح الباب
نوف بفرح : هو
إبتسام لفت لها وإبتسمت : إيه هو من فتح الباب واول مادخل وشافني فيه إبتسم لي حسيت الوجع راح عني قمت وإبتسمت له ومشيت له وقلت له إنت زعلان مني
نوف : كان فرحان بشوفتك
إبتسام ماردت علي سؤالها : قال أبد مب زعلان ..تطمنت شوي وعطيته الرسمة ومشيت طالعة
نوف إنقهرت : شقال لك
إبتسام بكت غصب : قهرني يانوف ماوقفني طلعت عنه وحسيت إني شي ثقيل عنه حسيت إني عالة عليه حسيت إنه يسوي واجبه عشان عمي أثبت وبرهن إنو انا مو مهمة عنده شفاني او لأ
نوف علي طول ضمتها كانت تبكي بقهر
إبتسام صارت تشاهق : طلعت لبرا الملم شتاتي ذبحني يانوف ذبحني
نوف غرقت عيونها دموع وحضنتها بحنان لصدرها : خلاص ياقلبي خلاص
إبتسام صارت تبكي عساها ترتاح شوي يومها برهن محمد إنها مب مهمة عنده * فنظرها هي * وإنها مريضة وهو دكتور ويسوي شغله عشانه بعدين طلع ولحقها بسرعة بس طاحت علي الارض وأغمي عليها وحملها بين إيدينه وعيونه إمتلت دموع وركض فيها يعلاجها واول ماصحت عتابها ليش ماطلبت يروح لها ليش راحت عنده وماعرف إنها تتقطع داخل راحت تروي شوقها له وتتطمن عليه بس خاب ظنها وعرفت إنه لو كان يحبها ماتركها أربع أيام مايسأل عنها وماعرفت ليش هو سوي هالشي إيش اللي خلاه يبتعد عنها وإيش اللي خلاه يكابر شوقه ووله إنه يشوفها كان يوصل حق الباب ويتراجع ومايدخل لها ويشوفها
نوف دمعت عيونها : بسمة قلبي خلاص والله ذبحتني
إبتسام تجمع شتاتها وقوتها وقامت وتمسح دموعها " حبيت ولد وتركني وانا صغيرة وتخطيت وجعه وألحين أحب محمد وبيتركني وانا كبيرة بس يومها مادري إيش بصير فني قبل كنت بزر ويوم تركني الولد بكيت بس إيش بسوي وانا واعية ألحين وعرفت معني الحب ألحين.. محمد إنت ألمي وجعي ليتك تعطني بلسمي ودوائي "
نوف تمسح دموع إبتسام وشافتها تناظر نقطة بالارض وماترمش : إبتسام
إبتسام لفت لها وإبتسمت إبتسامة ناعمة : خلنا ندخل داخل نرتاح ..." معتادة علي الدموع والفراق " قالت هالكلمات لنفسها تقويها
نوف إستغربت منها غيرت السالفة كلها وباست خدها بنعومة : زين قومي ..بس ثاني مرة لاتبكين أوكيه
إبتسام ضحكت وبرثاين الالم جواها : هههههههه مادريت إني غالية عند نوافة
نوف فاهمة عليها وحبت تنسيها : وأغلي الغلي بعد بس قومي الحين لإني مرة جوعانة
إبتسام تقهرها : وليه انشالله مافطرتي أنا فطرت احلي فطور بالبيت وأكلت بالسيارة بعد
نوف ناظرتها بحقد : يالدبة كل هاذ تسوينه فني ماعليه ..وقامت راحت عنها
إبتسام : هههههه ترا أمزح وقفي ترا ماكليت شي
نوف بعربجية دلوعة: ماعلي منك واذ تبين تبلعين فألحقيني حق المطبخ
إبتسام فطست ضحك جد : ههههههه أوكي تهبلين يالعربجية الدلوعة
نوف ضحكت وضمتها وباست خدها : ههههه فديتك والله ويالبي هالحضكة
إبتسام إبتسمت بحب لها وباستها هي وراحو ثنتينهم صوب المطبخ أكلو وأخذت إبتسام دواها وراحو بعدها حق البنات وقعدوا يسولفون لين سمعو صراخ العيال فراحوا يشوفون السبب
الحريم راحو حق فيلا الجد وتمشوا بالمزرعة
****
 
الفصل الثالث عشر

الشباب كانوا مرة طفشانين فقرروا يلعبون كرة

كانوا فريقين
فريق أسامة وفيه أحمد وأمين ومصعب وفهد
وفريق فارس وفيه بدر وطلال ويزيد وراشد
واحد من الرعية الحكم وبنفس الوقت إحتياط حق الفريقين
بعد ماصفر الحكم صار لعيال يلعبون بمهارة

البنات بعد ماشافوا أنهم يلعبون كرة قدم قرروا يرجعون داخل الا ريتاج وأماني لإنهم يحبون هالسوالف وصارو يشجعون الشباب بأعلي صوت وصارت بقية البنات متحمسين وصاروا يشجعون معهم

الشباب بعد ماشافو البنات صار كل واحد فيهم كريستيانو بكبره وشاقين الخشة 180 درجة

أماني كانت تشجع فريق فارس لانو فيه طلال ومني معها لانها شافت احمد بفريق الخصم

هديل صارت تشجع غصب عنها فريق طلال وتمنت لو كان بفريق أسامه
ندي ومدي يشجعون مصعب ...إبتسام ونوف يشجعون أحمد و فهد أما سهي فكانت محايده هي وفرح

الكرة كانت مع أسامة وصارت ريتاج تصارخ بأعلي صوتها : أساموه هدف تكفي اقهر العذال ( الاعداء )
اخذ فارس الكرة منه فردت لها أماني : فروس عطيها حق بدور يسجل عشانه بروحه وبدوري أتشمت بالأعداء

ريتاج ناظرتها بحقد وتحدي وأماني نفس الشي
البنات سكتوا لانو ريتاج وأماني صاروا الحين أعداء يعني الحرب علي الابواب

ريتاج بصراخ : واحد واحد أحمد احلي واحد سجييييييييللللل

أماني بصراخ أكبر منها : بدر بدور خليهم يشوفون مهارات الفنان
وكملو صراخهم لين انتهي الشوط الاول بتعادل سلبي * الحمد للله ههههه*
طلع الشباب من الملعب كلهم تعب وإرهاق
ريتاج وأماني ماتوا قهر لإنو الشوط إنتهي تعادل

ريتاج بغضب شديد : أمونة ترانا بس رحمناكم الشوط الثاني هو اللي يحدد

أماني والشرر يطلع من عيونها : لا تخليني أقوم وأكفخك الحين
ريتاج حاطة إيدها علي خصرها وتناظر فأماني بحقد : الكف إليك بس بعد صفارة النهايه

أماني بتحدي : تشارطين
ريتاج : أكيد ونشوف منهو يضحك أكثر

مني بخوف منهم : انهبلتوا تراه بس لعب

ناظروها ريتاج وأماني بنظرة تخوف اللي خلي مني تبلع ريقها : تهدوا ماصار إلا العافية

أماني بتهديد : خلي بنت عمك تتعلم شلون تشارط اللي اكبر وأفطن منها

ريتاج بغضب : مني خلي أختك تتعلم أصول اللعب مع اللي ابرع منها
هديل بخوف : بنات ماصار شي بسكم تراكم حريم الحين
فرح ترتجف من الخوف وبهمس لإختها الوحيدة : بسك لا تدخلين نفسك ويكون هذا أخر يوم أشوفك فيه

ريتاج صارت تتحلطم وتمشي صوب الشباب وتضرب رجلينها في الارض بقوة
أماني بدورها راحت لهم وكلها غضب وقهر من كلام رتوج
الشباب شافوا ريتاج وأماني راحوا صوبهم والشياطين ترقص قدامهم

أسامة يدري عنها : ريتو وش فيه ؟وش صاير ؟
ريتاج بتهديد : إسمع أنزين إنت وأحمد ومصعب لو تخسرون ترا اليوم يومكم
أحمد بهدوء وماله خلق : إسمعني ترا بس من الطفش والملل قمنا نلعب مو من عشان الفوز
ريتاج لفت صوبه : إسمع لاتكون جبان ابيكم تسجلون فاهم

مصعب : يابنت الخال ترا مثل ماقال أحمدوه نلعب وبس

ريتاج بعربجية : كلمة ورد غطاها أبي النصر عشان أقهر أماني

أمين بعفوية : هههههههه كل هاذ الغضب والعصبية علشان تقهرين أماني

ريتاج : ماعلي منكم قلت الربح يعني الربح
الجهة الثانية أماني نفس حالة ريتاج
أماني وهي موصلة معها : فارس أبيك تسجل أحلي ڨول أوكي
فارس منتبه علي الغضب اللي فيها فقال يبي يقهرها أكثر : مابي أسجل لإنو بلعب عشان اللعب وبس
أماني تكلم بدر بعد ماسفهت فارس تسفيه محترمة: بدور كلي أمالي عليك تكفي إنت سجل

بدر مستغرب من حالتها : أماني لييش مقهورة !؟

أماني بحقد : رتوج النذلة تقول إنهم هم اللي يربحون

بدر ابتسم غصب عشانهم مثل البزر " بعد قلبي رتوج " : أوكي لك اللي تبين والفوز لنا

طلال كان مفهي فيها ويناظر في عيونها عشانها ملتثمة وعاجبه قوتها
أماني إنتبهت لنظراته توترت وماقدرت ترفع عينها له
بدر مبتسم علي خبالها وخبال ريتاج : أمونة أوعدك أنا هدف وطلال هدف
أماني ماتت بأرضها من نظرات طلال : أنزين وماتكون جبان مثل فروس
فارس : فروس بعينك والجبانة إنت

أماني : صدق !!!!أنزين ليش إنت خايف ؟ليش ماتسجل ڨول ؟
طلال بتهور وعفوية : ماعليك منه أسجل أحلي ڨووول لعيونك * خربها هههه*

أماني دورها ماتلاقونها من كلمته قالت لبدر : أوكي يابدر سجل إنت وطلال أعتمد عليكم...وراحت عنهم وهي بتطيح بأرضها

بدر إيجاه علي يمينه وحط إيده عليه وفارس علي شماله : هاه يالحبيب وش قلت ماسمعنا

طلال توهق وصار يتعرق وجهه صار أصفر من الخوف : صدقني ماقصدي شي قلت بس عشان أسكتها
بدر يمثل الغضب : وش معناه عيونك وماعيونك فسر يله

طلال توتر ومات خوف : بدر إسمعني أنا بس من الحماس وبعدين هي مثل أختي

فارس ويداري إبتسامته غصب : أكيد مثل أختك أو إنت عندك كلام ثاني
طلال " كله منك يأماني بس تكرمك عيونك ": إسمعوني أنا ماقصدت .......
بدر وفارس ماقدوا يمسكون ضحكتهم أكثر : ههههههههههههههههه

طلال بغباء : ليش تضحكون ؟؟

فارس : صدق إنك جبان علي قولت إماني ههههههه
بدر : هههههه والله ماعندك سالفة وماعرفت تدبر عمرك
طلال إرتاح لإنو عرف إنهم يتغشمرون : لإنو انا برئ وماسويت شي
فارس بصدمة: إنت برئ يالنذل
طلال : أقول سكروا السالفة عشانكم طيحتوني بأرضي
فارس وبدر : هههههههههه خبل
* وأكيد هم يدرون أنزين تربية وأخلاق طلال وإلا علموه الادب ولإنو صاير بينهم عيش وملح الحين *

يزيد وهو مبتسم علي أخوه : صدق ماعندك سالفة فشلتني عند العربان

طلال مقهور : أي عربان هم تبلوني وإنت يالرخم ليش مافزعت مع أخوك الوحيد

يزيد : هههههه تبني أتشهد علي روحي وإنت السبب

طلال : إمشي بس وهارد لك وقفتك معاي
يزيد : ههه الجيات أكثر

طلال : إنشالله لك يالحبيب وأتشمت فيك
بعدها كملوا لعب يوم صفر لهم الحكم وأنتهي الشوط بالتعادل واحد لواحد واللي سجل بدر وأحمد عشانهم اتفقوا حتي مايصير في حرب مع أماني وريتاج

أماني بقهر من النتيجة : يلا يارتووج ضيعنا وقتنا علي الفاضي
ريتاج موصلة معها منهم : الشرهة علينا نحن اللي شجعناهم ونبيهم يفوزون
البنات أنصدموا منهم قبل شوي كانوا بيذبحون بعض والحين رجعوا حبايب
مني بغرورها المعتاد : سبحان الله مغير الاحوال قبل شوي كنتوا ألد الاعداء

فرح : لا ويتحلفون في بعض وكل وحدة تبي تذبح الثانية

نوف : غرعونا عبالي بشوف جثة وحدة منهم

ريتاج وأماني حضنوا بعض يبون يقهروهم : شفت ياأماني شلون صارو يتشمتون فينا
أماني وهي بعد تحضنها بقوة : شفت عاد بس ماعليك منهم إنت بس سفهيهم وترا عندي سالفة أبيك تسمعينها
ريتاج وإشتغلت اللقافة فيها : صدق قولي قولي
أماني : لا مو الحين بالليل أحسن

إبتسام طاقة : وليش ماتقولين قدامنا

أماني بتعالي : عشانه سر بيني وبين ريتو
هديل : أي سر هذا لاتكون بتذبحونا ونحن نايمين
أماني : لا يالدلوعة وبعدين بعدك صغيرة علي ها السوالف

هديل بصدمة : منهي الصغيرة أنا ولا إنت يالكبيرة

مني : ماعليك منها ياهدول ترا أماني بعنا عقلها بريال بس
الكل : هههههههههاي تراه غالي

أماني عصبت : مالت عليكم كلكم
ريتاج تتمصلح : أمونة ماعليك منهم إصفطيهم بس ...الا وش هي السالفة قولي !؟

أماني بعربجية : لو تموتين قبل شوي ضحكت معهم
ريتاج بعربجية : يله عاد لاتطلعيني عن طوري

أماني ضحكت : هههههه أمزح بس بالليل واقول وتراها ( همست بإذنها) عن طلال
ريتاج : واي حلو الميعاد بالليل
فرح : تكفون وش سالفته

ريتاج: علي قولت أماني توكم بزر
مني بغرور : الشرهة علينا مب عليكم وإنت هي البزر وبنت عمك بعد

أماني : منوش كم مرة قلت لك بنت عمها هي أختك

مني تستهبل : تصدقين توني أدري
نوف بهدوء : بس بنات صدعتونا ويله كلنا نروح صار وقت الصلاة والغداء

بعدها راحو كلهم علي الغداء وكانوا البنات بالصالة والشباب بالمجلس
الحريم والرجاجيل تغدوا بالقعدة العربية بالخيمة
بعدها راح الكل من البنات ينامون شوي بعدما ماصلوا الظهر إلا إبتسام ماقدرت تنام وقررت تطلع شوي وتروح عند الخيل وكانت تمشي وتجر رجلينها واللي يشوفها يعرف شكثر هي طفشانة أو حزينة وهي تمشي وتقترب من الخيل لفت نظرها شخص علي صهوة الجواد وكان واللي يشوفه يقول إنه من أبرع الفرسان لانه كان يقفز علي الحواجز بمهارة ويسوي حركات مرة حلوة ...إبتسمت يوم عرفته بس لفت نظهرها بعد أنو الفارس مرة معصب فأقتربت منه ونادت عليه

إبتسام : أحمد أحمممد
أحمد كان مرة معصب من نفسه عشانه صار يفكر فمني بشكل زايد عن اللزوم ويبي يحط قهره وجام غضبه بالخيل وإلتفت لجهة الصوت وشاف أكثر إنسانه تفهمه بكل الدنيا وتعرف وش بقلبه بلا كلمة أو تلميح ...إبتسم غصب عنه وأتجه لها

أحمد يترجل عن الخيل ويقرب لها : هلا وش عندك ليش إنت مو نايمة
إبتسام : هلا فيك تعرفني أكره النوم بهالوقت

أحمد : إنت كل الوقت كارهة النوم
إبتسام : هههههههه صادق إلا وش عندك إنت وليش مو بنايم الحين

أحمد إبتسم نص إبتسامة : يعني قلبت الايه
إبتسام : هههههههه يمكن ...وكملت بدلع ماسخ: أحمد وش رايك تركبني خيل وتأخذني بجولة

احمد : أوكي يله
إبتسام بفرح وتحضنه : ثانكس ماي باست فاضر
أحمد : هههههه وخري بس يالبزر

وركبها علي الخيل ومسك لها اللجام وصار يلف فيها في الحلبة المخصصة لتدريب الاحصنه
إبتسام تبي تفهم سبب غضب أحمد
إبتسام بهدوء وتناظر في أحمد : أحمد إنت صاير معك شي؟

أحمد إبتسم عشانها حاسة فيه : أبد ماكو شي ليش السؤال؟

إبتسام ناظرته بشك : أنزين ليش كل هالغضب والحزن بعيونك !!!!؟؟؟؟
أحمد لانت نظراته وقال بصوت هامس : قلت لك مافيه شي

إبتسام بثقة : ترا أنا من فترة وأنا شايفه هالحزن بس قلت مصيره بيقول بس طولت وماقلت
أحمد زفر الهواء بقوة وقال بصوت مبحوح وبعد عيونه عنها : مافيه شي يإبتسام إفهمني

إبتسام أستسلمت وماحبت تضغط عليه أكثر : أنزين يأحمد بس أبيك تعرف إنو لك أخت بكل وقت تلاقيها جنبك ومهما صار وإستوي فهي بتكون معك وجنبك إنت بس إطلبها
أحمد إبتسم لكلامها : أدري مايحتاج تقولين واذا صار وقررت أقول فإنت أول وحدة
إبتسام بنعومة وحنية: أوكي ياخوي
أحمد يغير السالفة : أشوف مامليت من الخيل يله أنزلي أبي أترتاح شوي
إبتسام : ترا مامليت بس تكرم عيونك
أحمد بغرور : أكيد تكرم عيوني اللي مسدحه نصف بنات الرياض

إبتسام تطنز وبسخرية : ههههههه إكيد عميان
أحمد بعجرفة يهبل فيها إبتسام : أكيد نور وجهي يعمي الكل

إبتسام : من زينه يله يله بسك تعجرف
رجعوا الحصان لمكانه ...وراحو للشجرة الكبيرة اللي كانت عندها هي ونوف
تربعت إبتسام بقعدتها وسندت ظهرها لجذع الشجرة ...أحمد نام علي رجلينها بطلب منه

إبتسام : مانيب أمكم الصبح نوافة والحين إنت
أحمد وكأنه بزر : تكفين مام ابي أنام إمسحلي علي شعري بليز مام
إبتسام ضحكت : هههه أنزين ياوليدي نام وانا أذبحلك طير الحمام

أحمد : مابيه ابي بس أغمض عيوني وأنام
إبتسام سكتت عشانها حست باللي بقلب أخوها وخلته علي راحته
أحمد من سكتت إبتسام غمض عيونه بألم ونزل الشماغ عليهم لانو لابس سبورت بس حط الشماغ علي راسه علشان الحر" ليش أحس أن كل نيران الكون بقلبي ليش مني هي الوحيدة اللي خلقت فيني هذا الشعور وش معناه أبي أكرهها بكل قوة فيني أبي أكرهها"
وأطلق زفرة قوية تطلع كلش فيه

إبتسام سمعت تنهيدته وحست بالجرح اللي بقلبه فقالت بهدوء رهيب : ماهوب بالضروري ننجرح ونتألم ولاهوب بالضروري ننجرح ومانتكلم .......لكن من الضروري إن ننجرحنا نتبسم ..ايه نتبسم ....لإن الدنيا تخليك تتألم ..دايم تخليك تتألم

أحمد كان يسمع لها وتأثر مرة بكلامها لدرجة أنه حس بدمعة كابرت ونزلت من عيونه وحس فيها كسكين يجرح خده رفع إيده ومسحها بسرعة قبل ماينتبه كيانه وتنجرح كرامته وقال والحزن طاغي عليه : بسوم تكفين
إبتسام بحزن عليه هذي أول مرة تشوفه بهذي الحالة : بأسكت بس أبيك تعرف إنو ماكو شي بالدنيا يستاهل دمعة وحدة وحتي وإن كان أغلي شي لإنه لو كان غالي مأبكنا

أحمد لف للجهة الثانية بحيث يكون معطيها ظهره وقال بنبرة غربية : تعرفين أخوك عدل لي يبيه يحصله إن كان غالي او رخيص وماتهمه الوسيلة والحين سكري السالفة ابي ارتاح
إبتسام مسحت بكل حنية علي راسه وإبتسمت رغم خوفها من كلامه : ارتاح يالغالي أرتاح
أحمد غمض عيونه بقوة يبي ينسي كلش حوله

عند العيال
بغرفة كبيرة فيها خمس أسرة مجهزة للنوم كان اسامة نايم هو وفهد إلا بدر وطلال وفارس

وفي غرفة ثانية نايم فيها يزيد ومصعب وأمين وراشد وسرير أحمد فاضي عشانه برا

بدر كان يفكر في ريتاج وشلوت وكيف قدرت تفرض وجودها عليه بهالوقت القصير " إيش فني شصاير معي شسوت بنت عمي بعقلي وتفكري كنت ناسيها وناسي وجودها بس الحين أقوم وأصحي عليها أنام وأغمض عيوني أفكر فيها اتوقع أحبها مثل ماقال فارس دام كذا فكر يابدر شلون بتخليها تحبك هي ماهي مهتمة لك والدليل اليوم حتي سلام ماسلمت فكر شلون "
فارس وطلال كانوا بعالم بعيد كل البعد عن الحب وخرابيطه

فارس بهمس حتي مايسمعه أحد : طلال إنت جبتهم معاك
طلال : أكيد يالغبي وتبني أنساهم أنا أكثر شي جابني حق المزرعة هم

فارس : أقول متي التنفيذ ؟

طلال بخبث : بعد المغرب يعني بالليل

فارس بخوف : والشياب إن دروا ترا بتكون أخرة ليلة لنا

طلال: لا تكون جبان أنا إخترتك لإنو أدري إنك راعي سوالف الغشمرة وبعدين ماسمعت أبوك وش قال !!

