12

لو طال الصمت وقسيت ،محفور فيني لو أبطيت.

قصة كاملة - رواية كامله جميلة للكاتبه
  • ارسال إلى Twitter
  • ارسال إلى facebook
  • ارسال إلى google plus
    1. waf'a
      12-06-2019, 04:05 AM

      لو طال الصمت وقسيت ،محفور فيني لو أبطيت.

      لو طال الصمت وقسيت ،محفور فيني لو أبطيت.


      السلام عليكم ورحمة الله وبركاته .
      أول رواية أنشرها لأني قد كتبت وم نشرت وأتمنى فعلا تكون الرواية عبرت عن الحقيقة اللي ماتت وم حد عرفهاااا.

      اول شي الرواية هذي اعتبروها من حادثه صارت من ٦ او ٧ سنين وأحداثها بااقيه وأبطالها موجودين ،
      لكن م تخلو من الخيال والشكوك .
      أتمنى أنها تعجبكممممممم❤❤

      لا تخلوووونها تلهيييكم عن ربكم ..
      أستغفرالله
      استغفرالله
      استغفر الله
      الحمدالله
      الحمدالله
      الحمدالله
      الله أكبر
      الله أكبر
      الله أكبر .

      الكاااااتبة :
      أمااان.
      250*300 Second
    2. waf'a
      12-06-2019, 04:08 AM

      رد: لو طال الصمت وقسيت ،محفور فيني لو أبطيت.

      لو طال الصمت وقسيت ،محفور فيني لو أبطيت.


      ٢
      طبعا لازم التعريف بالشخصيات.
      عيلة أبو عبدالعزيز .
      ابو عبدالعزيز ٤٣
      ام عبدالعزيز ٤٠
      عبدالعزيز ٣٦
      حنان ٣٧
      وعد ٣٥
      عبير ٢٧
      فايزة ٢٥
      زينة ٢٢
      عبدالله٢١
      عبدالرحمن ١٩
      ماجد١٧

      ..................
      عايلة ابو فهد ، متزوج ثنتين.
      ابو فهد ٤٢
      ام فهد ٤٠
      ام راكان ٣٩
      مشاعل ٢٧
      فهد ٢٦
      رؤى ٢٥
      دانة ٢٣
      داليا٢٣
      راكان ٢٢
      ابراهيم٢٢
      عيسى٢٠
      موسى ٢٠
      فجر ١٩
      لمى ١٧
      طبعا مشاعل وفهد ورؤى وداليا وابراهيم وعيسى عيال أم فهد ...
      وفجر وموسى وراكان ودانة ولمى عيال أم راكان ....

      ..............
      عيلة أم سامي (أخت ابو فهد وأبو عبدالعزيز وأبو محمد وابو بندر واخت أم سالم )

      أبو سامي متوفي من سنين الله يرحمه .
      أم سامي ٤٤
      سامي ٣٩
      سمر ٣٧
      مريم ٣٤
      محمد٣٢
      ولايف ٣٠
      ماجد ٢٧
      عمر ٢٥
      نوف ٢٣.

      ..................
      عيلة أبو محمد
      أبو محمد ٤٦
      أم محمد ٤٥
      محمد ٣٧
      هدى ٣٦
      أحمد ٣٥
      ندى ٣٣
      عبدالملك ٣٠ ( مسجون ظلم باقي م طلع )
      عبير ٢٦
      سلطانة ٢٢

      .............................
      عيلة أبو بندر
      ابو بندر٤٧
      أم بندر ٤٧
      بندر ٣٨
      حصة ٣٦
      جابر ٣٤
      نور ٢٩
      عيسى ٢٥
      نورة ٢٧
      عامر ٢٤
      .......................
      عيلة أم منصور.
      أم منصور ٤٥
      ابو منصور متوفي الله يرحمه .
      منصور ٣٧
      عبدالرحمن ٣٦
      نورة ٣٥
      جميلة ٣٢
      فاطمة ٢٩
      ياسر٢٤
      .....................
      أخون أم عبدالعزيز وأم فهد ..
      ابو علي وأبو سليمان وأبو جنى وأم عمر وأم زيد ....

      أخوان أم راكان ..
      أم فارس وأم علي وأم جنى وأبو سعود وأبو وريف وأم نايف وأم تركي وأبو وتين وبدر ولمياء ومحمد وخالد.

      .....................
      قبل لا أبدا بالرواية حابة أذكركم انو الرواية كل جزء منها راح يكون فيه عيلة واشخاص م عرفت فيهم مع الأحداث بيتفهمون من هم وإيش علاقتهم لأن الروايه قريبه لحياة وأحداث قاع نعيش فيها وبعضها عشناها من كم سنه وقاع تتكرر .

      الكاتبة أمان.
    3. waf'a
      12-06-2019, 04:10 AM

      رد: لو طال الصمت وقسيت ،محفور فيني لو أبطيت.

      لو طال الصمت وقسيت ،محفور فيني لو أبطيت.


      ٣
      تبتدي الحكاية من قبل ست او سبع سنين .
      بيت ابو فهد *

      *ابو فهد واخوانه وبمعنى العام كل اللي بالقصه حياتهم عاديه موظفين مدنيين ، ماهم بذاك الغنى مثل ما نقرى عنده شركات او صاحب مشفى او اي شي.
      بالعكس هم من الطبقة مابين المتوسطه الى الغنيه لكنهم مو بذاك الغنى ولاهم بذاك الفقر يعني حالهم يسر وماشي تمام.
      ابوفهد يشتغل بوزارة الصحه واخوه ابو عبدالعزيز بعام٢٠١٣ يشتغل عسكري عشان كذا هو بالشرقيه مقر دوامه.بعام ٢٠١٨ راح يتقاعد ولين نوصل للعام ٢٠١٨ و٢٠١٩ اتمنى تستمتعون بالقصه لاني ارويلكم قصه عشناها بكل تفاصيلها كل يوم الى الحين عام ٢٠١٩ قاع نكشف شي بكل عيله سواء تطرقت لها او ماتطرقت .***

