#مقابلة_معيد 2

ملتقى المعيدين والمحاضرين، ملتقى الدراسات العليا، أخبار الدراسات العليا، أساسيات البحث العلمي ارسال إلى Twitter ارسال إلى facebook
  1. " NOUR 3INY "
    31-05-2019, 06:02 AM

    #مقابلة_معيد 2

    #مقابلة_معيد 2


    السلام عليكم ورحمة الله وبركاته

    تحيه طيبه للجميع
    هالموضوع إستكمال لموضوع #مقابلة_معيد

    ج نجران "شعبان 1440"

    كان إختبار تحريري بعد كذا ترشيح للمقابله، ومع إعلان ترشيح المقابله كانوا طالبين برزنتيشن في آحد المواضيع
    وكانت المقابله مع عميد الكليه واحد اعضاء هئية التدريس بالقسم

    طبعا كالعاده عرفنا بنفسك وبعد كذا بديت في العرض، وآثناء إلقاء العرض عميد الكليه كان يحرك بيده بمعنى إنه ( بسرعه ) هنا جاتني ربكه وبديت آشطح في الشرائح
    بعدها طيب يا عبدالعزيز تفضل، قلت خلصت المقابله.! قال إي تقدر تتفضل

    معايير المفاضله :
    70% معدل - 30% قدرات الجامعيين

    ج الباحه :

    المقابله بصراحه كانت ممتعه، لدرجة شطحت في السوالف ومن كذا قلت

    المشاركة الأصلية كتبت بواسطة
    ذاكروا سواليفكم اللي بتقولونها في المقابله
    طبعا هالمقابله كانت تبع برنامج الابتعاث المنتهي بالتوظيف بعد الدكتوراه (بعثتك وظيفتك)

    المقابله كانت مع عميد الكليه، ووكليها، ووكيل الكليه للجوده والاعتماد الاكاديمي، طبعا آثناء مادخلت كان آسمي بالكشف وفي معدلي والقدرات الجامعيين
    وطلب العميد آوريهم درجة القدرات من الموقع<< وش دعوه مافي ثقه يعني.!

    بعدها طلبوا آعرفهم بنفسي، وذكرت لهم إني آدرس الماستر وقدمت لهم إفاده وكان في هالافاده الساعات المكتسبه والمعدل
    بعدها كان رد العميد

    ليش قدمت على إبتعاث الماجستير وأنت تدرس هنا ماجستير.! كذا راح تأخذ فرصة غيرك؟
    قلت أبدا دراستي شئ، والابتعاث شئ ثاني.! الابتعاث برنامج منتهي بالتوظيف وهنا فقط دراسه، فالواحد يستغل جميع الفرص المتاحه ويختار الافضل

    بعد كذا المقابله كانت ع نمط سوالف، واللي لخبطني ذكرت لهم موقف قديم شوي، وانا آذكر لهم الموقف أقطع كلامي، و أتذكر حاجه زليتها وماذكرتها
    تقريبا سالفتي للموقف، كلها أيوه صح أيوه صح، ومن كذا قلت ذاكروا سواليفكم اللي بتقولونها

    بعددها وآنا خارج قلت بالنسبه للإفاده أتمنى إنها ماترفع للوزاره إذ رشحتوني ورد علي العميد ليش.! الواحد لازم يكون صريح
    وبدايته تكون واضحه وملتزم بالنظام، والا ليش قدمتها لنا

    قلت قدمتها عشان أبين لكم جديتي بالدراسه وتأخذون خلفيه عن مستواي، وبالنسبه للوزراه فماكان من ضمن شروطها
    إنه مايكون طالب دراسات عليا.! في حالة كان من ضمن الشروط، أكيد بكون واضح وملتزم بالنظام.!

    أبتسم قال تفضل ...

    وتقريبا هذي كانت طابع الاسئلة في مقابلاتي، ومن تجارب غيري بالمقابلات بعضهم يتطرقون للنقاش معاك في مواضيع إجتماعيه
    مثلا إنطباعك عن قيادة المرآه ؟ تكلم عن رؤية 2030 ؟ وغيرهم




  2. مزوون
    31-05-2019, 07:05 AM

    رد: #مقابلة_معيد 2

    #مقابلة_معيد 2


    ماشاء الله عليك شرح مفصل ..

    جزاك الله خير والله يكتب لك ماتتمناه ..
  3. ShahrzaD
    03-06-2019, 06:22 AM

    رد: #مقابلة_معيد 2

    #مقابلة_معيد 2


    ماشاء الله
    الله ينولك مرادك ويديم حماسك.
  4. طير القوافي
    17-02-2020, 11:15 AM

    رد: #مقابلة_معيد 2

    #مقابلة_معيد 2


    موضوع جميل والله يوفقك
    وباذن الله إذا مستمر في بحثك عن هالوظيفه كامعيد بإذن الله توصل لها
    شوف انا كنت مثلك أسعى ان أكون معيد ونظرا لكون لدي اخوين كلاهما معيدين في الجامعة كنت متحمس ان اصبح مثلهم وأفضل وكانت تخصصاتنا متقاربه ولكن مع الوقت والانتقال الوظيفي من قطاعات مختلفه خاصه وحكومية ايقنت ان مهما سعيت لشيء لن يأتي الا ماكتبه الله لك والحمدلله .