فارس يتنطز : لا ماسمعت وش قال ياأبو أذانين

طلال بجد : عن الطنازة وترا الليلة الشياب والحريم معزومين علي مزرعة جارنا أبو مشاري يعني بنكون إحنا والبنات بس

فارس تحمس : صدق ماسمعته أجل نخليهم يموتون بأرضهم من الخوف
طلال بحماس أكبر : حلو خليك قوي بس ترا إبتسام لازم تكون معنا

فارس بقهر : وليه ان شالله بتكون معنا ؟خليني أطلع حريتي فيها

طلال يضربه علي راسه : يالغبي البنت مريضة قلب وإن صار معها شي احنا نتحمل

فارس : ايه نسيت لازم مانخوفها

طلال : ايه وبعد العصر أدق عليها واقول لها علي اللي ناوينه

فارس : ههههه وربي احلي شي بنسويه خلينا نشوف القوي بينهم واللي يتحمل أكثر

طلال : هههههه رح تتسجل في التاريخ بإسمي وإسمك
بدر كان يبي ينام بعد مامل من التفكير بس فارس وطلال ماسكتوا للحين

بدر : أوف وبعدين إسكتوا وبسكم همس إبي أنام شوي

فارس بهمس : طلال ليكون سمع
طلال بثقة : لا لا وحتي وإن سمع مأظن فهم

بدر معصب : وبعدين

طلال : خلص حقك علينا حتي حنا نبي نام الحين
وناموا وهم مقررين يطلعون ريحة الكل
الكل نايم الا مني وماقدرت تنام وهي كانت بغرفة مع هديل وفرح
أماني كانت مع ريتاج بغرفة لحالهم وتعتبر أجمل الغرف وأكبرها بعد( سطوة القوي علي الضعيف ههه قانون الغاب) ومدي وندي فكانوا بغرفة وحدة مع سهي وإبتسام ونوف بغرفة وحدهم

مني قامت من سريرها وقررت تطلع شوي لبرا ...لبست عبايتها ولفت حجابها بس ويوم كانت بتطلع سمعت موبايل إبتسام يرن لإنها كانت حاطته بالشاحن ونوف بسابع حلم ...قررت توديه لها

مني تمت تدورها لين شافتها جالسة تحت ظل الشجرة الكبيرة ويوم قربت منها لمحت أحد منسدح وحاط راسه علي رجلينها وماعرفته عشانه كان مغطي راسه
إبتسام أنتبهت لمني وصارت تسويلها حركات بإيدها حتي تروح لها
مني قربت أكثر من إبتسام والشخص المجهول بالنسبة لها
إبتسام تلوح لمني تروح لها علابالها أحمد نايم

مني قربت منها وقالت لها وعيونها مافرقت أحمد : إبتسام موبايلك رن مرررة

أحمد فز بمكانه عشانه عرف صوتهاوعرف ريحة عطرها

إبتسام بصوت واطي : مشكورة تعبتك معاي ..وشافت وحصلتها أسماء داقة عليها ثلاث مرات
مني وعيونها مافرقت أحمد : ماله داعي تشكرين وبعدين وش عندك هنا؟ ليش مانمتي ترتاحين لك شوي ؟
إبتسام : ماجني النوم وبعدين حسيت أني أبي أشوف الخيل فطلعت
مني : هاه زين

إبتسام بمزح : ولشين الحظ صادفت هالبزر اللي نايم

مني إبتسمت لكلامها : ومنهو هالبزر ؟
أحمد أشتعلت النار فيه وكان يبي يقوم لها بس هونها

إبتسام حاطة إيدها علي ظهره : أحمدوه
مني وقف شعر راسها من طاريه وأختفت الابتسامة علي وجهها وقالت بسخرية : جد بزر ...ومشت علي طول عنهم

أحمد حس إنه بينفجر من كلامها بس ماحب يشعل النار أكثر ماهي مشتعلة
إبتسام ببراءة : لو يسمعك بيذبحك بس وين رايحة ؟خلك معنا
مني بدون نفس : أروح حق الخيل... وكلمت نفسها " يذبح روحه ماله دخل فني "
وراحت بعدت عنهم

إبتسام سكتت يوم إبتعدت مني وقالت تكلم نفسها بعدين وأكلم أسماء خلي أحمد نايم

أحمد كان مرة معصب من مني عشانها ماسلمت عليه وفوق هذا كله تقول عنه بزر صدق إبتسام قالت عنه بزر بس مزاح عكسها هي قصدت اللي قالته
مني كانت حالتها زفت صارت تعصب بسرعة ومالها خلق لإي شي وهذا كله من أحمد فمشت حق الخيل وركبت علي واحد بالرغم أنها ماتعرف له

إبتسام تمت ساكته وخطر علي بالها محمد غمضت عيونها وفنفسها " ليته تختصر المسافات بكلمة مشتاق لك...وليته تلين القلوب بكلمة أحبك ...وليته تفتح العيون تشوفك " مسكت تنهيدتها وتمت تمسح علي شعر أخوها تواسيه بشي ماتدري إيش هو

مني ركبت علي سرج الخيل وصارت تركض فيه تبي تنسي أحمد وتنسي كرهها له ماتبي تفكر فيه أبد

بس الحصان كان صعب بحكم مني مالها خبرة مع الخيل فصار يركض بقوة ومني كانت مرة خايفة وماقدرت توقفه وصارت تصرخ بقوة لعلي وعسي أحد يسمعها ووقفه

إبتسام وأحمد إثنينهم سمعوا صراخها وإرتعبوا
إبتسام بخوف وتهز في أحمد بقوة : أحمد قم تكفي قم شوف وش مستوي مع مني قم تكفي
أحمد قام علي طول من صراخ مني وخوف إبتسام : وش فيه وش صار !!!!؟؟؟

إبتسام وصارت ترتعش : مادري عنها روح خلنا نشوف وش إستوي معها
أحمد كان مرة متوتر وصار يصارخ : وينها وين راحت ؟؟
إبتسام وراحت ركض صوب الخيل : قبل شوي راحت حق الخيل

أحمد ركض بسرعة ولحق إبتسام وصار ينادي : مني مني وينك فيه؟

أما عند مني فكان الصراخ هو الحل الوحيد عشانها ماتدري وش تسوي وسمعت أحمد يناديها فصارت تنادي عليه ودموعها سيل علي خدها : أحمد أحمد الله يخليك تعال وقفه أنا مادري وش أسوي معه
أحمد وصل عندها وشاف الخيل يركض فيها بقوة وهي تبكي وتصيح بقوة وصار يصارخ : مني إسحبي اللجام حقك علشان يوقف وإنتبهي ماتضربي رجلك ببطنه

مني مافهمت عليه وماعادت تسمع إلا صوت نحيبها : أحمد مادري ساعدني
وصار الخيل يركض أكثر ويقفز علي الحواجز حتي خرج فيها من الحلبة المخصصة له وركض فيها مبتعد عن المزرعة

أحمد زاد خوفه عليها فركض وطلع خيل واحد وإمتطاه ولحقها
إبتسام ماتت من الخوف وصارت تنادي علي أحمد : الله يخليك لحقها مني ماتعرف للخيل

أحمد كان الخوف مصيطر عليه وماعاد يشوف قدامه قلبه وده يوقف من الخوف عليها

أحمد بصراخ بعدما أقترب منها: مني إسحبي اللجام صوبك إسحبيه يامني.

مني ودموعها بللت وجهها : مادري مادري
أحمد وده يصيح من الخوف : مني حياتي إسمعني أنزين بس اللجام شديه صوبك

مني ماقدرت ترد عليه وصارت تتشهد بقلبها وحتي الحجاب حقها طيره الهواء عشانها ماحطت له دبوس

أحمد قرب خيله أكثر منها وصرخ عليها : مني إرمي اللجام حقي

مني رفعت نظرها له وتقول بصوت هادي عكس السرعة اللي هي فيها : ماقدر مرة خايفة صدقني ماقدر

أحمد وكل كيانه إهتز من الخوف الواضح بعوينها ودموعها اللي حركت شي دفين بقلبه وقال بصوت حزين عليها : إنزين ياقلبي شدي باللجام بقوة وزحفي شوي قدام

مني بخوف : شلون مافهمت!
أحمد إبتسم لها حتي يزرع الإطمئان بقلبها وتحرك قدام وشد اللجام حقه بقوة : كذا يامني فهمتي

مني بصوت متقطع من الدموع : إيه ...وسوت وش قال لها أحمد

أحمد لزق خيله بخيل مني وبمهارة وقف عليه بعد ماثبت وقفز بمهارة علي حصان مني وصار وراها ومسك اللجام بقوة فصارت مني بين ايدينه وبينه هو وصار شعرها المنثور بسبت الهواء القوي يداعب وجهه
مني بدموع وبصراخ : أحمد وقفه تكفي وقفه

أحمد إرتاح وتنفس بهدوء : زين زين بوقفه ...ووقف الجواد وترجل وساعد مني

مني حضنت أحمد بقوة وصارت تشاهق من البكي ودفنت نفسها فحضنه

أحمد تصنم بمكانه من حركتها وفتح عيونه أكثر وصار قلبه يدق بقوة

مني مانتبهت لعمرها وحاضنه أحمد بقوة تبي شوية أمان تبي تنتهي من الخوف والرعب اللي عاشته قبل ثواني وهذا كله مالقته إلا بحضنه هو

أحمد حس بقلبه بيطلع من بين ظلوعه وماقدر يرفع حتي إيدينه ويحضنها بدوره
مني بعد ماهديت وإستوعب وش صاير معها وأنها الحين حاضنت أحمد ...تجمدت وماقدرت تتحرك
أحمد بهدوء وبخوف منها فنفس الوقت : مني تهدي خلاص إنتهي كلش

مني إنتفضت وإبتعدت عنه بسرعة ونزلت راسها عشانه غلطها
أحمد بهدوء : تطمني الحين
مني بهدوء وتمسح دموعها : سوري ماقصدت ..وشكرا عشانك ساعدتني

أحمد فه فيها عشانها كانت تهبل كانت عيونها حمراء من أثر الدموع وحتي خشمها إصتبغ بلأحمر وفوقها هذا كله شعرها الطويل اللي يطيره الهواء اللي خلاه مايقدر يتنفس فقال هو متوتر : إيش دعوى تتشكريني
مني إنتبهت لنظراته البي تعصبها و إنتبهت لشعرها إنه برا وصارت تدور حجابها فتذكرت إن الهواء طيره ...رفعت عبايتها تبي تتحجب فيها بس ماقدرت

أحمد إنتبه علي اللي قاعده تسويه وشال الشماغ علي راسه ومده لها

مني صدت عنه : مشكور مابي

أحمد تنرفز بس مابين : خذيه غطي راسك
مني رفعت عينها له : قلت لك مابي

أحمد لف عنها ومد لها الشماغ وقال بحدية : خذيه

مني بعصبية : مابي أخذه
أحمد بصراخ عليها مايحب ابد يعيد الكلام : قلت لك خذيه ولا تخلني انا أحطه علي راسك

مني إغترعت من صراخه وسحبت منه الشماغ وغطت راسها وتلثمت مرة وحدة وقالت بهدوء : ترا هارد لك لين نرجع
أحمد بحزم ولف لها : أنزين ويلا أركبي خلينا نرجع
مني خافت لتركب ويركب خلفها فمشت عنه : لا

أحمد وكأنه قرا أفكارها : إركبي ولا تخافين مارح إركب معك أنا راح إمسك لك اللجام بس

مني إرتاحت شوي فوقفت وركبت علي الخيل بعدما ماوقفه أحمد

أحمد كان يمشي علي رجلينه هو ماسك اللجام ولجام حصانه ويفكر فاللي صار قبل شوي وشلون كانت مني مرة قريبة منه

مني فصارت تلوم نفسها وتسب وتشتم فيها " إنت غبية شلون تركبين الخيل وإنت ماتعرفين له وشلون تخلي نفسك بهذا الموقف حتي يساعدك هو الحين إنت مدينة له لإنه أنقذك يالغبية صدق درج وماتستحين " اللي خلها تسكت وماتقول شي

و أحمد بعد تم ساكت ويفكر فمني إيش بتقول الحين وإيش بتكون نظرتها له الحين

وكملوا طريقهم دون ماينطقون بحرف

إبتسام صارت تدعي إنهم يرجعون بخير واللي طمنها أن أحمد يعرف للخيل زين
إبتسام تكلم نفسها : وينهم وين راحو يارب مايصير معهم شي .

وبعد شوي لمحتهم
إبتسام ركضت لهم وبراحة : وأخيرا رجعتوا مرة خفت عليكم
مني نزلت علي الخيل وحضنت إبتسام بقوة وخبت راسها من أحمد

أحمد تم ساكت ومانطق بكلمة

إبتسام حضنتها بقوة : خلص يامني ماصار إلا العافية ...وناظرت أحمد بمعني وش صاير

أحمد نزل راسه وقال بهدوء : إبتسام وديها داخل وشربيها شي يهدي أعصابها ...وراح عنهم

إبتسام أستغربت منهم أثنينهم : مني قلبي تعورتي

مني يوم حست أنو أحمد إبتعد رفعت راسها ومسحت دموعها وقالت بهدوء : أنا بروح جوا ...ومشت عنها
إبتسام مفهية: تبين نعناع او أي شي يهدي أعصابك

مني خنقتها العبرة: مشكورة مابي كل اللي أبيه أنام الحين

إبتسام : براحتك ...ويوم بعدت مني تمتت تكلم نفسها : غريبة وش إستوي معهم ومني ليش كل ها الدموع وليش متغطية بالشماغ وأحمد ليه مارد علي حتي مني سفهتني ،وخبطت رجلها في الارض بقوة وقالت بقهر : يعني لو بموت ماسمعت السالفة منهم وينكم يالملاقيف تساعدوني نفهم وش مستوي بين هالمغرورين * كل لي همها تعرف اللي صار بينهم هههه اللقافة وفعايلها * حالة مني وأحمد تخلق اللقافة غصب
أحمد دخل حق الغرفة وتسدح علي السرير وحط راسه علي إيدينه وهو مرة مبسوط " أخ مني كانت بين إيديني كنت أتنفس عطرها وأشم ريحة شعرها شكثر كانت قريبة مني وشكثر حلو الشعور لما حبيبة القلب تكون بين إدينك وإلا علي نفس الخيل بعد

نطق فيه عقله أحمد لاتكون غبي مستحيل ذيك الطاوس تتغير نظرتها لك وتحبك بيوم
رد عليه قلبه لا صدقني هي كانت تدور الامان معك ومالقته إلا بحضنك

صرخ فيه عقله أقول لاتعلق نفسك فيها وتنخدع وتتألم أكثر مافشتها شلون عصبت وماودها تاخذ الشماغ منكرجع تكلم قلبه لا تصدقه هي صدق تكرهك بس الحين بتحبك لإنك وقفت معها وماتركتها وإرتياحها لك دليله حضنها وتعلقها فيك

رد عقله عليه لا تكون درج هي إستغلتك بس ماتوقعت أنها بتطيح فذيك المشكلة وماتوقعت إنك اللي بتساعدها أقول شف ردت فعلها وبعدين قرر

أحمد بضجر من حالته عشانه بين مد وجزر صار مايعرف الصح من الغلط بس أكيد هو ماهوب بغبي يترك عقله ويفكر بقلبه لإنه يدري أنزين إن القلب ماكو شي من وراه غير الهم والغم والم

يزيد كان نايم بس يوم دخل أحمد حاس فيه وشاف حالته المفعوسة وشلون بثانية يبتسم وبثانية ينقلب 180 درجة

يزيد مستغرب : أحمد إستوي معك شي

أحمد ناظره بغرابه فكره نايم : إنت موب نايم !!!

يزيد : كنت نايم بس يوم دخلت قمت ،ها قول شنو صار لك مرة شاق الخشة ومرة قالب الموجة .

أحمد صد للجهة الثانية: ماكو شي وأرجع نام
يزيد بغرابة : اللي يشوف تعابير وجهك قبل شوي يقول عنك مجنون

أحمد عصب : مجنون بحبك يالدرج قلت لك نم

يزيد قام بروح حق الحمام يعرفه ابو الغرابة والغموض خويه ترا : خلاص خلاص توبة... ودخل الحمام ( الله يكرمكم ) عشان يتوظى ويصلي العصر وقته
***
 
الفصل الرابع عشر

مني دخلت البيت سيدة بعد مامسحت دموعها وراحت حق غرفتها يوم دخلتها شافت هديل وفرح يسولفون

فرح إستغربت حالة مني : مني صاير معك شي

مني ناظرت هديل ورجعت ناظرت فرح وراحت بتدخل الحمام : أبدن .
هديل : مو كأنها كانت تبكي !!؟؟

فرح وعلامة تعجب فوق راسها : غريبة أول مرة أشوفها ف هاذي الحالة
هديل تبي تطلع وتخليهم براحتهم : أنزين دام السالفة كذا طالعة بروح حق نوف وإبتسام
فرح ماردت عليها وتمت تفكر فمني الجديدة مني والدموع بعيونها

مني إغتسلت وتوضت حق الصلاة وطلعت من الحمام وشافت فرح تناظرها بتساؤل
مني بهدوء : وين هديل
فرح وقفت وراحت لها : ماعليك من هديل إنت وش صاير معك وش سبب هالدموع

مني صدت عنها : ماكو شي.
فرح بحنية : شلون ماكو شي وعيونك حمراء من الدموع ...علميني شفيك ياقلبي !!؟؟
مني بحزن : قلت لك مافيني شي

فرح : مني ترا أول مرة أشوفك بهالحالة فتكفين طمني قلبي وقولي وش صاير لك وليش هالدموع

مني ماقدرت تتماسك أكثر علي طول حضنت فرح وصارت تبكي
فرح حضنتها بقوة : مني وش مستوي معك ؟ احد قالك شي مني تكفين لا تغرعين أكثر عليك
مني كانت تبكي بحرقة علي نفسها ماتخيلت بيوم تكون مدينه لإكثر شخص تكرهه بها الدنيا وماتخيلت أنها تطلب مساعدته بشي

فرح بحزن عليها : مني تكفين قولي تكلمي ترا أنا خويتك القريبة
مني مسحت دموعها وبعدت عن فرح وراحت قعدت علي السرير وقالت بألم : أحمد يافرح
فرح فهت : منهو أحمد!؟
مني عصبت: تعرفين أحمد غير اللي أعرفه
فرح بدهشة : أحمد ولد خالتي واضحة !!!!

مني بملل وتطنز : عليك نور واللي هو ولد عمي
فرح : أنزين بس وش سالفتك مع أحمد

مني : سالفة طويلة ومابينا إلا الكره والحمد لله
فرح إنصدمت تعرف أحمد منطوي ويعيش بروحه بس شخص مايظلم ابد : وش قصدك بالكره ترا أحمد مرة زين
مني ناظرتها بحقد : تراكي مغدوعة فيه هو بشرق والاخلاق بغرب

فرح : أنزين قولي شنو صار عشان أفهم عليك

حكت لها مني كلش صار معها وأحمد يوم شافته بمجلسهم ويوم إلتقت فيه بغرفة إبتسام لين سالفة الخيل

فرح بحالمية : وكل هذا صار ولا قلتي لي صدق عايشة مسلسل مدبلج وأنا نايمة بالعسل

مني عصبت : فرح عن الطنازة أنا أقول إني مرة معصبة منه

فرح : بس ليش ماتقولين إنه ساعدك و ماتردد

مني بثقة : عباله خبلة وأصدق إنو ساعدني من باب الله

فرح بغباء : مافهمت تكلمي دون طلاسم
مني : هو قال إنو بخليني أموت فهواه وهذا هو السبب اللي خلاه يساعدني وأنا موب غبية عشان أصدقه
فرح رحمت أحمد: ليش حرام عليك مأظن قصده هذا هو يمكن ساعدك عشانك بحاجة لمساعدته وفيه إحتمال ثاني أنو صار يحبك
مني بقرف : واع مالت عليه حبه برص
فرح : حرام عليك لاتدعين عليه وبعدين أحمد مرة نايس ويهبل بعد وتليقون حق بعض
مني بغضب : فرح لا تجننيني وأحمد هو عدوي وأنا أكرهه وإذا كان نايس علي قولتك فهو ولد خالتك وإنت عند حق فيه

فرح : مني وش هالكلام وبعدين أحمد بالنسبة لي مثل يزيد وأنا أحسه يحبك
مني : أحساسك خليه بقلبك ولا تخليني أندم دامني قلت لك
فرح إبتسمت : أنزين توبه بس وش بتسوين معه الحين

مني رفعت كفوفها : هارد له شماغه وأتشكره وأقول إنو قلبي مستحيل يصفي من جهته
فرح بخيبة أمل : ليش !! ليش ماتتركين شماغه للذكري وتقولين له نفتح صفحة جديدة

مني : صفحاتي خلصت وماعاد لي أي صفحة وشماغه إذ مايبيه هو فخذيه انت

فرح عصبت : صدق إنك ماتستحين وعلي الشماغ أنا باخذه لإنو بيجي يوم وتطلبيه

مني ناظرتها بدهشة وضحكت بسخرية : ههههه لو صار و طلبته فمعناته إنو بحرقه

فرح بثقة : مني ترا إنت قاعده تقصين علي عمرك وبإيدك تحرقين قلبك

مني بسخرية:خليه يحترق لو كان هذاك المغرور هو السبب

فرح بثقة : يجي يوم و يعترف قلبك

مني ناظرتها بغضب : أقول فروحة خلي كلام المسلسلات عنك وقومي نصلي

فرح تنرفز مني يمكن يلين قلبها : تدرين أكثر شي عجبني يوم ركب الخيل وراك وكنت بين إيدينه

مني عصبت : واع إنطمي أحسن لك

فرح غمزت :قولي قولي ايش كان شعورك وإنت تضمينه لك

مني صرخت بقوة وهي تتذكر الموقف وتنقرف من نفسها ومنه هو : فررررررررررح

فرح فطست : ههههه بس ليش أحمد فلة

مني تستهبل : لو كان باربي أزين
فرح : ههههه بس يهبل ليش ماتفهمين

مني ملت : فرح سكري السالفة زين لك ولي

فرح " زين انا لك..اوريك " : إيه بسكرها بس أمانة علميني بالمستجدات
مني : أي مستجدات علبالك علوم الدار قومي الله يهداك اذن من وقت
......................................... .......
هديل دخلت غرفة إبتسام ونوف وشافت نوف توها قايمة
هديل : مساء الخير

نوف بصوت ناعس : مساك الله بالنور هلا هديل تفضلي
هديل : وينها إبتسام مانيب بشايفتها !!؟؟

نوف تقعد : مادري عنها وين حاشرة نفسها

هديل : ههههه ليش تقولين عنها كذا

نوف : عشانها ملقوفة إنت ماتدرين عنها

هديل إستغربت: جد !!!!!!