      كان ابو فهد واخوه ابو عبدالعزيز متجمعين يسولفون والعيال كانوا تقريبا ثانوي ثاني او ثالث ،
      فجاة دق الباب قام فهد وفتح الباب وكان منصور عند الباب واخوه عبدالرحمن .
      فهد: هلااااا حيالله العيال وينكم مبطيين
      منصور:هلا هلا الله يحييك ، تعرف انا توي متعين مدرس بقريه وعبدالرحمن توه اخر سنه ثانوي لزوم يظل عند الاهل تعرف يعني .
      فهد: الله يعيينك الحمدالله انا بلاي يهون عند بلااك
      عبدالرحمن: اي بالله الحمدالله نحن اهون منه ، الا شكلك ي فهد ناوين يصبح الصبح ونحن عند الباب ????
      فهد:???? لا والله اعذروني مشتاق لكم مو وجه حد يشتاق لكم ، فوتو عمي وابوي بالديوانيه.
      دخلوا واستقبلهم عبدالعزيز :هلاا بالربع شخباركم وشعلومكم وينكم زماان ي ولد عنكم.
      منصور : بخير نسال عنك ، شفت ي فهد وانت م سالتنا شخبارنا .
      حاوطه فهد من رقبته وقال : ي قليل الخاتمه اما صار لي ساعه اسال عنكم ، مالت حتى مالت ????
      ضحكوا العيااال ودخلوا الديوانيه وسلموا على ابو فهد وابو عبدالعزيز والعيال .
      قام راكان وقهواهم قهوة ، وفجاة حط منصور فنجال .
      وكلهم استغربوا ، قال : لي طلب صغير وماني بشارب قهوتي لين تسمعونه وتوافقون عليه .
      ابو عبدالعزيز : ابشر بعزك ،
      ابو فهد : ابشر ياولدي قول طلبك .
      قال منصور : انا جاي اطلب ايد بنتك حنان ي ابو عبدالعزيز.
      الجميع بحالة ذهووول ، نترك الرجال ونروح الحريم.
      عند الحريم *
      لما جت ام منصور كانوا البنات حايسين يرتبون قسم الحريم وما في الا الصاله خلصوها من اليوم .
      لما دقت ام منصور الباب كلهم انصدموا من زايرهم الحين الساعه ١١باليل ، البنات يتراكضون من غرفه لغرفه وكل وحده وطاقتها واللي تقظر تهربه تهربه .
      فتحت الباب مشاعل بكر ابو فهد واللي يشوفها يقول كنها جايه من سباق .
      مشاعل: حيالله ام منصور تفضلي .
      ام منصور ومعها مصدعه،
      نورة : الله يحييك ويبقييك شخبارك وشعللومك .
      مشاعل :الحمدالله  وانتي شخبارك وشعلومك ي نورة
      نورة:
      الحمدالله نسال عنكم .
      قالت لهم اتفضلو داخل ، استقبلوهم ام فهد وام راكان وام عبدالعزيز والبنات ،
      لما قهووها وتممت فنجالها ، لفت على الحريم ام فهد وام عبدالعزيز وام راكان ، قالت :انا جايه اطلبكم طلب وما ودي تردوني.
      قالت ام فهد؛ امري ي ام منصور .
      البنات قاعدين بالصاله يسمعون ????، قالت ام منصور :انا يام عبدالعزيز جايه اطلب القرب منكم ببنتكم خنان ، واعذروني جيتكم بهالوقت مير منصور قالي بكره بترجعون الشرقيه .
      ام عبدالعزيز انصدمت لكن م بينت : وحنا لنا الشرف لمن بالاول راي ابوها ثم رايها.
      قالت نورة :وليه م يوافق ابوها ولاهي م توافق وين بتحصل مثل منصور؟!
      البنات مصدوومين منها وكذلك الحريم وامها.
      قال ام عبدالعزيز: الله يجيب اللي فيه الخير.وقامت.
      وراحت تكلم ابو عبدالعزيز، وعند ابو عبدالعزيز : لي يالشرف ي منصور مير راي البنت لازم ، وانا استأذنكم بشوف رايها ، راح داخل وراح معاه عبدالعزيز جاتهم ام عبدالعزيز ودخلتهم اقرب غرفه عند قسم الرجال ، كانت بالغرفه فجر بتروح تنام ولما غطت وجهها سمعت الباب ينفتح والنور يشتغل كانت تبي تقول ي خبله انتي وياها اطلعوا بنام مصدعه
      لكن هجدت لما سمعت صوت عمها وصوت زوجته وحنان واخوها، :ها يابوك الرجال كلمني وصامل يبيك .
      حنان:ما ابغى اتزوج ما ابغى مو غصب ، يبه تكفى موالحين الزواج بعدين ،
      ام عبدالعزيز : يابنت الناس شاريينك ويبونك لا تضيعيها من يدك ،
      عبدالعزيز: حنان تراه رجال يخاف ربه ويصلي وبار بأمه
      حنان،: لا ما ابغى انتي يمه ماشفتي اخته كيف تكلمت كني جابرتهم يتزوجوني لا لا لا ما ابغى.
      ام عبدالعزيز:تردين عالبزر م عليك وانا امك منها .
      وبعد محاولات يأسوا منها .
      ابو عبدالعزيز : انا بروح المجلس ابطيت عالرجال .
      ام عبدالعزيز : بتتزوجينه غصب عليك وانت ياعبدالعزيز رح قول لابوك انها وافقت .
      عبدالعزيز: ابشري ، مبروك حنون.
      وطلعوا كلهم وحنان بقت تصيح ، وفجر مصدومه وما هي عارقه شتسوي وخصو انها الحين خامس ابتدائي بس تفكيرها اكبر منها ، قررت تسوي نفسها نايمه وما تقول لحد .
      وفعلا نامت وبلغوا ام منصور وعيالها انهم موافقين وحددوا اليوم اللي يحللون فيه وهو باكر الصباح ،والملكه بعد م تطلع التحاليل باسبوع.
      ويشش تتوقعون يصير؟؟؟؟؟؟؟؟
      ارائكم ..
    4. waf'a
      12-06-2019, 04:12 AM

      رد: لو طال الصمت وقسيت ،محفور فيني لو أبطيت.

      لو طال الصمت وقسيت ،محفور فيني لو أبطيت.


      اذا تبوني اكمل البارتات حطو على البارتات لا يكات ووانزل لكم .
    5. waf'a
      12-06-2019, 04:21 AM

      رد: لو طال الصمت وقسيت ،محفور فيني لو أبطيت.

      لو طال الصمت وقسيت ،محفور فيني لو أبطيت.


      ٤
      طبعا بعد ما راح ابو عبدالعزيز ياخذ رايه ، لف ابو فهد على منصور: منصور انت متاكد يابوك بقرارك وانت توك متوظف ما استقريت اخاف على البنت هي من حسبة بناتي.
      منصور :لا تشيل يابو فهد ، وانا ماجيت هنا الا لأني استخرت ربي وتوكلت عليه.
      ابو فهد :ونعم بالله ، عاد لا اوصيك تراها بحسبة بنتي حطها بعيونك ، وخاف الله فيها وانا عمك ولا عصبتك انت اهدى وخلك عاقل ولا تفلت منك الامور.
      منصور : تبشر يابو فهد بحطها بعيوني الثنتين ولا يهمك وما راح تسمع إلا اللي يسرك ،وان ضاقت فيني انت موجود انت ربيتنا انا وعبدالرحمن وخواتي بعد وفاة ابوي يعني بحسبة ابوي يابو فهد.
      ابو فهد : انتوا عيال عمي الله يرحمه وبحسبة ابو عبدالعزيز اخوي وباقي اخواني.
      منصور: تسلم يابو فهد الله يطول بعمرك.
      ابو فهد : انين ويوفقك ويسهل عليك من عنده .
      منصور : اللهم امين.

