دجاج تكا

الأرز واللحوم والدجاج والاسماك والمكرونات والمحاشي والأطباق الساخنه ارسال إلى Twitter ارسال إلى facebook
  1. ميرو ،
    07-06-2019, 04:01 PM

    دجاج تكا

    دجاج تكا


    دجاج تكا


    دجاج تكا



    دجاج تكا





    دجاج تكا
    *******


    هنتبل الدجاجه ونتركها فى التتبيلة ليلة كاملة
    التتبيله
    1 بصله مبشورة ناعم
    8 فصوص توم -
    ملح - فلفل اسمر-م كارى -م كركم-م جنزبيل بودرة-م زعتر
    1 م توم بودر+1 م بصل بودر
    ربع معلقة سكر
    معلقتين صلصة
    1 م كاتشب
    عصيرليمونه
    معلقة كبيرة خل
    3 م زيت زيتون
    علبه زبادى
    الطريقه
    دجاجه مغسولة كويس جدا طبعا ومقسومة نصين بالطول ومنزوع منها الجلد,ونشقها بالسكينة كذا شق ونتبلها بالمكونات السابقه بعد خلط كل المكونات جيدا مع بعضهاونغلفها ونتركها فى التلاجة لمدة ليله
    وتانى يوم اشويها ع الفحم او اللى معندوش شوايه يشويها ع شبكه ف الفرن الفرن يكون ساخن مسبقا و الحراره عاليه نضع في الرف السفلي للفرن صينيه كبيره فيها ماء و نحط في الميه عود قرفه و اربع حبات هيل و ورقتين لوراثم نضع الدجاج علي الشبكه في الرف
    الاوسط للفرن
    ( الحمام المائي علشان الدجاج مينشفش قوي و يوزع الحراره و البهارت الصحيحه في الميه لتعطي رائحه و نكهة حلوه ) بعد نص ساعه نبدأ نقلب الدجاج علي الجهة الأخري وكل ربع ساعه تقريبا نقلب الدجاج علي الجهة الأخري حتي تتوزع التسويه هتأخذ بالفرن ساعتين في الأخر هتكون متحمره و مستويه كويس و لو حابه تزيدي التحمير اكتر ولعي عليها الشوايه ثواني فقط
    أرز تكا المبهر
    **********
    المكونات
    نص كيلو رز بسمتى مغسول ومنقوع ربع ساعة في الماية
    -وهنحيب حلة ونحط فيها فصين توم مفرومين ناعم مع قرن فلفل احمر حامي مقطع صغير وتشوحهم في زيت بسيط لحد ما ريحتهم تطلع ننزل معلقة كركم ومعلقة كاري ومكعب مرقة و3 فصوص حبهان وورق لورا ونقلبهم كويس ونحط الرز ونقلبه معاهم وبعدين ننزل بمقدار الماية السخنة ونحط ملح وتسيبة يستوي
    التومية
    *******
    معلقه مايونيز
    -3فص ثوم
    4 معالق طعام زيت ذره
    3 نقاط عصير ليمون
    نص معلقه ملح
    3 معالق طعام نشا (كورن فلاور)
    ثلاث ارباع كوب ماء
    الطريقه
    يذاب النشا في الماء ويوضع على نار خفيفه ويغلي 3 دقايق فقط لحدل لما يتماسك شويه زي المهلبيه وهيصبح لونه شفاف ارفعيه من على النار واتركيه يبرد وبعدين نضع الثوم المهروس والملح والمايونيزفي الخلاط مع عصير الليمون والنشا المطبوخ ونخفقه واثناء الخفق نضيف الزيت على هيئة سرسوب لحد لما تحصلي على الثوميه ولونها بيتحول لابيض ناصع وقوامها كريمي نسيبها في الثلاجه شوية قبل التقديم علشان الطعم يظهر.
    والف هنا وشفا.
  2. سوكرا
    07-06-2019, 11:30 PM

    رد: دجاج تكا

    دجاج تكا


    يشششهي مره
    تسلممم هالانامل ياعسل
  3. ميرو ،
    08-06-2019, 08:52 PM

    رد: دجاج تكا

    دجاج تكا


    نورتي ،
    .......................