نوف بثقة : أيوه إنت ماتعرفينها أكيد قاعده تتسمع علي الحريم عشان إبتسام ماتستحي

هديل ضحكت
نوف : هههههه ماعلينا منها شقاعده تسوي فرح ومني !!؟؟
هديل ماحبت تقول شافت مني تبكي : خليتهم نايمين ويمكن قامو الحين عشان يصلون
نوف شافت الساعة : إيه وقت الصلاة خلنا نصلي ونروح ندور علي الخفاش.
هديلب غباء : أي خفاش تقصدين !!؟؟

نوف : هههه بسوم عشانها طول الوقت قايمة وماتحب تنام

هديل : بس الخفاش ينام بالنهار

نوف : أدري وأنا أسميها الخفاش لأنو ماتنام لا ليل ولا نهار تنام بس أربع خمس ساعات
هديل : ههههه جد خفاش
وقامو صلوا وطلعو برا يدورون إبتسام
إبتسام دقت علي أسماء وسولفت معها وسكرت وفتحت تطبيق المصحف بموبايلها وقاعده تقرا منه

أماني وريتاج حتي هم قاموا من النوم وصلوا فرضهم وطلعوا برا يدورن البنات

طلال ويزيد صلوا وطلعوا لاحقين الشباب عشان الكل صحي إلا هم توهم يقمون
وصلوا حق الشباب
طلال : بدر وين فارس !!؟؟

بدر : مادري عنه يمكن راح حق المسبح كان يدور عليك

طلال : زين

أسامة يناظر طلال بشك : طلالوه بينك وبين فارس شي

طلال خاف ليكون سمع : أبد بس حبيت أكلمه ليش تسأل

أسامة بنص عين : عشانه يوم تجتمع إنت وهو يصير إنقلاب بالمملكة

طلال ضحك : هههه مو لهالدرجة
مصعب : صادق أسامة إنت وفارس عقلكم خربان وماتفكرون إلا بالمصايب
يزيد : ترا أنا شكاك فيه من أمس

طلال يتمسكن: أقول شباب لاتتبلوني أنا وفارس وتظلمونا ويحاسبكم الله ... وراح عنهم وهو مرة مستانس من نفسه وخططه الجهنمية
مصعب بثقة : لا تتعجلون إلا ما نعرف بلوتهم ،خلونا نروح حق الخيل

الشباب كلهم أيدوا الفكرة وراحوا صوب الخيل
&&&&&&&&&&&&&&&&&&
إبتسام كانت بعدها بالخيمة تقرا قرأن يوم دخلت عليها نوف وهديل نوف : بسوم قلبي إنت فيه!؟

إبتسام هزت لها راسها بإيه وكملت قراءة

نوف طلت عليها وعلي الموبايل حقها علشان تشوف بشنو منشغلة

هديل : نوف إقعدي لين تكمل قراءة

نوف قعدت : أنزين

ودخلت ريتاج وأماني وقعدوا يسولفون وإبتسام للحين تقرا وأكيد ريتاج وأماني تليقفوا عليها

هديل حبت تسولف مع أماني شوي : أمونة شلون قدمت بالامتحانات حقتك إن شاء الله زين
أماني مو مهتمه : زين يمكن اجيب نسبه جيد وبعدين أنا بس أبي أدخل الجامعة وماتهمني النسبة

نوف ماستغربت عشانها تعرفها عدل أخر همها الدراسة : أنزين وش تبين تدرسين بالجامعة

أماني : تصدقون مادري يمكن قسم الانجليزي

ريتاج إنفجرت ضحك : ههههههههههه
أماني عصبت : رتوج لاتخلينا نبدى

ريتاج تضحك : هههه قال إنجليزي قال هههه إنهبلت البنت

نوف عصبت : ماعليك منها امونة إن شاء الله تنجحين وتدخلين قسم الانجليزي وتدريسن اللي تحبينه

ريتاج تضحك : هههههه بالحلم

أماني تكش عليها

إبتسام كملت قراءة وخشت بالسالفة

إبتسام : امونة حبيت أقول شي ترا الانجليزي يبالها نسبة حلوة

هديل تأيد : أيه لزوم عشاني بعد كنت أبيه بس ماقدرت لإنو نسبتي موب هذاك الكثر
أماني رفعت كفوفها بلا مبالة : أنزين غيره لإي شي سهل المهم إفتك من الدراسة وأيامها السودة

نوف وهديل وإبتسام ضحكوا عليها
ريتاج : دامك ماتبين تدرسين وش اللي تبينه !؟
أماني بدى عليها الاهتمام والحماس بعد ورفعت حواجبها وغمزت بعيونها : الزواج
نوف إبتسام وهديل : هاه !!!!!!!!!!!

أماني ضحكت علي شكلهم : هههههه صدق اشكالكم تحفة

ريتاج تستهبل تعرف اماني اخر همها الدراسة : ياللي ماتستحين

أماني : شوف عاد منهو تكلم عن الحياء
هديل للحين مو مستوعبه : من جدك !!؟؟

أماني تستهبل : لا من جدتي الله يرحمها

هديل : والله إتكلم جد
أماني ضحكت: أمزح بس

إبتسام : حطي عيونك بعيوني لشوف

أماني ملت : أوف بنات ترا بس إتغشمر وبعدين يوم يتقدم لي فارس الاحلام وقتها أقرر

ريتاج تقهرها : بالحلم يابابا

أماني عصبت : قولي أمين يالدوبة

الثلاثي إنصدموا
نوف بدهشة : ليش فيه منهو اللي تحبينه !!!!!!!!!

أماني بوناسه : يمه عليه يذبحني يوم أشوفه
هديل : من صدقك !!!!؟؟؟؟؟

إبتسام بثقة : تستهبل اماني تحب ترا من المستحيلات

أماني عصبت : ليش مالي قلب ومشاعر

ريتاج تطنز : واحاسيس بعد يأماني لاتنسين

أماني ناظرتها بغضب

إبتسام بنص عين وضحكت : ههههه يعني فيه اللي تحبينه !؟
ريتاج تدخلت عشانها تدري إنو أماني بلا عقل وثقل : ههههههه دامه ذبحك وين تبين ندفنك
،وناظرتها بمعني إنطمي
أماني ترقع : هههه ليش ماتركتني أهبل فيهم شوي
هديل : يعني تلعبون علينا
إبتسام تذكرت شي و بخبث. : إيه ترا أمونة والحب مستقيمان متوازين بس إنت غير
هديل خافت : مافهمت

ريتاج علي طول خشت : إعترفي انو تحبين

هديل توهقت : لا وش أحب أنا ماأحب إنهبلتوا

إبتسام : تكفين قولي لنا

أماني تقلد دلع إبتسام : بليز هدولة بليز
هديل وزاد توترها : بنات لاتجننوني وتعصبوني بعد

نوف : سفهيهم ناقصين سوالف

أماني :إنت مالك شغل ...وإنت ياهديل تدرين أبي أشوفك بيوم معصبة دوم هادية حتي فرح مثلك

هديل إبتسمت علي كلامها وتطمنت دام غيرت السالفة عشانها بين أماني وريتاج مو حيا الله واللي يبونه لزوم يعرفونه.
ريتاج بفخر : هذولا بنات خالتي ماشاء الله عليهم العقل والثقل مو مثل بعض الناس الدفاشة
أماني تقلدها : صدق أنا وإنت مالنا أسلوب علي قولت مني اللي فالحين فيه بس العربجة

ريتاج إنقهرت وأماني إبتسمت بنصر وإبتسام ونوف ضحكوا
هديل ضحكت عليهم وكلمت أماني : من بعض ماعندكم يأماني

أماني عصبت : عن الغرور والطنازة لإغير خلقك الحين
هديل خافت : أماني ترا أنا أمدحك
إبتسام : أقول هديل ترا أماني المدح بالنسبة لها مثل الشتم هههه
أماني : مالت عليك... ويرن موبايل إبتسام
إبتسام : غريبه طلال يتصل علي وش يبي!؟ ...هديل شوفي موبايلك يمكن دق عليك ماسمعتيه

هديل ناظرت موبايلها: لا بس دامه متصل عليك اكيد يحتاجك انت ردي عليه

أماني قفزت : ردي ردي يله يمكن يبك بسالفة مهمة
هديل أستغربت منها هي ونوف وريتاج ضحكت
إبتسام ردت عليه

إبتسام : يهلا ياهلا بالشيخ
طلال بفرح : أهلين شلونك ؟

إبتسام : بخير دامك بخير

طلال : بألف خير دامني سمعت صوتك ،ألا يإبتسام أبيك بسالفة

إبتسام : أمر
طلال : مايمر عليك ظالم بس أبي أشوفك الحين
إبتسام إستغربت : تبي تشوفني الحين !؟
طلال : إيه وترا أنا عند المسبح تعالي محتريك أنا وفارس
إبتسام : حتي فارس معك أنزين دقايق وأكون عندك
طلال. : أوكي لا تتأخرين
إبتسام : أوكي باي... وسكرت منه

أماني واللقافة بتاكلها : إبتسام وش قال ؟وش يبي منك؟ وليش فارس بعد معه ؟
إبتسام : أماني وحدة وحدة ولاتصرين مرجوجة وبعدين ماقال غير أنو يبيني بسالفة
أماني : حتي أنا بروح معك
إبتسام ناظرتها بدهشة : ليش !!

ريتاج تصرف : أماني عن الاستهبال وبسك لقافة

أماني إنقهرت : طلال وفارس بلاوي يوم يجتمعون وانا ابي اسمع وش يبون

إبتسام ضحكت : هههههه إن شاء الله بروح أشوف وش وراهم وأعلمك

نوف ضحكت : ههههه والله واشتغلت عندي اللقافة .. إبتسام تكفين قولي لنا حتي انا تحمست

إبتسام وراحت عنهم : خلي عنك اللقافة إنت ولاتصرين مثلهم
هديل ونوف يضحكون علي أماني : ههههههههههه

أماني : عاد وش أسوي صار طبع فيني ،بس شنو تتوقعون يبون منها

هديل بدون إهتمام. : مادري أكيد سالفة بينهم

ريتاج بشك : شي كبير خلنا ننتظر إبتسام
نوف وهديل ناظروهم وأماني وريتاج يحللون

وشوي ودخلو عليهم ندي ومدي وسهي قعدوا يسولفون علي الفاشن والميك أب وغيرها من سولف البنات
اماني موصلة معها عشانها ماتحب هالسولف هي وريتاج

إبتسام مشت حق المسبح اللي هو جنب إسطبل الخيل الشي اللي خلاها تشوف العيال

أسامة شاف إبتسام رايحه للجهة المسبح : ابتساااام
إبتسام لفت له وشافته مع بدر ومصعب ويزيد : هلا بالشباب
أسامة : هلا فيك وين رايحة ؟

إبتسام نزلت عيونها إستحت منهم : طلال يبيني بسالفة
أسامة : وش عنده وجه البلاوي !؟
إبتسام : ههه مادري عنه إتصل قبل شوي وقال تعالي أبيك

أسامة : أنزين هو راح عند المسبح

إبتسام : أدري
بدر : شلون بنت عمي شلون صحتها

إبتسام إبتسمت له وتقلده: زينه ياولد عمي

ضحكوا كلهم

مصعب : هلا إبتسام شلونك ؟
إبتسام : بخير دامك بخير

مصعب : الحمد لله ،إلا شلون صحتك الحين إن شاء الله مافيه ألم مثل قبل ؟

إبتسام : لا الحين أحسن عن قبل بعد العملية....،بس مصعب ترا أنا شايلة بقلبي عليك ومرة زعلانة منك
مصعب يدري انو تمزح وقال يجاريها : أفا وليه إن شاء الله ؟

إبتسام تمثل الزعل مصعب اخوها : عشانك من يوم رجوعي من ألمانيا ماعاد سألت عني
أسامة إبتسم صارت تدلع : إيه صادقة إختي تراك مرة قاطعها
يزيد يستهبل: حتي أنا زعلانة مني

إبتسام وكأنها بزر : لا إنت لا بس مصعب مرة زعلانة منه
مصعب حاط إيده علي راسه :حقك علي وقولي وش تبين أسوي علشان ترضين

إبتسام إستانست : إيه أبيك تراضين بس مو الحين

مصعب : وأنا جاهز بكل وقت وإنت بس تأمري
أسامة : نصيحة يامصعب لا تعطيها الضوء الاخضر وإلا بتندم

إبتسام : ماعليك منه ولا تخاف طلبي مرة سهل

مصعب مبسوط عشانها كلهم يحبون يفرحونها: لا تخافين وترا فيه إبتسام وحدة بس

إبتسام : قص علي بكم كلمة بس جهز نفسك

مصعب : ههههه والله مانيب قدك ولا قد عقوباتك
إبتسام : ههههه ترا المحكمة بتنفتح المساء فجهز لك محامي بس عن إذنكم الحين أكيد طلال بينفجر

أسامة : هبلي فيه أوكي
إبتسام راحت عنهم : لا توصي حريص
مصعب يستهبل : هههههه اليوم يومي
بدر يطنز : تستاهل أجل شهر بحاله م تسأل عنها

مصعب : مو فاضي هالفترة والوالد الله يذكره بالخير حرم علي كلش حتي روحة النادي
أسامة : لا تسوي فيها بزنس مان وتجهز حق العقوبة
مصعب يستهبل : اللهم لا أسألك رد القضاء وإنما أسألك اللطف فيه
يزيد : هههه لا تنسي تتشهد بعد

أسامة يستهبل: لا تخاف رح أحاول أخفف مدة الحكم لإنو بعرف القاضي عدل

مصعب يتنطز : تكفي ياحضرة المحامي الشاطر إفعل مابوسعك لإنقاذي من حبل المشنقة
يزيد : هههه خلونا نرجع حق الخيل
وراحوا كلهم يسون سباق خيل ولحق فهد واحمد

إبتسام وصلت عند طلال وفارس وشافتهم يتهامسون

إبتسام بصراخ : هلا هلا

طلال وفارس فزوا : يالدوبة

إبتسام : ههههه تستاهلون بس وش سالفة هالاجتماع المغلق

طلال رافع حواجبه ويبتسم بإبتسامة غريبة: لنفس الشي اللي سويته فينا الحين

إبتسام بغباء : هاه! وش سويت ؟

فارس : خوفتينا ونحن نبي نخوف الباقي

إبتسام فهت : ممكن تاخذوني علي قد عقلي وتفهموني

طلال : إسمعني السالفة ومافيها إنو أنا وفارس نبي نسوي مقلب بالشلة ونبيك معنا

إبتسام تحمست : واو بس وش تبون مني؟ وش هو المقلب ؟

طلال : شوفي أنا فارس إشترينا ملابس بالمرة تغرع من المول ونبيك تكونين معنا

إبتسام إستغربت : ليكون غلطتوا بالعنوان ترا انا إبتسام مو ريتاج

طلال وفارس تكتفوا وبنفس الوقت : ندري إبتسام موب ريتاج

إبتسام ضحكت :هههههه أوكي فهمت بس فهموني شلون الخطة ؟
طلال يستهبل : الخطة كالتالي... بعد المغرب بالظبط يعني يوم تعتم العين أنا وفارس نقطع الكهرباء علي المزرعة وإنت تحطين مسجلات بالخيمة وتحطين فيها موسيقي رعب

إبتسام تحمست أكثر للفكرة الجهنمية : حلو وبعدين

فارس : أنا وطلال وإنت نلبس هذيك الملابس المخيفة ونطلع لهم

إبتسام فقمة سعادتها طلال وفارس مهبل ومعهم بتغير جو : واو واو احلي فكرة بس ليش ماتكون بمنتصف الليل أحسن

طلال : لا فكرت فيها بس تدرين الشياب والله ليطلعون ريحتنا من سواتنا الشينة

إبتسام : صادق عشانهم بعد المغرب بيروحون مزرعة الدكتور أبو مشاري

طلال : إيه واللي خلاني أقرر بهالوقت يعني ماتجينا تهزئه محترمة منهم

إبتسام بفرح : حلو بس أقول منهو الذيب اللي طلع بهالفكرة
طلال بكل فخر ورز حاله : احم احم عبدكم الضعيف هذا
إبتسام : حسيت بالهشي بس ماقلتوا لي ليش أخترتوني معكم
طلال ماحب يقول بسب مرضك : أبد عشانك راعية هالسوالف

إبتسام إنصدمت : انا راعية هالسوالف !!!!!!!

فارس مل : بسووم تبين حياك ماتبين لاتعلمين احد وبس

إبتسام بسرعة وتبي تغير جو : ايه إيه أحب سوالف الرعب يعني الموعد بعد المغرب

فارس : إيه بس لاتقولين حق أحد حتي أماني وريتاج
إبتسام تذكرتهم وإبتسمت بخبث : والله لايذبحوني بس ماعليه أبي أشوف قوتهم اللي يفتخرون فيها
طلال فرح : أنزين شباب هذا سر بينا وبعد ساعتين نتجهز بالملحق ونطلع لهم

إبتسام تقلد البلاوي: علم والحين أبي أشوف هالملابس
فارس : أوكي تعالي معنا ،ورحوا صوب الملحق وشافتهم إبتسام وفرحت أكثر بقدر ماخفت منهم أكثر

ورجعت للبنات بإبتسامة كبيرة وطلال وفارس راحوا حق الشباب
أسماء يوم كملت مكالمتها مع إبتسام مرة زعلت عشان إبتسام ماقصرت وقالت لها انو هم كلهم بالمزرعة مجتمعين فيها وقرروا ينبسطون شوي

أسماء المسكينة انقهرت هي مالها صديقات مقربات بس زميلات الدراسة وكل وقتها باللاتوب ماتحب تطلع من البيت إلا لشي ضروري هي صدق عايشة بألمانيا من 12 سنة بس ماتعودت عليها وماحبتها أبد يوم شافت إبتسام صارت أعز رفيقة لها وحبت ريتاج وأماني بعد مع إنو لابيوم شافتهم غير بالصور بس كلام التليفون والنت فحبت تكون مع إبتسام و البنات واللي خلاها تتمني أكثر ترجع تعيش بوطنها الغالي بين أهلها وناسها
نزلت الدرج وهي تتحلطم شافت أمها قاعده بالصالة تتقهوي قهوتها العربية المفضلة
أسماء بقهر : هلا يمة

أم محمد : هلا بنتي حبيبة قلبي
أسماء تقعد علي الكنب : لو حبيبة قلبك صدق كان ودتني علي السعودية
أم محمد بحزن علي حالة بنتها اللي ماعندها غير اللاتوب يسليها : أسماء يمه وش فكرك الحين بالرياض وناسها ؟

أسماء : يمه أنا مرة طفشانة أبي شي يسليني ويملي علي حياتي وبعدين الرياض لا بيوم نسيتها وكل وقتي إدعي إننا نرجع نعيش فيها

أم محمد : حتي أنا مرة مشتاقة للسعودية والاهل فيها

أسماء فرحت : أنزين يمه خلنا نسافر لها تكفين

أم محمد : لو بإيدي نسافر ومانرجع أبد بس وش تبين أسوي وأخوك معند مايبي

أسماء بتفكير : خلنا نحاول معه يمكن يوافق

إلا بدخلت محمد وهو واضح عليه التعب وحامل بإيد وحدة البالطو حقه وبالثانية شنطته الطبية

محمد وهو يحب راس أمه : السلام عليكم
أم محمد : وعليكم السلام هلا بوليدي واضح عليك التعب يمه روح تسبح ونام

محمد شاف أسماء اللي ماده الشبر بوزين : زين يمه بعد شوي ...أسماء ليش مارديت السلام ترا السلام لله

أسماء تناظره بحقد : مابي أسلم إرتحت

محمد إبتسم عليها عشانها واضح عليها الغضب : ههههه وليه إن شاء الله ؟

أسماء : علشانك ماتبي توديني للسعودية
محمد : أسماء وش عندك هناك لإجل تروحين له خلاص حياتك هنا تعودي

أسماء بحزن : محمد واللي يعافيك أنا ماقدر أتعود علي هذا البلد أبي أرجع للوطن أبي أروح حق البر والمزارع تكفي

محمد : ههههه وش اللي خلاك تتذكرين الحين المزارع علي قولتك وترا حتي ألمانيا فيها مزارع تجنن
أسماء : ما أبيها أبي أروح حق مزرعتنا بالسعودية
محمد يهبل فيها : بس هذيك بعناها من زمان واجد

أسماء إنقهرت: صدق متي!!!؟

محمد بكذبة :قبل مانسافر ونجي لإلمانيا
أسماء بخبث: خسارة بس ماعليه أروح حق مزرعة أبو إبتسام

محمد فز قلبه من طاريها : أي إبتسام تقصدين ؟

أسماء وعرفت انو وصلت بيت القصيد : بسمة علي قولتك ليش ماتدري إنو أسمها إبتسام بعد
محمد فرح من طاريها : إيه أدري ليش هي دعتك هناك !؟
أسماء وصلت اللي تبيه : إيه توها داقه علي تبينا نروح لها كلنا هناك

محمد إبتسم : حلو بس مانقدر إعتذري لها

أسماء بخيبة أمل وخطتها فشلت : محمدوه تكفي بس أسبوعين.
محمد هو وده بس مايقدر بسبب شغله : المرة الجاية وتراني قلت من قبل بعد شهر وتعويض لك بعد عشرة أيام عندي مؤتمرين واحد بدبي والثاني يمكن بمصر أو لبنان ورح نروح كلنا هناك ويوم يخلص المؤتمر نروح علي طول لسعودية

أسماء فرحت : حلو دامه كذا أدق علي إبتسام وأعلمها

أم محمد : هههههه مبسوطة الحين

أسماء بوناسة : إيه بس تمنيت لو نقدر نسافر علي السعودية علي طول

محمد : أسماء صدقيني لو مو الشغل والمؤتمر كان نحن هناك من فترة
أسماء بطفش : أمحق شغل إنت غبي ليش ماتمسك شريكات الوالد

محمد مل من هالسالفة : أسماء واللي يعافيك تراه أكثر شي أحبه و م ارتاح إلا بغرفة العماليات

أسماء حتي هي ملت من الكلام يما قالوا له يترك الطب ويصير رجل أعمال بس هو مايبي و بضجر : أنزين بس إنت وين بيكون المؤتمر حقتك؟
محمد : للحين م قررنا بس أنا أبي دبي حتي تروحين معي وتنبسطين

أسماء : ياليت بس

محمد قام عنهم : إن شاء الله ويله الحين أنا برتاح لي شوي

وراح عنهم هو يفكر ببسمته " لو تدرين يأسماء شكثر أخوك ولهان لين يشوف حبيبة قلبه لعذرتيه ترا أبي أطير لها ..اخ يابسمة متي يجي اليوم لي أشوفك فيه وأقولك لك علي اللي ب قلبي... متي بس "

أسماء تمت تناظره لين أختفي وقالت من قلب : ياليت يجي يوم وتهد هالطب اللي مهبلنا فيه

أم محمد ضحكت عشانها تدري إنو أسماء مرة تكره تخصص أخوها لإنو مايقعد معاهم إلا شوي : كأنه عدوك اللدود
أسماء : ماورا هالشغل إلا المصايب ليش مايكون مع أبوي بوحدة من شركاته ترا كل الحلال له ولعياله
أم محمد : أبوك كم مرة قال له بس هو مايبي وكل اللي يبيه المستشفي
أسماء : الله يوفقه بس لزوم عليه يريح حاله شوي ويلتفت شوي لحياته
أم محمد بحزن : تدرين أنا مرة خايفة أموت وما أشوف عياله وعيالك بعد

أسماء قامت وقعدت جنبها وباستها على خدها : باسم الله عليك يمه إن شاء الله العمر الطويل إنت وأبوي
أم محمد إبتسمت لها : إن شاء الله بس أخوك م اتوقع إنو يتزوج بيوم

أسماء بخبث : لا تخافين يمه رح خليه يفكر إنه يتزوج وبأسرع وقت بعد بس أنا إبي زوجته تكون سعودية نشميه

أم محمد تفكر بشي : ويحصل له بعد ويقول لا
أسماء : خلنا نسافر بألاول ونخلي السعوديات يهبلون فيه

أم محمد : أشوفك ناويه عليه

أسماء بقهر : عشانه مرة طول بسالفة زواجه وبعدين أبيه يتزوج عشان أتزوج أنا

محمد: هههههههههه ليش منهو ماسكك !!!