      طبعا بعد مارجعت ام عبدالعزيز وبلغت ام منصور بالموافقة ، استاذنتهم ام منصور بترد بيتها .
      والبنات متحمسين ويش يلبسون بملكه اول وحده منهم تنخطب كلهم متحمسين ، ماعدا العروس وفجر اللي ودها تقول اللي سمعتها حرام يكملون الكذبه وانها موافقه وهي مغصوبه ،وثاني يوم الصباح الساعه ٨ كل البنات صاحيين بيروحون معها عشان تحلل ، على الساعه ٨:٣٠ اتصل منصور بابو عبدالعزيز يقوله يجيب حنان عشان التحليل وبس قال عمي لحنان تتجهز البنات ركض كل من مشاعل ورؤى ودانة ووعد زينة وعبير .
      راح ابو عبدالعزيز يجهز السيارة واستغرب لما حنان طلعت من باب الشارع حق الحريم معها بنات كثار
      وقعد يضحكككك ، وبعدها نزل لهم.
      ابو عبدالعزيز:على وين انتي وياها ؟ترانا رايحين مستشفى مو سوق وهو لولا العيب قعد وضحك
      وعد:يبه تكفى طلبتك خلنا نروح معها اماااااااانه.
      ابو عبدالعزيز : لا مره ثاتيه ان شاء الله
      عبير: يبه منجدك مره ثانيه يعني نستنا وحده فينا تنخطب عشان نروح معها .
      ابو عبدالعزيزمااااااات من الضحك وقعد يفرك عيونه ورجع لبس نظارته الشمسيه.
      حنان: يبه الله يهديك ليه تضحك وهم صادقين يمكن لو وحده بعدي انخطبت يمكن ما نكون عايشات.
      مشاعل ضربتها ع كتفها : وجع ي حنون تفاولين علينا
      ابو عبدالعزيز: الحين انا اشوف قدامي ٦ بنات م سمعت غير صوت حنان ووعد وعبير؟ من الباقيات م عرفتهم ؟
      وعد: يبه معنا مشاعل ورؤى ودانة بس ما ادري شفيهم مالهم حس ما كأنهم هم اللي اقترحوا القرار.
      رؤى: شين وقواة عين
      دانة : ايوالله مكروشه وترادد .
      البنات وعمهم ماااات من الضحك ..
      بعدها قال : يابنات والله صعبه كلنا رايحين مستشفى وبعدين ابشروا باللي يعوضكم بطلعة تونس.
      دانة:عمي شايفنا بزران بتسافرون الشرقيه العصر متى بتطلعنا انت تضحك علينا اعترف صح؟
      عبدالعزيز: كفو ي عمك لقطتيها وهي طايره .ورجع يضحك.
      البنات انقهروا وقالت حنان: شر  البلية ما يضحك
      رؤى : الشرهه مو عليك عاللي بيجي ويونسك .
      وعد: امشوا بنات هذي مو وجه حشمه
      ورجعوا البنات للبيت مكروووشين ????.
      كان باستقبالهم داليا وفجر وزينة وفايزة ميتين ضحك.
      قالت ام فهد : ي بنات وين كنتوا ناوين تروحون لابسات عبياتكم من الصبح .
      دانة: كنا بنروح مشوار ، بس...
      ام فهد: بس ويش وانا امك.
      فجر : منحرجه تكمل ، انا اقولك يايمه بس انكرشو ورجعوا منكسحين.
      زينة: عشان كذا ما كملت منحرجااات ????????
      البنات منصرعات من الضحك عليهم قاعدين مقهورين.
      قالت مشاعل: جب انتي وياها قليلات حيا ، بس تدرون من قاهرني حنين قليله السنع شفتوها .
      وعد: صراحه انا لازم انتقم ، اختي اوكي بس م تكرشنا كذا وتعدي والله قهر.
      رؤى: قدام بس ويش الخطه؟
      قالت دانة: عندي وانا ابو هندي ،البنات ماتوا من الضحك
      فجر: بدى العرق يحن ،هنا حتى دانة ضحكت.
      زينه : دانوه ي داهيه ويش الفكره.
      دانة: الحين مو المفروض المعرس يكلم عروسته؟ لجل يتفاهمون فيما بينهم.
      نحن بعد الملكه بندق عليها من رقم جديد على اساس نحن منصور قيس بن الملوح.
      وعد: ذيبه تربيتي.
      فجر: تخسين تربيه امي .
      دانة ضربت كفها بكف فجر ، البنات :وعدوه يالذيبه لقطي جبهتك ????
      وعد: الوعد قدام ي ست فجر .
      فجر : الله يستر منك ، قسم خفت بعد هالنظره ،
      فايزة: بنات الحين بالملكه ويش نلبس ، وانتو بنات يا ويلكم لو ما تجون كلكم الشرقيه؟.
      البنات : افا عليييك.
      وقعدوا يقررون ويش بيلبسون.
      عالساعة عشر كانوا العيال كلهم  صاحيين وطفشانين.
      قال راكان : ويش الكأبه هذي شوف شي نسويه .
      قال عبدالله: ويش رايكم نلعب بلايستيشن واللي يخسر هو اللي يجيب لنا غدا على حسابه .
      قال عبدالعزيز: قدام يالله انا ومن معي؟
      قال فهد:يالله عبدالله الفكره فكرتك يالله ورنا .
      عبدالله:لا هونت اصلا كانت مجرد فكره.
      راكان: اخص ي الخواف خايف ع قريشاتك ، ي الله عزوز انا وانت .
      عبدالعزيز: كفو ولد عمي.
      غمزله راكان : اعجبك.
      وبدوا يلعبون كورة حاطين  الدقايق طويلة  ١٥ دقيقه.
      وبين حماس العيال والتشجيع مره ساعه ونص وسارت ١١:٣٠. انتهت المباراة لصالح ١:٢. واللي خسر راكان : لا بارك الله بأفكارك ي عبيد .
