ان كان غيري جاز لك في غيابي .... غيرك تعنى لي وانا صديته

قصة كاملة - رواية كامله جميلة للكاتبه
  • ارسال إلى Twitter
  • ارسال إلى facebook
  • ارسال إلى google plus
    1. Angeell9331
      14-03-2019, 01:11 AM

      ان كان غيري جاز لك في غيابي .... غيرك تعنى لي وانا صديته

      ان كان غيري جاز لك في غيابي .... غيرك تعنى لي وانا صديته


      البارت الاول

      لعل تسبيحة تسعدك، ترزقك وتفتح مغاليق قلبك، سبحان الله وبحمده سبحان الله العظيم.

      نبتدي الروايه وبسم الله الرحمن الرحيم


      أحبك وأحب اللى يحبك وأحب الحب أن حبك ولو الحب ما أحبك يلعن أبو الحب وأحبك☹️


      ..........


      في احد القصور الافخم ف السعودية ..... فيه بنت تجهز عمرها واقفه قدام المرايا وتحط الروج الوردي على شفايفها التوتيه وتدعي ربها ان صديقتها ما تكون معصبه لانها تتنتظرها من خمس دقايق.... بحركه سريعه لبست عبايتها ولبست شوزها الاحمر ولفت شيلتها على شعرها باهمال بس كانت توووب ف الجمال
      نزلت من الدرج بسرعه وكانت بتزلق بس تمسكت بالدرج

      نادتها امها بصوت عالي: بشويش يا بنت ماهو طاير السوق...الله يهديك بس
      باست راس امها وطلعت تركض برا

      ودعت ربها ما تذبحها صديقتها .... : يارب ما تكون معصبه وتقطعني وترميني عن الكلاب ..... صديقتي واعرفها كله ولا احد يتأخر عليها

      سمت باسم الله وتشهدت وفتحت الباب الخلفي وجلست ورا السايق

      وسكرت ذنونها وغمضت عيونها وجلست تنتظر صديقتها متى بتبدى بالكلام

      بس شافتها ساكته ابد ما تكلمت .... وفتحت عيونها ووخرت ايديها عن اذونها وشافت من وين جالسه صديقتها ... شافتها تناظرها والشرار يطلع من عيونها

      صديقتها بعصبيه : لو ما شرفتي يا هانم كان بعدك اخذتي ساعه زياده ..... والله ثم والله لو تأخرتي دقيقة زياده يالريم ما تلومين الا نفسك .... هذي المرة بسامحك لانه ابي احد يطلع معي ..... لكن وربي اذا تأخرتي بعد هذي المرة بسير عنك حتى لو جلستي تترجيني ما بستناك

      نروح لشعور الريم اول ما بدت صديقتها بالكلام غمضت عيونها وخافت من جد لانه صديقتها كانت من جد معصبه

      الريم : وربي اسفه يا دانه ... اخر مره سامحيني بس والله نسيت موعدك وغطيت بالنوم ..... وما فقت غير بأتصالك .... حتى كنت بزلق من الدرج بس ربي ستر وعطاني عمر.....

      ما سمعت غير بضحكه ... كانت اول مره تسمع الصوت .... قبل فكرت دانه تضحك بس هذا صوت رجالي وخشن ...
      الريم فنفسها : والله مو ناقصه احراجات .... يكفي منازعات دانه يجيني هذا بعد....يارب ليش ما خليتني ازلق من الدرج وادخل فغيبوبه كنت رح ارضى بالقدر

      ما سمعت غير صوت دانه تناديها :: ريمووووه ووجع وين شردتي ساعه اناديك

      الريم : هااه
      دانه: من قال هاه سمع.... وين رحتي خلاص مسامحتك هالمره ...بس لا تعوديها المره الثانيه

      الريم بأحراج : احممم...طيب

      دانه : يالله غازي حرك
      غازي بعصبيه: خير سايقك تعطيني اوامر احرك او لا؟

      دانه بخوف:اسفه وربي بس شفتك ما تحركت

      شافها بنظره سكتتها وحرك السياره
      اما الريم وما ادراكم ما الريم ..... احراج+خوف من عصبية دانه+وخوف ومن عصبية غازي
      الريم ف قلبها: ياربي وش ذي الحاله انا ناقصه هذا بعد... لكن انا بوريك يا دانوووه تكذبي عليي وتقولي بنسير مع السواق... ياربي فيني صيحه من الاحراج

      وقفت السياره عند الموول

      وقبل لا تنزل الريم ودانه

      غازي لدانه : اسمعوا انتوا انزلوا الحين وانتظروني عند البوابه .... بسير ادور موقف ... لانه المكان زحمه وصعب الاقي موقف.... دقيقة وبكون عندكم .. طيب؟؟

      دانه : طيب.... يلا ريمووو نزلنا

      الريم بصوت منخفض:طيب

      نزلت دانه والريم وراحوا يستنوا غازي عن البوابه مثل ما قال

      الريم بعصبيه: دانوووه يالحماره ليش تكذبي وتقولي السواق بيجي ....زين كذا احرجتيني عند اخوك .... والله كنت ببكي بس مسكت عمري

      دانه: وربي اسفه يا ريم .... السواق مشغول عند امي تدرين عرس اخوي محمد قرب ... وتريده يروح يشتري اغراض ... وربي نسيت اخبرك انه غازي بيودينا السوق

      ريم: طيب مسامحتك بس لا تكرري هالحركه مره ثانيه
      دانه بحب : من عيوني يا عيوني
      الريم: تسلم عيونك يا قلبي

      شافوا من بعيد غازي مقرب صوبهم
      الريم فقلبها : افف وهذا بعد ان شاء الله بيمشي معانا

      غازي:هاه نروح
      دانه : ايوه يالله
      اما الريم كانت طول الطريق ساكته....