أسماء ضحكت : فارس الاحلام اللي مادري وين أراضيه هو وحصانه الابيض

محمد إبتسمت علي خبالها : منهو يحصل القمر ويقول لا بس ترا مأقبل فيه يكون ألماني

أسماء بقرف : واااااااع مالت عليه أنا مارح أتزوج إلا عربي أصيل وياليته يكون سعودي

أم محمد : أشوف بنتي عايشة أحلام وردية

أسماء إنقهرت : ليش يمه مايصير أحلم بزوج سعودي

أم محمد وهي تحضنها بقوة : لا يمه يصير أدعي الله يرزقك زوج صالح يكون قرة عين لك

أسماء فرحت : أمين يمه وإدعي لأخوي بعد
دخل عليهم أبو محمد : السلام عليكم
أسماء قامت حبت راسه : وعليكم السلام يأحلي داد بالدنيا
أبو محمد فرح لفرح بنته : أشوف المعنويات مرتفعة
أم محمد تهبل في بنتها: ماتقدر تتخيل وش هو السبب ترا أسماء تبي تتزو....

أسماء توهقت ونطقت بسرعة : أسافر أبي أسافر ...وناظرت أمها بمعني لا تفضحينا بليزز

أم محمد : هههه ايه تبي تسافر حق الرياض

أبو محمد : إن شاء الله بأقرب وقت لإنو بسوي شغل جديد بالرياض
أسماء فرحت وتتمليح: يبه حبيبي يعني نطول فيها لو ما خلصت شغلك !؟
أبو محمد : إيوه لإنو كمان بفتح فرع شركة جديدة ورح يساعدني أبو بدر عبد العزيز يعني يبالي شهرين ثلاثة لاجل اكمل

أسماء نطت من الفرح : يس يس هذا هو الكلام الحلو رح أشوف وألف كل المملكه

أبو محمد فرح لها : هههههه قولي بإذن الله
أسماء : بإذن الله يله ألحين أروح سيده أكلم إبتسام وأبشرها....

وراحت ركض راقية الدرج
أم محمد بوناسة : شي زين يابو محمد انا ابي نشبع شوي من الوطن الغالي
أبو محمد بهدوء فيه شوية حزن : تدرين يأم محمد لو مو محمد اللي مايبي يسكن فيها ويكرهها كان رجعنا لها علي طول ولاعاد نرجع نطلع منها
أم محمد بحزن علي حالتهم وغربتهم اللي سرقت منهم شوفت الحبايب والغوالي وبعدتهم عن ريحة تراب الوطن : عاد وش تبينا نسوي ولدنا الوحيد اللي يبيه لزوم نحققه له دام فيه مصلحة له
أبو محمد : بس شغله ماهوب عاجبني وترا الحمد لله فيه من الخير اللي يعيشه لولد ولده ومايحتاج يشتغل لو نصف يوم

أم محمد : إنت تدري إنو مايحب إلا الطب والمستشفي وش تبينا نسوي معه عشان يغير رايه

أبو محمد : مادري بس لزوم نحاول نقنعه غير شغله ... ،وأعذرني الحين أنا مرة تعبان وأنهد حيلي اليوم بروح أنام لي ساعة زمان لين يجهزون الغداء
أم محمد قامت معه : سلامتك من التعب وأنا بعد بروح حق محمد أشوفه والحقك

هو راح يرتاح وهي لحقت ولدها فلذت كبدها ودقت الباب
محمد يلبس بجامته ...المساء ماعنده شغل : منهو!!؟؟
ام محمد بحنية : انا يمه إفتح
محمد كمل لبس ومشي بسرعة وفتح لها الباب : حيا الله الغالية ليش تعبين نفسك وترقين الدرج كان بعثتي وراي

ام محمد تدخل بإبتسامة : ليش ياوليدي انا عجوزة

محمد ضحك وحب راسها : بعد قلبي إنت مثل الاميرة
محمد ضحكت : هههههه قص علي بالكلام ...بغيتك بشي ياوليدي

محمد قعد علي كرسي فيه وامه قعدت علي واحد ثاني : سم

أم محمد : سم الله عدوينك ...شفيك يالغالي

محمد إبتسم : مافني إلا العافية يمه
أم محمد بعطف : احسك مو علي بعضك صاير شي معك بشغلك

محمد توتر امه فتحت تحقيق : لا يمه طمني قلبك انا مرة زين شوي تعب من الشغل بس
أم محمد إبتسمت : زين من متي تبي تسافر علي السعودية إيش هالتغير المفاجئ !!!!!!

محمد ناظر أمه شوي ونزل عيونه وبصوت هادي مرة : مشتاق لها يمه ابي أشوفها
أم محمد تناظر ولدها صار له شهر وهو مب طبيعي طول الوقت شارد ويهد حيله بالشغل ويحاول يلهي نفسه بأي شي : مشتاق لمنهو يمه!!؟؟

محمد تم منزل عيونه أمه قريبة منه تفهمه وتحل شفرته يبي يقول يحكي عن اللي بقلبه لها بس ماهوب قادر بدر الوحيد اللي بيقدر يتكلم معه ويقول له عن اللي بقلبه

أم محمد تمت تنتظره يتكلم بس تم ساكت قررت قرارها وقامت هي الام والام تهتم لابنها وتحاول بكل قوة فيها تسعد عيالها
قامت ومشت له وحبت راسه : تطمن نروح لسعودية ويفرح قلبك بشوفتها
محمد رفع عيونه وناظر امه المتفهمة
أم محمد باست خده بحنية

محمد حط راسه علي صدرها :يمه يأغلي الناس
أم محمد ضحكت وضمت راسه لها : هههههه اثاري وليدي ضعيف

محمد ضحك بشوية حزن : ههههههه جد

أم محمد بعدته : ايوه خلك قوي عشان اشوف عيال عيالك

محمد فقع ضحك امه فاهمة كل شي
ام محمد فرحت لضحكته : هههه اول مرة اتكلم بطاري الزواج وتضحك

محمد يضحك : هههههه صرت عجوز يمه ماتبين تشوفين عيالي

أم محمد ضحكت : ههههه يوم المني ياقليل الحيا
محمد قام وحب راسها كان خايف لاتقول امه انها ماتبي ابتسام كنه لها : ريحتيني يمه
أم محمد إبتسمت وتناظر عيونه " مارح اوقف بطريقك تحبها ياوليدي واضح بعيونك ومارح أكون انانية واقول ليش تبي بنت مريضة عشان هذا قدر ...وياليته تكون من نصيبك ياوليدي الغالي "

محمد مبتسم : يمه وين سارحة ليكون عجبتك
ام محمد ضحكت : ههههه ايوه وليدي وانا بخليك تحت جناحي

محمد ضحك : ههههه ليش عصفور

وضحكوا وسولفت شوي معه وطلعت تتركه يرتاح

ومحمد جبل إنزاح عنه كان يفكر شلون يقول حق اهله يخطبون له إبتسام خايف لايعترضون ويقولون بنت مريضة شف غيرها بس امه طلعت متفتحة ومتفهمه مثل كل مرة وتركته يقرر مصيره وحياته
شكرها وصلي فرضه ودعي لها ولأبوه ولجمعين المسلمين ونزل للغداء يتغدي
***
 
الفصل الخامس عشر

نرجع للوطن ولإرض الوطن الحبيب

إبتسام يوم كلمت طلال وفارس رجعت للبنات بإبتسامة خبث وتتوعد لليله وخاصة حبيبة قلبها ريتاج دخلت عليهم وشافتهم يسولفون

أماني طارت لها :بسوم البشارة
إبتسام إستغربت وتطنز : لا تقولين طلعت النتيجة ونجحتي بدرجة بس
أماني إنقهرت : لا حول ولا قوة الا بالله يعني مافيه سالفة بالدينا إلا النسبة ياللي ادعي لرب الكون ياخذها وريحني منها ومن الجامعة بعد
البنات فقعوا ضحك عليها عشانها كانت رافعة إيدينها وتدعي
إبتسام : هههههه اجل وش بشارته !؟
أماني : وش يبي منك فارس وطلال!؟

إبتسام تذكرت وإبتسمت بخبث : ولا شي
ريتاج إنقهرت : شلون ولا شي وهم داقين عليك

إبتسام تنسيهم وراحت لمني اللي لحقت هي وفرح : قلت ولا شي ...مني شلونك الحين إن شاء الله أحسن
مني تذكرت السالفة وعصبت بس مابينت : أيه بخير ولاتحاتين تراني زينة الحين

أماني إستغربت : ليش شفيك يامني

مني ناظرت إبتسام بمعني بليز لاتقولين لها

إبتسام فهمت عليها وقالت بكذبة : كان راسها يصدع شوي وطلبت دوا وعطيتها

أماني خافت عليها هي صدق طول الوقت يتناقرون بس هم خوات ومرة يحبون بعض و بخوف وراحت لها : مني حبيبتي إنت الحين أحسن مب ...و مافيك صداع

مني إبتسمت لها لإنو أماني مرة حساسة بالرغم إنها تقول العكس : أيه مافني صداع لا تخافين أخذت الدوا والحين أحسن

أماني تطمنت لجوابها : زين يمكن بسب الطريق والقومة بكير بس لو حاسة بصداع بعد روحي نامي شوي ويروح عنك اوكي قلبي

مني : أوكي أماني إذا رجع بقوم أنام

ريتاج : أماني وش هالخوف الزايد اليوم يالحساسة

أماني مإهتمت لها ولا ردت عليها بعد

ريتاج تنادي عليها : هالووو اكلمك أنا

أماني : رتوج ماله داعي كلام الخرطي هذا وخلنا نسولف مثل خلق الله
ريتاج ضحكت عليها لإنو أماني ماتحب أحد يقول لها حساسة وتخاف علي اللي حولها : هههههه زين زين ماله داعي كل هالغضب ياحلو
أماني فكرتها تطنز : مالت عليك

إبتسام تقعد : الا عن شنو كنتوا تسولفون
أماني علي طول: واااع عن الميك أب والفاشن وأنواع الكريمات غثوني هالدلوعات
إبتسام ضحكت عشانها تدري عدل السوالف اللي تحبها أماني وريتاج

فرح عصبت : واااع عليك يالبوي وش تبينا نسولف عليه
مني : يمكن تبينا نتكلم عن الكرة والنادي وغيرها من سوالف الشباب

نوف تطنز : ترانا بنات يأماني مب شباب
أماني بغضب : أدري إنكم بنات موب شباب بس غيروا القناة شوي وحطوا لنا شوية إثارة مع أكشن

ريتاج تستهبل : لا يكون في سينما يحضرة المخرج

أماني : رتوووووج يله عاد لا تصرين معهم

ندي : أقول أماني إنت ماتحبين نتكلم عن الميك أب والفساتين وإنت ماشاء الله لبسك مرة حلو شلون بتجبين الاشياء اللي علي الموضة

مدي : وقصت شعرك مرة حلوة بعد

أماني شاقة الخشة ورازه حالها : لا تستهينن بقدراتي الابداعية في عالم مواكبة الفاشن والموضه

إبتسام بدهشة : اولا خلك من الفصحي عشانها موب طالعة عليك وثانيا ليش الكذب
مني بغرور : لو مو أنا كان ماطلعتي من البيت بستايل الاميرات

أماني إنقهرت : مالت عليك وعلي شوفت حالك علينا أعصابك لاتنفجر

هديل : يعني إنت يامني اللي بتساعدينها

مني : أيه ترا أماني ماتحب تشتري الملابس لها وأنا لما أروح المول أختار لها شي يناسبها بس تدرون شنو ذوقها حلو في الاغراض بس ماتحب تختار وتعب حالها
ندي ومدي : واو ذوقك مرة حلو

إبتسام : مني ذوقها مرة حلو وأنا لما أروح المول لإجل أشتري شي معين أحب أروح معها تختار لي

أماني ترقع عشانها صارت مثل البزر اللي بتشتري له أمه : مو كذا السالفة بس أنا لما أدخل المول تضيع علومي بسب اللي أشوفه

ندي ومدي فهوا : وش تشوفين !!!!!!؟؟؟؟؟

أماني ضحكت عليهم : هههههههه لا تخافون قصدي علي الشباب يوم اشوفهم

هديل وفرح وندي ومدي فتحوا أفواهم من الاعتراف : هاااااااه !!!!!! شنو ؟؟؟؟؟

إبتسام: ههههههه ترا أماني تحب تقز لعيال قز

سهي بعفوية : عشانها ماتستحي

ريتاج فطست ضحك هي ونوف
أماني إشتعلت النار في راسها : شنو ياسهي ماسمعت عيدي وش قلتي !!!!!!!

سهي توهقت : أماني أنا أقصد ماهوب حلو تطالعين العيال مني تقول ....

أماني إنفجرت : لا والله الصغيرة تعلم الكبيرة حلوة هاذي

ريتاج تهبل فيها : ماشاء الله ياسهي العقل والثقل

اماني صرخت : رتوووووووووووج

البنات سكروا اذانيهم

إبتسام تدخلت أماني إنفجرت : أماني ماعليكي منها سفهيها

ريتاج تضحك وطتنز : هههههه صادقة ياماني سفهيني ...وعلي سيرة الشباب لو تشوفين مصعب ويزيد يذبحون ذبح ولابسين مثل الفرسان بعد

أماني نست سهي وقالت بحماس : لا تقولين يمه عليهم ترا مصعب أخذ عقلي الصبح

ندي ومدي فهوا وقالوا بغباء : منهو مصعب ؟

مني ضحكت عليهم ...ماأستغربت كلام أماني وريتاج تدري عنهم عقول خربانة: هههههه أخوكم

هديل بدهشة : بنات إيش تقولون الحين

فرح : يعني ماتدرين عن بنت خالتك إنها ماتترك احد بحاله ولو أخوها
ريتاج تستهبل : بس أمانة بنات مصعب حلو وجماله يخق مو

ندي ومدي يوم استوعبوا : مشكورة

أماني ناظرتهم بدهشة : ليش تشكرونها هي تسولف علي أخوكم ومو عليكم

ندي ومدي : ولو فالزين اللي فيه فينا

إبتسام : أقول بنات خلونا من سيرة مصعب الحين وخلونا بهالبنتين اللي هبلوا فني

نوف : صادقة ثنتينهم يتكلمون بنفس الوقت

مني : ويقولون نفس الكلام بعد

سهي : ترا أنا قلت لهم لزوم كل وحدة تتكلم بحالها

فرح : إيه لزوم نخلي كل وحدة تتكلم وحدها

سهي : بس شلون ؟

ريتاج بعربجية : كف ل هاذي وبكوس لثانية ويصيرون تمام التمام
إبتسام : وإنت كل حلولك العنف ماعندك شي غير الضرب بقاموسك
ريتاج تستهبل : نورينا يأم الافكار
إبتسام تمثل الحكمة : إسمعيني ياريتاج ترا يوم يصير معك مشكلة فكري بهدوء ورزانة لإجل تلاقين الحل المناسب ومايهم طولة الوقت المهم النتيجة

اماني تطنز : بدت حلقت نصايح حكيم الزمان

إبتسام عصبت : اكلم إختي انا شعليك إنت
ريتاج تقهرها وسكرت أذانيها : بس بس ترا راسي يصدع منك ياحكيمة زمانك
وفقعت ضحك مع اماني

إبتسام : نذلات
هديل : ههههه ماعليك منهم يإبتسام ...لأنو كلامك عدل
أماني : طلعوني من السالفة عشاني مابي وجع الراس وإنت ياهديل رح أعلمك عدل الكلام الزين شلون بيكون
هديل إبتسمت من كلامها عشانها مرة تعشق عصبية أماني الحلوة : أوكي سوري ماقصدت
أماني ضحكت : ههههه أمزح بس
فرح : يله يإبتسام نورينا
إبتسام : شوفي ياندي إنت دوم خلي مدي هي اللي تتكلم أول أو حاولي تفكرين بجاوب يخالف عن اللي كنت بتقوليه لإنو مدي أكيد عندها نفس الجواب

ندي :و شلون ؟

إبتسام : مثلا يوم ا أقول شخباركم بالبيت خلي مدي إهي اللي ترد بالاول أنا ماقول ماتردين أو ماتتكلمين بس حاولي تكون إجابتك غير عن مدي مثلا هي تقول الحمد الله وإنت قولي يسلمون عليك

مدي : حلو وأنا بعد بحاول أغير طريقة كلامي وجاوبي بعد

إبتسام : حلو وأنا أقترح تفترقون شوي عن بعض عشان تتعودون

مني : حلو كلامك يإبتسام رح نخلي ندي تروح معنا ومدي تروح معكم لين يتعودون عشانهم أربع وعشرين ساعين مع بعضهم حتي إنهم لهم نفس الغرفة والسرير

ندي : هههههههه متعودين هذا الروتين

هديل : بس يجي يوم وتفترقون وكل وحدة تتزوج وتعيش بيت بروحها
مدي : أوكي متفقين ولا لا ياندي

ندي : أوكي متفقين

سهي : حلو أبي أشوف بنتين مو وحدة بس

ندي ومدي : أبشري

أماني : ههههههههههاي يابنت العم ترا حلولك فاشلة

إبتسام ناظرتها بنص عين وقالت لتوأم : وش كنت أقول أو كلامي صار هباءا منثورا

ندي : سوري ماقصدنا بس وعد بنحاول
مدي : ومن اللحظة بعد

( هالشي حقيقي اعرف إثنين توأم اخذوهم حق دكتور نفسي وعلموهم شلون يتكلم كل واحد بروحه عشان ينطقون بنفس الوقت وبنفس الكلام وبس يهبلون يوم ينطقون بنفس الوقت وبنفس الكلام )

مني : أوكي تذكروا فاهمين والحين وش رايكم نطلع شوي ونروح حق المسبح نقعد هناك
كل البنات أيدوا الفكرة
إبتسام تذكرت الدواء حقها لانو تأخرت عليه : بنات إنتوا روحوا وأنا أخذ الدواء ولاحقتكم علي طول

نوف : تبين أجي معاك!؟
إبتسام : لا مايحتاج أخاذه بس وأجيكم علي طول ...

وراحت للمطبخ تاخذ الدواء
تذكرت شي كانت مقررته من زمان ..دقت علي سارة الاستاذة حقها واللي هي بعد رفيقة لها
إبتسام : ألوووووو
سارة بفرح صار لها مدة ماسمعت صوتها : هلاوالله وغلا ،شلونك ؟

إبتسام بوناسة : الحمد لله وإنت شلونك ؟شخبار رهوف ؟( رهف بنتها وهي صغيرة وبنتها الوحيدة )

سارة : رهف بخير وتسلم عليك، إنت شلون صحتك الحين ؟

إبتسام : الحين أنا مرة زينة الحمد لله
سارة : من زمان عنك ليش ماتجين حق قسم الموسيقي
إبتسام : والله دوم أفكر فيك بس تاخذني المشاغل والوقت بس بإذن الله أجيكم يوم نرجع

سارة : حياك الله بكل وقت بس ماقولت وينكم فيه ؟

إبتسام : بالمزرعة نحن وكل العيلة

سارة : حلوو اقل شي تنبسطون بهالايام الحلوة ،شلونها ريتاج !؟ هي معك ؟

إبتسام : إيه هي معي بالمزرعة بس ألحين هي برا مع البنات
سارة : أجل سلمي عليها بس ماقلت وش فكرك فني يالقاطعة

إبتسام : ههههه حق علي

سارة : هههه تراه بس مزاح

إبتسام : ههه أدري ...اقول أستاذة بغيتك بطلب
سارة : سم يإبتسام

إبتسام : سم الله عدوينك... كنت بطلب إنك توصين زوجك مساعد يجيب لي شي أبغاه من دبي

سارة : ماطلبتي أبشري وترا مساعد بعد يومين راجع للديرة فقولي شتبين وأنا أوصيه يجيبه لك

إبتسام : مشكورة ياقلبي ماتقصرين هي هدية أبي أعطيها حق أماني بمناسبة نجاحها بإذن الله هي وأخوي أحمد
سارة : ماله داعي تشكريني وترا أنا بدعي لأماني أنو تنجح وتدخل الجامعة بس ماقلت وش هو الطلب
إبتسام : أمين يارب هي وجميع الممتحنين وأنا أبي أهديها عطر ماركة تولة

سارة : حلو ماشاء الله أختيارك مرة حلو

إبتسام : تسلمين قلبي وأنا إتصلت عليك عشان تقولين حق زوجك

سارة : أبشري ماطلبت

إبتسام : تسلمين وترا أبيه يجيب ثنتين عطر حريم ووحدة عطر رجال

سارة : أوكي ياقلبي رح أكلمه الحين بعد

إبتسام : مشكورة والله مادري شلون هارد لك

سارة : لا وش دعوة الشكر أو ترا بزعل منك

إبتسام : ههه كلش ولا زعلك

سارة بدلع : عاد زعلي ماينطاق بس إذا تبين تردين الخدمة تعالي عندي بالقسم مشتاقة لك حيل

إبتسام : بإذن الله بس بشرط أدرس انا البنات

سارة : ههههههه تكرم عيونك

إبتسام : الله يسلم عيونك تأمرين بشي
سارة : لا سلامتك بس تعالي

إبتسام : وعد بإذن الله

سارة : زين فامان الله
سكرت منها ودخلت داخل المطبخ ووووووووو ......
-------------------------------------
عند العيال إجتمعوا كلهم عند الخيل وقرروا يتسابقون إلا بدر عطش وراح حق المطبخ يشرب مويه ودق علي محمد يتطمن عليه
محمد اول ماكمل غدا ورقي الدرج لأجل يرتاح رن موبايله برقم اعز اخوانه ورد وفنفسه " مثل كل مرة تتصل بوقتك " : هلا بالغالي

بدر بالفرنسي : سالي كمون تااليفو ( اهلين شلونك )

محمد عصب : صفا ( بخير ) بس تكلم سعودي

بدر ضحك محمد يكره السعودية وكلش فيها إلا لهجتها ويستهبل بالانجليزي: وات تو يو دون ( ماذا تفعل )
محمد وصلت معها مايحب يسولف مع اهله إلا بلغته الاصلية : فامان الله ...وبغي يسكر

بدر ضحك : ههههه امزح امزح شخبارك شعلومك
محمد : كنت تمام بس الحين مب زين
بدر يستهبل : افا حياتي شفيك !؟
محمد من قلب : اووووف اشوفك بخير
بدر بسرعة : هههههههه مزاح مزاح شلونك شخبارك ؟

محمد إبتسم وتسدح : قلت لك مب زين
بدر : ليش عاد !
محمد : سمعت صوتك الشجي
بدر عصب : عاد الشرهة مو عليك علي انا قلت اتصل وأتطمن اثاريك ماتستاهل احد يسال عنك إنت ورائد الغبي
محمد ضحك : هههههه شفيك إنفجرت وبعدين شسوي لك رائد!!!؟؟

بدر منقهر : عزمته امس يطلع للمزرعة معي والاهل رفض قليل الحيا
محمد يضحك : هههههه مشغول يابدر
بدر : مالت عليك إنت وهو تعرفون كلمة وحدة بس مشغول مشغول
محمد : هههه ماعليه ماقلت شخبارك شعلومك

بدر بخبث : احسن من اخبارك ....بدر عشقان

محمد علي طول إنفجر ضحك : ههههههههه جد ياعنترة بن شداد

بدر يدخل المطبخ : مالت عليك يالعشاق الولهان
محمد ضحك ويطنز : هههههه شدراك إني عشاق وولهان بعد

بدر ضحك : ههههه مشاعرك الفياضة والجياشة أدري عنك مستحيل تحب

محمد : افا ليش عاد

بدر يطلب مويه من الشغالة ويكلم محمد : إنت والحب طريقان مستقمان لا يلتقيان
محمد رفع حاجب : ولو قلت لك أحب
بدر إبتسم نصف إبتسامة وهو اكيد إنو محمد مستحيل يحب ^^ فكره الة ^^ : من سابع المستحيلات

محمد ضحك وبجد : زين بعد شهر تسمع بخطبتي
بدر بثقة : تمزح
محمد : صدقني

بدر عقد حواجبه :تخطب بنت المانية

محمد ماسك ضحكته :فال الله ولا فالك بنت سعودية

بدر فقع ضحك : هههههههههههههههه
محمد ضحك غصب : ههههه علبالك أكذب

بدر دخل نوبة ضحك : هههههههه إنت ههههههههه تخطب بنت سعودية هههههه مأصدق
محمد سكت عن الضحك فجأة : ليش !!