      العيال ماتو ضحك ، فهد: يالله الغدا عليك بروح اعطي امي وعمتي خبر م يطبخون الغدا من برا .
      راكان: شووفو اتفاقنا بس نحن مالنا دخل بالحريم هذاني قلت لكم.
      عبدالعزيز: خسران ويتشرط ، مثلهم مثلنا .
      جا ابو عبدالعزيز وبيده اكياس حلا .يا ماجد تعال ود الحلا داخل للبنات كوود يرضون.، وانتم رجال طول بعرض اصواتكم طالعه ليه؟
      عبدالعزيز : والله يبه لعبنا منافسه واللي يخسر عليه الغدا اليوم وخسر راكان ويقول مو جايب للحريم ماكان الاتفاق كذا معارض.
      ابو عبدالعزيز: والله امك ي راكان داعيه لك ، جيب بس للعيال والحريم علي ، لازم اراضي البنات .
      ودخل داخل والعيال جاهم فضول ليه البنات زعلانات؟
      قال ابو فهد : ليه ياخوك علامهم البنات زعلاانات منك؟
      ابو عبدالعزيز: ايه بالله اليوم لقيتهم متجهزات بيروحون مع حنان للتحليل ، وانا ي اخوك صعبه ٦بنات نروح عشان تحليل ، وقعدت اسايرهم عشان يصدقوني ، مير بنتك دانه قفطتها وفضحتني وكلهم زعلوا ودخلو ، مير بلاك م شفتهم ويش قالوا ????
      ياخوك قلت لهم اطلعكم بطلعه غيرها ان شاء الله،.قالت بنتك دانه : ياعمي تضحك علينا شايفنا بزران انتوا العصر راجعين الشرقيه ، ليه تكذب علينا انت تسلك لنا عشان ندخل وما ناخرك.
      قلت لها ما شاء الله عليك لقطتيها وانتي طايره
      وضحكت قالت لهم حنان شر البليه ما يضحك واستلموا حنان يحطون الحره فيها ، والله انهن اكسرن خاطري ما هان علي وما اراضيهن ،وانت ي مجود خلف الله عليك قم وده للبنات ويش تنتظر.
      ماجد: قتلني الفضول اعرف السبب،وطلعوا مكروشات.
      العيال ماتوا ضحك حتى عمامهم
      وراح وداه للبنات ولما دخل عندهم ، شافهم قاعدات لحال وحنان لحال ، قال : يالمكروشات امسكوا ابوي جايبه لكم ي حرام بس.
      والبنات اللي قريب لها تهفه فيه كنبه ريموت اي شي.
      ماجد: النحشه ياولد .
      والحريم ماتوا من الضحك عليه ، والبنات قعدوا ياكون من الحلا قالت زينه: احلا شي الله يخيليكم دايم انكرشو من انكرشتوا ونحن شايفين خير????
      فجر : درر دررر
      البنات قاموا عليهم وهن يضحكن ميتات من الضحك
      رجع ابو عبدالعزيز واهله للشرقيه وطلعت التحاليل يوم الاحد وتحدد يوم الملكه يوم الخميس.
      ويوم الاربعا صحا ابو فهد وهو تعبان وراح للدوام ولما رجع راح للمستشفى عشان يسووي تحاليل ويتطمن ، وطلع عنده خراز  بالفم ولازم يسوي عمليه لجل يشيله، وحددو عمليته يوم الجمعه.
      ويوم الخميس تجمعوا اخوانه وخواته وجماعتهم عنده لجل يسافرون الشرقيه وراحت معهم ام فهد بس لجل تغطي عالوضع وخذت معها العيال م عدا فهد وراكان ظلوا عند ابوهم لجل باكر عمليته الصباح .
      تمت الملكه واظطروا يقعدون يومين زياده .لان ابو عبدالعزيز حلف عليهم يبقون ،المهم جا اليوم الجمعه الساعه ١٠ الصباح وقت عمليته وسوا عمليته لكن اثرت عليه شوي مما خلاه يدخل بغيبوبه ، لما دق فهد وقال لام راكان الخبر تماسكت وقالت للبنات ، البنات مصدومين وحالتهم حاله كانوا مثل اللي مو فاهم شي خايفين على ابوهم وبنفس الوقت باقي م استوعبوا .
      رجعت ام فهد والعيال يوم الاحد من الشرقيه ولما خبرتها ام ركن بالخبر استقبلته بدموع وحاولو قد ما يقدرون م حد يعرف باللي صار ، وفعلا حاولوا لكن مو لوقت طويل يمكن ليومين ثلاث لما شاف عمر فهد وراكان بالمستشفى ،طبعا يسمونه "العربيه الحدث" ، لانه ع طول يقول وينشر اللي يشوفه بثواني.المهم شافهم وجا سلم والعيال اختبصوا هذا بيفضحهم .وخصوص انهم عند غرف المرضى.
      عمر: هلا بالعيال عسا ماشر؟
      فهد: هلا والله ابد بس ننتظر الاهل داخل وبيطلعون.
      عمر انفجع: عسا ماشر الاهل ويش فيهم؟
      راكان :يابن الحلال هد مافيهم شي بس،بس وتوتر.
      فهد: بس يخلصون المغذي ويطلعون
      عمر : اهاااا
      طلع من هنا عمر وراكان وفهد شوي ويسجدون شكر لربهم ، راكان: ام الترقيعه ياشيخ كيف بالله طلعت معك.
      فهد: هههههههه ما ادري والله خلها ع ربك ، عاد انتظر ربع ساعه وشوف ويش منتشر عند الجماع،هههههه
      راكان:هههههههه، ايوالله .
      فهد:يالله بروح اجيب من الكوفي تبي؟
      راكان:اي والله ياريت
      فهد: ابشر.سلااام..
      راكان:سلاام.
      ركب عمر سيارته واتصل ،:سامي الحق اهل خالك ابو فهد متسممين كلهم .
      س