      ستووووووووووووووب ????
      ناخذ استراحه بسيطه ونعرف بالشخصيات????



      رايكم يا حلووين
      250*300 Second
    2. Angeell9331
      25-03-2019, 11:34 PM

      رد: ان كان غيري جاز لك في غيابي .... غيرك تعنى لي وانا صديته

      ان كان غيري جاز لك في غيابي .... غيرك تعنى لي وانا صديته


      البارت الثاني

      ***

      مجنون في حبك ومجنون طاريك
      طيفك يزور الروح في كل لحظه

      اهوجس مع نفسي وكني احاكيك
      لا شفت اسمك زاد ف القلب نبضه




      تعريف الشخصيات

      الريم: بنت حلم كل شاب .... تنحط على الجرح يبرى... ذكيه وطموحه  وفوق هذا جمال رباني وطيبة بس ابد ما تسكت عن حقها.... حساسه شوي لكن تحاول تظهر قوتها بأي طريقه...دلوعة اخوها طلال ....ابوها متوفي بحادث لما كان عمرها ٧ سنوات .... بشرتها بيضا وعيونها وسيعه ومكحلة ...شفايفها توتية وصغيرة ....طويله شوي ... اما جسمها لا هو سمين ولا نحيف يعني بالمختر جسمها جنان... وشعرها حرير لاخر ظهرها ... عمرها ٢١ .... تدرس فجامعة سلمان تخصصها انجليزي....وبس????


      ام طلال: اسمها حصه طيوبه وتهتم بالريم كثير عمرها ٤٠ مملوحه شوي

      دانه: صديقة الريم من ايام الطفوله احلى ثنائي ... يبكون مع بعض ... يفرحون مع بعض.... عمرها ٢١...تدرس فجامعة سلمان وتخصصها انجليزي .... قوية ومو دلوعة مثل الريم...تجنن بشرتها بيضا وشعرها لنص ظهرها عيونها وسيعة .... بالمختصر تووب ف الجمال ... بس ما توصل لجمال الريم

      غازي: اخو دانه .... عصبي ... ويحاول ما يظهر طيبته ... كل شي ولا الدموع ... يموت ولا يشوف دمعة بنت... قليل يبتسم.... عمره ٢٦ .... يشتغل فشركة ابووه.... اما من ناحية جماله .... فيطيح الطير من السما...ملامحه رجوليه .... شعره اسود كثيف لاخر رقبته... اكثر شي محليه السكسوكه.... عيونه وسيعه ... كل البنات يتمنون منه نظره وحده.... ارمل ... زوجته وحب حياته متوفيه.... عنده ولد اسمه اسمه ذياب ... يموت فيه ... ويعشقه.... وطارد فكرة الزواج من باله

      نرجع للاحداث:

      دخلوا الثلاثه المول... طبعا البنات منجنيين على غازي....

      دانه : غازي احنا بندخل محل الفساتين

      غازي : طيب انا بستناكم فالكوفي ... اذا خلصتوا ...خبروني
      دانه : طيب

      راحوا دانه والريم لمحل الفساتين وكانت انظار غازي عليهم

      دانه: وااااااو ريمووه شوفي هالفستان وشرايك اشتريه

      ريم: امااا ... روعه ... وبيطلع عليك يجنن

      دانه: خلاص انا بشتري هذا

      كان الفستان يخقق ... لونه احمر ... يوصل للركبه ... فتحة الصدر وسيعه شوي ... وف الجنب ورده لونها اسود وحزام اسود طبعا من فوق ضيق ... وبعدين يجي منفوش ... بالمختصر كان الفستان روووووووعه

      اما ريم اشترت فستان بسيط بس حلو لونه ازرق ... من الصدر كان فيه لمعه.... يوصل لاخر الركبه ... وحزام ابيض

      راحوا للمحل الثاني ... اشتروا شوزات
      طبعا دانه اشترت شوز اسود
      اما الريم اشترت شوز ابيض

      راحوا لمحل الاكسسوارات.. اشترت دانه اسوره احمر واسود وساعه لونها اسود ... وعقد اسود
      اما الريم اشترت اسوره لونها ازرق وعقد ابيض

      وفطيريقهم لغازي شافوا اثنين شباب وراهم

      الشاب الاول: اموت على الذوق...الرقم يا حلو ...يقصد الريم
      الشاب الثاني : بالله شف اللي جنبها ... اخخ بس ..وطبعا يقصد دانه

      طبعا دانه وريم شعورهم الخوف ... طبعا دانه كانت تريد تتصل بعازي لكن جا الشاب الثاني وسحب منها التلفون ..

      الشاب الثاني: افاا تريدين تجحدين فيني
      دانه بخوف: خير انتوا وش تبون... عطني التلفون وتوكل...ترى والله بنادي الامن

      اما الريم كانت تبكي
      الشاب الاول : ليش الحلو يبكي.. ارووح فدوه لهالعيون

      جا صوت من وراهم:
    3. Angeell9331
      26-03-2019, 12:37 PM

      رد: ان كان غيري جاز لك في غيابي .... غيرك تعنى لي وانا صديته

      ان كان غيري جاز لك في غيابي .... غيرك تعنى لي وانا صديته


      تكملة الروايه في الصفحه الثانيه
    4. Angeell9331
      26-03-2019, 12:38 PM

      رد: ان كان غيري جاز لك في غيابي .... غيرك تعنى لي وانا صديته

      ان كان غيري جاز لك في غيابي .... غيرك تعنى لي وانا صديته


      سبحان الله وبحمدك