بدر بجد مفاجئ : زين قم الحين وتعال حق السعودية
محمد بهدوء وقرر قراره : بدر السالفة ...
بدر قاطعه وبهدوء وثقة : محمد أدري زين إنك تكره السعودية وتكره كلش فيها وشلون عاد تقول تبي بنت سعودية

محمد إبتسم " كلش بوقته زين " : زين إيش تتوقع مارح أتزوج بنت سعودية

بدر بثقة ويشرب المويه : يدفعون لك المهر ويتوجونك امير علي منطقة الحجاز ويعطونك جائزة نوبل في الطب ويقولون لك تزوج بنت سعودية ترفض...عشان ادري عنك كرهك الاول السعودية وكلش فيها وأصلا مستحيل تتزوج بحياتك
محمد ضحك وبدر بعد
محمد : افا هههههههه
بدر تذكر شي : ههههههه وبعدين ماتحب روز ياجاك محمد سلمان

محمد عصب : ابوووو بديييير

بدر ضحك : ههههههه إلا شخبار روز
محمد يكره هالسيرة : ترا مالي خلق لك ابد

بدر حط الكأس ولف بيطلع : ههههههه تدري من زمان ماسولف لي عنها .... ولف وراه وشاف شخص مبقبق عيونه فيه

محمد معصب : بدر وبعدين معك
بدر مستغرب : إبتسام !!!!

إبتسام كانت وراه وسمعت كل السالفة وعيونها غرقت دموع بدر اثبت وبرهن نظريتها محمد مستحيل يرجع للوطن ولو رجع مستحيل يحبها وهي سمعت بدر زين يوم قال إنو محمد كرهه الاول السعودية

إبتسام مدت إيدها ومسكت مقبض الباب بقوة بتطيح بأي ثانية
محمد بشك " قال إبتسام " : بدر منهو معك !!؟؟
بدر لاحظ وجه إبتسام الاصفر وقرب شوي لها :إخت إبتسام إنت زينة ؟؟
محمد وقف قلبه وبعفوية : شفيها !!!

إبتسام دموع نزلت من عيونها بسب الالم نست دواها وكلام بدر وبصوت صعب : أبي مويه
بدر بسرعة ولشغالة : عطيها مويه ....ولإبتسام : إقعدي إقعدي
إبتسام تركت االمقبض وقعدت علي الارض ومسكت راسها
محمد حارق الخط وقام بسرعة : بدر شفيها شصاير معها !!!!!

بدر متوتر وقرب شوي لها : إنت بخير ...شصاير معك
إبتسام تجمع قوتها وبصوت تعب : انا زينه بس ابي اشرب الدوا عشانه وقته
بدر إرتاح شوي : جد !؟

إبتسام هزت راسها بإيه وبراكين تعصر قلبها ...والشغالة طلعت الدوا من الثلاجه

محمد ميت رعب وبرجا بدر ماهوب لاهي له : بدر تكفي شصاير

بدر لف للخدامة يأخذ كاس المويه ويكلمه : بنت عمي مريضة شوي وتبي تشرب الدوا
محمد تذكر كلام أسماء وإنهم كلهم بالمزرعة : والحين شلونها !؟

بدر عطها المويه بنفسه وإبتسام شربت حبة الدوا
محمد متوتر خايف معصب رايح جاي بمكانه : بدر طمني
بدر لاهي مع إبتسام : شلونك الحين أحسن ؟
إبتسام بإبتسامة باهتة : إيه زينة مشكور
بدر فرح إبتسام غالية عنده غلاها بغلاى خواته : وش دعوة تبين اقول حق ريتاج تجيك
إبتسام مدت إيدها للخدامة تساعدها تقوم : لا مايحتاج ماتقصر

محمد إيده علي راسه ويسمع لبدر

بدر لشغالة : خذيها حق غرفتها وساعديها زين

الشغالة تساعد إبتسام : اوكي
إبتسام مشت تهرب من واقعها المرير

محمد بصوت خايف راجي : بدر شلونها !؟

بدر يناظر قفاها وبصوت هامس : اتوقع زينه شربت الدوا

محمد بتمني : اقدر أكلمها
بدر إنصدم :شنو !!!!

محمد يخفي شوقه وخوفه : دكتورها يابدر ابي اتطمن عليها وعلي العملية

بدر إبتسم ونادى : إخت إبتسام

محمد فرح
إبتسام وقفت ولفت له

بدر مشي لها : قاعد أكلم محمد علي الموبايل وهو يسال عنك وعن العملية ويبي يكلمك عشان يتطمن

إبتسام بوجع : قل له انا زينة

بدر توتر : محمد تقول إنها زينه

محمد إنقهر : قل لها سوت فحوصات الشهر

بدر : سويتي فحوصات الشهر
إبتسام تكابر دموعها " هذا هو همه الوحيد الله ياخذ المرض والفحوصات " : بعد أيام اسويها

بدر : تقول بعد أيام
محمد حس بوجع بقلبه " سمعني صوتك ياحياتي " : طيب لاتنساهم اوكيه وماتنسي وقت الدوا بعد
بدر ماعرف إيش قاعد يسوي مثل المرسول : أكيد مارح تنساهم

إبتسام بعد كلام بدر أخذت نفس والشغالة سندتها وبصوت تعب : قل له مشكور مايقصر

بدر : زين
إبتسام لفت ومشت ودمعة نزلت

بدر : حميد تقول مشكور وماتقصر
محمد غمض عيونه " اخ ياغدر الزمن " : وش دعوة واجب بس صارت بخير

بدر إبتسم : إيه تطمن ..وتعال
محمد تعبان : شفيك!!

بدر يستهبل : من وين لوين تكلمها

محمد عقله وقلبه وفكره عندها " ياليت تكون زينه من جد " : بدر عن الطنازة

بدر ضحك محمد ويعرفه زين كل همه طبه وشغله

محمد يبي يقعد بروحه : بدر بعدين .....

بدر قاطعه وبسرعة : باي باي اقول حق ريتاج عنها
محمد عقد حواجبه : حق منهو !؟

مامده يكمل إلا بدر يسكر الموبايل ويطير طيران حق ريتاج حصلها فرصة يسولف معها

محمد مستغرب : شفيه هذا سكر بوجهي .....بس بسمة شفيها شصاير معها خلاص يامحمد لزوم تكون جنبها تحفظها وتحميها
قام حق دولابه وطلع شي ...يطلع ذكري منها... وتم يناظره ويكلم نفسه : بسمة انا مدمن حبك ...صرت موب قادر اتخيل بكرة وإنت ماهوب فيه ...أنت لي ويوم أرجع السعودية أخليك تصرين لي

ناظر لوحة بالجدار كانت صورة لمنظر جدة علي البحر : كرهي لك عظيم بس بسمة خلته يتلاشي قدام عشقي لها وصدق من قال القلب اللي يحب مايكره ..بس صدقني يالمملكة أخذها منك وأسافر الشي الوحيد فيك لي هو بسمتي
رجع يناظر الذكري وإبتسم : حبيبي وعد دين علي أعالجك بأذن الله وتصرين لي وملكي بأذن الله
-------------------------------------
البنات شافوا كل العيال عند الخيل فصدوا عنهم وكملوا طريقهم

أسامة كان مركز نظره علي هديل وتمني بس لو تناظره ولو ثانية بس خاب ظنه لإنو كل البنات بعدوا عن الاسطبل بمسافة بعيدة شوي
فارس : وش عندهم البنات ماسلموا علينا

طلال يستهبل : أكلنا حلالهم

أحمد بغرور : وإنت وش همك سلموا أو ماسلموا إنت بس لاتهتم وماتفكر مثل الحريم وعقولهم الناقصة
فارس : أقول شدعوة الغرور الحين

أحمد : مب غرور بس إنت تهتم حق كلش خلك ثقل

طلال : اقول أحمد ترا أنا مرة مستغرب شلون متحملينك بالبيت

أسامة : ومن قالك أن ناخذ ونعطي مع هالغامض كل اللي يقوله إنه سوي شي
أمين : ونحن ماندري عنه غير يوم يكمل كلش ويعلمنا بالاخير

أحمد بهدوء : عشان مايعترض أحد عن قراري

مصعب يستهبل : لإنو ياجماعة الخير قرار الوزير
أحمد ببرود : ترا أنا مايأثر علي كلامك وخلك بالسباق

مصعب : بس تدري شنو أحب فيك هالغموض
فارس : وأنا مرة أكرهه لإنو مايخليك تعرف شقاعد يدور براسك
أحمد إبتسم نصف إبتسامة وبهدوء : ماعليه فارس يوم تحب تعرف شقاعد يدور براسي إسأل وأنا بجاوبك واشبع فضولك ولقافتك بعد
فارس : حلو أتفقنا وتراك قلت كلمة فجهز نفسك حق الاستجواب بس الحين خلنا نكمل السباق اللي بديناه
البنات يسولفون

نوف قامت تمشي شوي بروحها وتفكر إيش ممكن تقول حق إبتسام شلون تساعدها الصبح يوم قالت لها إبتسام ماقدرت تقول لها كلمة تريحها والحين تبي تسوي عشانها أي شي يريحها
سهي ملت : نوف أروح معك ؟

نوف إبتسمت لها : تعالي يله

سهي فرحت وقامت معها

ريتاج قامت تلحق إبتسام : تسولفين مع بزر

سهي عصبت : بزر بعينك.. ريتاج تضحك

نوف : سهي تعالي طنشيها ماعليك منها
أماني واللقافة : وين ريتاج !؟
ريتاج : أشوف إبتسام تأخرت ...تجين ؟؟

أماني : مابي

ريتاج عصبت : زين ياشيخة ليش تسألين..... ولحقت إبتسام وماسمعت منها رد وهم صاروا يتمشون
مني قاعده مع البنات علي الكراسي اللي جنب المسبح وكانت داخلة الفيس بوك وتكلم شذي رفيقتها بالدراسة وكانت تقرا وتضحك لإنو شذي كانت تطرش لها مسجات وصور كلش مضحكة ...قامت ومشت عن البنات وهي تقرا وتضحك ،ويوم شافتها فرح قامت ولحقتها وهي ودها تعرف وش هو السبب

فرح : مني شعندك بالموبايل ليش تضحكين !!!؟؟؟

مني لاهية : هاذي شذي مطرشة لي نكت وصور كلش مضحكة وتخبل
فرح تحمست : عطني عطني خلني أشوف

مني : لا مابي هاذي خصوصيات

فرح : لا والله وش خصوصياته أقول عطني خلني أشوف

مني إنفجرت ضحك علي نكتة قالتها شذي وماردت علي فرح

فرح شبت النار فيها وبحركة خاطفة سرقت الموبايل من مني و صارت تركض فيه
مني صارت تلحقها يوم إنتبهت علي اللي سوته فرح : فروح ياحمارة هاتيه رجعيه لي ،

وصارو يركضون دون هدف

بالجهة الثانية عند الشباب قعدوا يسولفون يوم انهد حيلهم من سباق الخيل
مصعب طفش وقام عن الشباب يبي يروح يشوف شوي المزرعة

طلال واللقافة : وين علي الله

مصعب : أبي أشوف البط تروح

طلال : لا مشكور رح بروحك

معصب : شباب منهو يبي يروح

قام أحمد عشانه مل بمكان واحد : أنا بروح معك

مصعب : تفضل حياك

فارس : وين حياه ليكون ترخبط المخ عندك ترانا برا

مصعب : إنت شعليك تبي حياك الله ماتبي بعد حياك الله

أحمد بهدوء : سير سير ترا فارس ماينفع معه إلا تصفطه علي قولت العرابجة

أمين : ترا بعلمك عليك وأقول لهم
أحمد : جرب إفتح فمك وأسكره لك طول حياتك الباقية
فارس : أنا بقول لهم

أحمد : زين سوي اللي تبيه إنت وهو .....ومشى عنهم ولحقه مصعب متجهين حق بركة البط ويشوفون بعد كلش جديد في المزرعة

عند فرح بعدها تركض ومني وراها تنادي عليها توقف وترجع لها الموبايل حقها

فرح بصراخ وهي ميتة ضحك علي مني : ههههههههه إلحقيني يالسلحفاة
مني تعبت من الركض : فرح وقفي يالدوبة حشى مو بنت إلا صاروخ

فرح لفت عليها وطلعت لها لسانها وصارت تمشي لورا : تعالي إمسكني وخذيه ..ولفت تكمل ركض وماحست إلا إنها تصقع بشخص اللي خلاه يطيح وهي بعد تطيح معه وصار هو تحت وهي فوق وهالشخص ماكان غير مصعب

مصعب مسكها وحضنها بإيدينه خايف عليها لاتطيح م انتبه إنهم طايحين خلاص وتأوه بألم
فرح بخوف من طيحتهم : يمه ...ورفعت عيونها شافت مصعب تحتها وهو يناظرها ماتت من الفشيلة وصار وجهها يتلون بشتى الالوان كأنها حرباية

مصعب تم يناظرها وعيونها وفه فيها ونسي الالم اللي كان فيه من طيحتهم

فرح توترت قامت بسرعة عليه وصارت تتكلم بكلام غير مفهوم : أنا أنا .... أن...ا أس...فة ..مانتب...هت
مصعب تم يطالع بعيونها عشانها كانت مو ملتثمة هي وباقي البنات : حصل خير

فرح توردت خدودها من كلامه : مرة ثانية سوري ...وركضت بكل قوتها و بغت تطير مني بطريقها وصارت تبكي وتصيح

مني وأحمد اللي كانوا حاضرين الموقف بغوا يتفرجون بس وهم ماسكين الضحكة
مني يومراحت فرح عنها بسرعة الضوء مشت حق مصعب اللي تم واقف مكانه وماتحرك

مني انحت لموبايلها اللي بالارض واللي نسته فرح ونست مني بعد

أحمد كان يناظرها وشلون نزلت عند رجول مصعب وهو لاهو داري عنها

مني بخجل وبضحكة في صوتها : تراها ماعندنا علم إنكم فيه

مصعب فه :..................

أحمد ضحك عي حالته : ماعليه ماصار شي

مني ناظرت أحمد وهزت راسها بإيه ومشت عنهم

أحمد من إبتعدت مني إنفجر ضحك : ههههههههههههههههههههههههه أحلي ههههههههههه موقف وربي
مصعب " يمه علي الدلال يذبح ذبح وإلا الخجل ضيع علومي والرقة بعد بس منهي " وتم يناظر في المكان اللي إختفت منه الغزال

أحمد ماسك الضحكة غصب وصار ينادي عليه : مصعب مصعبوه رد وصمممممممخ طننننننننن

مصعب إنتبه له وقال بفهاوة : منهي البنية ؟

أحمد إبتسم عليه : بنت خالتي
مصعب بغباء : بنت خالتك !؟

أحمد ضحك : هههه إيه الصغيرة وإسمها فرح بعد

مصعب دق قلبه من سمع إسمها " إسم علي مسمي ويافرحت قلبي فيك يافرح ":..........

أحمد مل منه : مصعب وبعدين قصر نظرك

مصعب : هاه أقصر نظري

أحمد ماقدر إلا إنه ينفجر ضحك : هههههه خبل وربي خبل بنت خالتي تذكر زين

مصعب يفكر فيها: شعلي أنا منهي كل السالفة ماشفتني

أحمد بحزم : زين مشينا يله هي م شافتك

مصعب مش معه وهو مابعد إستوعب اللي صار " فرح فرح وربي أحلي إسم ترا رقتها ذابحتني لزوم أكلم الوالدة "* هههههه مستعجل الرجال علوم الدار أقصد علوم القلب *

عند فرح وقفت غصب يوم لحقتها مني
مني تتنفس بصعوبة : يالدوبة وربي إنك أسرع مخلوق علي وجه الكرة الرضية لزوم يحطونك فموسوعة كنس للأرقام القياسية

فرح ساكته عشانها لو تكلمت بتصيح
مني بخبث : ليش طحتي علي مصعب !؟

فرح صارت دموعها تنزل غصب عنها ونزلت راسها بحيا من مني ومن نفسها ومن كلش حولها
مني فقعت ضحك عليها : ههههههههه شكلكم تحفة بس لو إني جايبه الكميرا حقي كان صورتكم بس تفقع الرجال وإنت فوقه

فرح إنفجرت دموع من كلمة مني الاخيرة ودفنت نفسها فحضن مني
مني رحمتها مع إنها ودها بس تضحك : خلاص يافرح تهدي ماصار شي
فرح بصوت متقطع : أنا مأستحي وش وداني عنده وإلا طايحه عليه بعد
مني تداري ضحكتها : خلاص عاد ماقصدتي صدفة ...بس تدرين شنو صدفة حلوة

فرح رفعت عيونها لها وبعتاب : مني يالدوبة أنا أقول لك إني غلطانة وإنتي تطنزين
مني : ههههههههه

فرح عصبت : بس عاد كافي ضحك

مني : إنت طول حياتك تحلمين بلقطة رومنسية وكاهي قدامك وإلا شنو بعد طايحه بحضن شيخ الشباب
فرح إنقهرت ومشت عنها وهي تمسح دموعها : مني عن الطنازة ولا عاد أسمعك تتكلمين بالسالفة فاهمة

مني تنطز : تصدقين روميو مع جوليت

فرح لفت لها بغضب وهي ودها تصيح : مني يلا عاد ترا فيني الصيحة ترا أنا مرة مفتشلة من سواتي الشينة تكفين بس

مني رحمتها ومشت معها بهدوء راجعين للبنات بس كل شوي تفقع ضحك وفرح تتحلطم من الغضب
-------------------------
إبتسام ساعدتها االشغالة ودخلتها غرفتها

إبتسام تسدحت وتكابر دموعها وتمنع مشاعر القهر جواها غمضت عيونها وحاولت تنام وفنفسها " خلاص يابسمة إنت أكيدة من هالشي قبل هو مايحبك ومستحيل يحبك ...بس عيونه كان فيهم حب كان فيهم إهتمام ...لا يابسمة بس هواجس تعشينها تبينه يحبك ويفكر فيك عشانه تفكرين بهالطريقة " طلعت أه قوية من جوا قلبها وتكلمت بصوت موجوع هادي رافقته دمعة ألم نزلت علي خدها : معتادة علي هالالم ...محمد موب نصيبي وقسمتي... محمد نجم بعيد عن مجرتي
مسحت دمعتها وحطت إيدها علي قلبها نست دواها لساعة وهألم لزوم يجيها ...وجوب تأخذ الدوا بوقته بدقيقته او تتالم وتتوجع
ريتاج لحقت إبتسام وشافت بدر بطريقها

ريتاج بوناسة " وااااي بدر قدامي يمه بذوب ريته يكلمني "

بدر شافها وشق الخشة " هالزين فيه " رفع إيده وأشر بهلا
ريتاج ذابت خلاص وصارت تمشي صوبه

بدر ميت فرح " يابعد قلبي أحلي صدفة والله " : هلا والله وغلا بنت عمي

ريتاج خقت وبصوت عالي شوي : اهلين ولد عمي

بدر قرب ناحها : صباح الخير... شلونك شخبارك !؟

ريتاج خجلانة : مساء النور بالف خير وإنت شلونك ؟

بدر ضحك : ههههه ثنتين الظهر ...زين يالمزيونة
ريتاج فهت : هاه
بدر قرب شوي منها : وينك لاحس ولاخبر ؟؟
ريتاج بغت ترد ووو......
أماني تصارخ عناد : ريتاااااج

بدر ناظرها وريتاج فزت

بدر تحلطم " قهر والله قهر "

ريتاج إنقهرت " النذلة قالت مارح تجي شجابها ...بس تعالوااا شقال حبوبي بدر ..."
ريتاج منقهرة "شجابك " وبابتسامه صفراء : أماني هلا
أماني وصلت ورفعت حاجب وناوية عليهم : خير بدر وريتاج وين علي الله
بدر منقهر : شفتها صدفة
أماني تستهبل : ماشاء الله صدفة حلوة
ريتاج عارفتها تحب الاحراج والنذالة : أمونة خير حياتي شتبين !؟
أماني ماسكة ضحكتها : خفت عليك ياقلبي قلت الحقك أخاف يسرقونك