      امي:تستهبل ياولد اليوم كلمت فهد وقعدنا نسولف ما قال شي.
      عمر: والله بكيفك هذاني توني شايفهم بالمستشفى هو وراكان بس ياخوك شفتهم عند قسم الرجال الظاهر خالك فيه شي.
      سامي:اعوذ بالله ويش بيكون فيه خالي ، باخذ امي وازورهم اذا قدرت اليوم واذا ماقدرت بكره،الا انت قولي وش موديك هناك ؟
      عمر:ادور لي وظيفة .
      سامي:ياولد تستهبل خلص الثانوية واتوظف.
      عمر: يووه خلااص هونت ، راججع البيت..
      سامي: ايه زين ما تسوي.سلام
      عمر :سلاام
      قفل سامي من عمر ودق ع فهد وحاول يستجوبه وياخذ منه شي، لكن ماخذ منه لا حق ولا باطل.
      طبعا عمر نشر الخبر انهم متسممين ، وبدت الزيارات في بيت ابو فهد واللي يسال عن ابو فهد يقولون مسافر ، لكن ام سامي م مرت عليها السالفه وقعدت تحقق وسين وجيم ولكن بالنهاية قدرت تسحب كلام من ام فهد وقالت لها ، وابدي صيااح يام سامي: ياويلي عليك ي خووي ما تشوف شر ،وكيفه الحين .
      ام فهد: بالعنايه الله يقومه بالسلامه ،
      ام سامي : امييين ويحفظه لعياله.
      ام فهد: امين ، الا قولي لي من قايل اننا متسممين.
      ام سامي: هههههههههه، هذا عمر شاف العيال بالمستشفى والعيال قالوا له ننتظر الاهل ،وحسب انكم متسممين.
      ام فهد:هههه، ياحليله عمر مايبطل سوالفه.
      ام سامي :وين ام راكان ما شفتها من بعد ماسلمت ؟
      ام فهد : ابوها واخوانها جايين وهي راحت تغطي عالوضع عندهم.
      ام سامي: اي والله زين ماتسوي،يالله استاذن انا من قالي سامي وانا مو متطمنه ، والحين تطمنت الحمدالله، يالله عساكم دايم بصحتكم.
      ام فهد:اللهم امين، والله لتبقين تتعشين يا خيه مو من حقك .
      ام سامي : مرة ثانيه باذن الله يالله مع السلامه.
      ام فهد: مع السلامه .
      وبعد شويات رجعت ام راكان: تخيلي يام فهد ابوي معصب مني يقول من متى ابو فهد يروح يسافر بدون ما يوصيني عليكم؟قلت له يمكن نسى، قال لا لا انا اعرفه ووجهك يقول وراك شي مخفيته،  ولا ما قلتي مردي بعرف ،وخفت اقوله يصير فيه شي، قام زعلان ورجع البيت.
      ام فهد: بيرضى ياخيه بيرضى لا تشيلين هم ، وانتي ما سويتي شي غلط ،استهدي بالله من خوفك عليه ماقلتي له .
      ام راكان: الله يجيب العواقب سليمه ، الا ما قلتي لي وين البنات مالهم حس؟مو بالعاده؟
      ام فهد: البنات جايهم اكتئاب والله من بعد ما صار لابوهم، ما ينلامون.
      ام راكان : ما صار شي يا خيه وابوهم بخير بس يتدلع كنك ما تعرفينه استغفرالله.
      ام فهد: هههههههههههه وينه يسمعك بس هههههه
      ام راكان :ههههههههه ،خلي يامانك قوي بالله ،ي بنات داليا مشاعل دانة رؤى فجر لمى ،وينكم ؟؟
      دانة:هلا يمه امري ؟
      رؤى :هلا بالمزااايين امرو وتدللو؟
      ام راكان:وينكم مالكم حس .
      دانة:يمه بالله من له نفس يسوي شي وابوي مو معنا؟
      رؤى:وما يندرى كيف هي صحته ؟
      جت فجر:الحمدالله انتي وياها صحة ابوي تهون قدام غيره، وابوي ما فيه شي خطير كل اللي صار له اثر عليه البنج بس ، والله ابوي ما فيه شي.
      داليا:ياسلام ويش دراك انتي.
      دانة:فجر امنا بالله ابوي مافيه شي بس من تاثير البنج.طيب ليه صار له بالغيبوبة اسبوع ونص؟ ها جاوبي .
      رؤى:بعدين ايش البرود اللي عليك يا فجر ما كنه ابوك المريض.
      فجر:هي انتي وياها شفتوني رايحه حفله ولا متكشخه ولا بس اضحك، من اول ما ابوي صار له اللي صار وانا اخلاقي قافله واحس اعصابي على ناار ومو قادرة اتخيل لو سمح الله وصار بابوي شي.لكن الحمدالله حلمت اليوم حلم واحسني متطمنة فهمتوا.
      مشاعل: وانا اقول ليه اليوم الاخت رايقه ومزاجها رايق.
      فجر: احم احم عساه دايييم، المهم ايوه يمه بقولك الحلم،
      ام راكان:قولي يمه.
      فحر: اسمعوا حلمت اليوم انا وانتي وابوي كنا راكبين على خيول وابوي كل ماوده يركب عليه الهواء يزيد والخيل يتخرك واخر شي ابوي ركب عليها وكان لونه بني محمر يجننن، المهم بعدها قعدت الخيول تجري فيينا احنا ومعنا ناس بعد راكبين معنا عالخيول، وابوي كان وجه يسر بالحلم .
      ام فهد: ها يام راكان ويش تفسيره؟
      ام راكان :خير يام فهد معنات الخيل بالحلم هي الصحه وابوك رك عليه ونحن معه معناته الحمدالله  ابوك بترجعله باذن الله ، خلو ايمانكم قوي.
      فجر: ها يا هوانم فهمتوا ليه مرتاحه، مالت حتى مالت.
      ام فهد: اللهم امين.
      كل البنات: اللهم امين يااارب.
      ام راكان: طلعتي منتي هينه يا فجر والله يطلع منك.
      فجر: ومنكم نتعلم .
      داليا:عاشووووووو ههههههههه
      كلهم ضحكوا.
      ام فهد : الله يسعدم يا فجر قد ما حلمك اسعدنا.
      فجر: احم احم الله يحفظني انا واحلامي وما يحرمكم مني .
      رؤى: السماء لا تطيح علينا ياارب.هههههههههههه
      الكل: ههههههههههههههه
      فجر: ههههههههه حمااره وربيي هههه.
      ام راكان: يالله عاد النفسيه تعدلت وحده سنعه تجدد لنا القهوة والشاي ، ومن دون مطرود ابي ام فهد بسالفه.
      دانة:عادي يمه والله سركم ببير تكففييين.
      ام راكان:صدق ما تنعطون وجه يالله اشوف وروني عرض اكتافكم.
      مشاعل: الكلام ما يشملني يا حرام ههههههه، يالله فارقوا.
      البنات:ويش معنا مشعل تقعد لا م عليش مثلنا مثلها وقعدوا.
      ام فهد: من قال بتقعد ، اولكم بتنطرد ياالله اشوف.
      هنا البنات رضوا وقاامواا وهم ماسكين ضحكتهم .
      خايفين فنجال ام راكان يطير بجبهتهم..
