رسميا

رسميا اليوم تبدأ
قصة أشواقي
الحب وياه صار اليوم رسميا
رسميا
أنت ملك قلبي
وأحساسي يا الغالي
رسميا
حلمنا صار حقيقة يا غلاي أنت
رسميا
الكتاب انطبع
ووصلتني النسخ
المجانية من الكتاب
اليوم
ما تتخيل شكثر مستانسة يا غلاي
رسميا
صار حلمنا
واقع أعيشو
رسميا
نفذت وعدي لك
رسميا
كتابي مو بس حينشر في الدار
لا حيكون موجود في جناحهم
في المعرض
صج تمنيتك وياي
تشوف حلمنا
وطفلنا الأول
عقب ما طلع للنور
لأنك أكثر شخص
جان متحمس ومشتط للكتاب
أكثر مني أنا
صاحبة الشأن
جنت تنطره
على أحر من جمر
جأنه كتابك
شكثر جانت
فرحتي ناقصة حيل
بدونك يا معود
لأني أدري
ما كو أحد يهمه
الموضوع كثرك
تدري شكثر
جنت أتمنى
أكتب لك
إهداء خاص
لك أنت بروحك
في أول صفحة
يا معود
شكثر تمنيت
لو كتبت نص الكتاب
عنك يا غلاي
حتى لو كتبتو كلو عنك يا بعد عمري
ما جان بيوصف
ربع أحساسي لك
وحبي لك
أدري كملت سنتين
ميت يا خلود
وأدري الميت ما يرد
بس ولهت عليك
ورب البيت يا معود
الشوق لعب فيني
وهد حيلي
ناقصني أنت
وحشتني ابتسامتك
ضحكتك كلامك
حبك حنانك
ولهت على كل شي فيك يا غلاي
حتى غيرتك وعنادك
ولهت عليهم
رسميا
أنت حبي الصجي
رسميا
حبك مثل الموت
ما يتكرررر مرتين
رسميا
صرت غريبة بعدك
وأنا في ديرتي
وبين أهلي
الدم يحن للكويت ديرتك يا خالد
رسميا
أنت حلم العمر
أنت حب العمر
اللي تمنيته
طول عمري
رسميا
كنت قليلة حظ
وحظي بيك
أصبح كثير
جنت أتمنى
شخص يشبهك
والله رزقني أكثر من ما أتمنى
ررقني أنت
أجمل من كل أحلامي وتخيلاتي
رسميا
جنت مرتاحة في جنة قلبك
وأنهارها العذبة
رسميا
جنت أحس بالأمان
في بيتنا الصغيرون
لأني أدري اللي
جمعنا مب سقف
واحد جامد
اللي جمعنا
قلب واحد
روح وحدة
رسميا
جنت لي الملاذ
في صحزاء الدنيا القاحلة
جنت المطر اللي
يرويني كل ما
أهلكني العطش
جنت السحابة
اللي تظلني
من حرارة الشمس
جنت داخل عينك
مرتاحة حيل
وأشوفها بعيونك
رسميا
جنت وياك بين الغيوم
ودحين ضاقت عليا
الأرض بعدك
رسميا
أنت صرت في عيوني
كل الناس
وما كو أحد
في الدنيا
عنك يغينيني
جان رمشك
غطاي وعيونك
أتلحف في وسطها
وأنام يا الغالي
رسميا
أنت ملاكي
رسميا
صرت أشوف الناس
أنت يا غلاي
تدري صرت متشفقة أشوفك في حلم
بعد ما كان يومي
يبدأ وينتهي بيك
وما جان يفرقنا
ألا وقت الدوام
ونومي أيام الدوام من كثر ما جنت
أحاتيك وأخاف عليك
جنت أحاجيك حتى وأنا أمشي
للمحاضراتي
ورب الكعبة
ما خليت فيني عقل
كنت المهرة
وأنت فارسي
يوم سافرت للعلاج
جنت نجمتي البعيدة
اللي أطالعها كل يوم
وقلبي يعورني وأتحسف
وأتمنى أوصل لها
كنت خايفة تموت
وانحرم حتى من شوفتها
واليوم أسولف للقمرا واليحر
اللي جانو شاهدين قصة حبنا يا غلاي
أطالع النجوم
يمكن ألاقيك بينها
بس ما لقيتك
الكون بعدك
في عيوني ظلام
منو يونس وحشة ليلي عقبك
الشناء ياي
شلون أقضي
لياليه الطويلة
بروحي يا غلاي
علمني بعدك
للمنو أروح
أنت أخوي العود
ورفيجي وحبيبي وريلي وكل شي في الدنيا لي
اختصرها لك
فقدتك وما لي غيرك في هالدنيا
ولا تسوى عقبك
الله يرحمك
ويغفر لك
ويصبر قلبي يا غلاي
بقلمي أختكم غدو الطموحة
 
من اللهجة يبدو انك من اهل الكويت

كلام رائع وجميل

اهلا وسهلا بك في خذا الطريق الشائك المليء

بالتعب والالم والوعود المنكوثة والاشواق المقتوله.

كوني حذره بالتعامل والتعاطي مع الموضوع وكوني حذرة

من ألا تكشفي نقاط ضعفك حتى لا يسهل اختراقك
 
شكرا للمرورك أنا بعده حالي حال اليتيم غرقت في بحره وما عرفت اطلع
بس أنا اعتبره بطلي وملك أحساسي لأنه توج حبنا بالزواج
مثل عشق السبعينات
قضيت وياه أحلى سنتين في عمري
عقبه ضايعة في أرض الله ما لي وطن
هو جان وطني
ما أصدق عقب ما جان واقع أعيشه واستانس فيه كل يوم صار حلم أتشفق أشوفه
الله يرحمه ويصبر قلبي
 
ايش حصلة اختي ...ممكن اعرف لومافي اعاج وتطفل مني
فقدتك وما لي غيرك في هالدنيا
ولا تسوى عقبك
الله يرحمك
ويغفر لك
ويصبر قلبي يا غلاي
بقلمي أختكم غدو الطموحة
 
دمعت عيوني من اللي قريته .. مافيه اصعب من الفراق بالدنيا
جرح ينزف والم باقي
ما اقول الا دعوة من القلب ان يجبر الله كسرك وقلبك وروحك .. ويعوضك بالاجمل ..
واتمنى ان الوقت يكون كفيل بتخفيف جرحك .. لان ماقدر اقول يزيله لان بعض الجروح مستحيل اتطيب

ومبارك لكي رسميا ....)
 
الله يبارك فيج واسم الكتاب خلف الستار أمييين طاقت سنتين ونص وجرحي لليوم ينزف ما أبي عقبه أحد كل اللي أتمناه الله يقويني وأعيش عمري الباجي بدونه قبله ما عرفت للحياة طعم ويوم عرفته عرفت طعمها ومن توفى وللأخر يوم في عمري بيتم قلبي يغني ويا الجسمي فقدتك ووالله ما يسوى أعبش العمر دونك
 
عودة
أعلى