بدر ماسك ضحكته : ليكون إنت " Garde du corps "حقها .. حارس شخصي

أماني ضحكت : ههههه " personal guard " أخوي تكلم إنجليزي
بدر ضحك : ههههه عايش حياتي بفرنسا شلون عاد تبين أسولف إنجليزي
ريتاج خشت : عاد نحن مانسولف مع أشخاص مايتكلمون سعودي

بدر مبتسم بحب: والله

أماني نكاية : والله موب ريتاج

ريتاج إنقهرت " ناوية علي هين يالدوبة " : إيه

بدر يستهبل بالفرنسي : Eh bien ,C,est la derniére fios ( حسنا، هذه أخر مرة )
الثنتين تخصروا

بدر ضحك : هههههه خلاص خلاص توبة توبة عماتي
وضحكوا ثلاثتهم

ريتاج تذكرت : السموحة اروح اشوف إبتسام مررة تأخرت أخاف ليكون صاير معها شي
أماني : اروح معك
بدر: شفتها بالمطبخ شربت الدوا وصيت الشغالة تساعدها تروح للغرفة
ريتاج خافت : ليش شفيها !!!!؟؟؟؟

بدر ماحب يخوفها : لا زينه وقلت تنام وتريح نفسها ازين

ريتاج إبتسمت وارتاحت شوي : مشكور ماتقصر
أماني تهبل ريتاج : بدر اشوفك مهتم حق إبتسام؟

ريتاج عصبت وناظرت أماني بحقد

بدر ببراءة : وليش لا إبتسام مريضة ولزوم كلنا نهتم فيها وبعدين بنت عمي وهي إختي بعد
ريتاج فرحت ورفعت حاجب لأماني

أماني إبتسمت : إي والله بسومة رقيقة وجوب نهتم لها

بدر شق الخشة لريتاج : يله سلااااام نشوفكم وبعدين

ريتاج ذابت لإبتسامته اللي تطيح الطير

أماني : إن شاء الله
بدر مشي وأماني نغزت ريتاج : رتوووج إصحي راح االرجال

ريتاج تناظر قفا بدر : النذلة وش هالحركة ليش قطعتي علينا

أماني ضحكت : ههههه حلوة والله إنت تطقينها سوالف وانا مادري وين اراضي طلال
ريتاج عصبت : انذل منك مافيه

أماني ردتها : مو أكثر منك ..تعالي ندور علي طلال

ريتاج : نتطمن اول علي إبتسام
أماني : أوكي ....وراحوا حق إبتسام وهم يتهاوشون وتطمنوا عليها وطلعوا يدورون طلال وفارس وراجعين للبنات
البنات كلهم راحوا وتمت بس هديل وندي ومدي وكملوا سوالفهم علي الجامعة والدراسة وغيرها من السوالف
------------------------------------
عند الشجرة الكبيرة كانت نوف قاعدة مع سهي يسولفون

سهي : إنت وإبتسام مرة قربين حق بعض
نوف إبتسمت : إيه ترانا بنات خال وصديقات
سهي : إيه ماشاء الله تهبلون مع بعض

نوف بحب : ليش ماعندك صديقات

سهي إبتسمت : إلا فيه بنت جيرانا نادين
نوف : هي وحيدة ابوها وامها موب

سهي بقهر : إيه الوحيدة وهم يخافون مرة عليها

نوف ضحكت : ههههه عشانها الوحيدة
سهي منقهرة : بس هي صديقتي الوحيدة وعزمتها تطلع معي بس اهلها رفضوا

نوف إبتسمت : ماعليه سهاوي حقهم يخافون عليها

سهي : بس هي معي ومع ابوي وابوها يعرف ابوي عدل

نوف تفهمها : أدري ياسهي بس ابوها مرة يحبها ويخاف عليها ومايقدر يبعثها لمكان هو مو فيه ..وبعدين لو عزمتوهم كلهم
سهي : طلبت من ابوي وهو عزمه بس عمي ابو نادين رفض وقال مشغول

نوف : الجيات أكثر أعزميها بغير مرة

سهي : أكيد

مر عليهم فارس وطلال
فارس : تعال خلنا نسلم علي البنات
طلال : روح بروحك مالي خلق

فارس مش عنه : براحتك

نوف تناظر في الشخص المتجه صوبهم : أقول سهي هذا موب فارس أخوك
سهي شافته : إلا هو وش عنده جاي صوبنا
فارس وصل : هلا بنات شلونكم

سهي تحاول تصرفه بسبب تعليمات مني ( لا تتكلمين مع فارس او بدر وإنت مع وحدة من البنات حتي ماتقول عنك ماتستحين ومو محترمة وجودها هههههههه النصايح ) : بخير شعندك جاي لنا

فارس يناظر في نوف اللي ماعرفها : وش فيك شابه فني أبي بس أسلم عليك وعلي صديقتك إلا ماقلت منهي !؟
سهي وكأنها حرمة كبيرة : وإنت شعليك منهي طس يلا خلنا بروحنا

فارس يستهبل : أشوف لما صاحبتي قلبتي علينا عاد لا تنسينا
سهي بضجر : فارس وبعدين رح يله

فارس وجه كلامه حق نوف * فارس طبعه مثل أماني وريتاج يحب يتليقف علي الناس *: أقول يابنت العمة إنت ندي أو مدي
نوف توترت عشانها أول مرة تكلمه ولو يشوفها فهد بيذبحها : أنا.... نوف بنت ابو فهد

فارس : اه فكرتك وحدة من بنات عمتي السموحة

نوف إبتسمت بحيا : لا عادي

فارس وبدي غزله للبنات : حلو الحين أقدر أعرفك بس غير يوم أناظر عيونك

نوف حست بعاصفة تجتاحها وكل كيانها يهتز وحست بخفقان قلبها بسرعة : هاه

فارس وهو يناظر عيونها الكحلية والواسع : إنت عيونك عيون عربية أصيلة

سهي مثل الغبية بينهم عشانها مافهمت كلام فارس
نوف تمت تناظر فيه بدهشة وحست بخجل يلفح وجهها الملتثم ونزلت عيونها

طلال مل وهو واقف ينطره : فارس يله عاد

فارس رفع إيده للبنات بمعني أشوفكم علي خير وإبتسم لهم اللي خلي غمازاته تظهر لنوف بجلية ومشى عنهم بلا مايقول كلمة ثانية

طلال بضجر : فارس إنت وش عندك عند البنات يأخي إتركهم براحتهم
فارس : ههههه تصدق بس من باب اللقافة ...وتحرك مع طلال وهو مايدري إيش الدمار اللي خلفه واره

نوف تمت تناظر بقفاه وإستغربت منه ومن كلامه وحست بقلبها يدق بقوة وماوده يوقف
سهي صارت تنادي علي نوف : نوووف نواااافووووووه وينك فيه !!؟؟

نوف إنتبهت معها : هاه معك انا معك
سهي قامت : زين خلنا نرجع حق البنات
نوف قامت بصعوبة لإنو كلام فارس شل كيانها : زين يله... ورجعوا للبنات وهي طول الطريق تفكر بفارس وكلامه

رجعت أماني وريتاج وماحصلوا طلال وفارس وقعدوا يسولفون مع هديل وندي ومدي
أماني ملت وهي قاعده مع البنات : أقول بنات خلونا نسوي شي
هديل : مثل إيش ؟
أماني : مادري بس ترا نحن إجينا ننبسط ونفرح مو نقعد بمكان واحد
ريتاج : إي والله فكري فكري بشي يسلينا ....إلا بوصول فرح ومني
مني بمرح : هاي ياحلوين
أماني ناظرتها بشك من حالتها المروقة : شعندك رايقة
مني : حرام يعني
أماني : لا مو حرام بس غريبة
مدي : ماغريب إلا الشيطان والله يدوم عليهم الفرح
ريتاج ناظرت فرح الساكتة وشافت عيونها الحمراء : فرح شفيك !؟
فرح بهدوء : مافني شي
هديل إنتبهت لها : فروحة قلبي شصاير لك ؟
فرح : أقول ماكو شي
ريتاج قربت لها وصارت تناظرها بريبة : متأكدة ماكو شي
فرح سكتت ولا ردت عليها
مني بغرورها المعتاد : أقول ريتو شغلي لقافتك بعيد إنت وبنت عمك عن رفيقتي فاهمين
أماني تطنز : تذكير يالطاوس مني ...منهو بنت عمها !!؟؟
مني رقص الجن براسها تكره هاللقب : الغولة أمونة
أماني عصبت : بعينك
مني : وإنت بعد وخري عليها
ريتاج بعدت عن فرح : عاد ذابحتيني بهالخوية وترا أنا بس حبيت أعرف شفيها ...عشانها ماهيب علي طبيعتها
مني : إتركي إهتمامك حق حالك وإتركي فرح بحالها
هديل إستغربت حالة إختها الوحيدة وقامت لها مسكت إيدها وقالت بطيبتها : فرح قلبي فيه شي يعورك شي ؟ حاسة بألم؟
فرح ناظرت إختها بحب وماحبت تخوفها لإجل شي مايستاهل : أبد سلامتك ياقلبي لا تخافين كنت أركض وطحت بس ماتعورت
هديل خافت وصارت تناظر فيها : صدق خلني أشوف
فرح بهدوء : صدقيني ماتعورت وكاهي مني إسأليها بعد
مني بكذبة : إيه كانت تركض وطاحت بس ماتعورت
أماني إنفجرت ضحك هي وريتاج : ههههههههه تستاهلين
ندي بغضب : يله عاد بسكم نذالة ...البنت تقول طاحت
فرح غصب عنها ضحكت : ههههههههه فاتكم شي رهيب يالملاقيف
أماني تمثل الزعل : خسارة لو أني رحت معكم كان للحين أضحك
فرح تمتمت : الحمد الله أنه ستر وماكنتوا فيه
مني سمعتها وضحكت
ريتاج بشك: هاه ماسمعت شقلتي
مني : قالت الحمد الله دامكم ماشفتوها
أماني : تتحمد وتشكر الله عشاني كنت بخليها حديث العام والخاص ( لو تعرفين ترا صدق تنشرينها )
وبعد شوي كملت شلتهم يوم لحقت سهي ونوف وكملوا سوالفهم وتعليقاتهم وضحكهم بعد
----------------------------
بعد ساعتين بعد صلاة المغرب الشياب والحريم طلعوا حق مزرعة الدكتور النفسي أبو مشاري عبد الكريم
طلال إتصل علي إبتسام اللي كانت بغرفتها وماطلعت بعد منها
إبتسام ترد : هلا طلال
طلال بخبث : يله يإبتسام وصل الوقت تعالي حق الملحق ...وإنتبهي مايشوفك أحد أوكي
إبتسام تحمست أكثر : دقايق بس وأنا عندك باي ...وسكرت منه وقامت لبست عبايتها وتحاول تنسي أفكارها تنسي إنسان إسمه محمد وحبه
نزلت بسرعة وتمنت ماتشوف أحد وتحققت أمنيتها عشانها سمعت البنات كلهم في الصالة يسولفون ويضحكون فقررت تروح من باب المطبخ وطلعت طيران علي الملحق ولقت طلال وفارس ينتظرنها
طلال : بسوم إجيتي
إبتسام تستهبل : لا للحين م اجيت
فارس : هههه عن الطنازة ويله إلبسي هذا
لبست إبتسام روب طويل أبيض وفيه بقع حمراء اللي يشوفها يقول دم والروب مرفوع علي كفوفها مثل الاجنحة العريضة بالهواء وحطت قناع علي وجهها وكان مرة يخوف كانت أسنانه بارزة وملونه بالأحمر اللي يشوفها يقول توها كانت تاكل جثة وعيونها كانت حمراء وعليها هالات سود وأنفها كان كبير بالمرة يعني لو تشوفونها تموتون بأرضكم طالعة كأنها زومبي حقيقي عشان الماسك كان لازق علي وجهها كأنه حقيقي
فارس لبس عباية سوداء طويلة وعريضة مرة ومرفوعة علي الاطراف وكان القناع حقه مثل الاشباح طاير بالهواء بسب جهاز هواء مثبت داخله وكانت عيونه مفقوعة وحط له عدسات حمراء علي عيونه وثبت جهاز حق الفم الماكو موجود واللي يضخم الصوت ويخليه يوقف القلب
فارس كان واللي يشوفه بلا يدينه ورجلينه يقول روح شريرة
طلال لبس نفس ملابس فارس بس له فم مرة كبير وأسنانه مرة كبيرة وطلع إيدينه وحط لهم قفازات أظافرها كبيرة وحادة ولبس حذاء هو بحاله يخوف كان علي شكل قدم كبيرة وأصابعه مرة طويلة وأظافرها كبيرة وحط جهاز تغير الصوت
طلال بأعجاب : رهيبين
إبتسام خافت من أشكالهم : أقول شباب شرايكم نوقف هالخطة
فارس والحماس مليون ومعجب بأشكالهم الرهيبة ويستهبل : لا ياقلبي مستحيل وترا إنت ماعليك غير تسوين أصوات البوم والرياح والارواح الشريرة هم فالجهاز حقتك
طلال رافع إيدينه وشغل الجهاز حقه وقال بصوت يغرع : يله مشينا
إبتسام حطت إيدها علي قلبها الميلان خوف : طلال أنا أقول هونت
طلال : صدقيني مرة تنبسطين معنا لا تكونين جبانة خلنا نقطع الكهرباء ونشغل كميرات الليل ونحط سيدهات الصوت
إبتسام تحمست وبعدت الخوف عنها وقالت بصوت مثل واحد مخنوق : يله يله مشينا
فارس تحمس : حلو يابسوم يله ،وطلعوا وإتجهوا صوب الخيمة حطوا CD فيها
طلال راح عند الاضواء وطفها كلها غير اللي بالخيمة لشي فنفسه
عند البنات
أماني وقفت : أنا بروح حق إبتسام أصحيها تصلي الفرض حقها
ريتاج إبتسمت : أوكي كنت بروح بس روحي إنت
نوف : حرام إتركوها تنام
أماني : لا هاذي صلاة وبعدين من العصر وهي نايمة كافيها .... ماكملت كلامها إلا والنور ينقطع اللي خلي كل البنات يغترعون
هديل تحاول تهدي البنات وتطمنهم عشان أصواتهم إرتفعت : تراه بس شوي ويرجع لا تخافون
مني : إيه تنقطع بس ثواني وترد.... بس طالت قعدتهم ومارجع الضوء
أماني شغلت فلاش الموبايل ورجعت قامت : أنا بروح أشوف إبتسام ...إلا ويجيهم صوت نحيب قوي
ريتاج حطت إيدها علي قلبها : أعوذ بالله
مدي بخوف : إيش هالصوت
فرح بخوف أكبر : إلا قولي إيش هالنحيب ،...رجع صوت دوي مرة ثانية كأنه رعد
ندي وقفت وهي ترتجف : الله أكبر...يمه وش هذا !!!!!!!
سهي ماتتة من الخوف : يمه وش هالاصوات
أماني تحاول تكون قوية : لا تخافون أنا بروح أشوف إبتسام وارجع..........ماكملت كلامها إلا ويطل عليها وحش من الوحش اللي خلها تناظر فيه بصدمة
كل البنات تموا يناظرون فيه الكائن المخيف اللي قدامهم وشلت عقدت لسانهم وهالكائن ماهو إلا إبتسام
إبتسام بصوت قوي وجوهري وكأنه واحد راجع من الموت : منهوا إنتوا ؟ ليش إنتوا ببيتي
البنات كان ميتين رعب وكان صوت الوحش هدم كل قوة فيهم وصرخوا بأعلي صوتهم : واااااااااااااه يمممممممممه
رجع الوحش يقول بصوت مخيف ويصدر أصوات نحيب تموت الواحد : إيش جابكم حق بيتي
نوف بصراخ وخوف : بنات هجووووووووا .......يمه إيش هذااااااا اا !!!
هديل وهي تبكي من الخوف وبصياح : إبتسام يمه وينها ليكون أكلها شوفوا الدم عليه
إبتسام مسكت ضحكتها بقوة ورجعت تضغط علي الريموت وتقول وكأنها بومة تتكلم : منهوا إنتوا ...إطلعوا هذا بيتي
أماني صارت تركض صاعدة الدرج وتصرخ بأعلي صوتها : إبتسام وينك ؟!!
ريتاج بغت تلحقها بس ....
الوحش صرخ فيها بقوة ودندن : وين تعالي هذا بيتي وقفي
ريتاج وقفت عمود
البنات صاروا يبكون ويصرخون
مني بكاء ونحيب وهي ترتجف : خلنا نروح حق لعيال يله ...ركضت برا وريتاج لحقتها
كل البنات لحقوها وطلعوا برا يركضون حتي الخدامتين إغترعوا معهم ولحقوهم
أماني ماتت من الخوف الحين هي وحدها مع الزومبي
إبتسام تقدمت لها وهي تصدر أصوات كأنها أرواح تتألم : وين هذا بيتي
أماني نزلت الدرج بسرعة وصارت تركض وتصارخ بقوة : بلا إبتسام بلا بطيخ لحقي عمرك ...بنات إنتظروني
البنات والخدامتين صاروا يركضون دون هدف ويبكون ويصارخون والرعب مالي قلوبهم
نروح حق الشباب ( ههههه اليوم أطلع ريحتكم )
بدر يدور علي فارس بعيونه بين العيال بس مالقاهم لا هو ولا طلال
مصعب : ترا يابدر فارس وطلال راحوا مع الشياب والحريم حق مزرعة أبو مشاري
بدر : ليش وش عندهم هناك
مصعب : فارس يقول خويه مشاري رجع من السفر وهو يبي يروح يتطمن عليه
بدر : هاه زين ...إلا ويسمعون صوت رعد قوي وينقطع عنهم الضوء
أحمد إستغرب من الصوت : شباب سمعتوا اللي سمعته
أمين : صوت رعد مرة قوي
مصعب : يمكن صاعقة رعديه.........ويسمعون صوت أكبر من الاول بس كأنه أصوات حيوانات ورياح
راشد وقف : مصعب إيش هذا
مصعب حتي هو قام واقف وقال بخوف : مادري ...وماكمل كلامه إلا ويشوف إثنين من مخلوقات تموت رعب
بدر بخوف ويحاول يمسك أعصابه : أعوذ بالله شنو هذا
فارس صار يصدر أصوات قوية ومخيفة ويتكلم بصوت مرعب : منهو إنتوا؟؟؟ ليش إنتوا بقصرنا الجني !!؟؟
أمين مات من الخوف ولزق في أسامة : أسامة شف ماعنده فم ويتكلم
فهد خايف : قلت قصركم الجني !!!!!!!
فارس ماسك ضحكته " هذا اللي همك " : ايوه حق ملك الجن الازرق حامروش ^ الحين من جدي ملك الجن إسمه كذا هههههخخخخ ^
طلال صار يحرك إيدينه ويلحس أظافره اللي عليها دم وقال بصوت يهدم الجبال : ليش إنتوا هنا ترا هذا قصرنا
أحمد صار يتشهد ويقرا قرأن : أعوذ بالله من الشيطان الرجيم شو هاذي المخلوقات ...إلا ويسمعون صراخ البنات برا
مصعب زاد خوفه وداقت قلبه وصار يصارخ : الهجة شباب بناتنا برا يصرخون
طلال ماسك ضحكته غصب وصار يصدر أصوات رهيبة ومخيفة مثل أروح تتألم وناس تبكي وصوت رياح قوي كأنها عاصفة قوية
أسامة ركض برا هو والشباب وصار يصارخ : شباب إقروا قرأن عسها تروح علينا
أمين يركض مع أسامة وماسك إيده بيد أسامة وصار يبكي ...وراشد نفس الشي تعقل في بدر كأنه أمه وهو ولد صغير
أحمد صار يقرا أية الكرسي بعد ماصاروا برا :" الله لا اله الا هو الحي القيوم لا تأخذه ................صار يصارخ : يمه نسيتها شباب واحد يقراها
بدر شاف ضوء في الخيمة وصرخ بالشباب : شباب علي الخيمة يله فيها ضوء
البنات يوم طلعون علي برا إتجهوا صوب الخيمة وتموا فيها وبعد شوي سمعوا صراخ الشباب فأغترعوا أكثر يعني سندهم ضاع بالهوا
^-^ تستاهلون ياعيال مسوين فيها رومبوو ^-^ ههههه مزحة صغيرة
إبتسام تخبت مثل إتفاقهم لين يجون فارس وطلال اللي وصلوا لها
طلال وهو ميت ضحك : هههههههه هين نوريهم ترا كلهم بالخيمة
إبتسام تضحك : هههههه عيال عليهم
إتجهت الوحوش الثلاثة حق الخيمة وعيونهم تقطر شرر ولهيب
****