      مشاعل: ياربيه امووت واعرف ويش يصير وايش السالفه اخخخخ فضوول مميت.
      لفت عالبنات وشافتهم ماسكين ضحكتهم ووجيهم حمرا.
      قالت:خيرا اخواتي العزيزات في شي يضحك.
      فجر: ابد سلامتك شفنا نكته مرت من عندنا تضحك
      وضحكنا بس.
      البنات ميتييين ضحك وهي باقي ما استوعبت ولما استوعبت لفت عليهم:فجر ي قليله الخاتمه ، يمه بسم الله وين اختفت .
      رؤى :سلامتك لما شافتك استوعبتي هجت عند العيال ، وبعدين من جدك مطروده وماسحين بكرامتك الارض وبعد تبين تعرفين السالفه؟
      دانة:جليلي الحيا ههههههههه
      مشاعل:ههههههه اضحكي ي حيطه شفتي ما ضحكت سااامجه .
      داليا:يكفي اني ضحكت معها.
      دانة:هذا شرف لي.
      داليا:غصب عنك مو برضاك ايها الجاريه.
      دانة:تخسييين وتعقبين جرجروك تجرجر من جبل ما تقومين منه بخير.
      داليا: عوذه منك ي عجوز النار استغفري
      دانة:والله ما استغفر ي الله ي جاريه وغمزت لها
      داليا:تكفين لا تحلفين والله حياتي من درديحه لدرديحه .
      جات فجر :انتي تمثلين بكلامك اغنيه محمد عبده واتقلب واتقلب ،هههه
      البنات دمعوا من الضحك.
      داليا:الاخت محششه ولا ويش.
      دانة:مرفوع عنها القلم الحمدالله والشكر، والله عيب انها اختي ههههههههههه
      فجر:انا فجر اخت الحبيبه مشاعل وما تتشرفين لا لا كذا عيب.
      مشاعل: تتحايل علي الاخت تراي ما رضيت زعلانه.
      فجر: قولي قسم واعطتها الفيس البريء ،
      مشاعل رحمتها وقاطعتها:خلاص لا تعطيني فيسك اللي يحسسني مسويه تهمه عظيمه.
      فجر:لا تقاطعيني كنت بقول اختاري وحده من حدران بيتنا وطقي راسك فيها ، زعلتي من حالك ترضين من حالك هههههههههههههههههههه
      كلهم ضحكوا ، مشاعل:حمااااااااارههه وربيي مريضهههه ههههههههههه
      فجر:عيب عليكم اضغركم واجدد القهوة والشاي للعيال انتوا الكبار انتم اولى
      رؤى:لسانها عن عشر وتقول اصغركم ، اللله يحفظ اللي عطاك ياهم
      فجر:اذكري الله لا اصير ما تكلم وتفقدون الراديو اللي بالعتها .
      دانة: معترفه انها بالعه راديو ههههههههههههههههه
      البنات:هههههههههههههههههههه
      فجر:رحم الله امرىء عرف قدر نفسه .
      وانا ابي رحمت ربي تنزل علي مو مثلكم .
      مشاعل: جب  شايفتنا كفره ؟؟
      فجر:ااهجدوا بنات طفشانه
      دانة:وانا
      رؤى:وانا والله كثير
      داليا :ي حظك ي رؤى انتي ومشاعل تتواصلون مع صديقاتكم نحن ابوي مانعنا من الجوال يقول باقي صغار اخلصوا ثانوي والبنت متمسك الجوال الا اذا كبرت احسني بنتحر.
      دانة:منجد شي يقهر ي نااس نحن ٢٠١٣والله
      اصلا داليا شفتي بنت جيراننا تقهرنا ابوها جايب لها جوال الله ياخذها
      فجر:ما ابي ازيدكم بس اغلب بنات فصلي عندهم جوال وهذا نحن سادس اابتدائي قال ايش قال احنا خريجات ، خريجات وطل .
      رؤى ومشاعل:اللهم لا شماته بس
      داليا :الشرهه علي اقولكم مشينا بنات نلعب بلايستيشن
      دانة:قدااام والله
      فجر:انا بروح اجدد القهوة والشاي ووحده تروح تجدد حقت الحريم.
      ما اقول الا الله لا يسامح عمر وكذبته قال ايش عيله ابو فهد متسممه تف عليه بسبته كل شوي جاينا ضيف وكل شوي نجدد قهوة وشاي.اشووووف فييك يا عمممر يوووم.
      البنات ماتو ضحك،رؤى:حرام عليك ويش دخله اذا اخواني مايعرفون يكذبون؟
      فجر:جب بس قال حرام اذا هو كذاب لا يبلا الناس ويكذب عليهم.وانتي ايش عندك مدافعه، احد عينك محاميه عنه؟؟
      رؤى:جب بس لا تخسين الحق حق.
      دانة:قال الحق حق ، بلاه الحب وما يفعل ، حبيب القلب طبيعي تدافع عنه.
      رؤى:يعع انا احب واحد كبر فجر لا لا قويه يخسسي.
      فجر:وجع ان شاء الله ويش فيني، وبعدين صدق انكم مزعجات اشغلتوني
      وراحت جددت القهوة وجوا العيال بيلعبون بلايستيشن ولقوا فجر ودانه وداليا جالسين يلعبون.
      موسى:يالله يالبلشه ويش تبون هنا
      عيسى :الحمدالله انهم بنات ولا وين ما نروح مناشبينا .
      دانة:انا بنت ابو فهد تبوني اتعرف على اخوياكم لا ولا يمكن.
      عيسى:من قال هذا باحلامكم ، واخلصوا نبي نلعب
      داليا :من سبق لبق بعدين ما تشوفيني العب زين وانتظروا دقايق واجيب هدف
      موسى:ليه هذي اي مباراه تلعبونها
      داليا :احم احم الثانيه وانا فزت بالاولى ثلاثه اهداف وهي قاع تلعب ترد اعتبار.صح فجر؟
      فجر:لا تطيح السما علينا .
      وفجر شافت تحويله كهربا محطوطه جنب الباب وراحت لها بكل هدوء وقعدت تسوي فيها مسويه فيها ميكانيكيه، العيال استغربوا هدوئها جا جنبها عيسى وجلس وهي وموسى وعيسى مع بعض من كانوا صغار، عيسى:فجير ويش تحوسين؟
      فجر ناظرته بابتسامة نصر ، كنت ااسوي والحين بوريكم ذكائي وبتشكروني عليه،
      دانة وداليا:العيال لا ترجين منهم شكرا الا ويش تسوين .لفوا عليها وكلهم خايفين ماسكه التحويله وبتشبكها بالكهربا ، العيال والبنات كلهم هجوا من الديوانيه :يا بنت اهجدي واذكري الله لا تحرقينا ، فجر: مالي دخل بتشتغل بتشتغل واللي خايف يروح من الحين  اقول لكم لا يصير فيكم شي ، قرب موسى وقال اتركيه والله بتندمين
      ، فجر:يا بن الحلال ابعد بشبكها بشبكها واللي فيها فيها
      المهم شبكتها وما مداها الا بووووووووم ، لف موسى وشاف وجهها كان بيهاوشها بس لما شاف وجهها اسود وككشتها كشه انسدح من الضحك.
      موسى:هههههههههههههههههههههههههههههههههههه متاكده انتي اختنا ولا مغلطه بالعنوان ههههههههههههههههههه
    6. waf'a
      12-06-2019, 08:44 AM

