عتمة الليل .

الشعر, قصيدة , شعراء, القصايد ارسال إلى Twitter ارسال إلى facebook
  1. الريـــم ~
    15-06-2019, 03:13 PM

    عتمة الليل .

    عتمة الليل .


    يا عتمة الليل ، والطاري يصول ويجول
    مافيه نور يقدي خطوتي بتبعه ؟

    زحمة مشاعر وتفكير وفراق وخمول
    فيني حكي بس ! وين اللي يبي يسمعه ؟!

    حبيبي اللي خذاه الوقت مدري شـ أقول!
    وشلون يرضى يخليني بهـ المعمعه ؟!

    أحبه بـ كل مافيني بـ كل الفصول
    ومع كل هذا تركني قبل ماأودعه ؟

    من وين جاب الكبر هذا أعرفه خجول ؟
    ومن علمه كيف ينساني وكيف أقنعه ؟

    أخذني لـ درب مايرحم وصعب الوصول
    ورجع بـ نص الطريق ولا خذاني معه!

    وقفت وعيوني تراقب بـ حالة ذهول !!
    حاولت أرده ولكن ؟! ماقدرت أمنعه

    شفت الأماني تموت ، وشفت شمسي تزول
    وضحكت من قلبي اللي ماعرف يردعه

    ترك وراه أسئله ؟!! ملت تدور حلول
    وأخذ معه قلبي الوافي ولا رجعه !’

    يحز في خاطري وشلون يقفي عجول؟!
    وإنه رحل من حياتي قبل مـ أودعه ؟!

    شعر : غشام الصواغ .
    250*300 Second
  2. أسير في حب عبير
    16-06-2019, 10:10 PM

    رد: عتمة الليل .

    عتمة الليل .


    نقل آكثر من جميل، شكرا لك
  3. Loli.
    16-08-2019, 02:05 AM

    رد: عتمة الليل .

    عتمة الليل .


    حبيت الشعر وصح لسان الشاعر
    يسلمر الريم.