حارت الكلمات

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. علي السلامي
      18-01-2019, 01:01 AM

      حارت الكلمات

      حارت الكلمات


      حارت الكلمات في وصفك وغنا
      خادمك يا دار سلمان الابيه
      وارتحل طرقه على هجنن مضنا
      تحمل الحب الوفي لك والتحيه
      خادم البيتين يا حامي وطنا
      يا مليك العرب و الكف السخيه
      والكلام اللي كلامن ما يثنا
      كلمتن ينطق لسانه منتهيه
      راية التوحيد ما عنها انتونا
      يا زعيم المجد يا راع الحميه
      سيدي سلمان لك حنا وحنا
      الرجال اللي عزوم ومقدريه
      وان رفع راسه عدوك ثم تثنا
      نقطع الراس الملي بالعنجهيه
      نرسل المرسال بالسيف المحنا
      تشهد العين الخبر والنار حيه
      يا بليغ العلم والفعل المغنا
      يا طبيب المشتكي العله العصيه
      علم اللي فاقدن عقله وظنا
      طول بال الليث عنه معجزيه
      لا اعتزى سلمان اخو نوره دعنا
      العزاوي اللي تناقلها العذيه
      نحتميها ارض العروبه اللي سكنا
      ندحر اللي طامعن باليعربيه
      وان بدى طعن الشباري ما وهنا
      لين نرويها عطاش الصيرميه
      كم نصانا شيخ قومن ثم زبنا
      واستردينا حقوقه له وفيه
      كم حمينا بنت شيخن وانتهنا
      عن مظالمها النفوس اللي رديه
      يا صغيرن من صغاره جاهلنا
      العرب حنا الهداة المقتديه
      بالكتاب المنزلا وحين وسنا
      دعوة الرحمن مع سنة نبيه
      وارثين اهل المكارم ووارثنا
      من مكارمها الصحابه المهتديه
      فعل خالد والمغيره و المثنا
      قادة اليرموك ويا القادسيه
      باسنا يفزع قلوبن انكسنا
      من ثياب اهل الدناوه والخزيه
      ناشد العدوان والتاريخ عنا
      كم خصيمن انكسر ما نال شيه
      خاين الاوطان لك منا المسنا
      يبتر اللي مغوين قلبك وغيه
      والكلاب اللي مع الباطل عونا
      ما لها غير المخازي له مطيه
      تركبه ساعه وساعه ينكسنا
      تركب اللي هي خزيه المختزيه
      250*300 Second
    2. * فجر *
      19-01-2019, 12:16 PM

      رد: حارت الكلمات

      حارت الكلمات


      بوح جميل استاذ علي
      كلمات تلامس الوجدان ..
      دمت و دام مدادك

      تحياتي العطره لحضرتك .
    3. علي السلامي
      19-01-2019, 02:57 PM

      رد: حارت الكلمات

      حارت الكلمات


      المشاركة الأصلية كتبت بواسطة * فجر *
      بوح جميل استاذ علي
      كلمات تلامس الوجدان ..
      دمت و دام مدادك

      تحياتي العطره لحضرتك .
      اشكرك لا عدمتك ربي يحفظك