      رد: لو طال الصمت وقسيت ،محفور فيني لو أبطيت.

      لو طال الصمت وقسيت ،محفور فيني لو أبطيت.


      أكمل ولا أكنسل ؟ما أشوف لايكات دليل انها اعجبتكم ، لا عجبتكم حطوا لايك لجل اعرف اكمل ولا لا.
    7. رحيل،
      12-06-2019, 03:18 PM

      رد: لو طال الصمت وقسيت ،محفور فيني لو أبطيت.

      لو طال الصمت وقسيت ،محفور فيني لو أبطيت.


      روااايه جممميله
      واحلى لايكككك كمملييي
    8. waf'a
      12-06-2019, 11:46 PM

      رد: لو طال الصمت وقسيت ،محفور فيني لو أبطيت.

      لو طال الصمت وقسيت ،محفور فيني لو أبطيت.


      ٥
      موسى:متتتتتتت هههههههههههههههههههه ياربي لا تبلانا ، اخخخ بطني توجعني من الضحك .
      عيسى:يمه بسم الله علامه وجهك اسود هههههههههههههههههههه ، وين امي تشوف وجهك.
      جت ام راكان وام فهد ورؤى ولمى ومشاعل ركض لما سمعوا صوت التحويله انفجرت.
      ام راكان:بسم الله من وين الصوت؟
      موسى وعيسى ودانة وداليا ميتين ضحك مو قادرين يتكلمون وفحر لافه وجهها عنهم عشان ما تشوفها امها وتنجلد .
      ام فهد :بلاكم ما تردون قولو من وين الصوت.
      دانة:عمه هذي ههههههههههههههه
      عيسى يمسح دموعه من الضحك: يمه هذي فجر وربي انها تحفهه هههههههههههههههههههه
      ام راكان:يمه فجر ويش صاير ردي علينا وانا امك فهمينا شي ، اخوانك بس يضحكون ونحن ما فهمنا.
      فجر على نفس وضعيتها مالفت لهم: اول شي احلفي بالله اواعديني واقولك ،و اوعديني انك ما تجلديني
      ام راكان:والله ما ألمسك ووعد ما اجلدك ، قولي ويش صاير.
      لفت لهم فجر وهي خايفه:
      ام فهد وام راكان ورؤى ومشاعل ولمى:بسم الله هذي انتي فجر ويش مغبره علامه وجهك اسود
      عيسى:ههههههههههه فااتكم والله ، الاخت شكسبير تبي تشبك التحويله اللي ما تشتغل وقعدت تصلح فيها ، حاولنا اننا نمنعها لكن حلفت الا وتشبكها ويوم شبكتها انفجرت التحويله ووجها صار اسود حتى مدخل الكهربا شوفو لونه اسود . ما لنا شغل من الحين اقولكم.
      فجر شافت امها تدور شي تجلدها فيه ركضت وتخبت ورا ام فهد:تكفين عمه داخله على الله ثم عليك لا تلمسني تراي بوجهك، ويا يمه استهدي بالله ترااك حلفتي تكفيييييين
      ام راكان:بتنجلدين بتنجلدين ، هذي سواه وحده بتدخل متوسطه وعلى وجه بلوغ .
      فجر :يمه حرام عليك تراي باقي طفوله لا تحرميني من طفولتي.
      موسى:امحححق طفولههه ههههههههههه
      ام راكان:ويش اللي حرام ها ويشهو، وبعدين اي طفوله احرمك منها ، اذا نهاية طفولتك بتشبين بالبيت ايه نعم بحرمك منها.
      فجر: موسى ووجع اطلع منها .بعدين يا يمه يرضيگ بكره اتزوج واحد وانا ماتهنيت بطفولتي ويقول علي متزوج وحده بزر ، هاا يرضيك قولي.
      ام راكان:البنت على وجه بلوغ ومسويه فيها طقوله ، تراك خلاص قريب وتبلغين واكبري وخلي عنك حركات الطفوله ، الطول طول نخله والعقل عقل سخله.
      كلهم :ههههههههههههههههههههههههههههههه
      فجر نست نفسها:جب عاد ما تضحك
      ام ركان :وترادد شفتوا تراددني، من بيفكك مني يافجير
      وفجر ركضت داخل :يمه والله اسفه تكفين توبه ما اعيدها،، ورجعت لامها :اذا ابوي له مكان بقلبك سامحيني يالله
      ام راكان: وتبطلين حركات الطفوله وتعقلين؟
      فجر:ايهه والله
      ام راكان:سامحتك وان عدتيها يااااويلك ويا سواظ ليلك
      فجر:تمامم تمامم.متى بنزور ابوي
      ام فهد:باكر العصر
      ام راكان: مو كلكم والله مو حلوة نخرش المستشفى بس ثنتين يجون معنا.
      فجر:انا
      دااليا:انا
      ام راكان:فجر محرومه من الزيارات معاقبه على ذكائك
      فجر:يمه تكفييين تكفيين
      ام راكان:لا لا لا لا تحااولين
      دانة: انا بروووح
      بهاللحظه دخل راكان وفهد، فهد:وين بتروحين اميره دانة.
      دانة:الله يسلمك ياخوي من ذوقك .
      قاطعها راكان:ما تنعطى وجه
      فهد:انا اشهد
      دانة:مع نفسك انت وياها ،بروح باكر معهم لابوي انا داليا وفي بعض ناس معاقبين ، ههههههههههه ههههههههههه
      فجر ناظرت فيها وسبلت بعيونها :الله يشفيك
      فهد حس مفاجأتهم بتنكشف لو راحوا: انا اسف بكره  ماراح اوديكم ولا في روحه من الاساس، وهج قبل لا يستلمونه تحقيق سين وجيم
      ام فهد:راكان يستهبل اخوووك كيف ما في روحه ودها قول ويش فيه ابوك
      راكان قعد يسب بفهد من جواته لانه هو اللي ابتلش
      :يا عمه ما في شي بس الدكاتره قالوا بكره ممنوعه الزياره لانهم بكره بيسوون مشروع تطوعي بالمستشفى وما يبون زحمه ، وترا عاظي ولا يهمكم اوديكم بنفسي ثاني يوم
      ام فهد:لا بارك الله فيهم ولا في مشروعهم
      ام راكان ما مشت عليها: ايه ما شاء الله الله يكثر من اشكالهم يمه، الا ماقلت لي ويش المشروع؟
      راكان توهق:ها مشروع عن مرضى الفشل الكلوي وكذا ، ماعلينا بروح انااام .
      ام راكان بقلبها:وراكم سالفه واانا وراكم وراكم والزمن طويل.
      طلع راكان واستانس ما نقفط وراح لفهد :فهيد وجع ويش له تنكبني وتروح ؟ها ليه ما كملت .
      فهد:مناك بس ما ادري اصلا انت كيف طلعت من عندهم من دون سين وجيم؟
      راكان:ههههههههههه فاتك كذبه كذبه ما ادري شلون خطرن على بالي ههههههههه، تخيل قلت لهم عشان في مشروع تطوعي لمرضى القشل الكلوي ههههههههه
      فهد:ههههههههههه يقطع ابليسك يا ركون والله يطلع منك ، الا صدق ما دريت؟
      راكان:اعجبك ههههههههه ، لا قول ويش فيه جديد؟
      فهد:عمي ابو عبدالعزيز بيجي باكر هو واهله يلعن عمر وكذبته ولازم اروح اجيبهم من المطار لاه مو جاي بالسيارة والحين لازم تجهز نفسك لعمك وكلامه لما يكون معصب وبيعطينا محاضره طول بعرض.
      راكان:يااالله مو وقته ، لحظه قلت للأهل عن عمي عبدالعزيز وجيته؟
      فهد:يوووووووه نسييت، يالله بروح اقول لهم .
      راكان بنذاله:اكيد بتنسى وانت كل همك وشلون تنحاش من العائله الفاضله وتهج .
      فهد:ههههههههههه ، ضربه فهد بالمخده وقال: توكل بس قدامي ، بقولهم قبل لا انسى.
      راكان:ايه ما شاء الله عليك ذاكرتك ممسوحه الله يخلف عليك.ههههههههههه
      فهد:ههههههههه ما تضحك دفه مع كتفه :تقلع من قدامي اشوف.
      راكان:ابوي متى بيطلع باكر؟
      فهد:عالساعه١٠ الصباح ليه؟
      راكان:على خير ان شاء الله، بس الحمدالله يجي قبل ما يوصل عمي تبوك .
      فهد:ايوالله
      اليوم الثاني  الساعه٨ الصباح
      قال فهد:يمه بيجي ضيف له زمان ماشفناه خليهم يصحون بروح اجيبه انا وراكان واجي ، واذا جينا لاحد يكون نايم منهم ، وجهزوا القهوة والشاي والله الله بالبخور والحركات
      ام فهد: حياه الله يمه المكان مكانه، مير ما قتلي منهو؟
      راكان:بتعرفين يا عمه ي الله فهد تأخرنا على الرجال .فهد كان يتكلم بصوت واطي مع عمته اللي بحسبه امه ام فهد اللي هي ام راكان:ياعمه والله ضيف بنروح ونجي.
      ام راكان:فهيد تراك خبز ايدي رايحين تجيبون ابوكم صح؟
      فهد توهق:لا يا عمه بنروح نجيب ضيف.
      ام راكان:ايييه قلت ضيف اجل رح لا تبطي بشوف ضيفك .
      فهد ضحك:ابشري
      وراحوا والبنات ماخذين وضعيه اللي بيجيهم ضيف 
      يمه نكشخ ولا لا ، نسوي حلا ولا نشتري ومن هالسوالف.
      عالساعه٩ ، ام راكان:ها يبنات خلصتوا القسمين الحريم والرجال .
      رؤى:ولله الحمد ،ها نكشخ ؟
      ام فهد:قال ضيف مو ضيفه .
      ام  والابتسامه منورة على وجهها:خليهم يكشخون، ايه يمه روحوا اكشخوا.
      ام فهد:بكيفكم ، بس ترا امركم عجيب انتي وفهد بس تتساسرون ومن بعدها بس تتبوسمين.
      ام راكان:ايه لاني عرفت الضيف يا خيه .
      ام فهد:هاه عرفتيه قولي يا خيه الفضول اكل قلبي.
      رؤى:ايوالله من الصباح وبموت من الفضول من الضيف؟
      ام راكان:بقولكم لكن يا ويلك يا رؤى ان دروا البنات تراها مفاجاة ابوك مسويها ، الضيف هو ابو فهد فهمتوا.
      رؤى:شوي واصيح من الونااسه.
      ام فهد:رجلنا ، متوكده؟
      ام راكان: ايه رجلنا والله متوكده.
      ام فهد:يالله لك الحمد والشكر ودمعت عيونها .
      رؤى:بروح اسوي بسبوسه ابوي يحبها .
      وراحت ،ام فهد:يا خيه وشلون يرخصون له ونحن عنده قبل امس وما كان صاخي ولما صحا بيطلعونه؟
      ما فهمتي السالفه!
      ام راكان:لا ياخيه ما فهمت اذا جو يحلها ربك ..اساليهم وهم يجاوبونك .

