ان ذبحنا الوصل ولا ذبحنا الغياب








نصف الأفكار ورث ونصفها اكتساب
ونصفها شي حرام ونصفها شي عيب

ان ذبحنا الوصل ولا ذبحنا الغياب
يا الله اني دخيلك من رداة النصيب

الغلا اللي بلا رأفه ورحمة جناب
يشعل القلب نار ويشعل الراس شيب

يضحك الما علينا لاطردنا السراب
مثل مايضحك الواثق من المستريب

ضمني لو بعدك العمر كله خراب
فيني من الوله طفله وكهل وغريب

قبل اعرفك احسب لكل حاجه حساب
وبعدك أيقنت ب ان العمر حظ ونصيب

شوف كفي نبت فيها من الشوق باب
تنبض أذني يبو الصوت الرحيم الرحيب

من فطام الجهل حتى بلوغ الكتاب
وانت من بينهم ماتذكر الا .. بطيب

ليت ماني من اللي يركبون الصعاب
ليتني جرح فذراعك ولاله .. طبيب

يقرب القرب ولا يغرب الاغتراب
والله انك الحبيب ووالله انك القريب
.
.



الشااعر / سعد علوش .