Sent from my PGN515 using 3bir mobile app
 
الفصل السادس عشر

العيال دخلوا جوا الخيمة شافوا البنات ميتين رعب أكثر منهم وكل وحدة حاضنة الثانية
أماني والدموع سيل علي خدها وتتكلم برجفة ورعب : إنتوا شفتوه....الزمبي شفتوه
أسامة خايف بس يحاول يقوي نفسه : إنتوا شنو شفتوا
مدي وهي تصيح وحاضنة ندي بقوة : زومبي وكان كله دم
بدر بخوف يستهبل : عاد نحن شبحين
البنات صرخوا بأعلي صوتهم علي اللي شافوه بمدخل الخيمة وصاروا يأشرون بأصابعهم
العيال لفوا علي ورا وكتموا شهقتهم
يزيد بخوف أكبر من قبل : يمة كنا بأثنين صرنا بثلاثة
الشغالة تينا اللي كانت مع البنات وهي لبنانيه : شو هيدا !!!؟؟؟
البنات مسكوا خط للصراخ وصاروا يبكون بقوة
طلال ميت ضحك بينه وبين نفسه عشان أشكالهم تحفة و العرق يتصبب منهم فقال بصوت وكأنه رعد : زكار مين هذول !؟
فارس إبتسم عليهم وده يفقع ضحك بس مو وقته وقال بصوت وكأنه يتألم : نكار أنا مرة جوعان ^ السموحة ماعرف أسامي الجن هههههه قاعده أستهبل ^
البنات إرتعبوا من كلمتهم
إبتسام صدرت صوت شبح ورياح صرصرة : أنا أبي أشرب دم وأبي هذاك السمين ...وكانت تقصد راشد
ندي بكاء وصياح : يمه أخوي
إبتسام صارت تمشي صوبها وهي تلعق أسنانها وتمرر أظافرها الطويلة علي رقبتها المخيفة وقالت بصوت مرعب : زين إنتي
أحمد تذكر شي وصرخ بأعلي صوته : ريتاج وين إبتسام !!!!!!؟؟؟
ريتاج عيونها تعلقت باللي قدامها من وحوش وحضنت سهي بقوة وقالت بكاء : مادري وينها
طلال بصوت مرعب وهو يطلع لسانه ويلعق أسناه : يمممم أكلتها
الكل : هاه ..وصرخوا بأعلي صوت: يمممممممممه
أحمد والدموع ملت عيونه هو يتخيل بس إخته حبيبة قلبه يصير لها شي ماهوب زين: ريتاج وينها !!!؟؟
فارس بصراخ وأصدر صوت نحيب قوي : ماسمعت أكلنها نكار أنا أبي أكل
هديل تضم نوف بكاء مرير : حرام إنت شنو
طلال وبدا يقرب لها وهو يحرك يدينه ورجليه : زكار منهو تبي نبدي فيه
إبتسام صارت تصدر أصوات مختلفة مرعبة من جهازها وتقرب لهم بخطوات ثقيلة
فارس وهو بعد يقرب ويأشر بأصبعه علي بدر وأسامة : هذا وهذا
أماني بكاء قوي وصياح : حيوانات وينها بنت عمي !؟
مدي فكت ندي لإنها ماتت رعب من شكل الوحش وهو يقرب لهم وإتجهت عند مصعب ولزقت فيه
مدي : مصعب تكفي وخرهم
مصعب بصوت خايف وفيه الرعشة : وأنا وش قادر أسوي ماتشوفيهم وحوش
ندي مادرت وين تروح بحالها وركضت علي يزيد ولزقت فيه وصارت تبكي
طلال بصوت قوي وأصدر صوت رعد : ماتفهمون هذا بيتنا عطونا واحد ناكله نترككم بحالكم
راشد وأمين يصارخون ويبكون بأعلي صوت كأنهم بنات
أماني ناظرته بحقد وكره شديدوصرخت بأعلي مافيها والدموع ماليه الوجه : هذا بيتنا يالحيوان إظلف
مني وهي حاضنة فرح ببكاء : أماني إنهبلتي تبينه نصير عشا لهم
إبتسام إتجهت صوب أماني وقالت بصوت يشبه واحد مخنوق : إنت هي الاولي
أماني بقوة ماتدري من وين جايتها وكل هذا لإنها حست إبتسام ماهيب هالدنيا : تخسي يالزومبي أكون عشا حق واحد مقرف بحالك.. وصارت تقرا قرأن بأعلي صوتها
سهي ماقدرت تتحمل أكثر وإنهارت بين إيدين ريتاج ...أغمي عليها
ريتاج بصراخ وصارت تضرب سهي بكفوف : سهي قومي قومي وناظرتهم بحقد : والله لو صار لها شي إذبحكم
البنات تجمعوا علي سهي الغايبة علي الوعي والعيال بعد وصاروا ينادون عليها
إبتسام فسخت القناع بسرعة وركضت حق سهي وفارس وطلال نفس الشي ماتوقع هذا يصير معهم بس هم طولوها وهي قصيرة
إبتسام تدخل بين العيال والبنات : سهي قلبي قومي تراه بس مزاح قومي
الكل ناظرها بدهشة وإنعقد لسانه عن الكلام
فارس وخر مصعب وراشد من طريقه وجلس جنب سهي وصار ينادي عليها بخوف : سهاوي قومي حبيبتي هذا أنا أخوك
إبتسام قامت بسرعة وهي تفركشت بروب حقها وكانت تبي تطيح بس رجعت قامت وركضت برا : طلال وراي ،لحقها طلال بسرعة
إبتسام وهي تركض بسرعة ومشغلة فلاش الموبايل بسب الظلمة : طلال روح حق الكهرباء رجعها يله
طلال ركض عنها بسرعة : يله ثواني
إبتسام دخلت بسرعة البرق علي الفيلا وراحت حق غرفتها جابت عطر ورجعت علي المطبخ جاب كأس مويه باردة ورجعت طيران علي الخيمة وشافت الكل مثل ماهو الصدمة والخوف مالين عيونهم ودموع بعد
إبتسام بصراخ : وخروا إبي سهي ،إبتعد اللي بطريقها
إبتسام قعدت قدامها وقالت بصراخ : أماني ريتاج قوموا يله
أماني قامت ودموعها سيل علي خدها وريتاج وخرت عن طريقها
إبتسام رشت مويه علي وجه سهي وصارت تشممها عطر بس مافيه فايدة رجعت شممتها عطر مرة ثانية وكبت عليها كأس المويه كله مره وحدة اللي خلي سهي تتحرك وتكح بقوة
إبتسام : بسرعة واحد يجيب مويه باردة يله
طلال ركض طالع من الخيمة حق المطبخ ينفذ طلب إبتسام
إبتسام بهدوء وحنية عكس الخوف اللي فيها : سهي حبيبي إنت بخير
سهي فتحت عيونها بشويش وقالت برعب : وحوش وحوش هنا
إبتسام بحنية أكبر : لا مافيه راحوا قومي يله
سهي فتحت عيونها زين وقالت بخوف ودموع تنزل من عيونها : أكلوا إبتسام هم قالوا اكلوا ابتسام
إبتسام تمسح بكفها علي وجه سهي يوم شالت الاظافر منها : شوفي أنا بخير وعافية
طلال : المويه المويه
إبتسام لفت لها : عطني عطني... ومسكت الكأس وشربت سهي شوي
سهي بعد ماشربت ورجعت لذاكرتها حضنت إبتسام بقوة وصارت تشاهق بقوة : إبتسام إنت بخير
إبتسام بحنية وهي تحضنها بقوة : إيه لا تخافين ماصار معي شي موب زين
أسامة بعد ماستوعب اللي صار وإنو كل هذا مقلب من طلال وفارس وإخته إبتسام صرخ بقوة : ممكن نفهم الحين إيش صاير
طلال بلع ريقه وهو كان بس وده يخوفهم ماتوقع سهي تطيح عليهم : ترانا بس نمزح معكم
معصب بغضب وصراخ أعلي من صراخ أسامة : إنت إنهبلت هذا الرعب مزاح لك
أماني وكل صبر فيها تبخر : فارس تكلم وش صاير الحين علومنا
فارس تنفس براحةعشانه تطمن علي سهي وقال بهدوء وتوتر : عيال إسمعونا أنا وطلال حبنا نلعب بأعصابكم شوي بس ماتوقعنا يصير اللي صار
بدر بغضب : والله حلو كل هالفلم وتلعب بس... أعصابنا تلفت ترا سهي كانت بتموت
يزيد كان يبي يتكلم بس ندي بعدها لزقه فيه وماودها تفكه
طلال بخوف منهم : إسمعوني ترا كنا بس ....
أحمد إنفجر : بس شنو ياطلال قل لو إن واحد مات من الرعب إيش بيكون موقفك
إبتسام كانت تسمع وتلوم نفسها ليش وافقتهم وافقت خطتهم الجهنمية تركت سهي بحضن هديل وقامت وقالت بهدوء : شباب ممكن نتكلم بهدوء
ريتاج بغضب : عاد بس ولا كلمة ترا إنت اخر وحدة تتكلم ...شفيك إنهبلتي تسوين هالمقلب فينا يالواعية
مني بصراخ : إذا طلال وفارس إنهبلوا إنت ليش تنهبلين معهم
إبتسام حطت إيدها علي قلبها عشانها حست بألم وقالت وهي تسكر عيونها : أدري بس ممكن نتكلم بهدوء سهي مريضة
أسامة بغضب : لا والله الحين تهتمين لها بعد ماكنت تيبن تذبحينها
إبتسام فتحت عيونها بصعوبة من الالم عشانها ركضت بقوة قبل شوي : أسامة بس إسمعني
أحمد بغضب : مانبي ويله إذلفوا إنت والاثنين اللي معك
طلال : شباب .....
بدر بصراخ : بس ولا كلمة برا يله
سهي حاولت تقوم بصعوبة وقالت بتعب واضح : إبتسام لا تروحين خليكي معي
إبتسام لفت لها ومسكت إيدها وقعدت لإنو لو تمت واقفة تطيح هي بعد : شباب إجلسوا خلونا نتفاهم إذا تبون تضربونا تفضلوا بس إقعدوا
الكل رضخ لكلامها لإنو حطت إيدها علي راسها وضاغطه عليه بقوة
الشغالتين يوم عرفوا إنه مقلب من الشباب رجعوا علي الفيلا
ندي للحين لازقه بيزيد بقوة
مصعب إنتبه لها وصرخ فيها : ندي فكي الرجال تراك ذابحتيه
الكل لف لهم وإبتسموا بين خوفهم لإنو ندي لزقت في يزيد بشكل رهيب وعيونها بعد تبكي
ندي رفعت عيونها له : سوري مانتبهت ....ومشت قعدت مع فرح ومني
يزيد تصنم فمكانه وماقدر يقول شي
إبتسام قالت بهدوء : شباب إسمعوني أنا وطلال وفارس كنا بس نبي نحرق أعصابكم شوي
فارس يكمل بهدوء : حبينا نغير الجو ونسوي شي غير
أمين : تقومون تذبحونا
طلال نزل عيونه وقال بندم : نحن أسفين ماتوقعنا توصل بنا المواصيل لها الحد وتطيح علينا سهي
إبتسام : نحن جمعناكم بالخيمة عشان ماتخترعون أكثر ...ويوم البنات يشوفون لعيال يتشجعون أكثر
فهد : بس ...
فارس يقاطعه : بس الحين نحن مرة أسفين علي اللي سويناه وسوا فينا اللي تبون
طلال : نحن مستعدين
أماني رحمتهم مع كل اللي صار بس صدق غيروا عليهم جو : هههههههههه بس طلعتوا ريحتنا
الكل ناظرها بغباء وإنفجروا ضحك لما تذكروا إيش اللي صار
بدر يضحك : هههههههههههههه كنا بنموت من الرعب
مصعب : هههههه وصراخنا مالي المزرعة
نوف : بس برافو أتقنتوا الدور
فرح : وطيحتوا قلوبنا بعد
أسامة بفخر : بس عاد أماني ماشاء الله عليها حرمة بسبع رجال
أماني بغرور : من حيني وأنا قوية
أحمد : أعصابك لتنفجر علينا
فارس : هههه عاد إنت يالرخم يوم قلت إنو نحن أكلنا إبتسام شفت دموعك
طلال يضحك عليهم : هههههههه أنا أكثر شخص عجبني يزيد يوم قال يمه كنا بأثنين صرنا بثلاثة
الكل فقع ضحك ويزيد بعد
إبتسام بعد ماخف عنها الالم : عاد انا معصب يوم قال وأنا وش أقدر أسوي معهم هم وحوش
ورجع الكل يضحك
ريتاج بخبث : لا والله قتلتوا القتيل ومشيتوا بجنازته شباب عليهم أبي صراخهم يوصل حق الرياض
طلال وفارس قاموا بسرعة وركضوا علي برا يوم شافوا كل لعيال وراهم والشرر يطلع من عيونهم
إبتسام بلعت ريقها وقالت للبنات اللي لفوا لها : بنات خلوني أقولي شي
ريتاج ترفع كفوف عبايتها وبتهديد : عاد الدبلوماسية حقتك ماتنفع الحين تجهزي
إبتسام صارت تتشهد : رتوج تراني مريضة أو نسيتي
هديل : لا مانسينا بس خلنا نرجع ندخلك المستشفي
فرح : قبل شوي يوم كنت مثل البوم تصرخين وتنوحين ماكنت مريضة
ندي : والحين مريضة
مدي : تبنا نفكها ونخليها بحالها
سهي ومني ونوف : عليها يله
إبتسام بخوف : لا اله الا الله محمد رسول الله ودعا ايتها الدنيا
البنات وقفوا وفقعوا ضحك عليها
أماني : هههه ترانا رحمناكي عشانك مسكينة ومريضة بعد
إبتسام براحة : شكرا شكرا علي اللطف ياحبيباتي
نوف بخبث : ريتاج طلعي ريحتها ،ونزلت عليها ريتاج وصارت تدغدغ فيها بكل مكان
إبتسام تضحك: هههه بس ههههنه بس هههه بطني هههه يمه هههن خلاص
ريتاج قامت عليها : فكري تعدينها ولا تقولين لي ترا والله بذبحك
إبتسام : ههههه يعني مقهورة إنك ماكنتي معي
أماني خشت : إيه ياحمارة شلون تخططين مع طلال وفارس ولا تعلمينا نكون معكم
إبتسام : ههههههه الجيات أكثر
البنات بغضب : نعم شقلتي ماسمعنا
إبتسام توهقت : أمزح بس ...،وبعدها فقعوا ضحك علي حالتهم قبل شوي
ريتاج تذكرت شي وبشك : ندي تعالي لشوف
ندي بخوف : شعندك !؟
ريتاج بخبث : وشعندك قبل شوي بحضن ولد خالتي
أماني تستهبل : مليون دولار
ندي نزلت عيونها وقالت بخجل : ريتاج عن الغشمرة
نوف معهم : لازقه فيه بقوة وماتبين تفكينه ليش ياترا
أماني تنطز : فيه الدفي والامان
إبتسام تكمل : ويزيد مسكين إنطحن بين إيدينها ،وفقعت ضحك هي وباقي البنات
ندي بخجل من حالها ومن البنات والصيحة فيها : بنات بس عاد ترا والله بصيح الحين
ريتاج فيها الضحكة : أجل ياقلبي صيحي لإنو الغالي يزيد موب موجود يحضنك
أماني تكمل : ويمسح دموعك
ندي ودموعها تنزل : بس عاد كافي
مني : بنات بس ذبحتوها
أماني بشك : أجل حب وغرام نحن أخر من يعلم
ريتاج بأمر : أماني من اللحظة فتحي عيونك فاهمة لزوم مايفوتنا شي
أماني بتحية عسكرية : علم وستنفذ المهمة بنجاح
هديل بعتاب : عاد إنتوا الثنتين مافيه بقلبكم رحمة ماتشوفون البنت شلون صارت
مني بغضب : هذولا مو بنات مايحسون
فرح : حرام عليكم
ريتاج بعربجية : هاي مأسمح لكم لا تخلوني أصير بعبع وأكلكم الحين
أماني : ونرفس كل وحدة علي بيتها
سهي : من قال إنتوا مو بعبع إلا إنتوا مثل الاشباح حق طلال وإبتسام قبل شوي
البنات فقعوا ضحك