      عالساعه١٠ جا ابو فهد ودخل المجلس وكلهم كانوا مجتمعين فيه اللي اجمعوهم ام فهد وام راكان،
      :ياولد ، غريبه مالهم حس.
      سمعه عيسى:صوت ابوي بروح اتاكد .
      طلع من الظيوانيه وشاف ابوه بالحوش يمشي على عكاز واخوانه معاه جايين بصوبه،
      عيسى، :هلاا بالغالي وراح يسلم على ابوه ، كيفك يابوي
      ابو فهد:هلاا بولدي المشكلجي، بخير يابوك ، انتم كيفكم ؟
      عيسى:عساه دايم يا بوي، نحن بخير .
      ابو فهد: وراكم مالكم حس؟
      عيسى رفع صوته عشان يسمعونه ويتجمعون عنده:
      كلنا بالديوانيه كنا ننتظرككك .
      اللي بالديوانيه سمعوا عيسى وعرفوا صوت ابوهم وجري يتسابقون لين وصلوا له، ويسلمون عليهم والحريم شوي ويبكون .
      ابو فهد جلس بالديوانيه:الا قولوا لي كيف اخباركم وشعلومكم .
      ام فهد:بخيير نسال عنك.
      ابوفهد:انا بخير فضل من ربي.
      ام راكان:راكان قهوي ابوك،
      راكان:ابشري يمه .
      وقعدوا سوووااالف وضحك .
      ابو فهد:ها ويش اخر بلاويكم انتم الثلاثه،
      كان يأشر على فجر وعيسى وموسى.
      كلهم:ههههههههههه ههههههههههه
      ام راكان:بلاااك ما تدري ويش صار امس الساعه ١٠ بالليل.صار شي يسود الوجه
      فهموا قصدها وضحكوا كلهم ما عدا ابو فهد وفجر بقلبها تقول والله جنازتي اليوم لو ابوي درى'.
      ابو فهد:يا سواد الوجه انت وياه ويش مهببين وكان يأشر على عيسى وموسى.
      ام فهد:لا يا بو فهد هالمره عيسى وموسى طالعين منها ، البلا من اللي بجنبهم فجير قولي ويش سويتي امس.
      ابو فهد:فجر ، وبصوت الابوه الدافي ويش سويتي يابوك ، ولما شاف نظرة الرهبه والخوف بعيونها :لك علي ما ألمسك ولا اسوي لك شي ، قولي ولا تخافين.
      فجر لسانها انعقد مو قاظره تنطق ، من الخوف اللي تحسه نست شلون تنطق.
      ام راكان:انا اقولك ،وقالت له ......
      لما خلصت وابو فهد ما شال عينه عن فجر بقلبه:كل هذا خوف على شي صغير ،صح اللي سوته غلط بس مو لهالدرجه تخاف كنها قاتله حد' وقال بصوت عالي عشان يطمنها:ما دام ربي جاب العواقب سليمه كل شي يهون وعادي ولا كنه صار شي ، ولا هو شي  يسوى تزعلون اميرتي عليه.
      ارفعت فجر راسها وراحت عند ابوها وباست راسه ولفت عليهم وابتسامه الانتصار على شفتها ، ونظره المكر تناظر بالبنات والعيال .
    9. waf'a
      12-06-2019, 11:51 PM

      رد: لو طال الصمت وقسيت ،محفور فيني لو أبطيت.

      لو طال الصمت وقسيت ،محفور فيني لو أبطيت.


      شكراااااااا ، واكيييد بكمل دامها اعجبتك.
    10. عسولةة
      13-06-2019, 02:27 PM

      رد: لو طال الصمت وقسيت ،محفور فيني لو أبطيت.

      لو طال الصمت وقسيت ،محفور فيني لو أبطيت.


      تجنن الراويه
      يلا كملي منتظرتك انا
    12