نروح للعيال
طلال وفارس صاروا يركضون حق المسبح وباقي لعيال يلحقوهم
يزيد يصارخ عليهم : وقفوا اليوم يومكم
أسامة وده ينفجر من الغضب : لا بحياتي شفت أنذال مثلكم وقفوا يلللللللله
فارس وقف عن الركض.. وصل حق المسبح : طلال شف المسبح قدامنا
طلال يتنفس بسرعة بسب الركض : والعيال ورانا
أحمد وصل لهم : أها والحين إيش بفككم
فارس نط جوا المسبح : طلال نط يله ....وبسرعة لحقه طلال ونط معه
بدر : ههههه أثاريكم أغبياء تراه بس مسبح مب محيط .....ولحقهم ولحقه مصعب
مصعب ماسك طلال ويغرقه : ياحمار كان تبي تذبحنا هاه
طلال يتنفس بصعوبة بعد ماطلع مصعب راسه : يالدوب فكني .... ورجع دخله مصعب
مصعب : مارح أطلعك غير يوم تقول توبة ياعم مصعب
طلال بعناد : تخس تكون ع......
مصعب رجع يغرقه : زين تحمل النتايج ....وخلاه شوي وطلعه
طلال صار يكح ويتنفس بسرعة : مصعب فكني ياحمار
مصعب : تقول توبة ياعمي أو قسما لأذبحك الحين
طلال بعد تعب قدام مصعب القوي ماقدر إلا يرضخ : توبة توبه
مصعب إبتسم بنصر : ماسمع
طلال : أوف توبه ياعم مصعب
مصعب : حلو ...ورجع غرقه : هذا لإجل تفكر مليون مرة يوم ترجع لبلاويك يأبو البلاوي
طلال : يالخاين
مصعب : ههههههه عاد إنت يالوفي
بدر مسك فارس سوا فيه نفس ماسوي مصعب بطلال
بدر بغضب : يالبزر تتطاول علي أسيادك ....وغرقه
فارس : كح كح بدر تكفي تراك بتذبحني وقف
بدر : مارح فكك غير يوم تعتذر فاهم
فارس بخبث : إحلم يابابا وترا مارح أقبل تصير نسيب لي
بدر فه : إنت شقاعد تقول نسيب !!!! إنت أخوي يالدرج
فارس بمكر : أخو حبيبة القلب بعد ومارح إرضي أعطي إختي حق وحش مثلك
بدر عصب ودخل راس أخوه بالمويه : أقول ترضي أو لا
فارس وحس الاكسجين إنعدم : يالدوب ذبحتني
بدر بغضب : إيه ولا لأ ...قل تبي تموت
فارس خاف لو يقول لا الليلة ليلته : موافق بس فكني يالوحش
بدر فكه : لو تتدخل مرة ثانية أذبحك بليلة مافيها ضو قمر ...فاهم
أحمد وأسامة وفهد ويزيد وراشد وأمين ماتوا ضحك عليهم
بعد ساعة من الاحداث تجمعوا علي العشاء بعد ماصلوا صلاتهم ويوم كملوا عشاهم قرروا يسهرون كلهم عند المسبح وكانت البنات مجتمعين لحالهم والعيال لحالهم بس يسمعون شنو يقولون
نأخذ لفة علي قلوب عشاقنا
البداية بأسامة اللي مارفع عينه علي هديل ولو ثانية اللي كانت بدورها تتصبغ أحمر أصفر موف ودقات قلبها ماهدت لحظة
مصعب كان مبتسم لغزاله إبتسامته الساحرة اللي خلى فرح تنزل عيونها وتحس بسعادة تجتاح كيانها
طلال ماقدر أوصف حالته كان مرة مبسوط هالليلة ماراح ينسها بحياته ... شاف أمانيه بعد مدة موب هينة وإبتسم لها إبتسامته اللي تطيح الطير من السما
أماني كانت بعالم زهري من الفرح والسعادة بس مابينت لطلال إكتفت بس بنظرة منها
نوف طول الوقت تناظر في فارس اللي ساحرها من كلمة قالها بس فارس مناظرها ولو نظرة ولا كأنها فيه اللي خلاها تزعل لسبب ماتدري إيش هو
يزيد كان يناظر عيون ندي اللي أسرته يوم شافهم مليانين دموع مثل اللولو اللي خلى ندي تنزل عيونها بخجل اللي ذبح يزيد أكثر
المغرورين حقنا كل واحد منهم سوا حاله مهوب مهتمين يناظرون بعض لإنو نظراتهم ماتحمل غير الكره والحقد والقرف
بس بدر كان غير عنهم كلهم كان يناظر ريتاج بنظرات حب وغرام يبيها تفهم مشاعره ونظراته
ريتاج ناظرت بدر بحب ومن شافت نظراته أستحت ونزلت عيونها
إبتسام ناظرت بدر وإبتسمت " اشوف الرجال منخدع بإختي العربجية هههه لو تسمعني تذبحني "
فارس بحماس : أقول شباب شرايكم نفكر بشي يونسنا
طلال : مثل إيش !؟
فارس : مادري فكروا
سهي خشت : نقول نكت وقصص مرة مضحكة
أماني : لا شرايكم بقصص لها عبرة
الكل ناظرها بدهشة
ريتاج بشك : أماني شاربه شي !؟
أماني : عن الطنارة إلا إيش رايكم واحد يحكي لنا قصة بس تكون حلوة
مني مستغربة منها : أماني ماكله شي !؟
أماني إنقهرت : يعني الحين يوم قلت قصة نعتبر منها كفرت سبحان الله مادري شلون أراضيكم
أسامة يستهبل : إرضاء الناس غاية لاتدرك
أماني بسخرية : هههههه حلوة يالدرج
أسامة عصب : درج بعينك يالدوبة
أماني بغضب : أساموه
وقبل مايرد أسامة صرخ أحمد وريتاج: عاد بس كلهم يتهاوشون الا إنتوا مانبي هواشكم
الكل فقع ضحك علي أحمد وريتاج عشانهم من جد مايبون
أسامة وأماني ناظروا بعض بحقد ورضخوا للواقع
فارس : زين خلنا نقول قصة نعتبر منها علي قولت أماني وأنا أقول لكم
مني وسهي : لا غيرك إنت لا
فارس إنقهر : أفا ليش ؟
بدر : هههه صدق ليش ماتبونه يقول
مني : عشانه يوم نجتمع ونبي نقول قصة هو اللي يقول ويحكي لنا
سهي : عن علاء الدين
مني تكمل : أو علي بابا
أماني : هههه او السندباد
مني : يعني قصصك خليهم لك تكفي
فارس بقهر :عاد إنتوا أحرار أنا عرضت خدماتي وإنتوا ماتبون
أماني ومني وسهي : مشكور مانبي خدامتك
الكل ضحك عليهم
ريتاج : إبتسام إنت قولي لنا قصة
إبتسام : إيش قالوا عني شهرة زاد وأنا مادري
أماني تستهبل : إيه وأنا شهريار
أمين : بسوم قولي لنا هذاك اليوم قلتي لي قصة
راشد : ههههه مادريت إنك بزر
أمين عصب : إنطم أحسن لك
إبتسام تذكرت ودامه أمين من طلب مارح تقول له لا : عاد في وحدة بس يمكن تعرفونها
أسامة : حقت شنو
إبتسام نزلت عيونها بخجل من العيال : حقت الحب الاعمي
الكل تحمس وركز معها : لا مانعرفها
إبتسام رفعت عيونها وشافتهم كلهم مفتحين عشرة علي عشرة وفي قمة التركيز " بالصف ماينتبهون بهالطريقة عاد الحب ومايسوى " فيها الضحكة : عاد إسمعوا هي أسطورة يابانية ...مانطق واحد
إبتسام : فقديم الزمان
أماني : لا غيري البداية مأحبها
إبتسام ناظرتها وماعلقت : بزمان مرة بعيد
أماني : حتي هاذي مأحبها
إبتسام بقلة صبر : من زمان كان
أماني : ولا هاذي شوفي غيرها
إبتسام إنفجرت : صبر جميل والله المستعان أماني بس
أماني : يإختي ماحبيتهم
الكل بصراخ : أمانننني بس عاد ذبحتينا
أماني إنفجرت ضحك لإنو من البداية ناوية تهبل فيهم : توبه خلاص
أسامة : حلو يله يإبتسام كملي
إبتسام بدت علي طول عشان أماني وهبلها : فوقتها كانت الصفات تعيش بالارض تلعب وتاكل يعني كانت مثلنا نحن البشر وبيوم إجتمعت كل الصفات وقررت تلعب لعبة
صفة الوفاء : شباب تعرفون لعبة الغميضة
الكل : لا مانعرفها
الوفاء : هي لعبة يغمض واحد عيونه ويبدا العد والباقي يتخبون يوم يكمل العد يصير يدور عليهم لين يلاقيهم
الصدق : زين خلنا نتخبي وإنت غمضي عيونك
غمضت الوفاء عيونها والكل صار يدور علي مكان يتخب فيه
إبتسام : ها شباب حلوة أكمل أو لا
الكل : ياليت
إبتسام : زين مثل ماقلت كل صفة تدور علي مكان يناسبها تتخبي فيه
صفة الفضيلة تخبت ورا القمر ...السعادة والامل تخبوا ورا الشمس ... الغدر والرذيلة تخبوا جوا مستنقع ...الخاينة وقفت وراها وماتخبت عشانها تبي تخونها ويوم شافها الصدق وقف وراها لإجل ينبه الوفاء والحب تخبي ورا ورود مليانه شوك ...باقي الصفات تخبت فأماكن تناسبها
الوفاء يوم كملت العد فتحت عيونها ولفت لإجل تدورهم وسمعت الصدق يصرخ فيها وشافت الخاينة تبي تذبحها وقفتها وبوقتها قالت ....
الخاينة للصدق : إنت بطريق وأنا بطريق
رد عليها الصدق : طول حياتي أكون وراك وإنبه الناس لإجل يتبهون منك
كملت صفة الوفاء تدور عليهم ولقتهم كلهم ...الا الحب
الخاينة همست للغدر عن مكانه يوم شافته يبي يتخبي
الغدر للوفاء بخبث : إيش رايك تدورين عليه بين الورد
راحت الوفاء صوب الورد المليانة شوك وصارت تدور عليه بس ماقدرت تشوف شي من الشوك الكثير
الغدر أخذ له عصا .. للوفاء : تفضلي دخليها جوا بين الشوك وإذا مافيه دوري عليه بمكان ثاني
صفة الوفاء أخذت العصا ودخلتها بين الورد وشوكها وسمعت صوت ألم
الوفاء : كاني سمعت أحد قال اي
الصدق : إيه وأنا بعد سمعته
الخيانة : لا مافيه اي صوت قل يالكذب إنت سمعت
الكذب بكذب اكيد : لا ماسمعت
الوفاء صدقتهم ورجعت دخلت العصا مرة ثانية ورجعت سمعت نفس الصوت
الصدق : سمعتي قايله أنا
الوفاء : الحب إنت فيه
الحب طلع بين الورد بس عيونه إنخفست
الوفاء بندم : أسفة ماقصدت
الحب : ماعليه إدري إن الخيانة والغدر مكروا فيني.. بس إذا تبين أسامحك من جد أبي توعدني بوعد
الوفاء : وعد قل إيش هو
الحب : أنا الحين صرت أعمي بس إبي تكونين إنت الدليل حقي بالدنيا وتدلين عشاقي علي طريق الحب الحقيقي وماتسمحين للخاينة والغدر يمكرون فني ثاني مرة ويفرقون عشاقي
الوفاء : زين من اليوم أنا هي دليل الحب اللي صار أعمي
ومن يومها صار الحب أعمي والوفاء دليله والغدر والخاينة أعداءه وتيتة تيتة خلصت الحتوتة وحلوة او لا
الكل تأثر فيها لإنو صدق الوفاء هو دليل الحب والكل الصفات تخبت فمكانها المناسب
أحمد بهدوء ويفكر فالقصة : حلوة
بدر : تهبل
ريتاج : واو بس ماقلتي من قالها لك عشانها مرة نايس ولا مرة قلتيها لي
إبتسام : عمي عبد العزيز
فارس بدهشة : أبوي !!!!!! ولا مرة قالها لنا
أماني إنقهرت : متي وليش ماقالها لنا !!؟؟
إبتسام : شفيكم منقهرين كلها قصة
ريتاج : شرايك بسومة تعزفين لنا
إبتسام بإعتراض : هاي إنت ماهوب بس أنا كل شوي إبتسام إبتسام ...إبتسام قولي قصة إبتسام إعزفي مابي وترا الكمان ماجبته
ريتاج بعربجية : تعزفين وفمك علية حنة
بدر ماسك ضحكته ويناظرها " مهبل ههه "
إبتسام : لا والله خوفتيني إنت ماتسمعين... ماجبت الكمان إفهمي يالدرج
هديل بهدوء : ليش ماجبتيه معك وتعزفين لنا
فهد : صدق من زمان عن عزفك
إبتسام : مليت منه طول الوقت هو معي اللي يشوفني يقول دارسه فن وموسيقي بعد
بدر إستغرب : ليش إنت ماتدرسين موسيقي !!!؟؟
إبتسام : لا مأدرس موسيقي
بدر : صدق !!! إيش تدرسين ؟
أسامة بفخر : توقع حز فز
ريتاج نطت : وش حز وش فز أقول بدر تدرس علم الاحياء
بدر : ماشاء الله ماتوقعت ...ومنهو يدرس بعد علم الاحياء
نوف : انا
بدر يناظر ريتاج : ريتاج إيش تدرسين !؟
ريتاج مسويه فيها شي : ادب إنجليزي
بدر هز راسه : ماشاء الله يقولون تخصص صعب شلون دخلتي الكلية
أحمد بغرور : من البراشيم عشان اللي يشوفها يقول أمية
الكل تسدح ضحك واولهم بدر
ريتاج إنقهرت : أميه بعينك يالجاهل
طلال يغير السالفة: إبتسام إلا نسيت أسأل طلعت السمستر
إبتسام بفخر وغرور : إيه بفضل ذكائي النادر
نوف : إلا قولي بفضل البرشمة
طلال : برشمتي إنت بعد ؟
إبتسام إنقهرت : نوف تكذب انا مابرشم
أحمد : ايه هين اقص إيدي
الكل : ههههههههههه
بدر يضحك : هههههه ماشاء الله بناتنا يبرشمون ريتاج وأماني والحين إبتسام
الكل ضحك
إبتسام تفشلت وترقع : ههههه بس اللي ماقدرت أحفظه
راشد : عيال إيش هي البرشمة العيال بالمدرسة يتكلمون عنها بس أنا مأعرفها
ريتاج وأماني بصدمة : هاه!!!! ماتعرفها
راشد : إيوه مأعرفها مرة قلت حق ندي تقول إيش هي وقالت شي موب زين
أماني : لا من قاله ... ترا البرشمة مرة حلوة وتخليك تنجح بسهولة
مدي : هاي أماني لاتخربين أخوي
ريتاج : ماعليك ياراشد من كلام ندي وإن كنت تبي تعرف أساليبها أنا أعلمك
أمين : راشد ماتسمع لهم لأنو البرشمة حرام
أماني : وش حرام إنت بعد أقول رشود تبي تنجح بلا مذاكرة وتعب
راشد فرح : ياليت عشاني مرة أذاكر بس مأجيب نسبة حلوة وأبوي يعصب علي
ريتاج : زين يوم نرجع حق الدراسة تعال علي البيت وأنا وأماني نعطيك كورسات بالبرشمة وأساليبها
راشد بوناسة : وأنجح بنسبة حلوة
أماني : إيه وأحلي نسبة بعد
أسامة : أماني ريتاج لاتخربونه ،وإنت ياراشد مالقيت إلا هالثنتين يعلمونك
ريتاج بغضب هي وأماني :و ليه إن شاء الله موب عاجبينك
الكل مرة وحدة : إيوه يالعرابجة
ريتاج بزعل : أقول أماني لا تسمحين لهم يأثروا فيك
أماني بغرور : عاد أنا وإنت إبن الوزير بحاله ورفضنا نعلمه وشلون عاد هالراشد
الكل : إبن الوزير بالحلم... وفقعوا ضحك كلهم والعرابجة بعد
طلال اللي كان طول الوقت يناظر أماني اللي ماتسكت ثانية وصوتها الحلو وصوت ضحكاتها بعد
طلال وعيونه عليها : أقول أماني ممكن سؤال
أماني " ياحلو إسمي من لسانك ومايحتاج كل هالموال إنت بس امر وانا لبيه "
ريتاج فيها الضحكة لإنو أماني سكتت فجأة وبهمس لها: أشوف حبيب القلب ضيع العلوم وضيع الكلام بعد
أماني بهمس : يالدوبة بشويش ليسمعونك ...وقالت تقهرها : عاد لا طلال وغيره يحرك شعرة فيني والحين شوفي
طلال إستغرب منهم ثنتينهم عشانهم يتهامسون : أماني ممكن سؤال
أماني " أماني خذي نفس ريلاكس تراه رجال موب وحش " : هاه قل تفضل
طلال توتر والكل ناظره : كنت بس بسأل عن ...وضاع منه الكلام
فارس بضجر : عن شنو ذبحتنا
طلال " يالخبل خلك قوي تراك عارف البنات وشلون تكلمهم ليش تضعف قدامها هي بالذات " : أماني كم تتوقعين نسبتك
أماني إنقهرت وخاب ظنها " الله يأخذ هالنسبة وإفتك "
هديل بصوت هادي : هههه مالقيت غير هذا السؤال تعرف له جواب
أسامة " وأخيرا سمعناك ياقمر " عيونه علي هديل : طلال إنت غبي تسولف مع أماني عن الدراسة
هديل نزلت عيونها بتوتر من نظرات أسامة وحست إنها صارت طمطامة
طلال بغباء : ليش ؟!
فارس : لإنو أماني تكره الدراسة وتكره اللي يجيب طاريها بعد
أماني تفشلت قدام طلال: ماتلاحظون إنكم تمونون زايدة
إبتسام : زين قولي كم تتوقعين
مني تستهبل : صفر بلا شك
أماني عصبت : جعله لك يالطاوس قولي أمين وعن النسبة أتوقع 91 ٪
الكل بدهشة :ككككممممم!!!!!
أماني ضحكت علي أشكالهم : أقول 91٪ ماتسمعون
أحمد بغرور وبصوت هادي : مأتوقع تنجحين من أساسه
أماني بسخرية : لا والله يالناجح والواثق من نفسه ،قلت إنت كم نسبته ؟
أحمد ببرود وبثقة : 99٪ او يمكن نسبة كاملة
أسامة بسخرية : هههههه ليش موب 101٪ كان ازين
أحمد بجمود : بعد أيام ونسولف
مني " شدعوة كل هالغرور وشوفت الحال أعصابك لاتنفجر " وبعدت عيونها يوم حست أحمد ناظرها
بدر بلقافة : دامه نسبة كاملة قل لنا إيش تبي تدرس بالجامعة
أحمد ناظر إبتسام يوم ناظر مني عشانه يبي يشوف ردت فعلها بس ولاعلبالها
أحمد بهدوءه المعتاد : أفكر أدرس ...
قاطعته إبتسام عشانها تدري زين شقاعد يدور في راسه : مستحيل
أحمد مأستغرب عشانه يعرفها تفهمه من نظرات عيونه : بس ليش مستحيل
إبتسام بحزم وعيونها عليه : لا يعني لا ولا عاد تفكر فيه ابد
أسامة فه : إيش يبي يدرس وإنت رافضة
أحمد : بس أنا أبي أدرسه علشان ...
إبتسام قامت واقفة من العصبية : إنت ماتسمع مأبيك تدرسه فاهم خسرت واحد مابي أخسر الثاني
أحمد وقف وراح لها : إبتسام قلبي إسمعني أنا أبيه بس عشانك صدقني
ريتاج إبتسمت " يبي يدرس طب "
إبتسام وعيونها إمتلت دموع : ودامه عشاني مأبيك تدرسه مابي أخسرك إنت بعد
الكل تم يناظر فيهم ببلاهة
ريتاج : بسووم إتركيه يدرس ويسوي إيش بحب
إبتسام بحزم : مابي
أحمد إبتسم وضمها وبهمس : عشانك يالغبية
إبتسام : لا تكفي كافي سامر وأكيد رح يسوي شي
أحمد بعدها وحب راسها : بس ...
إبتسام تناظر عيونه اللي فيهم خوف وحب أخوي عظيم : لا بس ولاغيره وترا الدنيا كلها دكاترة وأطباء وفيه الدكتور محمد مايقصر وأخوك بعد فيه ...وإنت إدرس فيزياء دام تحب تدرسها
الكل تأثر
ريتاج قامت وتخصرت : لا والله إبتسام تضمها وتحب راسها
أحمد ضحك ولف ومد إيده لها : تعالي يالغيورة
ريتاج ضحكت : ههههه اوكي ...وضمت اخوها
أسامة قام وراح لهم : مالي مكان بينكم
أحمد : لا
إبتسام إبتسمت له ومدت إيدها له : تعال يانبض القلب
أحمد إنقهر : لا والله وأنا شنو
إبتسام : وإنت دقات القلب
أمين قام وراح لهم بسرعة : وأنا او مالي مكان
ريتاج تقهره : لا مالك مكان
إبتسام بحنية : عاد إنت القلب كله ماعليك منها ...وحضنوا بعض
طلال إبتسم : ماشاء الله عيال امي مسوين فيها لا احن ولا اطيب
الاخوان فكوا بعض
ريتاج : طالعين لك يأخونا من الرضاعة
فارس : ليش كل هالموال
ريتاج تقعد : سلامتك أتذكر شين حظني يوم صرت إنت وهو إخواني من الرضاعة
طلال وفارس : مالت عليك
إبتسام رجعت قعدت وهي تبي تبكي ..إخوانها طول الوقت يحسسونها مثل الكنز الغالي اللي رح يفقدونه باي لحظة
ريتاج تبي تغير جو عشانها حست بإبتسام وشوي تصيح عليهم : خلاص عاد مسخناها ...إبتسام إعزفي لنا
إبتسام خنقتها العبرة : قلت مابي ماتسمعين ماجبت الكمان
ريتاج تذكرت شي وقامت وراحت ركض جوا
أماني واللقافة : رتووووج وووووين !؟
ريتاج لا رد وراحت
إبتسام إستغربت : لتكون جابت هي الكمان
أماني : يمكن خلنا ننتظرها
كفوا سوالفهم
إبتسام لاحظت نوف وسكوتها : نوف حياتي وينك فيه !؟
نوف بصوت هادي : معك
إبتسام عقدت حواجبها : ليش ساكته
نوف ببرود : كذا
إبتسام تناظرها " شفيها مو من عادتها ترد بهالبرود علي "
نوف حست فيها وبنظراتها ولفت لها وإبتسمت
إبتسام إبتسمت لها وسكتت
نوف رجعت تناظر فارس وساكته
ريتاج رجعت وهي تتنفس بصعوبة : تفضلي يإبتسام إعزفي لنا عليها
إبتسام رفعت عيونها لها وإنصدمت من اللي حاملته ريتاج : ريتاج من وين جايبتها ؟
ريتاج وهي تقعد وتتنفس بسرعة : من الشنطة يله أعزفي لنا
إبتسام عصبت : أخر مرة تلمسينها فهمتي
الكل إستغرب منها
ريتاج فهت : ليش !!!؟
إبتسام بغضب وقامت : مو من حقك تلمسينها اوكيه
ريتاج قامت ومستغربة : شفيك معصبة كلها الة
إبتسام إنتبهت علي نفسها وبصوت هادي : ريتاج تكفين أخذي كلش من غير إذني إلا هاذي فهمتي
ريتاج إبتسمت : سوري ماقصدت
إبتسام حست إنها زودتها : ريتاج هي غالية عندي ذكري قديمة اخاف تضيع وإنت تدرين زين هالشي
ريتاج حزنت تكره تشوف عيون إبتسام فيهم دموع : بعد قلبي إختي الغالية ...سوري حياتي ماقصدت
إبتسام بحب : شدعوة اسفة ماقصدت اعصب عليك ...اروح ارجعها
ريتاج : اوكيه
،قاطعها راشد
راشد بفرح : هاذي هرمونيكا
إبتسام لفت له وفجأة شافت فيه هذاك الولد : إيه
راشد بوناسة : تكفين أبي أسمع عزف عليها
إبتسام إنسحرت من براءته العفوية " مثله مرة يشبه " : من عيوني بس أنا أعرف بس لحن واحد عليها
راشد : زين إيش هو
إبتسام بوناسة علي فرح راشد : تعرف كارتون القناص
أمين : صدق !!!!
إبتسام : إيه تبي تسمعها
ريتاج : مو كنت تقولين مارح تعزفين عليها
إبتسام ضحكت ورجعت قعدت : ماتشوفينه يبي يسمع عزف
ريتاج : هههه جد ..راشد مشكور انا احب اسمعها تعزف عليها وخاصة حقت كارتون القناص
أماني : إنهبلتي إنت وهذولا البزارين شوفي غيرها مانبي نسمع حقت البزارين
ريتاج عصبت : بزر بعينك يالدوبة ...بسووم إعزفيها عناد فأماني
إبتسام : ههههه تبون تسمعون
الكل : خلنا نسمع
أماني : شي أحسن من ولا شي
ريتاج بنصر : احسن بالطيب او بالغصب
أماني طنشتها
إبتسام إبتسمت عليها : زين إسمعوا
مني : تفضلي
إبتسام غمضت عيونها وذكرياتها تأخذها علي الزمن الجميل زمن الطفولة والبراءة
إبتسمت بحب " فتحت عيوني وماحصلتك وتركتني بروحي ....بس وين ماكنت هاذي حقتك من بسمة دميتك " وصارت تعزف نوتة تتر مسلسل القناص ( يمكن تتذكرونها أنا مرة أحبها وخاصة يوم أسمعها علي ألة الهرمونيكا )
الكل كان يسمع بكل جوارحه مرة عجبتهم
إبتسام فتحت عيونها اللي إمتلت دموع ....قالت بمرح يخفي حزن وجع علي شخص كان غالي بطفولتها وبتم غالي لين تندفن بالتراب وفنفسها " انساك بس يوم اندفن " : ماقلتوا شرايكم حلوة ؟
مني : واو حلوة صح لسانك
إبتسام : صح بدنك
مدي : جد حقت مسلسل كرتون بس تهبل
أماني : ماتوقعت أقول هذا الكلام بس مرة حلوة
راشد : مشكوره مرة حلوة
إبتسام : زين دامها عجبتك ...وقامت وراحت ترجع الهرمونيكا لمكانها الاصلي بين دهاليز الذاكرة
ريتاج بهمس : شفت طلال كان يناظرك يوم كانت إبتسام تعرف
أماني بوناسة : إحلفي
ريتاج ضحكت بشويش : هههه غبية من زينك عاد
أماني عصبت : نذلة
فرح : إيش عندكم تتساسرون
أماني : فرح أشوفك صرتي ملقوفة هاليومين
مني : عاد وش عندكم عشان تتليقف عليه فرح
أماني : إتذكر إني كلمت فرح موب إنت
مني سفهتها وماردت عليها
وصاروا لعيال يسولفون بروحهم والبنات بعد
نوف كانت ساكته وماخشت بالسوالف لين رجعت إبتسام وقعدت معهم وهي ولا كلمة منها
إبتسام لاحظت سكوتها
إبتسام بصوت هادئ : نوف شفيك؟
نوف ساكته وتناظر فارس اللي ساحرها بضحكته مع العيال وماردت علي إبتسام ......
إبتسام ناظرت وين تناظر نوف ...وشافت العيال مفقعين ضحك : نوووف وينك !؟
نوف إنتبهت لها : هاه معك
ريتاج خشت : وين معها وهي صار لها ساعة تناديك
هديل : وين كنتي
نوف توهقت : معكم وين بكون يعني
إبتسام إستغربت أكثر ومدت إيدها وحطتها علي جبين نوف فكرتها مريضة
نوف توترت والكل ناظرها : مافني حرارة وخري إيدك
إبتسام بصوتها الهادئ : زين ليش ماسمعنا لك صوت من ساعة
نوف توترت اكثر : لا بس كنت أسمع لسوالفكم
ندي : يعني مافيه شي يعورك !؟
نوف زاد توترها عشان لعيال إنتبهوا لها : لا ماكو شي بس مثل ماقلت
فهد بخوف عليها : نوف قلبي فيك شي
نوف : ههههه وش فيكم ترا أنا زينة
إبتسام بحنية : زين ياقلبي ليش ساكتة ...سهي مشغولة بالموبايل حقها وإنت يمكن فيك شي وماتبين تقولين
نوف نزلت عيونها بخجل عشان الكل يناظرها : لا أبد مافني غير العافية تطمني
فهد بعطف الاخو : جد !؟
نوف هزت راسها بلإيجاب
فارس طق : أزعجناك
نوف رفعت عيونها له ومدهوشة يكلمها والكل فيه : هاه !!!!
فارس : أقول أزعجانك
نوف بتوتر واضح حق إبتسام : لا ...أ..بد ..ن
فارس بمرح : عاد يوم نجتمع كلنا نبي نسولف طلال وأماني وريتاج مايعطون فرصة حق أحد يتكلم
إبتسام ناظرت فارس اللي كان علي طبيعته وماهو مهتم حق شي بس نوف شفيها ماتدري ...وهزت راسها تبعد هالافكار
طلال : إنت اللي ماتخلي أحد يتكلم
فارس : إنت اللي صرت وحدة من الحريم وصرت راعي سوالف وحش بالناس
أماني : وإنت شكو يأبو لسانين
فارس : عاد شوفوا من تكلم المسجل
ريتاج : إذا هي المسجل ..أنت CD حقه
فارس مد الشبر
نوف بعفوية : هههه وربي بزر ...ونزلت راسها بسرعة عشان الكل طالعها
فارس بفخر : شفتوا شلون خليتها تتكلم وتنطق بعد
فهد : مشكور بس لا تخبروا إختي وتخلوها مثلكم
فارس بثقة : لا تخاف إختك مارح تخترب
أماني إنقهرت يقول عليها خرابة : هاي إنتوا إحترموا كلامكم ...وبعدين فرووس ليش ماتخترب
فارس يناظر نوف : نوف حرمة وعندها شي إسمه عقل وثقل بس إنت وبنت عمك مافيه أي عقل لكم
نوف دق قلبها وفرحت من كلامه ...وإبتسام تناظرها
ريتاج : إيه عقلنا ضاع من زمان بس إنت كلك ضايع
طلال : لا لقوه وباعوه حق جزمة مرة قديمة
الكل فقع ضحك
فارس : طلال أشوفك سحبت علي
طلال : ترا أنا مع القوي
فارس : يعني أنا الحين ضعيف
طلال : بالوقت الحاضر إيه
أماني وريتاج : ههههه فروس ضعيف
أسامة صار راسه يصدع : صدق ماتنعطون وجه وتتركون أحد يتكلم هس هبلتونا
الرباعي : لاوالله تستهبل إنت
الكل : ياليت تأخذون بريك هدوء
سكتوا كلهم وسهروا شوي وقاموا حق غرفهم ينامون ويستعدون ليوم جديد بالمزرعة
و إبتسام تحاول تبعد كل فكرة عن راسها عن فارس ونوف عشانها متأكد فارس موب مهتم ونوف ماهي راعية سوالف الحب
****

Sent from my PGN515 using 3bir mobile app
 
عودة
أعلى